اسلام آباد: جناح ہاؤس لاہور اور دیگر فوجی تنصیبات پر حملہ کرنے والے بیش تر شرپسندوں کی شناخت ہو گئی۔
تفصیلات کے مطابق قانون نافذ کرنے والے اداروں نے حملہ کرنے والے بیش تر شر پسندوں کی شناخت کر لی ہے، جن میں دانش منیر، سعود، عدنان اشرف، فاروق زمان، علی حسن، چوہدری مسعود شامل ہیں۔
ذرائع کا کہنا ہے کہ شر پسندوں کی شناخت کا سلسلہ جاری ہے، محمد تیمور، علی افتخار، عامر حمزہ، وقاص پرویز، سجاد سعید، یوسف گلزار، محمد ارسلان اور علی رضا کو بھی بہ طور شرپسند شناخت کر لیا گیا ہے۔
جناح ہاؤس، سرکاری تنصیبات میں توڑ پھوڑ کی تحقیقات کے لیے جے آئی ٹی بنانے کا فیصلہ
شرپسندوں نے لاہور میں جناح ہاؤس جلایا، توڑ پھوڑ کی، اور قیمتی اشیا چوری کیں، جن کے خلاف قانون حرکت میں آ گیا ہے، شرپسندوں نے کور کمانڈر ہاؤس میں جلاؤ گھیراؤ اور توڑ پھوڑ کی اور پرتشدد کاروائیوں میں حصہ لیا۔
لاہور کینٹ میں فوجی دفاتر کو ملک دشمنوں کی طرح نشانہ بنایا گیا
ان شر پسندوں کے خلاف انسداد دہشت گردی ایکٹ کے تحت ایف آئی آر درج کر لی گئی ہے، جس کے مطابق پر تشدد کارکنان مسلح آتشی اسلحہ، ڈنڈے، پتھر اور پٹرول بم سے لیس تھے۔
ذرائع کا کہنا ہے کہ ایسے مزید افراد جنھوں نے دیگر علاقوں میں املاک کو نقصان پہنچایا، قانون کی گرفت میں آ رہے ہیں۔
