ARYNews.tv | Urdu – Har Lamha Bakhabar

Tag: عمران عباس

  • عمران عباس ڈاکٹر یاسمین راشد کی انتھک محنت سے متاثر

    عمران عباس ڈاکٹر یاسمین راشد کی انتھک محنت سے متاثر

    معروف اداکار عمران عباس کا کہنا ہے کہ وزیر صحت پنجاب ڈاکٹر یاسمین راشد کے کینسر جیسے خطرناک مرض میں مبتلا ہونے کے باوجود بھی وہ ان کی انتھک محنت سے بے حد متاثر ہیں۔

    تفصیلات کے مطابق اداکار عمران عباس نے سماجی رابطے کی ویب سائٹ انسٹاگرام پر ڈاکٹر یاسمین راشد کی ایک تصویر شیئر کی۔

    انہوں نے لکھا کہ پاکستانی 70 سالہ ڈاکٹر یاسمین راشد کو کینسر سے لڑتے ہوئے ہمارے لیے دن رات انتھک محنت کرنے پر سراہتے ہیں۔

     

    View this post on Instagram

     

    A post shared by (@imranabbas.official)

    عمران عباس کا کہنا تھا کہ وہ پہلے ہی اپنے بال کھو چکی ہیں، صحت اور اپنی توانائیاں کھو رہی ہیں، لیکن پھر بھی وہ پاکستان کی بہتری کے لیے کام کرنے کا جذبہ نہیں کھو سکیں۔

    انہوں نے ڈاکٹر یاسمین راشد کی صحت کے لیے دعا کی کہ اللہ انہیں جلد صحت یابی اور لمبی عمر عطا فرمائے۔

    خیال رہے کہ وزیر صحت پنجاب ڈاکٹر یاسمین راشد کینسر جیسے خطرناک مرض میں مبتلا ہونے کے باوجود اپنی وزارتی ذمہ داریاں مکمل تندہی سے نبھا رہی ہیں۔

  • عمران عباس اپنے بارے میں جعلی خبروں سے پریشان

    عمران عباس اپنے بارے میں جعلی خبروں سے پریشان

    کراچی: معروف پاکستانی اداکار عمران عباس کا کہنا ہے کہ وہ اپنے حوالے سے پھیلنے والی جعلی خبروں سے سخت پریشانی میں مبتلا ہیں، وہ لوگوں سے اپیل کرتے ہیں کہ ذمہ دار شہری ہونے کے ناطے غلط خبریں پھیلانے والے سوشل میڈیا پلیٹ فارمزکو رپورٹ کریں۔

    تفصیلات کے مطابق معروف اداکار عمران عباس نے اے آر وائی نیوز کے مارننگ شو باخبر سویرا میں خصوصی گفتگو کرتے ہوئے بتایا کہ وہ فیس بک پر جعلی خبروں کی وجہ سے نہایت پریشان ہیں۔

    عمران کا کہنا تھا کہ صرف 1 ماہ میں 4 بار ان کی شادی کی خبر مختلف سوشل میڈیا صفحات کی زینت بنی، ایک بار ان کی طلاق کی جھوٹی خبر پھیلائی گئی جس سے وہ سخت پریشانی کا شکار ہوئے۔

    انہوں نے کہا کہ اداکارہ اشنا شاہ کے ساتھ ان کی شادی کی خبر نے نہ صرف انہیں بلکہ اشنا کو بھی سخت پریشان کردیا، ان کی اشنا سے 3 سال پہلے ملاقات ہوئی تھی۔ یہ صورتحال خواتین کے لیے خاص طور پر زیادہ اذیت ناک ہے جنہیں مختلف سوالات کا سامنا کرنا پڑجاتا ہے۔

    عمران عباس نے بتایا کہ اس سے پہلے ان کے ایکسیڈنٹ اور موت کی جھوٹی خبر پھیلائی گئی تھی، ان کی بہن ملک سے باہر رہتی ہیں جب انہیں اس خبر کا علم ہوا تو سوچیں ان پر کیا گزری ہوگی۔

    اداکار نے اپیل کی کہ فیس بک پیجز اور یوٹیوبرز اپنے لائیکس اور فالوورز کی تعداد بڑھانے کے لیے اوچھی حرکتیں نہ کریں، لوگوں سے بھی اپیل ہے کہ اس طرح کی جھوٹی خبریں پھیلانے والے پلیٹ فارمز کو ان سبسکرائب، ان فالو کریں اور انہیں رپورٹ کریں۔

  • عمران عباس کو غصہ کیوں آیا؟

    عمران عباس کو غصہ کیوں آیا؟

    پاکستانی ٹی وی کے معروف اداکار عمران عباس ویڈیو شیئرنگ پلیٹ فارم ٹک ٹاک سے متعلق پوچھے جانے والے سوال پر برہم ہوگئے اور مداح کو نہایت سختی سے جواب دے دیا۔

    تفصیلات کے مطابق سماجی رابطے کی ویب سائٹ انسٹاگرام پر معروف اداکار عمران عباس نے گزشتہ روز سوال و جواب کا ایک سیشن رکھا، سیشن کے دوران عمران عباس کے مداحوں نے ان سے مختلف سوالات کیے جن کے اداکار نے جواب دیے۔

    ایک صارف نے ان سے پوچھا کہ کیا آپ ویڈیو شیئرنگ پلیٹ فارم ٹک ٹاک استعمال کرتے ہیں؟ اور اس کے بارے میں آپ کی کیا رائے ہے؟

    اس سوال پر عمران عباس برہم ہوگئے اور ہاتھ جوڑے والا ایموجی استعمال کرتے ہوئے لکھا کہ میں ٹک ٹاک استعمال نہیں کرتا اور مجھ سے اس ایپ کے بارے میں میری رائے نہ پوچھیں۔

    خیال رہے کہ کچھ عرصہ قبل جب پاکستان ٹیلی کمیونیکیشن اتھارٹی کی جانب سے ٹک ٹاک پر پابندی لگائی گئی تھی تو عمران عباس بھی ان لوگوں میں شامل تھے جنہوں نے ٹک ٹاک پر پابندی کو خوش آئند قرار دیا تھا۔

  • معروف اداکار کے والد انتقال کر گئے

    معروف اداکار کے والد انتقال کر گئے

    کراچی: معروف اداکار عمران عباس کے والد انتقال کر گئے جس نے اداکار کو گہرے غم اور صدمے سے دو چار کردیا۔

    سماجی رابطے کی ویب سائٹ انسٹا گرام کا سہارا لیتے ہوئے عمران عباس نے اپنے والد کی وفات کو اپنی زندگی کا سیاہ ترین وقت قرار دیا۔

    اپنی پوسٹ میں انہوں نے لکھا کہ میں نے اپنے والد کو کھو دیا جو میری طاقت اور میرا سہارا تھے۔ میں اس سہارے کے چھن جانے کی وجہ سے سیدھا کھڑا نہیں  ہوسکتا۔

    عمران عباس نے اس بات پر افسوس کا اظہار بھی کیا کہ انہیں پچھتاوا ہے کہ وہ اپنے والد کے ساتھ زیادہ وقت نہ گزار سکے، ’اپنے والد کو وقت نہ دے سکنے کا دکھ میرے سینے پر ایک بوجھ کی طرح دھرا ہے۔ میں نے ان سے وہ بہت کچھ کہا جو نہیں کہنا چاہیئے تھا، اور وہ سب نہ کہہ سکا جو کہنا چاہیئے تھا‘۔

     

    View this post on Instagram

     

    Perhaps this is the darkest time of my life..I lost my father ,my strength, my backbone.. I cant stand up straight at the moment. Thanks for your messages and posts but I wont be able to reply to them for a while.Its like breathing bricks and with huge lump in my chest with lots of guilt of not giving him time, saying what I shouldn’t have said and not saying what I should have..Looking around for the echoes of his voice which I wont ever listen again, the touch I’ll never feel again, his face which became a thing of past. Please value your parents because there is no one in this whole universe like them.. give them love and time, that’s all they want..otherwise we just left with regrets and remorse..

    A post shared by (@imranabbas.official) on

    انہوں نے کہا کہ مجھے ان کی آواز کی بازگشت کا انتظار ہے جو اب میں کبھی نہیں سن سکوں گا، ان کا لمس اور ان کا چہرہ جو اب ماضی بن چکا ہے۔

    اپنی پوسٹ میں عمران عباس نے اپنے مداحوں سے والدین کو زیادہ سے زیادہ وقت دینے کی بھی اپیل کی اور کہا کہ ان کے بچھڑ جانے کے بعد ہمارے پاس صرف پچھتاوا رہ جاتا ہے۔

    عمران عباس کے علاوہ ان کے 2 بڑے بھائی اور 3 بڑی بہنیں بھی والد کی وفاقت پر گہرے غم میں مبتلا ہیں۔

  • دنیا کی پرکشش شخصیات کی فہرست میں 4 پاکستانی شامل

    دنیا کی پرکشش شخصیات کی فہرست میں 4 پاکستانی شامل

    کراچی: دنیا کے 100 خوبصورت اور پرکشش شخصیات کی فہرست جاری کردی گئی ہے جس میں اداکار فواد خان، عمران عباس، اداکارہ ماہرہ خان اور گلوکارہ مومنہ مستحسن کو نامزد کیا گیا ہے۔

    ٹی سی کینڈلز کی جانب سے ہر سال دنیا بھر سے 100 پرکشش شخصیات کی فہرست جاری کی جاتی ہے، پاکستانی اداکاروں کے ساتھ اس فہرست میں کورین اداکار لی من ہو، اداکار ایان سمر ہالڈر ودیگر شامل ہیں۔

    فہرست میں بھارتی اداکار شاہ رخ خان، سلمان خان، ہالی ووڈ اداکار ٹام کروز، زیک ایفرون سمیت شوبز کی دنیا کے بڑے نام شامل ہیں، کینڈلز نے اس فہرست کو سماجی رابطے کی ویب سائٹ انسٹاگرام پر شیئر کیا ہے۔

    رپورٹ کے مطابق چند روز میں ووٹنگ کا عمل شروع کیا جائے گا جس کے بعد واضح ہوسکے گا کہ کون سا اداکار یا اداکارہ کس نمبر پر براجمان ہیں۔

    یاد رہے کہ گزشتہ برس بھی اس فہرست میں دو پاکستانی اداکار فواد خان اور عمران عباس جگہ بنانے میں کامیاب رہے تھے۔

    اداکار فواد خان نے بھارتی فلموں میں بھی اداکاری کے جوہر دکھائے ہیں اور انہیں بھارتی ایوارڈ فلم فیئر سے بھی نوازا گیا تھا۔

  • اداکار فواد خان اور عمران عباس دنیا کے 100 پُرکشش مردوں کے لیے نامزد

    اداکار فواد خان اور عمران عباس دنیا کے 100 پُرکشش مردوں کے لیے نامزد

    اسلام آباد: پاکستانی اداکار فواد خان اور عمران عباس کو دنیا کے 100 پُرکشش مردوں کے لیے نامزد کرلیا گیا۔

    تفصیلات کے مطابق پاکستانی اداکاروں فواد خان اور عمران عباس کو دنیا کے 100 پرکش مردوں کے لیے نامزد کرلیا گیا ہے، دنیا کے پرکشش مردوں کی دوڑ میں ہالی ووڈ اداکار ادریس ایلبا، امریکی گلوکار زین ملک، اداکار رابرٹ پیٹنسن اور ہریتھک روشن سمیت دنیا بھر کے معروف اسٹارز شامل ہیں۔

    عمران عباس نے اپنی انسٹاگرام پوسٹ پریہ اطلاع دیتے ہوئے کہا کہ انہیں دنیا کے 100 پُرکشش مردوں کی فہرست میں شامل ہوکر پاکستانی کی نمائندگی کرنے کا اعزاز حاصل ہوا ہے جس کے باعث وہ بہت خوش ہیں۔

    اس سے قبل اداکار عمران عباس کو انڈیپنڈنٹ کرٹیک نامی ویب سائٹ کی جانب سے بھی 2018 کے 100 خوبصورت چہروں کے لیے نامزد کیا گیا تھا۔

    واضح رہے کہ عمران عباس نے اے آر وائی ڈیجیٹل کے ڈرامے ’نور العین‘ میں مرکزی کردار ادا کیا تھا۔

    یاد رہے کہ اداکار فواد خان کو بھارت کے مشہور فیشن میگزین ’ووگ‘ کی جانب سے چھٹے ووگ بیوٹی ایوارڈ کی تقریب میں پرکشش مرد کا ایوارڈ دیا گیا تھا۔

  • فلم اے دلِ مشکل میں فواد خان کے علاوہ ایک اور پاکستانی اداکار شامل

    فلم اے دلِ مشکل میں فواد خان کے علاوہ ایک اور پاکستانی اداکار شامل

    ممبئی : بھارتی فلم اے دل مشکل کا سب کو بے صبری سے انتظار ہے، فلم کی ریلیز میں کچھ ہی وقت رہ گیا ہے ، فلم ’اے دل ہے مشکل‘ میں ایشوریا رائے، انوشکا شرما اور رنبیر کپور مرکزی کردار ادا کر رہے ہیں جب کہ پاکستانی اداکار فواد خان کے علاوہ ایک اور پاکستانی اداکار بھی شامل ہیں۔

    imran-post-1

    حال ہی میں فلم اے دل مشکل کا نیا گانا دا بریک اپ ریلیز کیا گیا جس میں پاکستانی معروف اداکارعمران عباس کی جھلک بھی نظرآرہی ہے وہ گانے میں ساتھی اداکارہ کے ساتھ رقص کرتے نظر آرہے ہیں۔

    واضح رہے اس سے قبل فلم اے دل مشکل کی کاسٹ میں کہیں عمران عباس کا نام نہیں لیا جا رہا تھا لیکن اب اس گانے کے منظر عام پر آنے کے بعد یہ انکشاف ہوا کہ اس فلم میں پاکستانی اداکار فواد خان کے ساتھ ساتھ عمران عباس کا بھی کردار موجود ہے۔

    imran-post-2

    تا ہم ابھی تک یہ معلوم نہیں ہوسکا ہے کہ عمران عباس کا فلم اے دل مشکل میں کیا کردار ہے اور کتنے سین ان پر پکچرائزکیے گئے ہیں۔

    یاد رہے لائن آف کنٹرول پر پاک بھارت کشیدگی کے باعث پیدا ہونے والی صورت حال پر ہندو انتہا پسندوں نے بھارت میں موجود پاکستانی اداکاروں کو ملک بدر کرنے اور پاکستانی اداکاروں کی فلموں پر پابندی عائد کرنے کی دھمکی دی تھی۔

    بھارتی انتہاء پسندوں کی جانب سے دھمکی دیئے جانے کے بعد پاکستانی اداکار فواد خان اور مائرہ خان وطن واپس لوٹ آئے تھے اور بھارتی سینما گھروں میں پاکستانی اداکاروں کی فلموں کی نمائش پر پابندی لگا دی گئی تھی۔

     

  • رواں ہفتے فنکاروں نے انسٹاگرام پر کیا شیئر کیا؟

    رواں ہفتے فنکاروں نے انسٹاگرام پر کیا شیئر کیا؟

    آج کل ہر شخص اپنے سماجی رابطوں کی ویب سائٹس پر کچھ نہ کچھ شیئر کرنے میں مصروف رہتا ہے۔ اداکار اور فنکار بھی اس میں کسی سے پیچھے نہیں۔

    وہ اپنی شوٹنگز اور دیگر سرگرمیوں کے دوران کھینچی جانے والی مختلف تصاویر اور ویڈیوز اپ لوڈ کرتے رہتے ہیں۔ ہم نے کچھ پاکستانی فنکاروں کے سماجی رابطے کی ویب سائٹ انسٹاگرام میں دیکھا کہ انہوں نے رواں ہفتے کیا شیئر کیا۔

    گزشتہ ہفتے چونکہ برائیڈل فیشن ویک جاری تھا جس میں فنکاروں کی بڑی تعداد نے شرکت کی۔ زیادہ تر فنکاروں نے وہیں سے اپنے پسندیدہ لمحات شیئر کیے۔

    ماہرہ خان نے برائیڈل ویک کے دوران پہنے جانے والے خوبصورت جوڑے میں اپنی تصویر شیئر کی۔

    🌹 #divanipakistan @divanipakistan

    A photo posted by Mahira Khan (@mahirahkhan) on

    ماڈل مہرین سید نے بھی برائیڈل ویک کے دوران کھینچی جانے والی تصویر شیئر کی۔

    ❤️

    A photo posted by Mehreen Syed (@imehreensyed) on

    عاطف اسلم نے اپنی ایک مداح کی جانب سے بنائی جانے والی یہ ویڈیو شیئر کی۔

    Thank you Sara for taking out time and making this video for me 🙂 hugs #aadeez #atifaslam

    A video posted by Atif Aslam (@atifaslam) on

    گلوکارہ زوئی وکاجی نے اپنے نئے ہیئر اسٹائل کے ساتھ اپنی تصویر شیئر کی۔ اس موقع پر وہ اپنے ہیئر اسٹائلسٹ کی تعریف کرنا نہ بھولیں۔

    فہد مصطفیٰ نے اپنی اہلیہ کے ساتھ یہ تصویر شیئر کی۔

    Love Birds 😍

    A photo posted by Fahad Mustafa (@mustafafahad26) on

    علی ظفر اپنی اس تصویر میں سوچوں میں مگن نظر آرہے ہیں جس سے ظاہر ہوتا ہے کہ وہ اپنے نئے گانے پر کام کر رہے ہیں۔

    Mix.

    A photo posted by Ali Zafar (@ali_zafar) on

    ماورا ہوکین نے ایک فوٹو شوٹ کے دوران رکشہ میں بیٹھنے کی ویڈیو شیئر کی۔ ویڈیو میں وہ شرارے کے ساتھ جوگرز پہنے نظر آرہی ہیں۔

    آرٹ کے دلدادہ عمران عباس نے ایک ویڈیو شیئر کی جس میں وان گوگ کی مختلف پینٹنگز کی ویڈیو بنائی گئی ہے۔

    ‘Loving Vincent’ by Dorota Kobiela & Hugh Welchman. Which painting by Van Gogh would you like to see being animated?

    A video posted by IMRAN ABBAS عمران عباس (@imranabbas.official) on