Tag: عمران خان پر تنقید

لاہور: وزیراعلیٰ پنجاب شہباز شریف نے کہا ہے کہ عمران خان کو جھوٹ نہیں بولنا چاہیے،عمران خان نے اب تک 35 ارب روپے کی کرپشن کے دعوے کیے لیکن ثبوت آج تک پیش نہ کرسکے، مجھ پر لگائے گئے الزامات میں صداقت نہیں، ان کے الزامات کا جواب نہیں دوں گا اور عمران خان پر 26 ارب روپے ہرجانے کا دعویٰ دائر کروں گا۔

عمران خان کی جانب سے کرپشن کے الزامات کے بعد لاہور میں پریس کانفرنس کرتے ہوئے وزیراعلیٰ پنجاب نے کہا کہ جھوٹ کی انتہا کردی گئی ہے جاوید صادق کو میرا فرنٹ مین کہا گیا، کچھ کاغذات دکھائے گئے، یہ بات سن کر میں اسلام آباد سے بھاگا بھاگا یہاں آیا تاکہ حقائق بتا سکوں، مجھ پر کرپشن ثابت ہوجائے تو 20 کروڑ عوام کا مجرم ہوں گا۔

یہ پڑھیں: شہباز شریف کے فرنٹ مین جاوید صادق نے ٹھیکوں سے اربوں کمائے، عمران خان

انہوں نے کہا کہ سچی اور کھری بات کی جائے، خان صاحب آج تک 35 ارب روپے کی کرپشن کے دعوے کرچکے لیکن ثبوت پیش نہیں کیے، میں نے کوئی کرپشن نہیں کی، اگر میری بات غلط ثابت ہوجائے تو قیامت کے دن منہ دکھانے کے لائق نہ ہوں، مجھ پر جتنے الزامات عائد کیے گئے اس میں سے کسی کا بھی ثبوت پیش نہیں کیا گیا۔

اس موقع پر انہوں نے اپنے ترقیاتی منصوبوں کی تفصیلات پیش کیں اور اس میں بچائے گئے اربوں روپے کی تفصیلات پیش کیں اور کہا کہ قوم کے اربوں روپے بچائے گئے کرپشن کہاں ہے؟

انہوں نے کہا کہ سال 2014ء کے دھرنوں میں بھی پاک چین دوستی کو نقصان پہنچانے سے گریز نہیں کیا گیا،چین کے صدر کا دورہ پاکستان پی ٹی آئی کی وجہ سے ہی منسوخ ہوا، ہم پاکستان کا خزانہ بھرنے کے لیے چینی حکام سےملاقاتیں کرتے ہیں ، دھرنوں کی وجہ سے سی پیک کا اعلان 2014ء کے بجائے اب کیا گیا۔

یہ بھی پڑھیں:دھرنا دینے والے سی پیک اور ملکی ترقی کے خلاف ہیں، شہباز شریف

انہوں نے کہا کہ پانامالیکس کا معاملہ سپریم کورٹ میں ہے لیکن پھر بھی تحریک انصاف دو نومبر کو اسلام آباد بند کرنے کی ناپاک سازش کرچکی ہے۔

اسی سے متعلق: دھرنا دینے والوں کی ہوا نکل چکی ہے وزیراعلیٰ پنجاب شہباز شریف