Tag: عمرہ

ریاض: سعودی حکومت نے عمرہ اور زیارت معطل رکھنے کا فیصلہ کیا ہے۔

تفصیلات کے مطابق سعودی عرب کا کہنا ہے کہ ماہرین عالمی وبا سے پیدا ہونے والی صورت حال کا جائزہ لے رہے ہیں، ان کی رائے ملنے پر ہی دونوں مذہبی فریضوں کے متعلق کوئی فیصلہ کیا جائے گا۔

سعودی وزارت مذہبی امور نے کہا کہ کرونا وائرس کی وبا کے بعد موجودہ حالات کے پیش نظر عمرہ اور زیارت ابھی معطل رہیں گے تاہم اس پر نظر ثانی ہوتی رہے گی۔

بیان میں کہا گیا ہے کہ وبا کی صورت حال کا جائزہ لینے کے لیے ماہرین غور کر رہے ہیں، صورت حال میں بہتری ہونے پر مناسب فیصلہ کیا جائے گا۔

سعودی عرب؛ پروازوں سے متعلق بڑا اعلان

وزارت حج و عمرہ کے اعلامیے کے مطابق ملک میں معطل ہونے والی معمولات زندگی بحال کیے جا رہے ہیں، تاہم عمرہ و زیارت سے متعلق ابھی فیصلہ نہیں ہوا، سعودی وزارت داخلہ کے مطابق 21 جون کو مکہ مکرمہ کی مساجد نمازیوں کے لیے کھول دی جائیں گی۔

خیال رہے کہ گزشتہ روز سعودی عرب میں ڈومیسٹک پروازیں بھی بحال کرنے کا اعلان کیا گیا ہے، سعودی ایوی ایشن گاکا نے پروازوں کے لیے ایس او پیز بھی جاری کر دیے ہیں، نوٹیفکیشن کے مطابق اتوار31 مئی سے ڈومیسٹک پروازیں بحال کر دی جائیں گی، بحالی سے قبل ملکی ایئر پورٹس پر تمام حفاظتی اقدامات مکمل کر لیے گئے ہیں۔

سعودی ایئر پورٹس پر فضائی آپریشن 2 مراحل میں بحال کیا جائے گا، 2 ہفتے کے دورانیے کے پہلے مرحلے میں آدھے ایئر پورٹس کھولے جائیں گے جب کہ دیگر ایئر پورٹس پر ڈومیسٹک پروازیں دوسرے مرحلے میں کھولی جائیں گی۔

ریاض: عمرہ زائرین اور عازمین حج کے لیے ایک اور خوش خبری سامنے آگئی، زائرین اور عازمین کو سہولیات فراہم کرنے کے لیے ’’عنایہ‘‘ پروگرام کا آغاز کردیا گیا۔

عرب میڈیا کی رپورٹ کے مطابق وزارت حج و عمرہ نے سعودی شہر مدینہ میں عمرہ زائرین اور عازمین حج کے لیے ’’عنایہ ‘‘ پروگرام کے تحت دو مراکز کا افتتاح کردیا ہے جس کے تحت عازمین اور زائرین کو خصوصی سہولیات فراہم کی جائیں گی۔

رپورٹ میں کہا گیا ہے کہ مدینے میں عنایہ کے دو سینٹر قائم کیے گئے ہیں جن میں سے ایک مسجد نبوی کے بالمقابل جنت البقیع کے ساتھ جبکہ دوسرا سینٹر شہزادہ محمد بن عبدالعزیز بین الاقوامی ایئر پورٹ پر قائم کیا گیا ہے، مذکوہ سینٹرز کے قیام کا مقصد بہترین خدمات مہیا کرنا ہے۔

مذکورہ سینٹروں میں 30 قسم کی خدمات فراہم کی جاتی ہیں جن میں 16 ڈیجیٹل سروسز جبکہ 14 خدمات کی فراہمی کے لیے کارکنوں کو متعین کیا گیا ہے۔ خیال رہے کہ عربی زبان میں عنایہ کا مطلب دیکھ بھال، رہنمائی اور تعاون فراہم کرنا ہے۔

عنایہ سینٹر میں اردو، ترکی، انگلش، عربی، انڈونیشین کے علاوہ دیگر زبانیں بولنے والی کارکن خواتین کوبھی متعین کیا گیا ہے تاکہ وہ عازمین حج اور عمرہ زائرین سے ان کی ضرویات اور دیگر معلومات حاصل کرسکیں۔ سینٹر میں خودکار سروس کے تحت خصوصی کمپیوٹرائز مشینں بھی نصب کی گئی ہیں۔