Tag: عمران خان پر قاتلانہ حملہ

لندن : اوورسیز پاکستانیوں نے عمران خان پر قاتلانہ حملے کیخلاف نواز شریف کی رہائش گاہ کے سامنے احتجاج کیا۔

تفصیلات کے مطابق لندن میں نوازشریف کی رہائش گاہ کے سامنےعمران خان پر قاتلانہ حملے کیخلاف احتجاج کیا گیا۔

مظاہرین نے شدید نعرے بازی کرتے ہوئے شہباز شریف اور راناثنااللہ سے استعفے کا مطالبہ کیا۔

دوسری جانب بریڈ فورڈ میں پاکستانی قونصل خانے کے باہر بھی اوورسیز پاکستانیوں نے احتجاجی مظاہرہ کیا،

مظاہرین نے عمران خان اور لانگ مارچ کے شرکا پر حملے کی مذمت کرتے ہوئے کہا عمران خان ہماری ریڈلائن ہے جسے عبور کیا گیا ہے، حملے کے پیچھے چھپے مقاصد اور عناصر کو سامنے لایا جائے۔

مظاہرین کا کہنا تھا کہ عمران خان پر حملہ کرنے والے ملزمان کو کیفرکردار تک پہنچایا جائے ۔

پشاور: معاون خصوصی اطلاعات خیبرپختونخوا بیرسٹرسیف نے عمران خان پر حملے کی تحقیقات میں وزیر داخلہ رانا ثنااللہ کو شامل تفتیش کرنے کا مطالبہ کردیا۔

تفصیلات کے مطابق معاون خصوصی اطلاعات خیبرپختونخوا بیرسٹر سیف نے ویڈیو پیغام میں عمران خان پر حملے کی شفاف تحقیقات کا مطالبہ کردیا۔

بیرسٹر سیف نے کہا کہ وزیر داخلہ رانا ثنااللہ کو شامل تفتیش کیاجائے، رانا ثنااللہ حراست میں لینے سے حملے کے محرکات سامنے آجائیں گے۔

معاون خصوصی اطلاعات کے پی کا کہنا تھا کہ واقعے کے فوری بعد ملزم کا اعترافی بیان جاری کرنا معنی خیزہے اور وزرا پریس کانفرنسز سوالیہ نشان ہیں؟

انھوں نے مزید کہا کہ عمران خان کو زخمی کرنا شیر کو زخمی کرنے کے مترادف ہے، شیر زخمی ہونے کے بعد مزید قوت کیساتھ شکار کی طرف بڑھتا ہے۔

بیرسٹر سیف کا کہنا تھا کہ عمران خان سے اظہار یکجہتی کے لئے پوری قوم سڑکوں پر نکلی، خیبرپختونخوا کے کارکن لانگ مارچ میں بڑھ چڑھ کر حصہ لیں گے۔

اسلام آباد : پی ٹی آئی رہنما شاہ محمود قریشی کا کہنا ہے کہ عمران خان کی ہدایت پریاسمین راشد کی مدعیت میں ایف آئی آر درج کرانے کا فیصلہ ہوا ہے۔

تفصیلات کے مطابق تحریک انصاف کے رہنما شاہ محمود قریشی نے اے آر وائی نیوز کے پروگرام باخبر سویرا میں گفتگو کرتے ہوئے کہا اللہ کاکرم ہےکہ عمران خان محفوظ ہیں،ہمیں شکرانےکےنفل پڑھنےچاہیئے۔

شاہ محمود قریشی کا کہنا تھا کہ ہماری رات کوعمران خان سےملاقات ہوئی،شاہ عمران خان محفوظ ہیں، عمران خان پہلےسےزیادہ پرعزم اور پر اعتماد ہیں۔

رہنما پی ٹی آئی نے کہا کہ عمران خان کومعلومات تھیں کہ ان پرحملہ ہوسکتاہے ، ان کو معلوم تھا کہ انہیں ہٹانےکی منصوبہ بندی جاری ہے لیکن عمران خان نے پھر بھی اپنے مارچ کوجاری رکھنے کا فیصلہ کیا۔

ان کا کہنا تھا کہ ان کے ذہن میں واضح ہے کہ کس کو ملزم ٹھہرانا ہے،انہوں نے اسد عمر اور میاں اسلم کو بتادیا ہے۔

شاہ محمود قریشی نے مزید کہا کہ عمران خان کی ہدایت پر ڈاکٹریاسمین راشد کی مدعیت میں ایف آئی آردرج کرانے کا فیصلہ ہوا ہے، ایف آئی آر میں3 لوگوں کو نامزد کیا جائے گا۔

اسلام آباد : وفاقی وزیراطلاعات مریم اورنگزیب نے عمران خان پر قاتلانہ حملے کے بعد قوم کو غیرذمہ دارانہ بیانات سے گریز کرنے کی نصیحت کردی۔

تفصیلات کےمطابق وفاقی وزیراطلاعات مریم اورنگزیب نے عمران خان پر قاتلانہ حملے کے بعد قوم کو نصیحت کی ہے کہ حتمی رپورٹ کا انتطار کریں اور غیرذمہ دارانہ بیانات سے گریز کیا جائے۔

اس موقع پر وزیراطلاعات تحمل کی بات کررہی تھیں لیکن ارشد شریف قتل کے فوری بعد لیگی قیادت نے پی ٹی آئی اوراےآروائی کو مورد الزام ٹھہرا دیا تھا۔

گذشتہ روز وزیراطلاعات مریم اورنگزیب کے ہمراہ مشترکہ پریس کانفرنس کرتے ہوئے رانا ثنااللہ نے کہا تھا کہ پنجاب حکومت کو مشترکہ تحقیقاتی ٹیم بنانے کی درخواست کی ہے، افسوسناک واقعے کو سیاسی مقاصد کیلئے استعمال کرنے کی کوشش کی گئی، لوگوں کوانتشار پر اکسایا جارہا ہے۔

وزیر داخلہ نے پی ٹی آئی رہنماؤں کے بیانات پر ردعمل کا اظہار کرتے ہوئے کہا کہ ادارے اس ملک کےدفاع کے ضامن ہیں، ادارے نےآپ کی نیپیاں تبدیل کرنےسےانکارکردیا، جس کے بعد آپ نے مہم جوئی شروع کی، آپ کی اداروں کے خلاف مہم جوئی ملک دشمن عناصر کو بہت پسند آرہی ہوگی۔

لاہور : سابق وزیر داخلہ شیخ رشید نے عمران خان پر قاتلانہ حملے کو غیرملکی اورمقامی سازش قرار دے دیا۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ اسلام آبادکو گوانتانا موبےجیل بنادیاگیاہے، جوجیل ہمارےلیےکل بنائی ہےاس میں انہوں نے اور 77وزرا نے رہنا ہے۔

شیخ رشید کا کہنا تھا کہ عمران خان پرحملہ کرنےوالےایک سے زیادہ منظم سازش کے آلہٰ کار تھے، اگر عمران خان کو کچھ ہوجاتا تو پاکستان ہی نہیں خطے کی سیاست بھی بدل جاتی ، آج 2 بجے لال حویلی میں احتجاجی جلسے سےخطاب کروں گا۔

اسلام آبادکو گونتا موبےجیل بنادیاگیاہےجوجیل ہمارےلیےکل بنائی ہےاس میں انھوں نےاور77وزرانےرہناہےعمران خان پےحملہ کرنےوالےایک سےزیادہ منظم سازش کےآلہ کار تھےاگر عمران خان کو کچھ ہوجاتا تو پاکستان ہی نہیں خطےکی سیاست بھی بدل جاتی آج 2 بجے لال حویلی میں احتجاجی جلسے سےخطاب کروں گا

— Sheikh Rashid Ahmed (@ShkhRasheed) November 4, 2022

سابق وزیر داخہ نے ایک اور ٹوئٹ میں لکھا اہم تعیناتی سےپہلےعمران خان پر قاتلانہ حملہ سنگین ترین سازش کی کڑی ہے، ایک ملزم سے فوری بیان دلوانااورباقیوں کو فرار کرانا سوالیہ نشان ہے۔

انھوں نے مزید کہا کہ پی ڈی ایم سیاسی طورپردفن ہو گئی ہے، عمران خان پرقاتلانہ حملہ غیرملکی اورمقامی سازش ہے، امن اورقانون کےدائرے میں رہتےہوئےاپناحق لےکررہیں گے۔