Tag: عمر ایوب

اسلام آباد: وفاقی وزیر برائے توانائی عمر ایوب کا کہنا ہے کہ ماضی کی حکومت نے وہ ایندھن ڈالا جس سے مہنگائی آسمان پرگئی۔

تفصیلات کے مطابق وفاقی وزیر عمر ایوب نے قومی اسمبلی میں اظہار خیال کرتے ہوئے کہا کہ حفیظ شیخ نے تفصیل سے اعدادوشمار پر بات کی، ہمارا خیال تھا اپوزیشن ماضی کی غلطیوں پر شرمندہ ہو کر اچھی تجاویز دے گی۔

انہوں نے کہا کہ بدقسمتی سے اپوزیشن کی جانب سے بغیر دلیل کے بات کی گئی، اپوزیشن کو سمجھنا ہوگا کہ حقائق سے آپ آنکھ نہیں چرا سکتے،گزشتہ حکومت نے قرض کے 24 ہزار ارب اڑا دیے، ماضی کی حکومت نے وہ ایندھن ڈالا جس سے مہنگائی آسمان پرگئی۔

عمر ایوب کا کہنا تھا کہ ساڑھے 6 روپے فی یونٹ بجلی ساڑھے17 روپے پر پہنچاد ی گئی، مہنگی بجلی کا ہمارے گلے میں پھندا ڈال کر فرار ہوگئے، ساڑھے 6 کی چیز ساڑھے 17 میں بیچیں گے تو کرپشن نہیں ہو رہی ہوگی۔

وفاقی وزیر برائے توانائی نے کہا کہ عمران خان کی وژن کے مطابق بجلی کی قیمتیں نیچے لائیں گے، ہم 260 ارب سے زائد سبسڈی دے رہے ہیں، زراعت کو سبسڈی 83 سو ارب کے قریب بنتی ہے، یہ کانپ رہے ہیں کہ حکومت کامیاب ہوتی جا رہی ہے۔

کراچی: وفاقی وزیر برائے توانائی عمر ایوب کا کہنا ہے کہ سندھ حکومت گیس فراہمی میں وفاق سے تعاون نہیں کررہی، رینٹل پاور سمیت پیپلزپارٹی کی کرپشن سامنے لاتے رہیں گے۔

اے آر وائی نیوز کے پروگرام الیونتھ آور میں گفتگو کرتے ہوئے عمر ایوب نے کہا کہ وزیراعظم کی کوششوں سے عالمی کمپنیاں سرمایہ کاری کرنے آرہی ہیں، گزشتہ رمضان کی نسبت اس بار لوڈشیڈنگ نہیں ہوگی۔

ان کا کہنا تھا کہ مافیا اور کرپشن کے خلاف جدوجہد جاری رکھیں گے، وزیراعظم کا مقصد عوام تک بنیادی سہولیات پہنچانا ہے، پاکستان تحریک انصاف ملکی معیشت کو مضبوط کرنے سمیت غریب طبقے کا کے لیے اقدامات کررہی ہے۔

ملک میں لوڈ شیڈنگ کا خاتمہ کیا گیا، کنڈا سسٹم کاخاتمہ کیا جا رہا ہے، عمر ایوب

خیال رہے کہ 13 جنوری کو وزیر توانائی عمر ایوب خان نے قومی اسمبلی میں اظہار خیال کرتے ہوئے کہا تھا کہ لوڈ شیڈنگ وہاں ہو گی جہاں بجلی چوری ہوگی، ملک کے 8 ہزار885 سے زائد فیڈرز پر کوئی لوڈشیڈنگ نہیں ہو رہی۔

ان کا یہ بھی کہنا تھا کہ ملک میں لوڈ شیڈنگ کا خاتمہ کیا گیا، کنڈا سسٹم کاخاتمہ کیا جا رہا ہے، سہون میں پہلے 14،14 گھنٹے لوڈشیڈنگ ہوتی تھی اب اس کو کلیئر کردیا، بجلی چوری میں ملوث 7 ہزار افراد حراست میں لیے گئے۔

اسلام آباد: وفاقی وزیر برائے توانائی عمر ایوب نے ملک میں لوڈ شیڈنگ کا خاتمہ کیا گیا، کنڈا سسٹم کاخاتمہ کیا جا رہا ہے۔

تفصیلات کے مطابق وزیر توانائی عمر ایوب خان نے قومی اسمبلی میں اظہار خیال کرتے ہوئے کہا کہ لوڈ شیڈنگ وہاں ہو گی جہاں بجلی چوری ہوگی، ملک کے 8 ہزار885 سے زائد فیڈرز پر کوئی لوڈشیڈنگ نہیں ہو رہی۔

عمر ایوب کا کہنا تھا کہ ملک میں لوڈ شیڈنگ کا خاتمہ کیا گیا ، کنڈا سسٹم کاخاتمہ کیا جا رہا ہے، سہون میں پہلے 14،14 گھنٹے لوڈشیڈنگ ہوتی تھی اب اس کو کلیئر کردیا، بجلی چوری میں ملوث 7 ہزار افراد حراست میں لیے گئے۔

وفاقی وزیر برائے توانائی کے مطابق 4 ارب ڈالرسے سولر سسٹم لگایا جا رہا ہے، سعودی عرب معاونت فراہم کرے گا۔

انہوں نے کہا کہ ماہانہ سرکلر ڈیٹ 39 ارب روپے بڑھ رہا تھا، اس سال کے آخر تک کوشش ہے ماہانہ گردشی قرضہ صفر پر لے آئیں، 2016 سے ٹیرف کے مطابق بجلی کے نرخ نہیں بڑھائے گئے تھے۔

عمر ایوب کا کہنا تھا کہ یکم اگست سے آج تک بجلی کے نرخ 3 بار بڑھائے گئے، تقسیم کار کمپنیوں کے ایم ڈیز میرٹ پر تعینات کیے جا رہے ہیں، ہم ایک ایک فیڈر کو کلیئرکرتے جا رہے ہیں۔

انہوں نے کہا کہ کوڑا کرکٹ کے ذریعے توانائی کے منصوبوں پر کام جاری ہے، متبادل توانائی منصوبوں کو ترجیح دی جائے گی، ہماری حکومت کا فوکس کلین پاکستان کی طرف بھی ہوگا۔

وفاقی وزیر کا مزید کہنا تھا کہ تاپی گیس پائپ لائن منصوبے پر کام جاری ہے، منصوبہ تاخیر کا شکار نہیں، پیشرفت جاری ہے، منصوبے کی ترسیل کی مدت دسمبر 2023 ہے۔

اسلام آباد: وفاقی وزیر برائے توانائی عمر ایوب نے پاکستان مسلم لیگ ن اور پاکستان پیپلز پارٹی کے بجلی کے منصوبوں کی حقیقت کھولتے ہوئے کہا ہے کہ بجلی کے مہنگے منصوبے لگائے گئے جس کا خمیازہ ہماری حکومت بھگت رہی ہے۔

تفصیلات کے مطابق اے آر وائی نیوز کے پروگرام پاور پلے میں گفتگو کرتے ہوئے انھوں نے کہا کہ پیپلز پارٹی کے رینٹل پاور اسکینڈل کا خمیازہ ہم نے بھگتا، اس کو ہم اب ٹھیک کر کے آ رہے ہیں، ن لیگ کی حکومت نے مصنوعی سہارے پر سب کچھ چلایا، معیشت کو مصنوعی سہارا کب تک دیا جا سکتا ہے۔

عمر ایوب نے کہا کہ ن لیگ کے وزیر خزانہ نے ڈالر کو مصنوعی سہارے پر رکھا، ن لیگ نے بجلی کی قیمتوں میں اضافہ ہی نہیں کیا جس کا خمیازہ ہم نے بھگتا، کیا ن لیگ اور پیپلز پارٹی کے ادوار میں سرکلر ڈیٹ بڑا مسئلہ نہیں تھا، مہنگی بجلی کے منصوبے لگائے گئے جس کا خمیازہ ہماری حکومت بھگت رہی ہے۔

سی این جی سیکٹر کو گیس سپلائی کب بحال ہوگی ؟عمر ایوب کا اہم بیان سامنے آگیا

وفاقی وزیر کا کہنا تھا کہ ذاتی فائدے کے لیے ن لیگ نے سستی کی بہ جائے مہنگی بجلی کے منصوبے بنائے، نوٹ چھاپ چھاپ کر ملک چلاتے رہے، معیشت کا بیڑا غرق کیا، مہنگی ایل این جی مسلم لیگ ن کے دور میں لائی گئی۔

وزیر توانائی نے ن لیگ پر تنقید کرتے ہوئے کہا کہ اس نے کشمیر کاز کی پیٹھ میں بھی چھرا گھونپا، دنیا حیران تھی پاکستان میں کشمیر کاز پر اپوزیشن کیا کر رہی ہے، وزیر اعظم نے اقوام متحدہ میں جس طرح تقریر کی اس کی مثال نہیں ملتی، وزیر اعظم نے مودی کے ہٹلر کے نقشِ قدم پر چلنے کی طرف توجہ دلوائی، آر ایس ایس کے نظریے پر آج دنیا گفتگو کر رہی ہے۔

ان کا کہنا تھا کہ مسئلہ کشمیر اقوام متحدہ میں تھا، ن لیگ اور فضل الرحمان نے ڈھونگ رچایا، کرپشن کے کیسز کے علاوہ ن لیگ کے پاس کچھ اور تھا ہی نہیں، پاناما کے علاوہ ن لیگ کے پاس گفتگو کے لیے کچھ ہے ہی نہیں۔

اسلام آباد: وفاقی وزیر برائے توانائی عمر ایوب کا کہنا ہے کہ موسمی تبدیلیوں کے باعث آبی وسائل پر توجہ دینے کی ضرورت ہے، ماضی میں آبی وسائل پر کوئی توجہ نہیں دی گئی۔

تفصیلات کے مطابق اسلام آباد میں وفاقی وزیر برائے توانائی عمر ایوب نے تقریب سے خطاب کرتے ہوئے کہا کہ جو قدم بلا سوچے سمجھے اٹھایا جائے وہ ناکامی سے دوچار ہو جاتا ہے۔

انہوں نے کہا کہ آبی وسائل کا موثراستعمال وقت کی اہم ترین ضرورت ہے، موسمی تبدیلیوں کے باعث آبی وسائل پر توجہ دینے کی ضرورت ہے، تربیلا ومنگلا ڈیم اورغازی بروتھا ریڑھ کی ہڈی کی حیثیت رکھتے ہیں۔

عمر ایوب نے کہا کہ ہمیں آبی وسائل کے سنگین مسائل پر قابو پانے کے لیے سوچنا ہے، آبی وسائل کے تحفظ کے لیے ٹھوس اقدامات کرنے ہوں گے۔ انہوں نے مزید کہا کہ موجودہ حکومت آبی وسائل پر خصوصی توجہ دے رہی ہے، ماضی میں آبی وسائل پر کوئی توجہ نہیں دی گئی۔

موسمیاتی تبدیلیوں سے ثقافتی ورثہ محفوظ بنانے کے اقدام کررہے ہیں، عارف علوی

یاد رہے کہ گزشتہ ماہ صدر مملکت ڈاکٹرعارف علوی کا کہنا تھا کہ گلوبل وارمنگ سے پاکستان سمیت پوری دنیا متاثر ہو رہی ہے، موسمیاتی تبدیلیوں سے ملکی ثقافتی ورثہ محفوظ بنانے کے اقدام کر رہے ہیں۔

عارف علوی کا کہنا تھا کہ گلوبل وارمنگ کے چیلنجز سے نمٹنے کے لیے عالمی سطح پر اقدامات کرنا ہوں گے، ماحولیاتی تبدیلی سے سیاحت سمیت مختلف شعبے متاثر ہورہے ہیں۔