Tag: عمران خان پر قاتلانہ حملہ

لاہور : جوائنٹ انویسٹی گیشن ٹیم نے عمران خان پر قاتلانہ حملے کے روز کی اہم سی سی ٹی وی فوٹیج حاصل کرلی۔

تفصیلات کے مطابق پاکستان تحریک انصاف کےچیئرمین عمران خان پر قاتلانہ حملے کی تحقیقات جاری ہے، جے آئی ٹی نے حملے کے روز شام 4:53 سے 6:30 بجے تک تھانے کی سی سی ٹی وی فوٹیج حاصل کرلی۔

،ذرائع نے بتایا کہ ملزم نوید نے 4 بجکر 7 منٹ فائرنگ کی اور ملزم نوید کو4بجکر 14 منٹ پر گرفتار کیا گیا۔

ذرائع کا کہنا تھا کہ ملزم کو کباڑ خانے سے گرفتار کرکے یس ایچ او شہباز ہنجرہ کے حوالے کیا گیا، جس کے بعد ملزم نوید کو ساڑھے 6 بجے سی ٹی ڈی کے حوالے کیا گیا۔

یاد رہے جوائنٹ انوسٹی گیشن ٹیم نے عمران خان پر قاتلانہ حملہ کرنے والے ملزم نوید کے قریبی رشتہ دارسے پوچھ گچھ کرکے ملزم کی ماضی سے متعلق معلومات حاصل کی تھیں۔

اس سے قبل جے آئی ٹی کی مشترکہ تحقیقاتی ٹیم نے ملزم نوید سے حالات و واقعات پر پوچھ گچھ کی تھی، ملزم نوید نے جے آئی ٹی کو بیان میں کہا تھا کہ عمران خان لوگوں کو گمراہ کر رہے تھے، اکیلے ہی حملے کی منصوبہ بندی کی ہے، فائرنگ کے بعد کنٹینر سے دائیں گلی سے فرار ہو جانا تھا لیکن پکڑا گیا۔

گوجرانوالہ : ایس ایچ او تھانہ سوہدرہ امتیاز احمد کو عمران خان پر قاتلانہ حملے کے مقدمے کا تفتیشی افسر مقرر کر دیا گیا۔

تفصیلات کے مطابق وزیرآباد میں عمران خان پرقاتلانہ حملے کی تحقیقات جاری ہے ، ایس ایچ او تھانہ سوہدرہ امتیاز احمد کو مقدمے کا تفتیشی افسر مقرر کر دیا گیا ہے۔

تھانہ سٹی وزیرآباد میں تعینات ایس ایچ او سب انسپکٹر ہیں ، اے ٹی سی مقدمےکی تفتیش انسپکٹر رینک کا افسر کرسکتا ہے۔

ملزم کو کچھ دیربعد اے ٹی سی کورٹ میں پیش کیا جائے گا، پولیس ملزم نوید کے جسمانی ریمانڈ کی استدعا کرے گی۔

یاد رہے گذشتہ روز عمران خان پرقاتلانہ حملےکامقدمہ پولیس کی مدعیت میں درج کیا گیا تھا، ایف آئی آرمیں فائرنگ کرنیوالے نوید ولد بشیرکو ملزم نامزد کیا گیا تھا اور قتل، اقدام قتل اور دہشت گردی کی دفعات شامل کی گئیں تھیں۔

اسلام آباد : تحریک انصاف کے رہنما زلفی بخاری کی قیادت میں مظاہرین کا مرکزی شاہراہ پر دھرنا جاری ہے، کارکنان نیشنل ہائی وے پر آمدورفت روکے رکھیں گے۔

تفصیلات کے مطابق پی ٹی آئی کا فتح جنگ سے اسلام آباد کی جانب جانے والے راستے پر دھرنا جاری ہے، تحریک انصاف کے رہنما زلفی بخاری کارکنوں سمیت خیموں میں موجود ہیں۔

پپی ٹی آئی رہنما زلفی بخاری کا کہنا ہے کہ اٹک سے آئے کارکنان نیشنل ہائی وے پر آمدورفت روکے رکھیں گے اور عمران خان کی حقیقی آزادی کا مطالبہ پورا ہونے تک دھرنا جاری رہے گا۔

زلفی بخاری نے کہا کہ آئندہ نسلوں کوبہترپاکستان دینےکیلئےرات کےاس پہرسڑکوں پربیٹھےہیں،زلفی بخانوجوان فخرسےبتائیں گےکہ ہم نےحقیقی آزادی کی جدوجہد میں حصہ لیا تھا۔

ان کا کہنا تھا کہ اگلے3دن اپنےکارکنان کےساتھ یہیں گزریں گے، ہمارے حوصلے بلند ہیں،عمران خان کےساتھ آخری دم تک کھڑےہیں۔

پی ٹی آئی رہنما نے مزید کہا کہ سردراتوں میں دھرنااپنی ذات کیلئےنہیں ملک کی بہتری کیلئےہے، عمران خان نےعزت اورخوداری کاسبق سکھایااس سےپیچھےنہیں ہٹیں گے۔

دھرنےمیں کھانےکا بھی اہتمام بھی کیا گیا اور زلفی بخاری نےکارکنوں کےہمراہ کھانا کھایا۔

لندن: اووسیز پاکستانیوں نے شدید بارش اور سرد موسم میں عمران خان پر قاتلانہ حملے کیخلاف بڑا مظاہرہ کیا۔

تفصیلات کے مطابق لندن میں شدید بارش اور سرد موسم کے باوجود اووسیز پاکستانیوں نے عمران خان پر قاتلانہ حملے کے خلاف بڑا مظاہرہ کیا۔

پاکستانی ہائی کمیشن کےسامنے احتجاج میں پی ٹی آئی کے رہنماؤں کے ساتھ خواتین کی بڑی تعداد بھی شریک ہوئی۔

مظاہرین نے کون بچائے گا پاکستان ، عمران خان عمران خان، کے نعرے لگائے گئے۔

مظاہرین نے مطالبہ کیا ہے کہ وزیراعظم شہباز شریف اور وزیرداخلہ رانا ثنا اللہ فوری استعفیٰ دیں، پاکستان بھرکے عوام حقیقی آزادی کے لیے گھروں سے نکلیں، اس وقت نہیں نکلیں گے تو ایسا موقع پھر نہیں ملے گا۔

یاد رہے اسکاٹ لینڈ کے شہر گلاسگو میں عمران خان پر قاتلانہ حملے کیخلاف پاکستانی قونصل خانے کے سامنے اوورسیز پاکستانیوں نے احتجاج کیا تھا

اس موقع پرمظاہرین نےعمران خان پر قاتلانہ حملےکی شفاف اور غیرجا نبدار تحقیقات کامطالبہ کیا۔

اسلام آباد : تحریک انصاف نے عمران خان پر قاتلانہ حملے کیخلاف راولپنڈی اور اسلام آباد میں بھرپور احتجاج کا فیصلہ کرلیا۔

تفصیلات کے مطابق پاکستان تحریک انصاف نے راولپنڈی اور اسلام آباد میں بھرپور احتجاج کا فیصلہ کرلیا۔

احتجاج کی جامع حکمت عملی تیار کرلی گئی ہے اور عہدیداران کو ذمہ داریاں بھی تفویض کردی گئیں ہیں۔

مقامی قیادت اوراراکین قومی وصوبائی اسمبلی کی قیادت میں شہر کے داخلی وخارجی راستوں پر بھرپوراحتجاج کیا جائے گا۔

عمران خان کی کال پرآج4مقامات پربڑے احتجاجی مظاہرےکئےجائیں گے ، پی ٹی آئی کارکنان کچھ دیرمیں فیض آباد کے مقام پر بڑا احتجاجی مظاہرہ کریں گے۔

دوسرا بڑا احتجاجی مظاہرہ جی ٹی روڈ پر روات کے مقام پر کیا جائے گا جبکہ مری ایکسپریس وے پر سلکھیتر کے مقام پر بھی بڑے احتجاجی مظاہرے کی تیاریاں مکمل ہیں۔

جی ٹی روڈ ٹیکسلا کے مقام پر بھی بہت بڑا احتجاجی مظاہرہ کیا جائے گا ، تمام مقامات پر بھرپور احتجاج کیلئے انتظامی کمیٹیاں تشکیل دے دی گئیں ہیں۔

تحریک انصاف کی قیادت کچھ ہی دیر میں قافلوں کے ہمراہ احتجاج کیلئے نکلے گی۔