Tag: عمرہ

سیالکوٹ: صوبہ پنجاب کے شہر سیالکوٹ میں پولیس نے کارروائی کرتے ہوئے عمرے کے نام پر شہریوں سے فراڈ میں ملوث گینگ کے مرکزی ملزم کو گرفتار کرلیا۔

تفصیلات کے مطابق سیالکوٹ میں تھانہ سول لائن پولیس نے کارروائی کرتے ہوئے عمرے کے نام پر شہریوں سے فراڈ میں ملوث گینگ کا مرکزی ملزم گرفتار کرلیا۔

پولیس حکام کے مطابق ملزم عدنان عطاری نے سادہ لوح افراد سے عمرہ کے نام پر 63 کروڑ اینٹھے۔ پولیس نے بتایا کہ گزشتہ سال ایف آئی نےعمرہ اسکینڈل میں 8 ہزار پاسپورٹ برآمد کیے تھے۔ پولیس کے مطابق ملزم عدنان عطاری گزشتہ سال سے ایف آئی اے کو مطلوب تھا۔

اسلام آباد: 80 عمرہ زائرین کے ساتھ فراڈ ہوگیا

یاد رہے کہ رواں سال جنوری میں اسلام آباد انٹرنیشنل ایئرپورٹ پر عمرہ کے لیے جانے والے 80 افراد کے ساتھ فراڈ ہوگیا تھا، ٹریول ایجنٹ نے پیسے لے کر ٹکٹیں جاری کیں لیکن سسٹم میں اندراج نہ کیا، پی آئی اے کا خالی جہاز سعودیہ روانہ ہوگیا تھا۔

واضح رہے کہ پاکستان سے پچھلے سال تقریباََ 15 لاکھ سے زائد لوگ عمرے کے لیے سعودی عرب گئے مگر ان میں سے بڑی تعداد نے ٹریول کمپنیوں کی طرف سے فراڈ اور طے شدہ سے کم سہولیات کی شکایت کی تھی۔

مکہ المکرمۃ: عوامی مسلم لیگ کےسربراہ شیخ رشید نے حجازِ مقدسہ پہنچ کر  عمرہ ادا کرلیا، اُن کی تصویر سوشل میڈیا پر وائرل ہوگئی۔

تفصیلات کے مطابق شیخ رشید احمد عمرہ ادا کرنے کے لیے سعودی عرب پہنچے انہوں نے اس موقع پر ملکی سلامتی اور استحکام کے لیے خصوصی دعائیں بھی کیں۔

شیخ رشید احمد نے سماجی رابطے کی ویب سائٹ پر روضہ رسول ﷺ پر حاضری کی تصاویر سوشل میڈیا پر شیئر کیں جنہیں صارفین نے بے حد پسند کیا اور عوامی مسلم لیگ کے سربراہ سے خصوصی دعاؤں کی درخواست بھی کی۔

pic.twitter.com/gfIaVhHU9h

— Sheikh Rashid Ahmad (@ShkhRasheed) June 9, 2018

ماہ نور خان کا کہنا تھا کہ ’اللہ آپ کو کامیاب کرے شیخ صاحب آپ پارلیمنٹ کا حسن ہیں، ہم سب کے لیے بھی دعا کرنا‘۔

ثناء جمیل اور دیگر صارفین نے شیخ رشید احمد کو عمرہ ادائیگی پر مبارک باد پیش کی۔

حبیب الرحمان چوہدری کا کہنا تھا کہ ‘ماشاء اللہ، اللہ پاک آپ کو سلامت رکھے، واپسی کب ہے؟‘۔

سلمان لودھی اور ہمایوں خان نامی صارفین نے شیخ رشید احمد کو مبارک باد پیش کرتے ہوئے دعاؤں میں یاد رکھنے کی استدعا کی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

ریاض : نا اہل سابق وزیراعظم نوازشریف لندن سے سعودی عرب پہنچ گئے جہاں وہ دو روز قیام کے بعد پاکستان آئیں گے۔

تفصیلات کے مطابق مسلم لیگ ن کے سربراہ اور نااہل وزیراعظم نوازشریف لندن سے دو روزہ دورے پر سعودی عرب پہنچ گئے جہاں وہ جدہ میں مقیم اپنی والدہ سے ملاقات کرنے کے علاوہ ان کے ساتھ عمرہ ادا کرنے کے لیے مکہ مکرمہ جائیں گے۔

ذرائع کا کہنا ہے کہ سابق وزیراعظم نوازشریف کے دو روزہ سعودی عرب کے دورے کے دوران ان کی اعلیٰ سعودی حکام سے اہم ملاقاتیں بھی متوقع ہیں۔

خیال رہے کہ نا اہل وزیراعظم کے شیڈول میں گزشتہ روز یہ تبدیلی کی گئی، اس سے قبل نوازشریف کا 24 اکتوبر کو پاکستان واپس پہنچنا طے تھا۔

پاکستان میں انصاف نہیں بلکہ انصاف کا خون ہو رہا ہے، نواز شریف

یاد رہے کہ گزشتہ دنوں لندن میں میڈیا سے گفتگو کرتے ہوئے سابق وزیراعظم نوازشریف نے سوال کیا تھا کہ کیا احتساب اس طرح ہوتا ہے؟ کیا آپ لوگوں کو احتساب ہوتا نظر آتا ہے ؟ یہ انصاف کا خون ہورہا ہے اور حقائق کو پیروں تلے روندا جارہا ہے۔

واضح رہے کہ سابق وزیراعظم نواز شریف اپنی اہلیہ کلثوم نواز کی عیادت کے لیے رواں ماہ 5 اکتوبر کو لندن روانہ ہوئے تھے، ان کی ٹکٹ پرواپسی کی تاریخ چارجنوری دو ہزاراٹھارہ لکھی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔