Tag: عمران فاروق قتل کیس

اسلام آباد : اسلام آباد ہائی کورٹ میں عمران فاروق قتل کیس میں سزا یافتہ ملزمان کی اپیل پر سماعت میں محسن علی کی جانب اعترافی بیان میں کہا گیا کہ کہ بانی متحدہ نے عمران فاروق کی قتل کی سازش کی۔

تفصیلات کے مطابق اسلام آباد ہائی کورٹ میں عمران فاروق قتل کیس میں سزا یافتہ ملزمان خالدشمیم،معظم علی،محسن علی کی اپیل پر سماعت ہوئی ، مجرم معظم علی، خالد شمیم اور محسن علی کے وکیل ہائیکورٹ میں پیش ہوئے۔

وکیل معظم علی نے عدالت کو بتایا کہ معظم علی نے کبھی بھی اقبال جرم نہیں کیا، بانی متحدہ نے25 ہزار پاؤنڈعمران فاروق قتل کیلئے خالد شمیم کو دیئے،بانی ایم کیوایم کسی شادی پر خالد شمیم کو ملے تھے۔

وکیل نے خالد شمیم کے 4 اپریل 2010 کی چیک کی کاپی پیش کی اور بتایا کہ محمد انور کے ذریعے بانی ایم کیوایم نے قتل کے لئے کیش پیسہ دیا، جس پر چیف جسٹس ہائیکورٹ نے استفسار کیا اس معاملے میں معظم علی کا کیاکردار ہے؟ وکیل معظم علی نے بتایا کہ معظم علی پرالزام قاتلوں کو سہولت فراہم کرنے کاہے۔

چیف جسٹس نے ریمارکس میں کہا کہ خالد شمیم کے وکیل کو پہلے سنتے ہیں، معظم علی کے وکیل کوبعد میں دلائل دیں، جسٹس عامر فاروق نے استفسار کیا کیا محسن علی کا قتل میں مرکزی کردارہے۔

وکیل محسن علی نے کہا جی بالکل مگر ثابت نہیں ہوا ہے بس الزام ہے،جسٹس عامر فاروق نے سوال کیا محسن علی لندن میں کیوں موجودتھے، جس پر وکیل نے بتایا محسن علی لندن میں زیر تعلیم تھے۔

جسٹس عامر فاروق کا ریمارکس میں مزید کہنا تھا کہ محسن علی پر چھری سے وار کرنے کاالزام ہے، چھری سے وار کر کے قتل کرنے کی فوٹیجزہے یا نہیں، جس پر وکیل نے بتایا کہ لندن،سری لنکاسےہوتےہوئےکراچی آنےپرمحسن علی گرفتارہوئے۔

چیف جسٹس ہائی کورٹ نے استفسار کیا محسن علی کانام عمران فاروق قتل کیس میں کیسےآیا اور عمران فاروق کےلندن میں پڑوسیوں نےکیارول اداکیا؟ جس پر وکیل نے بتایا کہ ڈاکٹرعمران فاروق کےپڑوسیوں نے قاتلوں کاخاکہ بنوایا ہے۔

محسن علی نے اعترافی بیان میں کہا کہ نائن زیرو پر کاشف، خالدشمیم،معظم علی سے ملاقات ہوتی تھی، بانی متحدہ نے عمران فاروق کی قتل کی سازش کی، لندن میں چھریوں کا سیٹ اور2 رین کوٹ خریدے اور چھری خریدنےکےبعدعمران فاروق کےگھرکےلان میں چھپادی۔

جسٹس عامرفاروق نے کہا 164کے بیان سے جہاں مکر گئے ہیں وہ عدالت کو بتایا جائے،سماعت کے دوران محسن علی کے وکیل نے خالدشمیم کے وکیل پر برہمی کااظہار کرتے ہوئے کہا دلائل دینےکےدوران مجھےڈسٹرب نہیں کریں۔

جس کے جواب میں وکیل خالدشمیم کا کہنا تھا کہ میں آپ کی معاونت کر رہاہوں تو وکیل محسن علی نے کہا مجھےمعاونت کی کوئی ضرورت نہیں ہے۔

بعد ازاں عدالت نے عمران فاروق قتل کیس میں سزا یافتہ ملزمان کی اپیل پر سماعت 23اگست تک کے لئے ملتوی کر دی۔

اسلام آباد : انسداد دہشت گردی عدالت نے ایم کیو ایم کے رہنما عمران فاروق قتل کیس تینوں ملزمان کے حتمی بیانات جیل میں ہی قلمبند کرنے کا فیصلہ کیا ہے۔

تفصیلات کے مطابق انسداد دہشت گردی عدالت میں ایم کیو ایم کے رہنما عمران فاروق قتل کیس میں اہم پیشرفت سامنے آئی ، عدالت نے تینوں ملزمان کے حتمی بیانات جیل میں ہی قلمبند کرنے کا فیصلہ کیا ہے۔

جج شاہ رخ ارجمندنےملزمان کےبیان کےلیے13مئی کی تاریخ مقررکر دی ہے، ملزمان خالدشمیم، محسن اور معظم علی سے تحریری جواب پرجج کے سامنےدستخط لئے جائیں گے۔

کوروناکےباعث جیل سےملزمان کوعدالت میں پیش نہیں کیا جا رہا تھا اور ملزمان کی عدم پیشی کےباعث قتل کیس حتمی مراحل پرالتواکا شکارتھا۔ اور عدالت نے ایف آئی اے کی جانب سے شواہدمکمل ہونے پر ملزمان کو سوالنامہ دیا تھا۔

خیال رہے ایم کیو ایم کے رہنما ڈاکٹر عمران فاروق قتل کیس میں عمران فاروق کا پوسٹ مارٹم کرنے والے ڈاکٹر نے اپنا بیان ریکارڈ کرایا تھا ، جس میں کہا تھا کہ عمران فاروق کی موت چہرے اور سر پر زخموں کے باعث ہوئی۔

اس سے قبل ڈاکٹر عمران فاروق کی اہلیہ شمائلہ فاروق نے اپنے بیان میں انکشاف کیا تھا کہ میری اپنے شوہر کے قاتلوں سے ملاقات ہوئی تھی، انہوں نے خود کو عمران فاروق کے چاہنے والے بتایا۔

واضح رہے ڈاکٹر عمران فاروق 16 ستمبر 2010 کو لندن میں اپنے دفتر سے گھر جارہے تھے کہ انہیں گرین لین کے قریب واقع ان کے گھر کے باہر چاقو اور اینٹوں سے حملہ کرکے قتل کردیا گیا تھا، حملے کے نتیجے میں وہ موقع پر ہی جاں بحق ہو گئے تھے۔

برطانوی پولیس نے دسمبر 2012 میں اس کیس کی تحقیق و تفتیش کے لیے ایم کیو ایم کے قائد کے گھر اور لندن آفس پر بھی چھاپے مارے گئے تھے، چھاپے کے دوران وہاں سے 5 لاکھ سے زائد پاونڈ کی رقم ملنے پر منی لانڈرنگ کی تحقیقات شروع ہوئی تھی۔

بعد ازاں ایف آئی اے نے 2015ءمیں عمران فاروق کے قتل میں مبینہ طور پر ملوث ہونے کے شبہ میں بانی متحدہ اور ایم کیو ایم کے دیگر سینئر رہنماوں کے خلاف مقدمہ درج کیا تھا اور اسی سال محسن علی سید، معظم خان اور خالد شمیم کو بھی قتل میں ملوث ہونے کے الزام میں گرفتار کرلیا گیا تھا۔