ARYNews.tv | Urdu – Har Lamha Bakhabar

Tag: عمران خان

عمران خان، جنھیں آج کال پاکستان کے میڈیا میں بانی پی ٹی آئی بھی کہا جاتا ہے، پاکستان کی سب سے بڑی جماعت پاکستان تحریک انصاف کے سربراہ ہیں۔ وہ ۲۰۱۸ سے ۲۰۲۲ تک اقتدار میں بھی رہے مگر آج کل پابند سلاسل ہیں

سیاست سے پہلے ان کا تعارف ایک مایہ ناز کرکٹر کا تھا جو کہ پاکستان کو ون ڈے کرکٹ ورلڈکپ کا فاتح بناگئے

  • وفاقی حکومت کا تحریک انصاف کو آزادی مارچ کی اجازت دینے کا فیصلہ

    وفاقی حکومت کا تحریک انصاف کو آزادی مارچ کی اجازت دینے کا فیصلہ

    اسلام آباد: وفاقی حکومت نے تحریک انصاف کے آزادی مارچ کو اسلام آباد میں داخلے کی اجازت دیدی ہے۔

    وزیر اعظم ہاوس میں میاں نواز شریف سے چوہدری نثار کی مشاورت کے بعد تحریک انصاف کو آزادی مارچ کی اجازت دینے کا فیصلہ کیا گیا، ذرائع کا کہنا ہے کہ وزیر اعظم محمد نوازشریف کے حکم پر وزیراطلاعات پرویز رشید نے جماعت اسلامی کے امیر سراج الحق کو ٹیلی فون کیا اور وزیراعظم کا پیغام پہنچایا کہ ان کے کہنے پر تحریک انصاف کو آزادی مارچ کی اجازت دی گئی، انہوں نے مزید کہا کہ سراج الحق کے کہنے پر ہی جوڈیشل کمیشن کا قیام عمل میں لا رہے ہیں۔

    اس سے پہلے ایم کیوا یم کے قائد الطاف حسین نے حکومت سے مارچ کے شرکاٗ کیلئے رکاوٹیں ہٹانے کی اپیل کی تھی،جس پر وفاقی حکومت نے لندن میں ایم کیوایم کی قیادت سے رابطہ کیا اور وزیراعظم نوازشریف کا پیغام پہنچایا،اس ٹیلیفونک رابطے میں اپوزیشن کے لانگ مارچ کی راہ میں کھڑی رکاوٹیں ہٹانے کے بارے میں ایم کیوایم کی قیادت کو اعتماد میں لیا گیا،اس فیصلے پر ایم کیوایم نے وزیراعظم ، وفاقی وزیرداخلہ اور وفاقی کابینہ کےاراکین اور وزیراعلیٰ پنجاب میاں شہبازشریف کا شکریہ ادا کیا۔

  • لاہور ہائیکورٹ نے پی ٹی آئی کو دھرنا دینے سے روک دیا

    لاہور ہائیکورٹ نے پی ٹی آئی کو دھرنا دینے سے روک دیا

    لاہور: لاہور ہائیکورٹ نےتحریک انصاف کولانگ مارچ کی اجازت دیدی تاہم کہا ہے کہ غیر آئینی طریقے سے دھرنانہیں دے سکتے عدالت نے پنجاب بھر سے کینٹینرزہٹانے کا حکم برقرار رکھا ہے۔

    لاہور ہائیکورٹ میں آج دن بھر کنٹینر کیس کی سماعت جاری رہی اور اسے کچھ دیر کیلئے ملتوی بھی کیا گیا ،عدالت نے اپنے فیصلے میں 14اگست کو تحریک انصاف کو غیر آئینی طریقے سے لانگ مارچ کرنے سےروک دیا ہے، سماعت کے دوران عدالت نے کنٹینر ہٹانے کے معاملے پر حکم امتناعی جاری کرنے کی حکومت کی فوری استدعا مسترد کردی، عدالت نے اپنی آبزرویشن میں کہا کہ ہم بھی چاہتےہیں کہ عوام کے جان و مال کی حفاظت ہو مگر اس کے لیے پورا شہر بند کرنے کی اجازت نہیں دے سکتے، جبکہ دوسرے فریق کو سنے بغیر کنٹینر ہٹانے پر کس طرح حکم امتناعی دیا جاسکتا ہے ۔

    جس پر تحریک انصاف کے وکیل کا کہنا تھا کہ پاکستان تحریک انصاف آئین کے اندر رہ کر ہر کام کرتی ہے ، آئین کے اندر رہ کر احتجاج ہر سیاسی پارٹی کا حق ہے، آزادی مارچ اپنے شیڈول کے مطابق ہوگا۔

  • پی ٹی آئی کے صدرجاوید ہاشمی کو منانے کیلئے پارٹی میں رابطے شروع

    پی ٹی آئی کے صدرجاوید ہاشمی کو منانے کیلئے پارٹی میں رابطے شروع

    لاہور:  پی ٹی آئی کے صدرجاوید ہاشمی کو منانے کیلئے پارٹی میں رابطے شروع ہوگئے، عمران خان کا جاوید ہاشمی سے فون پر رابطہ متوقع ہے جبکہ تحریک انصاف کا وفد جاوید ہاشمی کے تحفظات دور کرنے کیلئے آج ان سے ملاقات کرے گا۔

    پی ٹی آئی اسلام آباد میں سیاسی قوت کا بھر پور مظاہرہ کرنے کی تیاری میں ہے، وہیں جاوید ہاشمی کا واپس ملتان چلے جانا اور جلد اپنے آئندہ لائحہ عمل کے اعلان کا بیان دینا ایک بڑی خبر تھی ، جاوید ہاشمی کا فیصلہ کیا ہوگا یہ تو وہ ہی جانتے ہیں لیکن تحریک انصاف میں جاوید ہاشمی کو منانے کیلئے رابطے شروع ہوگئے ہیں۔

    ذرائع کے مطابق مرکزی عہدیداروں کو جاوید ہاشمی سے رابطے کی ہدایت کر دی گئی ہے، عارف علوی اور اعجاز چوہدری پر مشتمل وفد جاوید ہاشمی کے تحفظات دور کرنے کیلئے ان سےملاقات کرے گا۔

    اب دیکھا یہ ہے کہ کیا معاملات طے ہوں گے یا پھر سے یہی صدا بلند ہوگی میں باغی ہوں میں باغی ہو۔

  • انقلاب اور آزای مارچ , پی ٹی آئی اور عوامی تحریک میں چار نکات پراتفاق

    انقلاب اور آزای مارچ , پی ٹی آئی اور عوامی تحریک میں چار نکات پراتفاق

    لاہور: پاکستان تحریک انصاف اور پاکستان عوامی تحریک مین انقلاب اور آزای مارچ پر چار نکات پر اتفاق ہوگیا، پی ٹی آئی رہنما شاہ محمود قریشی کا کہنا ہے کہ سیاسی جدوجہد پرامن اور آئین کے دائرے میں ہوگی، مارشل لا کے نفاذ کو برداشت نہیں کیاجائے گا۔

    شاہ محمود قریشی کی سربراہی میں پاکستان تحریک انصاف کے وفد کی طاہرالقادری سےملاقات میں انقلاب اورآزادی مارچ کیلئے چار نکات پراتفاق ہوگیا، شاہ محمود قریشی کا کہنا ہےدونوں جماعتوں کی جدوجہد جمہوری ہوگی،جس کا مقصدحقیقی جمہوریت رائج کرنا ہے،شاہ محمود قریشی کا کہنا تھا کہ حالات بگڑے تو ذمہ دار وفاقی اور پنجاب حکومت ہوگی، شاہ محمود قریشی نے واضح کیا کہ اس جدوجہد میں کوئی غیر آئینی اقدام کیا گیا تومزاحمت اور مذمت کی جائے گی، پی ٹی آئی رہنما شاہ محمود قریشی کا کہنا تھا ان کامقصد ملک میں جمہوریت کو ڈی ریل کرنا نہیں، نہ ہی جمہوریت کیخلاف کوئی سازش کی جارہی ہے۔

  • سراج الحق کی وزیر اعلی پنجاب میاں شہبازشریف سے ملاقات

    سراج الحق کی وزیر اعلی پنجاب میاں شہبازشریف سے ملاقات

    لاہور: جماعت اسلامی کے امیر سراج الحق کی وزیر اعلی پنجاب میاں شہبازشریف سے اہم ملاقات کہتے ہیں حالات کی بہتری میں پر امید ہوں اگر بات نہ سنی گئی تو پھر کسی نہ کسی کا چالان لازمی ہوگا۔

    وزیراعلی پنجاب شہبازشریف سے ماڈل ٹاؤن میں ملاقات کے بعد میڈیا سے گفتگو کرتے ہوئے سراج الحق نے کہا کہ بہت سی ایسی قوتیں سرگرم ہیں جو نہیں چاہتیں کہ حالات بہتر ہوں لیکن ہم اپنی ذمہ داریاں پوری کرتے ہوئے حالات کو معمول پر لانے کے لیے اپنے طور پر کوششیں کر رہے ہیں، انہوں نے کہا کہ عمران خان سے بھی ملاقات کی ہے اور شہبازشریف کے سامنے بھی ایجنڈا رکھا ہے میں ابھی تک مایوس نہیں امید ہے کوئی صورتحال نکل آئے گی۔

    انہوں نے کہا کہ اگر روڈ پر ٹریفک حادثہ ہواتو پھر چالان بھی ہوتا ہے ، سراج الحق نے کہا کہ طاہر القادری صاحب سے بھی درخواست کریں گے کہ وہ اپنے مطالبات مذاکرت کے ذریعے منوائیں اگر حالات خراب ہوئے تو پھر کسی کے کنٹرول میں نہیں آئیں گے اور ذمہ داروہی قوتیں ہوں گی جو کسی سمجھوتے پرتیار ہونے کو راضی نہیں۔

  • طاہرالقادری کومارچ کی اجازت نہیں ملے گی، سعدرفیق

    طاہرالقادری کومارچ کی اجازت نہیں ملے گی، سعدرفیق

    لاہور : وفاقی وزیر ریلوے خواجہ سعد رفیق نے کہا ہے کہ ڈاکٹر طاہر القادری کو انقلاب مارچ کی اجازت ہرگرنہیں ملے گی کیونکہ ان کے خلاف مقدمات ہیں اور وہ سیاسی ورکر بھی نہیں ہیں وہ انقلاب مارچ سے باز آجائیں ،البتہ عمران خان امن کی تحریری ضمانت دیں تو پھر لانگ مارچ کا کوئی راستہ بن سکتا ہے۔

    ریلوے ہیڈ کوارٹر لاہور میں پریس کانفرنس سے خطاب کرتے ہوئے انہوں نے کہا کہ عمران خان بھی استعفی دیں، میں بھی استعفی دیتا ہوں پھرآمنے سامنے الیکشن میں دیکھتے ہیں کون جیتتا ہے، انہوں نے کہا کہ عمران خان خود کو ڈاکٹر طاہر القادری سے علیحدہ کریں کیونکہ ڈاکٹر طاہرالقادری کےساتھ دس ہزار مسلح پیروکار ہیں اور ان کی تقریریں بھی خطرناک ہیں ۔

    انہوں نے کہا کہ انقلاب مارچ اور لانگ مارچ کی کیاضرورت تھی جس سے پاکستان کی سٹاک مارکیٹ کریش کر گئی ہے اورسرمایہ کاروں کا اربوں روپے کا نقصان ہوچکا ہے، انہوں نے کہا کہ ان لانگ مارچوں سے جمہوریت کو کوئی خطرہ نہیں۔

  • انتخابی اصلاحات کے بعد الیکشن ہوسکتے ہیں،خورشیدشاہ

    انتخابی اصلاحات کے بعد الیکشن ہوسکتے ہیں،خورشیدشاہ

    اسلام آباد: قائد حزب اختلاف خورشید شاہ کا کہنا ہے کہ اگر نئےالیکشن ہوں تو وہ کون کرائے کیونکہ موجودہ الیکشن کمیشن پر عمران خان کو اعتراض ہے، انتخابی اصلاحات کےبعد ہی الیکشن ہوسکتے ہیں ۔

    اسلام آباد میں میڈیا سے گفتگو میں قائد حزب اختلاف خورشید شاہ کا کہنا تھا کہ سیاستدان میں برداشت ہونی چاہیے، جمہوریت پھولوں کی سیج پربیٹھ کرنہیں کانٹوں پرچل کرحاصل کی، ملک میں جاری سیاسی گرما گرمی پر خورشید شاہ نے کہا کہ موجودہ صورتحال پر وزیرداخلہ کی خاموشی بڑا سوال ہے۔

    واضح رہے کہ خورشید شاہ پہلے ہی طاہر القادری اور عمران خان کو وارننگ دے چکے ہیں کہ اگر ملک کو کچھ ہوا تو اس کی ذمہ داری ان پر عائد ہوگی۔

  • الطاف حسین،عمران خان،طاہرالقادری کی شیخ رشید کے گھر حملے کی مزمت

    الطاف حسین،عمران خان،طاہرالقادری کی شیخ رشید کے گھر حملے کی مزمت

    راولپنڈی: ایم کیوایم کے قائد الطاف حسین اور تحریک انصاف کے سربراہ عمران خان نے شیخ رشید کے گھرلال حویلی پرحملے کی کوشش کی شدید الفاظ میں مذمت کی ہے۔

    ایم کیوایم کے قائد الطاف حسین نےٹیلی فون پر شیخ رشید سے رابطہ کیا اور ان کی خیریت دریافت کی، الطاف حسین نے کہا حکومت ایسے ہتھکنڈے اختیار نہ کرے، یہ انتہائی مذموم حرکت ہے،  ایسی حرکتوں سے کبھی کوئی مثبت نتیجہ نہیں نکلا، حکومت طاقت کے استعمال کے بجائے افہام وتفہیم کا راستہ اختیارکرے، شیخ رشید نے خیریت دریافت کرنے الطاف حسین کا شکریہ ادا کیا۔

    تحریک انصاف کے چیرمین عمران خان نے بھی شیخ رشید کے گھر پتھراؤ کی مذمت کرتے ہوئے کہا حکومت بوکھلاہٹ کا شکار ہوگئی ہے، ن لیگ غنڈوں کے ذریعے اپوزیشن رہنماؤں کے خلاف نفرت انگیز اقدامات کررہی ہے، صوبے میں انتشار کی ذمہ دار پنجاب حکومت اور ن لیگ ہوگی۔

    پاکستان عوامی تحریک کے سربراہ ڈاکٹر طاہرالقادری نے شیخ رشید کو فون کرکے ان کی خیریت دریافت کی اور حملے کی مذمت کرتے ہوئے کہا کہ حکمران ملک کو خانہ جنگی کی طرف دھکیل رہے ہیں

  • جلسے جلوسوں پر پابندی: کمشنر اسلام آباد کا عمران خان اور طاہرالقادری کو خط ارسال

    جلسے جلوسوں پر پابندی: کمشنر اسلام آباد کا عمران خان اور طاہرالقادری کو خط ارسال

    اسلام آباد : چیف کمشنر اسلام آباد نے عمران خان اور طاہرالقادری کو خط ارسال کیا ہے جس میں کہا گیا ہے کہ اسلام آباد میں جلسے جلوسوں پر پابندی ہے۔

    تحریک انصاف کے چیرمین عمران خان اور پاکستان عوامی تحریک کے سربراہ ڈاکٹر طاہرالقادری کو اسلام آباد کے چیف کمشنر نے خط ارسال کیا ہے،جس میں کہا گیا ہے کہ اسلام آباد میں دفعہ ایک سو چوالیس نافذ ہے، جس کے تحت جلسے، جلوسوں اور مارچ کی بالکل اجازت نہیں دی جائے گی، چیف کمشنر کا کہنا ہے کہ تحریک انصاف کو جلسے کے لئے اسسٹنٹ کمشنر کی اجازت لینا ہوگی، خط میں کہا گیا ہے کہ آپریشن ضرب عضب کے باعث سیکیورٹی خدشات بھی ہیں۔

  • طاہر القادری سے انتخابی انقلاب کی بات کی جائے گی، عمران خان

    طاہر القادری سے انتخابی انقلاب کی بات کی جائے گی، عمران خان

    لاہور: عمران خان کہتے ہیں طاہر القادری سے انتخابات کے ذریعے انقلاب کی بات کی جائے گی، چودہ اگست کے بعد وہ خود وزیراعظم کو ملاقات کی دعوت دیں گے۔

    چودہ اگست کو آزادی مارچ اور انقلاب مارچ ساتھ ساتھ ہوگا اور عمران خان نے آزادی مارچ کے بعد اپنی پہلی ترجیح بھی بتا دی،تحریک  انصاف کے چیئرمین عمران خان کہتے ہیں یہ پورے پاکستان کی آزادی کا معاملہ ہے۔ علامہ طاہر القادری سے بات کی جائے گی کہ وہ انتخابی انقلاب کے ذریعے اٹھارہ کروڑ عوام کی زندگیوں میں انقلاب لائیں۔

    عمران خان علامہ طاہر القادری سے انتخابی عمل میں اصلاحات کی بات کریں گے، کپتان پہلے ہی کہہ چکے ہیں وزیراعظم نواز شریف کے استعفے اور وسط مدتی انتخابات کے مطالبات کی منظوری تک وہ اسلام آباد میں بیٹھے رہیں گے،عمران خان کہتے ہیں چودہ اگست کے بعد وہ خود وزیراعظم کو ملاقات کی دعوت دیں گے۔