Tag: عمران خان

عمران خان، جنھیں آج کال پاکستان کے میڈیا میں بانی پی ٹی آئی بھی کہا جاتا ہے، پاکستان کی سب سے بڑی جماعت پاکستان تحریک انصاف کے سربراہ ہیں۔ وہ ۲۰۱۸ سے ۲۰۲۲ تک اقتدار میں بھی رہے مگر آج کل پابند سلاسل ہیں

سیاست سے پہلے ان کا تعارف ایک مایہ ناز کرکٹر کا تھا جو کہ پاکستان کو ون ڈے کرکٹ ورلڈکپ کا فاتح بناگئے

  • لانگ مارچ پرامن نہ ہوا توذمہ دارعمران خان ہوں گے،پرویزرشید

    لانگ مارچ پرامن نہ ہوا توذمہ دارعمران خان ہوں گے،پرویزرشید

    اسلام آبااد : وزیر اطلاعات پرویز رشید کاکہنا ہےکہ یوم آزادی پر کوئی تخریب کاری ہوئی تو ذمہ دار عمران خان ہوں گے، احتجاج کرنےوالے امن کی ضمانت دیں۔ وزیراطلاعات پرویزرشید نے تحریک انصاف مین بغاوت کا عندیہ دے دیا کہتے ہیں اگر عمران خان نےارکان سے استعفے طلب کئے توان کی جماعت میں بغاوت ہوجائے گی ،

    پرویز رشید نے کہا کہ جلسے جلوس کرنے والے امن کی ضمانت دیں، وزیراطلاعات و نشریات نے کہا کہ تخریب کی سیاست کرنے والوں کا ڈٹ کرمقابلہ کریں گے۔ ان کا کہنا تھا کہ ملک کی خوشحالی کو دنیا نے تسلیم کرلیا ہے ،انہوں نے کہا کہ پاکستان قانونی ،جمہوری اور آئینی طریقے سے حاصل ہوا۔اورہم اس کی بھرپور حفاظت کریں گے۔

  • آپریشن ضربِ عضب پرمیاں برادران میں اختلاف تھا، فیصل رضا عابدی

    آپریشن ضربِ عضب پرمیاں برادران میں اختلاف تھا، فیصل رضا عابدی

    کراچی: اے آر وائی نیوز کے پروگرام ’’اب تک‘‘میں گفتگو کرتے ہوئے سابق سینیٹر سید فیصل رضا عابدی نےانکشاف کیا ہے کہ شدت پسندوں کے خلاف کاروائی کے معاملے میں نواز شریف اور شہباز شریف میں شدید اختلاف تھا۔

    ان کا کہنا تھا کہ نواز شریف کسی بھی صورت کاروائی کے حق میں نہین تھے جب کہ شہباز شریف چاہتے تھے کہ شدت پسندوں سے آہنی ہاتھوں سے نمٹا جائے، چوہدری نثار علی خان کی ناراضگی کی وجی بھی یہی تھی۔ انہوں نے بتا یا کہ آپریشن شروع ہونے تک میاں صاحبان کو خبر ہی نہیں تھی۔

    فیصل رضا عابدی نے الیکشن کے عمل پر شدید تنقید کرتے ہوئے کہا کہ نواز شریف کو مینڈیٹ طالبان نے دلوایا ہے لبرل پارٹیوں پر تو وہ حملے کر رہے تھے۔

    پی ٹی آئی کے طر ز ِ سیاست پر گفتگو کرتے ہوئے انہوں نے کہا کہ عمران خان کی سیاست کو ابھی گنتی کے چند دن ہوئے ہیں اور اس میں بھی وہ کسی ایک موقف پر قائم نہیں رہے۔

    عالمی صورتحال پر گفتگو کرتے ہوئے فیصل رضا عابدی کا کہنا تھا کہ اس وقت ورلڈ الیون کا مقابلہ مسلم امہ سےہے ، اقوام عالم تمام مسلمانوں کو دہشت گرد قرار دینا چاہتی ہیں اور پاکستان، عراق ، شام ، بحرین اورفلسطین میں ہونے والی شدت پسندوں کی کاروائیاں اسی سلسلے کی کڑی ہیں۔

    پروگرام ’اب تک‘ میں ہونے والے خصوصی انٹرویو کی مکمل ویڈیو

  • اسلام آباد کا راستہ روکا گیا توصوبائی اسمبلیوں کے سامنےدھرنےدیں گے، شیخ رشید

    اسلام آباد کا راستہ روکا گیا توصوبائی اسمبلیوں کے سامنےدھرنےدیں گے، شیخ رشید

    لاہور: شیخ رشید نے کہا ہے فوج تین ماہ کی جگہ تین سال کیلئے آئی تو اس کے ذمہ دار اسے بلانے والے ہوں گے۔

    سربراہ عوامی مسلم لیگ شیخ رشید علامہ ڈاکٹرطاہرالقادری سے ملاقات کیلئےلاہورپہنچ گئے، میڈیا سے گفتگو کرتے ہوئے شیخ رشید کاکہناتھاچودہ اگست کو اسلام آباد کا راستہ روکاگیاتوصوبائی اسمبلیوں کے سامنے دھرنے دیں گے، شیخ رشید کاکہناتھا اگر کسی نے رات کو جھنڈا لہرایا تو وہ خود اسکے خلاف تھانہ آبپارہ میں پرچہ کرائیں گے۔

    شیخ رشید کا جواب دینے کیلئے میدان میں آئے عابد شیرعلی کہنے لگے شیخ رشید عمران خان کو اندھے کنویں میں دھکیل رہے ہیں اور چپراسی والے ریمارکس کابدلہ لے رہے ہیں، شیخ رشید نہ بھولیں کہ وہ ایک خیراتی نشست پر ممبر بنے اور ان کے پاس مایوسی کی سیاست کے سوا کچھ نہیں۔

  • عمران خان نفرت پھیلانے کی کوششیں کررہے ہیں،پرویزرشید

    عمران خان نفرت پھیلانے کی کوششیں کررہے ہیں،پرویزرشید

    اسلام آباد :وفاقی وزیراطلاعات ونشریات پرویز رشید کا کہنا ہے کہ عمران خان صوبوں اوروفاق میں نفرت پھیلانے کی کوشش کررہے ہیں۔ان کی سیاست جھوٹ اورنفرت پرمبنی ہے۔

    وفاقی وزیر اطلاعات ونشریات سنیٹر پرویز رشید نے بیان میں کہا کہ تحریک انصاف کے سربراہ عمران خان کی سیاست جھوٹ اورنفرت پر مبنی ہے۔وہ صوبوں اوروفاق میں نفرت پھیلانے کی کوشش کررہے ہیں۔

    انہوں نے کہا کہ اسلام آباد اور دوسرے صوبوں میں آئی ڈی پیز کے جانے پر کوئی پابندی نہیں ۔ وفاقی وزیرنے سوال کیا، کیا عمران خان میں اتنی ہمت ہے کہ وہ بنوں میں دہشت گردوں کو للکار سکیں۔ انہوں نے کہا کہ عمران خان میں یہ ظرف بھی نہیں کہ وہ آپریشن ضرب عضب کی کامیابی کے لیے دعا کر یں۔

  • بنوں:عمران خان عید منانے آئی ڈی پیز کے کیمپ پہنچ گئے

    بنوں:عمران خان عید منانے آئی ڈی پیز کے کیمپ پہنچ گئے

    بنوں : پاکستان تحریک انصاف کے سربراہ عمران خان شمالی وزیرستان کے متاثرین کے ساتھ عید منانے کے لیے بنوں میں متاثرین کے کیمپ پر پہنچ گئے,عمران خان متاثرین کےکیمپ پہنچےتوتحریک انصاف کے کارکنوں اور متاثرین نےان کا شاندار استقبال کیا۔

    اس موقع پر متاثرین سے خطاب کرتےہوئےتحریک انصاف  کےسربراہ کاکہناتھاکہ مشکل کی اس گھڑی میں سارا پاکستان آپ کے ساتھ ہے۔ تحریک انصاف کےقائدنےسندھ اورپنجاب حکومت کی جانب سےآئی ڈی پیزکےداخلےپرپابندی کی سخت مذمت کرتےہوئےکہاکہ پابندی آئین پاکستان کے منافی ہے۔

    عمران خان نےمتاثرین شمالی وزیرستان کو یقین دلایاکہ پاکستان تحریک انصاف اور خیبر پختونخواہ حکومت کی متاثرین کی دیکھ بھال میں کوئی کوتاہی نہیں کریگی۔ اس موقع پرعمران خان نے آئی ڈی پیز میں عیدکے تحائف  پیش کئےاور ان کےساتھ کھانابھی کھایا۔

  • فوج کو آئین کے تحت بلائیں گے، سعدرفیق

    فوج کو آئین کے تحت بلائیں گے، سعدرفیق

    اسلام آباد : وفاقی وزیر خواجہ سعد رفیق نے کہا ہے کہ عمران خان محاذ آرائی ترک کر دیں حکومت اسلام آباد اور دیگر شہروں میں فوج کی مدد آئین کے تحت ہی لے گی۔ اسلام آباد میں فوج کو سول انتظامیہ کہ مدد کیلئے بلائے جانے پر تحریک انصاف کی جانب سے عدالت سے رجوع کرنے کے فیصلے پر خواجہ سعد رفیق کا کہنا ہے کہ عمران خان کو چاہیئے کہ وہ دہشت گردی کےخلاف حکومت اورفوج کاساتھ دیں،

    عمران خان کو سمجھنا چاہیئے کہ محاذ آرائی کی پالیسی سے وہ صرف ملک وقوم کو نقصان پہنچا سکتے ہیں، خواجہ سعد رفیق نے کہا کہ اسلام آباد میں فوج بلائی جائے یا کسی اور شہر میں اسے بلایا آئین کے تحت ہی جائے گا۔ وفاقی وزیر اطلاعات پرویز رشید نے کہا ہے کہ فوج کو اپنی ذمہ داریوں کے انجام دہی کے لئے قانون اور آئین کا تحفظ دینا حکومت کا فرض ہے،

    ہمارے جوانوں نے دہشت گردی کے خلاف جنگ میں بے مثال قربانیاں دیں،۔۔انہیں جہا ں بھی سول انتظامیہ کی مدد کیلئے قانونی تحفظ کی ضرورت ہوگی فراہم کیجائے گی، پرویز رشید نے کہا کہ قوم نے انتشار کی سیاست گیارہ مئی کو مسترد کر دی تھی اب انتشار کا سونامی مارچ بھی جلد اپنے منطقی انجام کو پہنچے گا۔،

  • قوم انتشار کی سیاست مسترد کرچکی، پرویزرشید

    قوم انتشار کی سیاست مسترد کرچکی، پرویزرشید

    اسلام آباد : وفاقی وزیر اطلاعات پرویز رشید کا کہنا ہے قوم انتشار کی سیاست مسترد کرچکی،سونامی مارچ کو بھی منطقی انجام تک پہنچائے گی۔

    پرویزرشید کا کہنا ہے قوم نے پہلے گیارہ مئی کوانتشار کی سیاست مسترد کی، اب انتشار کاسونامی مارچ بھی جلد منطقی انجام کوپہنچے گا،پرویز رشید کا کہنا تھا پاک فوج کے جوانوں نے دہشت گردی کے خلاف جنگ میں بے مثال قربانیاں دی ہیں، فوج کو ذمہ داریوں کے انجام دہی کے لئے قانون اور آئین کا تحفظ دینا حکومت کا فرض ہے، فوج کوجہاں بھی سول انتظامیہ کی مدد کیلئےقانونی تحفظ کی ضرورت ہوگی وہ ان کو فراہم کی جائے گی۔

  • تحریک انصاف نےآرٹیکل245 کا نفاذ چیلنج کرنے کا فیصلہ کر لیا

    تحریک انصاف نےآرٹیکل245 کا نفاذ چیلنج کرنے کا فیصلہ کر لیا

    اسلام آباد: تحریک انصاف نے حکومت کی جانب سے آرٹیکل دوسوپینتالیس کے نفاذ کو چیلنج کرنے کا فیصلہ کرلیا،چودہ اگست کوسونامی اسلام آباد کی سڑکوں پر ہوگا۔

    اسلام آبادمیں عمران خان کی زیر صدارت پی ٹی آئی کورکمیٹی اجلاس میں اہم فیصلےکئے گئے،اعلامیہ میں کہاگیاہےکہ تحریک انصاف کی تاریخ پرامن مارچ اورمظاہروں کی ہے، مسلم لیگ ن کی حکومت تمام محاذوں پرناکام ہوچکی ہے،چودہ اگست کو اسلام آبادمیں آرٹیکل دوسوپینتالیس نافذ کیا گیا تو اس اقدام کو عدالت میں چیلنج کیا جائے گا۔۔جمہوری اور سیاسی مارچ کو روکنے کے لیے حکومت کی جانب سے فوج کو ملوث کرناغیراخلاقی اور ناقابل قبول ہے۔۔ پی ٹی آئی کا کہنا ہے کہ فوج قومی ادارہ ہے،ن لیگ کی حکومت اس کو سیاسی مخالفین کے خلاف استعمال نہیں کرسکتی۔۔

  • اسلام آباد کو تین ماہ کیلئے فوج کے حوالے کرنے کی منظوری

    اسلام آباد کو تین ماہ کیلئے فوج کے حوالے کرنے کی منظوری

    اسلام آباد :وفاقی حکومت نے اسلام آباد کی سیکیورٹی تین ماہ کیلئے فوج کے حوالے کرنے کی منظوری دے دی۔ چوہدری نثار کا کہنا ہے کہ پی ٹی آئی کو احتجاج کی اجازت دینے کا فیصلہ وزیراعظم کی وطن واپسی پر ہوگا,ن لیگ کی حکومت نےپاکستان تحریک انصاف کےآزادی مارچ سے نمٹنےکامنصوبہ بالا آخربناہی لیا۔

    وزیرداخلہ چوہدری نثارنےکہاہےکہ اسلام آبادکو آئین کے آرٹیکل دو سو پینتالیس کے تحت یکم اگست سے تین ماہ کیلئے فوج کے حوالے کرنے کا فیصلہ کر لیاگیاہے۔ پی ٹی آئی نےچودہ اگست کوانتخابی دھاندلیوں کےالزام میں آزادی مارچ کےنام سےاحتجاجی پروگرام تر تیب دے رکھا ہے۔ وزیر داخلہ چوہدری نثار کا کہنا ہے کہ پاکستان تحریک انصاف کے لانگ مارچ سے متعلق ڈی سی اسلام آباد کو کوئی درخواست موصول نہیں ہوئی،

    درخواست موصول ہونے کے بعد اس پر فیصلہ کیا جائیگا۔ ان کا مزید کہنا تھا کہ پی ٹی آئی کو احتجاج کی اجازت دینے کا فیصلہ وزیراعظم کی وطن واپسی پر ہوگا

  • جلسہ کرنے نہیں جا رہے،فیصلہ کن جنگ ہوگی، عمران خان

    جلسہ کرنے نہیں جا رہے،فیصلہ کن جنگ ہوگی، عمران خان

    لاہور: تحریک انصاف کے سربراہ عمران خان نے کہا ہے کہ وہ چودہ اگست کو ٹی ٹوئینٹی میچ کھیلنے اسلام آباد نہیں جا رہے، اب فیصلہ کن جنگ ہو گی ۔

    لاہور میں تحریک انصاف کے کارکنوں سے خطاب میں عمران خان کا کہنا تھاکہ اس وقت ملک حالت جنگ میں ہے، دس لاکھ افراد بے گھر ہو چکے ہیں اور ملک میں بجلی نہیں لیکن بادشاہوں کا خاندان بیرون ملک گیاہوا ہے، انہوں نےکہا کہ وہ انتخابی دھاندلی کے خلاف اپنے لئے نہیں لڑ رہے ہیں بلکہ قوم کے لئے لڑ رہے ہیں،انہوں نے کہا کہ چودہ اگست کو فیصلہ کن جنگ ہو گی اسمبلیوں میں بیٹھےلوگ سسٹم تبدیل کرنا نہیں چاہتے، اورانتخابی نظام ٹھیک کیےبغیرکرپشن ختم نہیں ہوسکتی۔