Tag: عمر شہزاد

پاکستان شوبز انڈسٹری کے معروف اداکار عمر شہزاد نے مدینہ منورہ میں اپنے نکاح کی خوبصورت ویڈیو شیئر کردی۔

عمر شہزاد ایک ماڈل اور اداکار ہیں جنہوں نے اپنے ڈراموں اور شو تماشا کی وجہ سے جانے جاتے ہیں، اداکار نے بھی اس سال شادی شدہ کلب میں شمولیت اختیار کرلی ہے اور یہ ان کے مداحوں کے لیے ایک بڑا سرپرائز تھا۔

 

View this post on Instagram

 

A post shared by Omer Shahzad (@omer_shahzad)

عمر شہزاد نے اپنی زندگی کا یہ سفر شروع کرنے کے لیے اپنے خاندان اور دوستوں کے ہمراہ مدینہ منورہ کے روحانی مقام کا انتخاب کیا، جوڑے نے مدینہ منورہ میں نکاح کرنے کے بعد مسجد الحرام میں عمرے کی سعادت حاصل کی اور انہی تصاویر سے اپنی شادی کا اعلان کیا تھا۔

تاہم اداکار نے اب اپنے نکاح کی خوبصورت تصاویر شیئر کی ہے، ویڈیو کا آغاز مدینہ منورہ ویو سے ہوا جسکے بعد دلہن اور دولہا کی سادگی سے انٹری، نکاح نامے پر دستخط، دعائیہ لمحات کو کیمرے میں محفوظ کیا گیا۔

ویڈیو شیئر کرتے ہوئے اداکار نے کیپشن میں قبول ہے کے الفاظ کیساتھ اس لمحے کو بابرکت قرار دیتے ہوئے لکھا کہ، ’نکاح کا سفر مدینہ سے، آپ سب کی دعاؤں کے طلبگار ہیں۔’

ویڈیو منظر عام پر آتے ہی سوشل میڈیا صارفین اور شوبز شخصیات اس نوبیاہتا جوڑے کو نئی زندگی کا آغاز کرنے پر ڈھیروں مبارکباد دے رہے ہیں۔

 

View this post on Instagram

 

A post shared by Omer Shahzad (@omer_shahzad)

معروف ماڈل اور اداکار عمر شہزاد بھی شادی کے بندھن میں بندھ گئے۔

اداکارہ کبریٰ خان اور گوہر رشید نے حال ہی میں مسجد الحرام میں نکاح کیا اب اداکار عمر شہزاد بھی شادی کے بندھن میں بندھ گئے۔

عمر شہزاد نے انسٹاگرام پر مداحوں کو اطلاع دی اور مسجد الحرام سے تصاویر جاری کیں۔

اداکار نے تصاویر شیئر کرتے ہوئے کیپشن میں قرآنی آیت لکھی جس کا مفہوم ہے اور ہم نے تم کو جوڑا پیدا کیا۔

انہوں نے لکھا مکہ مکرمہ کے بابرکت آسمانوں تلے ایک نیا آغاز، ہماری زندگی محبت، ایمان اور اللہ کی برکتوں سے بھرپور ہو۔

View this post on Instagram

A post shared by Omer Shahzad (@omer_shahzad)

عمر شہزاد نے اس پوسٹ میں بھی اپنی اور اہلیہ کی تصاویر بھی شیئر کیں لیکن دونوں کے چہرے واضح نہیں، اداکار نے غلام کعبہ کو چھونے کی سعادت بھی حاصل کرلی۔

انہیں مداحوں کی جانب سے شادی کی مبارکباد دی جارہی ہے۔

واضح رہے کہ عمر شہزاد اے آر وائی ڈیجیٹل کے ڈرامہ سیریل ’بھرم‘ میں ’سالار پاشا‘ کا کردار ادا کررہے ہیں جس کی دیگر کاسٹ میں حنا طارق، رابعہ کلثوم، زینب رضا، بابر علی، ارجمند رحیم، سلمیٰ حسن، رابعہ کلثوم ودیگر شامل ہیں۔

اے آر وائی ڈیجیٹل کے ڈرامہ سیریل ’بھرم‘ میں حنا طارق ’سجل‘ اور عمر شہزاد ’سالار‘ کا کردار نبھا رہے ہیں۔

فوٹو اور ویڈیو شیئرنگ ایپ انسٹاگرام پر اداکارہ حنا طارق نے عمر شہزاد کے ساتھ چند تصاویر شیئر کیں جس میں دونوں فنکاروں کو خوشگوار موڈ میں دیکھا جاسکتا ہے۔

حنا طارق نے مداحوں سے پوچھا کہ ’سالار اور سجل کی کیمسٹری کے بارے میں آپ کا کیا خیال ہے۔‘

View this post on Instagram

A post shared by Hina Tariq (@_hinatariq)

مداحوں کا کہنا ہے کہ سالار، سجل سے جھوٹی محبت کررہا ہے اور سجل کو چاہیے کہ اس سے بچ کر رہے۔‘ دوسرے مداح نے لکھا کہ ’بہت خوبصورت جوڑی ہے۔

            واضح رہے کہ سالار، سجل کو سبق سکھانے کے لیے انہیں ٹریپ کررہے ہیں جس کے لیے انہوں نے اپنے دوست سے شرط بھی لگائی ہے اسی وجہ سے وہ گزشتہ قسط میں سجل کی سالگرہ مناتے ہیں اور انہیں شادی کے لیے پروپوز کرتے ہیں، سجل انکار کرنے ہی والی ہوتی ہیں کہ سالار انہیں روکتے ہوئے کہتے ہیں کہ سوچ کر جواب دے دینا۔

کیا سجل، سالار کے دھوکے میں آجائیں گی؟ یہ جاننے کے لیے ’بھرم‘ کی اگلی قسط کل رات 9 بجے دیکھیں۔

اے آر وائی ڈیجیٹل کے ڈرامہ سیریل ’بھرم‘ کی گزشتہ قسط نے ناظرین کی توجہ حاصل کرلی۔

ڈرامہ سیریل ’بھرم‘ میں حنا طارق (سجل)، رابعہ کلثوم (رمشا)، عمر شہزاد (سالار)، بابر علی (تیمور پاشا)، ارجمند رحیم (ارجمند)، سلمیٰ حسن، سید محمد احمد، زینب رضا ودیگر اداکاری کے جوہر دکھا رہے ہیں۔

ڈرامے کی ہدایت کاری کے فرائض نوید علی خان نے انجام دیے ہیں جبکہ اس کی کہانی سبین جنید نے لکھی ہے۔

بھرم میں دکھایا گیا ہے کہ کس طرح سوتیلی بہن، بڑی بہن کا حق مارتی ہے اور اس کی تذلیل بھی کرتی ہے، تیمور پاشا اس بات سے لاعلم ہیں کہ رمشا ان کی بیٹی نہیں بلکہ سجل ان کی اور مہرو کی بیٹی ہے لیکن اس بات کا سجل کو بھی علم نہیں کیونکہ دادا جی (سید محمد احمد) کے انتقال کے ساتھ یہ راز بھی دفن ہوگیا۔

سجل اور تیمور پاشا کو سچائی کا علم اسی وقت ہوسکتا ہے جب دادا جی کی ڈائری سجل کے ہاتھ لگ جائے۔

گزشتہ قسط میں دکھایا گیا کہ سجل والدہ سے ڈائری کا پوچھتی ہیں تو وہ انہیں تھپڑ مار دیتی ہیں اور غصے میں ان کا بلڈ پریشر ہائی ہوجاتا ہے جس کے سبب ان کی طبیعت بگڑ جاتی ہے اور انہیں اسپتال منتقل کیا جاتا ہے۔

سجل کے پاس اتنے پیسے نہیں ہوتے کہ وہ والدہ کے علاج کے لیے پیسے جمع کرواسکیں تو وہ دادا کی جانب سے دیا گیا قیمتی لاکٹ گروی رکھوا دیتی ہیں۔

اسپتال انتظامیہ سے سجل کہتی ہیں کہ ’میں اس وقت مجبور ہوں، اس لاکٹ کو آپ کے پاس ضمانت رکھوا رہی ہیں پیسے ملتے ہی یہ واپس لے لوں گی، اس کی قیمت اسپتال کی ادائیگی سے زیادہ ہوگی۔‘

کیا سجل کو اپنے والد کی سچائی کا علم ہوسکے گا، تیمور پاشا راز کھلنے کے بعد رمشا کے ساتھ کیا سلوک کریں گے؟ یہ جاننے کے لیے ’بھرم‘ کی اگلی قسط ہر پیر سے جمعہ رات 9 بجے دیکھیں۔

شوبز انڈسٹری کے ماڈل و اداکار عمر شہزاد کا کہنا ہے کہ انجلینا جولی ان کا کرش ہیں۔

اے آر وائی ڈیجیٹل کے ڈرامہ سیریل ’تیرے جانے کے بعد‘ میں طوبیٰ انور کے ساتھ اداکاری کے جوہر دکھانے والے اداکار عمر شہزاد نے نجی ٹی وی کے مزاحیہ پروگرام میں شرکت کی اور اس دوران محبت سے متعلق اپنی رائے کا اظہار کیا۔

شو میں شریک خاتون نے کرش سے متعلق سوال کیا جس کے جواب میں عمر شہزاد نے کہا کہ ’مجھے انجلینا جولی پر کرش ہے۔

View this post on Instagram

A post shared by Omer Shahzad (@omer_shahzad)

یکطرفہ محبت کے سوال پر اداکار نے کہا کہ محبت جو ترستا ہے اس کو ملتی نہیں جس کو ملتی ہے اس کو قدر نہیں ہوتی، محبت سزا بھی اور اس میں مزہ بھی ہے۔

اداکار نے اعتراف کیا کہ انہیں محبت ہوئی ہے اور اس میں ایک کا عمل دخل زیادہ ہوتا ہے اور وہ آگے بڑھ کر وہ کچھ کرنا چاہتا ہے جو اس کے دائرہ اختیار میں نہیں ہوتا۔

عمر شہزاد کا کہنا تھا کہ محبت کب عشق میں تبدیل ہوجاتی ہے یہ آپ کو پتا نہیں ہوتا اور جب عشق میں تبدیل ہوجائے تو انسان کہیں کا نہیں رہتا پھر انسان کے لیے دن رات وہی ہوتا ہے۔

انہوں نے کہا کہ عشق میں مبتلا ہونے کے بعد دل میں یہ خوف پیدا ہوتا ہے کہ کہیں میں اس سے الگ نہ ہوجاؤں یا میرا دل نہ ٹوٹ جائے اور وہ مجھے چھوڑ کر نہ چلا جائے۔‘

اداکار نے یہ بھی کہا کہ آج کل محبت ضرورت پر مبنی ہوگئی ہے جہاں ضرورت ختم وہاں محبت بھی ختم ہوجاتی ہے۔

واضح رہے کہ عمر شہزاد کا نیا ڈرامہ سیریل ’بھرم‘ اے آر وائی ڈیجیٹل پر جلد نشر کیا جائے گا جس میں ان کے ساتھ حنا طارق اور رابعہ کلثوم ودیگر موجود ہیں۔

View this post on Instagram

A post shared by ARY Digital (@arydigital.tv)