Tag: عمران خان

عمران خان، جنھیں آج کال پاکستان کے میڈیا میں بانی پی ٹی آئی بھی کہا جاتا ہے، پاکستان کی سب سے بڑی جماعت پاکستان تحریک انصاف کے سربراہ ہیں۔ وہ ۲۰۱۸ سے ۲۰۲۲ تک اقتدار میں بھی رہے مگر آج کل پابند سلاسل ہیں

سیاست سے پہلے ان کا تعارف ایک مایہ ناز کرکٹر کا تھا جو کہ پاکستان کو ون ڈے کرکٹ ورلڈکپ کا فاتح بناگئے

نوازشریف مستعفی اورانتخابات دوبارہ کرائے جائیں،عمران خان

اسلام آباد: پاکستان تحریک انصاف کے سربراہ عمران خان نے کہا ہے کہ وزیر اعظم نواز شریف مستعفی ہوکر نئے قومی انتخابات کا اعلان کریں، چودہ اگست کو ملک میں نئے انتخابات کا مطالبہ کریں گے ، پنتیس پنکچرکس نےلگائے اس کا بھانڈا گیارہ اگست کو پھوڑا جائےگا، تحریک انصاف کے سربراہ عمران خان نے چودہ اگست کو ملک میں نئے انتخابات کے مطالبے کا اعلان کر دیا۔

ان کا کہنا تھا کہ چودہ اگست کو پوری قوم پاکستان کی تاریخ کا سب سے بڑا احتجاجی دیکھے گی ۔انہوں نے کہا کہ چودہ اگست کو پاکستان کی آزادی واپس لیں گے اور میں گیارہ اگست کو بتاؤں گا کہ کس نے کیا کچھ کیا اور دھاندلی کے مزید انکشافات کروں گا ۔گیارہ ماہ سے انصاف حاصل کرنے کی کوشش کر رہے ہیں لیکن ہمیں انصاف نہیں مل رہا۔

ان خیالات کا اظہار پی ٹی آئی کے سربراہ عمران خان نے اسلام آباد میں پریس کانفرنس سے خطاب کرتے ہوئے کیا،انہوں نے کہا کہ پنجاب حکومت نے ایسا کون سا کارنامہ انجام دیا کہ پچاس لاکھ ووٹ زیادہ ملے؟ کیا نواز شریف نے پنجاب میں دودھ کی نہریں بہا دی تھیں۔ انہوں نے کہا کہ ہم نے الیکشن کے نتائج کو قبول کیا تھا دھاندلی کو نہیں،چودہ اگست کو دوبارہ الیکشن کرانے کا مطالبہ کریں گے۔

اگست 5, 2014
تحریک انصاف نےحکومت سے ثالثی کی پیشکش مسترد کر دی

اسلام آباد : تحریک انصاف نے خورشید شاہ کی جانب سے حکومت کے ساتھ ثالثی کی پیشکش مسترد کر دی ہے۔

آزادی مارچ کے چیف آرگنائزر سیف اللہ نیازی نے سید خورشید شاہ کی جانب سے حکومت سے ثالثی کی پیشکش پر کہا ہے کہ وہ خورشید شاہ کے جذبات کی قدر کرتے ہیں ، لیکن اب بات چیت وقت گزر چکا ہے، آزادی مارچ کا مقصد دھاندلی زدہ حکمرانوں کو بے نقاب کرنا ہے، آزادی مارچ ہر صورت ہو گا، ملک کو بادشاہت سے نجات دلائیں گے،اگر حکومت نے پارٹی قیادت یا کارکنان کو گرفتار کرنے کی کوشش کی تو غیر جمہوری ہو گا، پیپلز پارٹی کے رہنما قمر زمان کائرہ نے کہا ہےکہ حکومت سنجیدیگی کا مظاہرہ نہیں کررہی، حکومت کو صورتحال دیکھ کر کچھ کرنا چاہئےاور جمہوریت کاتسلسل برقرار رہناچاہئے،تحریک انصاف استعفے کیلئے تیار ہے پھر حکومت کیا کریگی۔

اگست 4, 2014
پیپلزپارٹی اور ایم کیو ایم بھی اسلام آباد دھرنے میں شریک ہو سکتی ہیں، شیخ رشید

اسلام آباد: شیخ رشید احمد نے کہا ہے کہ حالات اس نہج پر پہنچ چکے ہیں کہ پیپلزپارٹی اور ایم کیو ایم بھی اسلام آباد دھرنے میں شریک ہو سکتی ہیں۔

پارلیمنٹ ہائوس کے باہر میڈیا بریفنگ میں شیخ رشید کا کہنا تھا کہ عوام کا سمندر چودہ اگست کو فائنل رائونڈ کھیلنے آرہا ہے، نہ کوئی آرمی سے ٹکرائے گا نہ ہی فوج عوام کے سمندر پر گولی چلائے گی، شیخ رشید احمد نے کہا کہ حکومت نے آرٹیکل دو سوپینتالیس کے تحت جو فوج بلائی ہے وہ کو ئی بھی فیصلہ کر سکتی ہے۔

انہوں نے کہا کہ چوھدری نثار احمد ہمیشہ کی طرح اس بار بھی لیٹ ہو گئے، اب کوئی سیاستدان دھرنے کی کال واپس نہیں لے سکتا ہے، شیخ رشید احمد کا کہنا تھا کہ حالات خراب ہوئے تو اس کی ذمہ د اری نواز شریف کے سر جائے گی، چودہ اگست کو فیصلہ ہو جائے گا کہ کس کی سیاست چلنی ہے اور کس کی میٹرو کے قبرستان میں دفن ہو جائے گی ۔

اگست 4, 2014
تحریک انصاف نےجماعت اسلامی کولانگ مارچ میں شرکت کی دعوت دے دی

کراچی: تحریک انصاف نےجماعت اسلامی کولانگ میں شرکت کی دعوت دے دی،سراج الحق کہتے ہیں شرکت کا فیصلہ مشاورت سے کریں گے۔

تحریک انصاف کے سینئر وائس چیرمین شاہ محمود قریشی سے ملاقات کے بعد امیر جماعت اسلامی سراج الحق کا کہنا تھا کہ جلسے جلوس کرنا تحریک انصاف کا حق ہے، سراج الحق نے کہا کہ تحریک انصاف اور جماعت اسلامی کا مشترکہ موقف ہے کہ انتخابات شفاف اور الیکشن کمیشن خود مختار ہونا چاہئے۔

اس موقع پر شاہ محمود قریشی کا کہنا تھا کہ وہ ا پنے وفد کے ساتھ میر جماعت اسلامی کو آزادی مارچ میں شرکت کی دعوت دینے آئے تھےا ور مطمئین واپس جا رہے ہیں،انکا کہنا تھا کہ جماعت اسلامی اور تحریک انصا ف کے موقف بہت سے مسائل پر یکساں ہیں اور اس یگانگت کو آگے بڑھانا چاہتے ہیں۔

اگست 4, 2014
میٹرک کے امتحان میں نمایاں کامیابی حاصل کرنے والاطالب علم دم توڑ گیا

لاہور: عارضہ قلب میں مبتلا دانیال علاج سے قبل ہی زندگی کی بازی ہار گیا،عمران خان نے اپنےفین دانیال کی موت پرافسوس کا اظہار کیا ہے۔

زندگی اور موت کی جنگ میں موت فتحیاب ہوئی تو دانیال جہان فانی سے رخصت ہوگیا،دانیال کی عمران خان سے ملنے کی دیرینہ خواہش توپوری ہوگئی لیکن اسے زندگی کی مزید بہاریں دیکھنے کی مہلت نہ ملی،کم عمری میں دل کا عارضہ اوربیرون ملک مہنگا علاج دانیال کی زندگی کی لو جلتی بجھتی رہی اور بالآخر زندگی کی ڈور ٹوٹ گئی۔

بیماری کےباوجود میٹرک میں نوسو دونمبرحاصل کرنے والاہونہار طالب علم ایک روز پہلے تک جواں مردی سے بیماری سے لڑتا رہا، عمران خان عیادت کو گئے تودانیال کی خوشی کی انتہا نہ رہی آٹوگراف لیا اوراپنے ہیروسے لپٹ گیا،عمران خان نے دانیال کے علاج میں تعاون کی یقین دہانی کرائی لیکن قدرت کوشاید کچھ اور ہی منظور تھا،موت شاید اسی لمحے کی منتظرتھی کہ کب دانیا ل کی عمران خان سے ملنے کی خواہش پوری ہواور وہ اسے اپنی آغوش میں لے لے۔

اگست 4, 2014
پیپلزپارٹی نے حکومت اور تحریک انصاف میں ثالثی کی پیشکش کر دی

اسلام آباد : اپوزیشن لیڈر خورشید شاہ نے کہا ہے کہ حکومت عمران خان سے مذاکرات کرے،عمران خان اتنے آگے نہ بڑھیں کہ واپسی کا راستہ نہ رہے۔

پیپلزپارٹی نے حکومت اور اپوزیشن کے درمیان ثالثی کی پیشکش کر دی ہے ، پارلیمنٹ کے باہر میڈیا سے گفتگو میں خورشید شاہ کا کہنا تھا کہ اگردونوں جماعتیں چاہیں تو پیپلز پارٹی ثالث کا کردار اد اکرسکتی ہے،پیپلزپارٹی کسی صورت حکومت گرنے نہیں دے گی۔

خورشید شاہ کا کہنا تھا کہ نوازشریف کو تحریک انصاف سےمذاکرات کرنے چاہئیں، اس سے قبل ڈپٹی اسپیکرسےملاقات میں خورشید شاہ نے اسلام آباد میں آرٹیکل دو سو پینتالیس کےنفاذپراحتجاج کیا، ان کا کہنا تھاکہ اسلام آباد میں ہنگامی حالت نہیں کہ آرٹیکل دو سوپینتا لیس کا نفاذ کیا جائے۔

اگست 4, 2014
کسی کو جمہوریت ڈی ریل نہیں کرنے دینگے، رانا مشہود

لاہور: صوبائی وزیر قانون رانا مشہود نے کہا ہے کہ کینیڈا پلٹ مولوی غیر ملکی دشمنوں کے اشاروں پر پاکستان کی ترقی کو روک رہا ہے جمہوریت ڈی ریل کرنے کی کوشش کی گئی تو ن لیگ کے کارکن بھی سڑکوں پر ہوں گے۔

لاہور میں پریس کانفرنس کرتے ہوئے رانا مشہود کا کہنا تھا کہ حکمت عملی تیار کرلی ہے تین دن میں عمل شروع ہوجائے گا، کسی کو جمہوریت ڈی ریل نہیں کرنے دینگے اور نہ ہی آئین توڑنے دینگے، سانحہ ماڈل ٹاون پر جوائنٹ انسوسٹی گیشن ٹیم کی رپورٹ ایک دو دن میں سامنے آجائے گی، رانا مشہود احمد کا کہنا تھا کہ احتجاج کا یہ وقت ٹھیک نہیں، دہشتگردی کا خطرہ ہے، حساس تنصیبات کی حفاظت کے لیے آرمی اور ریجنرز کو تعینات کیا جارہا ہے، اگر ان کے احتجاج میں دہشتگردی کا واقعہ ہوگیا تو ذمہ دار یہ خود ہونگے۔

صوبائی وزیر قانون نے الزام لگایا کہ ڈاکٹر طاہرالقادری ملک دشمنوں کا ایجنٹ ہیں جو ملکی ترقی کی راہ میں رکاوٹ کےلیے سازش کررہے ہیں، اسطرح کی سازش مصر ، شام، اردن اور یمن میں کی گئی، فوج پاکستان کی بقاء کی جنگ لڑ رہی ہے کینیڈین پلٹ مولوی پاکستان کو تقسیم کرنا چاہتا ہے، منہاج القرآن کے ورکرز احتجاج کے دوران قرآن پاک ساتھ نہ لیکر آئیں ، اس سے بے حرمتی ہوسکتی ہے۔

اگست 4, 2014
ایک لاکھ موٹرسائیکلوں پرلاہورسےنکلیں گے، عمران خان

لاہور: تحریک انصاف کے سربراہ عمران خان کا کہنا ہے کہ لانگ مارچ بادشاہت اور جمہوریت کی جنگ ہے، اگر نظر بند کیا گیا تو تحریک انصاف کے کارکن پورا پاکستان بند کردیں گے۔

عمران خان نے لاہور میںورکرز کنونشن سے خطاب کرتے ہوئے کہا کہ وہ اسلام آباد نواز شریف خاندان کی بادشاہت ختم کرنے جارہے ہیں، تحریک انصاف کے سربراہ نے حکومت کو متنبہ کیا کہ اگر انہیں گھر میں نظر بند کیا گیا تو شدید احتجاج ہوگا ،پولیس اور انتظامیہ نے لانگ مارچ روکا تو انہیں پنجاب میں چھپنے کی جگہ نہیں ملے گی ۔

چیئرمین پی ٹی آئی کا کہنا تھا کہ نیب میں نواز شریف خاندان کیخلاف اکہتر کیس ہیں مگر کسی میں ہمت نہیں کہ ان سے ٹیکس چوری کے متعلق پوچھ سکے،ورکرز کنونشن میں کارکنوں کا جوش و جذبہ دیدنی تھا تاہم دیکھنا یہ ہے کہ عمران خان دس لاکھ افراد کو اسلام آباد لانے میں کس حد تک کامیاب ہوتے ہیں۔

اگست 3, 2014
عمران خان کوعوام نے11مئی کومسترد کردیا، پرویزرشید

اسلام آباد: وفاقی وزیراطلاعات پرویز رشید کہتے ہیں عمران خان کو عوام نے گیارہ مئی کو مسترد کردیا تھا، عمران خان مؤقف بدلنے کے بادشاہ ہیں ،ہر ماہ نیا مطالبہ کرتے ہیں۔

پرویز رشید کا کہنا ہے کہ چاروں صوبوں میں مختلف حکومتیں ہیں، اسے ہی جمہوریت کہتے ہیں، لیکن عمران خان ہر مہینے نیا ہدف اور نیا موقف اپناتے ہیں، عمران خان کے منہ سے جمہوریت دشمن طالبان کے خلاف ایک لفظ نہیں نکلا،عمران کو غم ہے کہ انکی مخالفت کے باوجود حکومت دہشت گردی ختم کررہی ہے۔

عمران خان نہیں چاہتے تھے کہ دہشت گردی کے خاتمے کیلئے آپریشن ضرب شروع کیا جائے، انہوں نے کہا کہ عمران خان کو انتشار مارچ میں اتنی ہی کامیابی ملے گی جتنا انکا اٹھارہ سال کا ریکارڈ ہے، اگر مینڈیٹ جعلی تھا تو عمران خان نے کے پی کے میں حکومت کیوں لی؟ مینڈیٹ جعلی تھاتوعمران خان نےحلف کیوں اٹھایا؟

اگست 3, 2014
حکومت عمران خان کی ریلی سے خوفزدہ نظر آتی ہے، خورشید شاہ

اسلام آباد : قائد حزب اختلاف خورشیدشاہ کا کہنا ہےکہ حکومت عمران خان کی ریلی سے خوفزدہ نظر آتی ہے،آرٹیکل دوسوپینتالیس سیاسی مقاصدکیلئے استعمال کیاجارہاہے۔

قومی اسمبلی میں قائدحزب اختلاف خورشید شاہ نے حکومت سے وضاحت طلب کی ہے کہ اگر حکمران تحریک انصاف کی ریلی سے ڈر رہے ہیں تو بتائیں، خورشید شاہ نے کہا سیاسی مقاصد حاصل کرنے کیلئے آرٹیکل دوسوپینتالیس کی مدد لینا درست نہیں، شورش زدہ قبائیلی علاقوں میں بھی دوسوپینتالیس نہیں ہے، اگر اتنا ہی خطرہ ہے تو پشاور اور بنوں میں بھی اطلاق کیا جائے،اپوزیشن لیڈرنے کہاپیپلزپارٹی کے سابق دور میں شہباز شریف نے طاہر القادری کے لانگ مارچ کیلئے پانی کی سبیلیں لگائیں اور بحٖفاظت اسلام آباد پہنچایا۔

اگست 3, 2014