اونٹاریو: کینیڈا کے وزیر اعظم جسٹن ٹروڈو نے کہا کہ عمران خان اور ان کے حامیوں پر حملہ ناقابل قبول ہے۔
تفصیلات کے مطابق کینیڈا کے وزیراعظم جسٹن ٹروڈو نے عمران خان پر قاتلانہ حملے کی مذمت کی۔
جسٹن ٹروڈو کا کہنا ہے کہ عمران خان اوران کے حامیوں پر حملہ ناقابل قبول ہے، سیاست ، جمہوریت اور معاشرے میں تشددکی کوئی گنجائش نہیں۔
کینیڈین وزیراعظم نے کہا کہ عمران خان اور دیگر زخمیوں کی جلد صحتیابی کیلئے دعاگو ہوں۔
یاد رہے عمران خان پر قاتلانہ حملے کی امریکا، برطانیہ، کینیڈا، سعودی عرب، او آئی سی نے شدید مذمت کرتے ہوئے حکومت پاکستان سے جامع تحقیقات کا مطالبہ کیا ہے۔
امریکی رکن کانگریس شیلا جیکسن نے عمران خان پر قاتلانہ حملے کی مذمت کرتے ہوئے کہا ہے کہ عمران خان ایک پُرامن احتجاج کی قیادت کر رہے تھے جب گولیاں چلنے لگیں، پاکستانی حکومت فوری جامع تحقیقات کرے تاکہ پتہ چل سکے حملے میں کون ملوث ہے۔
برطانوی وزیر خارجہ جیمز کلیورلی نے عمران خان پر حملے کی مذمت کرتے ہوئے اس کو انتہائی تشویشناک قرار دیا ہے۔