ARYNews.tv | Urdu – Har Lamha Bakhabar

Tag: عمر کوٹ

  • عمر کوٹ میں احساس لنگر خانے کا آغاز

    عمر کوٹ میں احساس لنگر خانے کا آغاز

    اسلام آباد: وزیر اعظم کی معاون خصوصی ڈاکٹر ثانیہ نشتر کا کہنا ہے کہ سندھ کے ضلع عمر کوٹ میں احساس لنگر خانے کا آغاز ہوگیا، لنگر خانے میں روزانہ 300 افراد کو کھانا مفت ملے گا۔

    تفصیلات کے مطابق وزیر اعظم عمران خان کی معاون خصوصی ڈاکٹر ثانیہ نشتر نے سماجی رابطے کی ویب سائٹ ٹویٹر پر اپنے ٹویٹ میں کہا کہ احساس ایمرجنسی کیش مراکز ایک دن کے لیے ملک بھر میں بند رہیں گے۔

    ثانیہ نشتر کا کہنا تھا کہ احساس کیش مراکز بینکوں کی سالانہ چھٹی کی وجہ سے بند رہیں گے۔

    اپنے ایک اور ٹویٹ میں انہوں نے کہا کہ سندھ کے ضلع عمر کوٹ میں احساس لنگر خانے کا آغاز ہوگیا، لنگر خانے میں روزانہ 300 افراد کو کھانا مفت ملے گا۔

    ثانیہ نشتر کا کہنا تھا کہ گورنر سندھ عمران اسماعیل نے لنگر خانے کا افتتاح کیا۔

    خیال رہے کہ احساس ایمرجنسی کیش پروگرام کے تحت اب تک 1 کروڑ 20 لاکھ صارفین کی معاونت کا ہدف مکمل کر لیا گیا ہے، حکومت نے صارفین کی ضرورت کے مدنظر ہدف میں اضافہ کرتے ہوئے 1 کروڑ 61 لاکھ 63 ہزار کا نیا ہدف مقرر کر دیا۔

    کیش پروگرام کے تحت ملک بھر میں اب تک مجموعی طور پر 145 ارب 29 کروڑ کی امدادی رقم تقسیم کی جا چکی ہے۔

  • ایف بی آر نے عمر کوٹ میں 1 ہزار ایکڑ بے نامی زمین کا سراغ لگا لیا

    ایف بی آر نے عمر کوٹ میں 1 ہزار ایکڑ بے نامی زمین کا سراغ لگا لیا

    کراچی: فیڈرل بورڈ آف ریونیو کے اینٹی بے نامی یونٹ نے سندھ کے شہر عمر کوٹ میں 1000 ایکڑ کی بے نامی زمین کا سراغ لگا لیا۔

    تفصیلات کے مطابق ایف بی آر نے عمر کوٹ میں 1 ہزار ایکڑ بے نامی زمین کا سراغ لگا کر زمین منجمد کر لی ہے، ذرایع کا کہنا ہے کہ زرعی اراضی دوسرے نام پر خریدی گئی جب کہ اصل خریدار کوئی اور ہے۔

    ایف بی آر کے ذرایع کے مطابق اراضی 4 بے نامی داروں کے نام پر رجسٹرڈ ہے، ان اداروں میں لولو مال، ایم آئی گاندھی، ٹی آئی گاندھی، کے آئی گاندھی شامل ہیں، اینٹی بے نامی زون تھری نے زمین منجمد کر لی، اور بے نامی اداروں کو نوٹس جاری کر دیے۔

    بے نامی جائیداد کا انوکھا کیس، بیوہ خاتون کے نام 80 کروڑ کا پلاٹ، اہل خانہ پریشان

    نوٹسز میں ایف بی آر بے نامی زون کی جانب سے متعدد سوالات پوچھے گئے ہیں، زمین کے اصل مالک کون ہیں، زمین کسی اعلیٰ شخصیت نے چار بے نامی اداروں کے نام خریدی ہوگی، کس سے زمین خریدی، رقم کی ادائیگی کیسے ہوئی، سالانہ آمدنی کیا ہے، اِنکم ٹیکس ریٹرن بھرا یا نہیں۔

    ذرایع کے مطابق زمین کی خریداری کے حوالے سے 90 دن میں سب کچھ بتانا ہوگا، تفصیلات فراہم نہیں کی گئیں تو بے نامی ایکٹ قانون کے تحت زمین ضبط کر لی جائے گی۔

  • مودی نے مقبوضہ کشمیر میں مسجدیں سنسان کردیں، پاکستان میں مندر آباد ہیں: وزیر خارجہ

    مودی نے مقبوضہ کشمیر میں مسجدیں سنسان کردیں، پاکستان میں مندر آباد ہیں: وزیر خارجہ

    عمر کوٹ: وزیر خارجہ شاہ محمود قریشی کا کہنا ہے کہ مودی نے مقبوضہ کشمیر میں مسجدیں سنسان کردیں، عالمی میڈیا بھی دیکھے پاکستان میں مندر آباد ہیں۔ آج میں مندر بھی جاؤں گا اور دنیا کو کہوں گا دیکھو پاکستان میں اقلیتیں آزاد ہیں۔

    تفصیلات کے مطابق وزیر خارجہ شاہ محمود قریشی نے عمر کوٹ میں جلسے سے خطاب کرتے ہوئے کہا کہ آج کا جلسہ سیاسی نوعیت کا نہیں، کشمیریوں سے یکجہتی کا مظاہرہ ہے۔ کشمیریوں سے بھرپور یکجہتی کا اظہار کرتے ہیں، آج عمران خان کا پیغام لے کر اس جلسے میں حاضر ہوا ہوں۔ تھر پارکر اور عمر کوٹ میں بڑی تعداد میں ہندو آبادی ہے۔

    وزیر خارجہ کا کہنا تھا کہ مودی اور جے شنکر کو پیغام دینا چاہتے ہیں، تم لوگ سرینگر میں مسلمانوں کے سامنے کھڑے نہیں ہو سکتے، ہم عمر کوٹ میں ہندو برادری کے ساتھ تمہارے خلاف کھڑے ہیں۔ مودی نے کشمیریوں کے لیے عید گاہ کے دروازے بند کیے۔ مودی نے کشمیریوں کو عید کے روز قربانی نہیں کرنے دی۔

    انہوں نے کہا کہ مودی نے مقبوضہ کشمیر میں مسجدیں سنسان کردیں، عالمی میڈیا بھی دیکھے پاکستان میں مندر آباد ہیں۔ آج میں مندر بھی جاؤں گا اور دنیا کو کہوں گا دیکھو پاکستان میں اقلیتیں آزاد ہیں، آج انسانیت کا پیغام لے کر شیو مندر میں حاضر ہوا ہوں، مودی نے کشمیر میں مسجدوں کو سنسان اور انسانیت قید کرلی ہے۔ آج مقبوضہ وادی میں کرفیو کا 27 واں روز ہے، لوگ محصور ہیں۔

    وزیر خارجہ کا کہنا تھا کہ دنیا دیکھ رہی ہے آج کا ہندوستان نہرو اور گاندھی کا نہیں آر ایس ایس کا ہے، قائد اعظم نے کہا تھا پاکستان میں مسجد، مندر، گردوارے اور گرجا گھر کھلےرہیں گے، پاکستان میں رہنے والے ہندو، عیسائی اور دیگر اقلیتیں بھی پاکستانی ہیں۔ اقلیتوں کو پیغام دینے آیا ہوں آپ کی چادر اور چار دیواری کی حفاظت ہم کریں گے۔

    انہوں نے کہا کہ پاکستان میں تمام اقلیتیں آزاد، آباد اور خوشحال ہیں، پاکستان کا بچہ بچہ اقلیتوں کی حفاظت کرے گا۔ مودی نے کشمیر میں کرفیو نافذ کر رکھا ہے، کشمیری بچہ بلک بلک کر مر رہا ہے۔ مقبوضہ وادی میں انفارمیشن بلیک آؤٹ ہے، سماجی رہنماؤں کو جانے نہیں دیا جا رہا۔

    وزیر خارجہ نے کہا کہ دنیا کو پیغام دیتے ہیں آؤ دیکھو آزاد کشمیر آزاد ہے جہاں جانا چاہتے ہو جا سکتے ہو، کیا مودی اور جے شنکر تمام لوگوں کو مقبوضہ کشمیر جانے کی اجازت دو گے؟ یہ اجازت نہیں دیتے کیونکہ وہاں کرنے والا ظلم چھپانا چاہتے ہو۔

    انہوں نے کہا کہ بھارتی مخالفت کے باوجود سیکیورٹی کونسل کا مشاورتی اجلاس ہوا، یو این سیکریٹری جنرل نے تسلیم کیا مسئلہ کشمیر کا حل یو این چارٹر کے مطابق نکلے گا، جے شنکر کو منہ کی کھانا پڑی کیونکہ یورپی یونین ایجنڈے میں مسئلہ کشمیر شامل کر لیا گیا۔ 2 ستمبر کو یورپی یونین اجلاس میں کشمیر میں انسانی حقوق کا معاملہ زیر بحث ہوگا۔

  • عمرکوٹ: رینجرز نے نایاب نسل کے ہرن کی اسمگلنگ ناکام بنا دی

    عمرکوٹ: رینجرز نے نایاب نسل کے ہرن کی اسمگلنگ ناکام بنا دی

    عمر کوٹ: سندھ کے ضلعے عمر کوٹ میں رینجرز نے نایاب نسل کے ہرن کی اسمگلنگ کی کوشش نا کام بنا دی۔

    تفصیلات کے مطابق رینجرز نے عمر کوٹ میں دو نایاب نسل کے ہرنوں کی اسمگلنگ کی کوشش نا کام بنا دی، ملزمان گوسٹرو رینجرز چیک پوسٹ پر اہل کاروں کو دیکھ کر گاڑی چھوڑ کر فرار ہو گئے۔

    دوران تلاشی گاڑی سے 2 نایاب نسل کے ہرن اور ایک ریپیٹر برآمد ہوا، رینجرز نے برآمد ہونے والے ہرن محکمہ وائلڈ لائف کے حوالے کر دیے۔

    رینجرز ذرایع کا کہنا ہے کہ فرار ہونے والے ملزمان کا تعلق تھر کے گاؤں باڑان سے ہے۔ خیال رہے کہ تھر میں نایاب ہرنوں کا شکار اور اسمگلنگ ایک عرصے سے جاری ہے۔

    یہ بھی پڑھیں:  تھر: بھوک پیاس کے مارے ہرنوں کا شکار، گوشت فروخت کیے جانے کا انکشاف

    یاد رہے کہ گزشتہ ماہ سندھ کے ایک تعلقے ڈاہلی میں نایاب ہرنوں کو ذبح کر کے اس کا گوشت فروخت کرنے کا انکشاف ہوا تھا، تھر میں ہرن ایک طرف بھوک پیاس کا شکار ہیں دوسری طرف شکاریوں کا بھی آسان ہدف بن گئے ہیں۔

    اس سلسلے میں ویڈیو بھی وائرل ہوئی تھی، جس میں تھر میں ایک نایاب ہرن کو گولی مار کر گرتے ہوئے دیکھا گیا، وائلڈ لائف افسر اشفاق میمن کا کہنا تھا کہ نایاب ہرنوں کے شکار کی خبریں زیادہ تر عمر کوٹ کے سرحدی علاقوں کی ہیں۔

    واضح رہے کہ تھر کی خوب صورتی میں اضافہ کرنے والے نایاب ہرن ہزاروں کی تعداد میں پائے جاتے تھے لیکن اب یہ بہت کم تعداد میں نظر آنے لگے ہیں، جس کی وجہ عمر کوٹ کے صحرائے تھر سے لگنی والی بھارتی سرحد کی نزدیکی گوٹھوں میں اس کا بے دریغ شکار ہے جس پر محکمہ وائلڈ لائف نے بھی خاموشی اختیار کر رکھی ہے۔

  • سندھ میں تعلیم کے فروغ کے لیے انرولمنٹ ڈرائیو کا آغاز

    سندھ میں تعلیم کے فروغ کے لیے انرولمنٹ ڈرائیو کا آغاز

    عمر کوٹ: سندھ کے محکمہ تعلیم کی جانب سے سرکاری اسکولوں میں طلبہ و طالبات کی تعداد بڑھانے کے لیے صوبے بھر میں انرولمنٹ ڈرائیو کا آغاز کردیا گیا ہے۔

    تفصیلات کے مطابق آج سندھ کے شہر عمر کوٹ سے صوبائی وزیرِ تعلیم سید سردار شاہ نے ایک ہفتے تک جاری رہنے والی انرولمنٹ ڈرائیو کا آغاز کیا ، اس سلسلے میں اہلیان ِ شہر کی جانب سے ایک پیدل ریلی بھی نکالی گئی جس کے بعد تعلیم کے حوالے سے آگاہی کے فروغ کے لیے سیمینار کا انعقاد ہوا۔

    وزیر تعلیم سید سردارعلی شاہ نے عمرکوٹ کے گورنمنٹ مسلم اسکول میں بچوں کو داخل کرواکر انرولمنٹ ڈرائیو کی شروعات کی۔ سید سردار شاہ کے ہمراہ اس موقع پر یونیسیف سندھ کی چیف کرسٹینا بروگیولو اور سیکریٹری تعلیم قاضی شاہد پرویز کے علاوہ عمرکوٹ کی سول سوسائٹی اور طلبہ وطالبات کے والدین بھی موجود تھے۔

    مذکور الذکر اہم شخصیات کے ساتھ ساتھ اس موقع پر ضلعی انتظامیہ اور بڑی تعداد میں شہریوں نے ڈی سی آفس عمر کوٹ سے لے کر پریس کلب تک واک کی۔ واک کے شرکاء نے سرکاری اسکولوں میں بچوں کا تعداد بڑھانے اور اسکولوں سے باہر بچوں کو تعلیم کے زیور سے آراستہ کرنے کے حوالے سے پلے کارڈز اور بینرز اٹھا رکھے تھے۔

    انرولمنٹ واک کے بعد محکمہ تعلیم سندھ کی جانب سے ایک سیمینار منعقد کیا گیا تھا جس میں سینکڑوں شہریوں اور بچوں کے والدین کی شرکت کی ۔ سیمینار سے سیاسی، سماجی اور تعلیمی ماہرین کے علاوہ والدین نے بھی خطاب کیا۔

    اس موقع پر عمر کوٹ کی سول سوسائٹی کی جانب سے صوبہ سندھ میں تعلیم کی بہتری کے لیے وزیر تعلیم سید سردار شاہ کے اقدامات کی بھرپور حمایت کا اعلان بھی کیا گیا۔

    خیال رہے کہ محکمہ تعلیم کی جانب سے پورے صوبے میں انرولمنٹ ڈرائیو کا آغاز کردیا گیا ہے ، یہ مہم ایک ہفتہ جاری رہے گی اور اس کے لیے ضلعی و ریجنل سطح پر مختلف شہروں میں آگاہی مہم و سیمینارز کا انعقاد کیا جا رہا ہے۔

  • ایک دوسرے کا پیٹ پھاڑنے والے راتوں رات بھائی بھائی بن گئے: شاہ محمود قریشی

    ایک دوسرے کا پیٹ پھاڑنے والے راتوں رات بھائی بھائی بن گئے: شاہ محمود قریشی

    عمر کوٹ: وزیر خارجہ شاہ محمود قریشی نے کہا ہے کہ ایک دوسرے کا پیٹ پھاڑنے  والے راتوں رات بھائی بھائی بن گئے.

    ان خیالات کا اظہار انھوں نے عمر کوٹ میں جلسے سے خطاب کرتے ہوئے کیا. شاہ محمود قریشی کا کہنا تھا کہ 14 قومی اسمبلی کی سیٹیں کراچی سے پی ٹی آئی کو ملیں، وہ ہوا جوکراچی سے چلی، وہ ساون کی گھٹابن کر عمر کوٹ پربرسے گی.

    [bs-quote quote=” آج کہہ رہا ہوں، 18ویں ترمیم پرنظر ثانی کا ہمارا کوئی ارادہ نہیں” style=”style-7″ align=”left” author_name=”شاہ محمود قریشی”][/bs-quote]

    انھوں نے شرکا کو  مخاطب کرتے ہوئے کہا کہ مانتا ہوں کہ تمھارے ساتھ ناانصافی ہو رہی ہے، مگر حالات ضرور  بدلیں گے۔

    انھوں نے کہا کہ گلگکت، کشمیر کے انتخابات میں میری نگاہ تبدیلی دیکھ رہی ہے، آج کہہ رہا ہوں، عنقریب بہت کچھ ہونے والا ہے.

    انھوں نے حکومت کے خلاف جاری پروپیگنڈے کو رد کرتے ہوئے کہا کہ میں آج کہہ رہا ہوں، 18ویں ترمیم پرنظر ثانی کا ہمارا کوئی ارادہ نہیں.

    انھوں نے مخالفین کو آڑے ہاتھ لیتے ہوئے کہا کہ پی ٹی آئی حکومت کا خوف ہے، جو یہ لوگ ایک ہو رہے ہیں، مرکزاور قومی اسمبلی میں تبدیلی آگئی، یہ تبدیلی کا خوف ہے، جو آج سب اکٹھے ہو رہے ہیں، تمھیں حکومتوں سےغرض ہوگی، ہمیں پاکستان سے غرض ہے، حکومت جاتی ہے، تو جائے پاکستان کا سودا نہیں کریں گے.

    شاہ محمود قریشی کا کہنا تھا کہ اگر انھیں پنجاب سے بھگا سکتے ہیں، تو انھیں سندھ سے بھی بھگا سکتے ہیں، خوف کے بادل چھٹ جائیں گے، خوف کی زنجیریں کھل جائیں گی، آج عمران خان کے لئے یہاں سے پیغام لےکر جانا چاہتا ہوں.

    مزید پڑھیں: تحریک انصاف چاہتی ہے پولیس میں بہتری آئے: وزیر خارجہ

    انھوں نے شرکا سے سوال کیا کہ میں عمران خان کو لے کر آؤں؟ اگر کپتان آیا، تو استقبال کرو گے؟ یہ کہتے ہیں، سندھ میں نہ جانا، مایوسی ہو گی، مگر اب تیاری کرو، گھر گھرمیرا پیغام پہنچاؤ، سب وعدہ کرو.

    انھوں‌ نے پیپلزپارٹی کو آڑے ہاتھ لیتے ہوئے کہا کہ انھیں کہہ دینا کہ تم جیت کربھی نہ آئے، وہ ہار کربھی ہمارے ساتھ تھے.

  • عمرکوٹ میں منعقدہ مومل فیسٹیول کی جھلکیاں

    عمرکوٹ میں منعقدہ مومل فیسٹیول کی جھلکیاں

    عمرکوٹ: سندھ کے تاریخی شہرعمرکوٹ میں ’مومل فیسٹیول‘ کے نام سے ثقافتی میلے کا انعقاد کیا گیا، مومل کو سندھ کی لوک کہانیوں میں خاص مقام حاصل ہے۔

    تفصیلات کے مطابق مومل فیسٹیول کا انعقاد محکمہ ثقافت وسیاحت سندھ کے اہتمام ایک غیر سرکاری کے تعاون سے کیا گیا تھا، فیسٹیول میں نامور سندھی محققین نے بھی شرکت کی۔

    میلے کا افتتاح ڈپٹی کمشنر عمرکوٹ ندیم الرحمن میمن نے کیا ۔ ان کا کہنا تھا کہ یہ اپنی نوعیت کا ایک منفرد میلہ ہے اور سندھ کی عظیم الشان ثقافت کے فروغ کے لیے ایسے فیسٹیولز کا انعقاد بے حد ضروری ہے۔

    مرکزی تقریب میں شریک معروف اسکالر اور محقق مفتی عقیل کا کہنا تھا کہ مومل کا کردار محبت امن اور رواداری کی علامت ہے، یہی سندھ کی شناخت بھی ہے۔

    مومل فیسٹول کے آرگنائزر نے اس موقع پر کہا کہ اس مومل میلے کے انعقاد کا مقصد مومل کے کردار سے خطے میں امن اور رواداری کی روایت کو تراشنا ہے۔

    میلے میں شاھ عبدالطیف بھٹائی کو روایتی انداز میں گانے والے فنکاروں ( شاہ کے فقیروں) نے روایتی انداز میں اپنے فن کا مظاہرہ کیا۔

     

  • عمر کوٹ، غیرت کے نام پر شوہر نے بیوی کو ڈنڈے مار مار کر قتل کردیا

    عمر کوٹ، غیرت کے نام پر شوہر نے بیوی کو ڈنڈے مار مار کر قتل کردیا

    عمر کوٹ : دو بچوں کی ماں کو غیرت نام اُس کے اپنے شوہر نے قتل کردیا، پولیس نے ملزم کو آلہ قتل اور ساتھیوں سمیت گرفتار کر کے مقتولہ کے بھائی کی مدعیت میں مقدمہ درج کرلیا ہے۔

    تفصیلات کے مطابق افسوسناک واقعہ عمرکوٹ کے نواحی علاقے ویہرو میں پیش آیا جہاں شوہر نے اپنی 30 سالہ بیوی کو ڈنڈے مار مار کر ہلاک کر دیا۔

    شوہر کے ہاتھوں قتل ہونے والی دو بچوں کی ماں کی لاش کو سول اسپتال عمر کوٹ لایا گیا جہاں پوسٹ مارٹم اور چند ضروری کارروائی کے بعد میت لواحقین کے حوالے کردی گئی ہے۔

    پولیس نے واقعہ کی اطلاع ملتے ہی فوری طور پر چھاپا مار کرتے ہوئے قاتل شوہر کو دو ساتھیوں سمیت گرفتار کرلیا ہے جب کہ مقتولہ کے بھائی کی مدعیت میں مقدمہ بھی درج کرلیا گیا ہے۔

    پولیس کا کہنا ہے کہ جائے وقوعہ سے اکھٹے کیے گئے شواہد اور محلے داروں کے بیانات سے ابتدائی طور پر یہ بات سامنے آئی ہے کہ شوہر نے بیوی کے کردار پر شک کرتے ہوئے اسے موت کے گھاٹ اتار دیا۔

    خیال رہے گزشتہ برس 2017 میں بھی پاکستان میں سو سے زائد خواتین کو ان کے سگے رشتہ داروں نے غیرت کے نام قتل کر کے ابدی نیند سلادیا تھا اور رواں سال کے پہلے ہی دن غیرت کے نام پر قتل کا اندوہناک واقعہ سامنے آگیا ہے۔

  • مریض کونہلا کرلاؤ، ڈاکٹر کی شرط نے نوجوان کی جان لے لی

    مریض کونہلا کرلاؤ، ڈاکٹر کی شرط نے نوجوان کی جان لے لی

    عمر کوٹ : ڈاکٹر کی نرالی منطق سے مریض جان کی بازی ہار گیا، ڈاکٹر کا کہنا تھا کہ پہلے مریض کو نہلا کر لاؤ پھر علاج کروں گا۔پولیس نے ڈاکٹر کو گرفتار کرلیا۔ 

    تفصیلات کے مطابق عمر کوٹ میں ڈاکٹر کی انوکھی شرط نے غریب خاکروب کی جان لے لی۔ بے حس ڈاکٹر کو گرفتارکر کےمقدمہ درج کرلیا گیا۔

    مذکورہ خاکروب کام کے دوران گہرے گٹر میں گر گیا تھا، گٹر کی گیس اور گندہ پانی منہ میں جانے کے باعث اس کی حالت غیر ہوگئی۔

    خاکروب کو بہت مشکل سے گٹر سے نکالنے کے بعد اس کے اہل خانہ اسپتال لے کر گئے تو ڈاکٹر نے مریض کی حالت دیکھ کر ہاتھ لگانے سے منع کردیا اور انوکھی شرط عائد کی کہ اس کو نہلا کر لاؤ پھر علاج ہوگا۔

    جس پر خاکروب کے اہل خانہ نے ڈاکٹر سے شدید احتجاج کرتے ہوئے اس کے علاج پر زور دیا۔ اس دوران بروقت طبی امداد نہ ملنے پرخاکروب نے تڑپ تڑپ کر جان دیدی۔

    مریض کی جان بچانے کیلئے ڈاکٹر کا روزہ توڑنا بھی جائز ہے، مفتی نعیم

    اس حوالے سے مفتی محمد نعیم کا کہنا ہے کہ کسی کی جان سے بڑھ کر کوئی دوسری چیز نہیں۔ انہوں نے کہا کہ مریض کی جان بچانے کیلئے ڈاکٹر روزہ بھی توڑسکتا ہے۔

    مفتی نعیم نے کہا کہ یہ انتہائی غلط بات اور قابل مذمت ہے کہ ڈاکٹر نے محض اس لیے مریض کا علاج نہیں کیا کہ وہ گندی حالت میں تھا، انہوں نے کہا کہ مریض کی ہلاکت کا سو فیصد ذمہ دار وہ ڈاکٹر ہے۔

     

    اسے ہر حالت میں سزا ملنی چاہیئے، اگر مریض کی جان بچانے کیلئے ڈاکٹر کو روزہ توڑنا بھی پڑتا تو کوئی حرج نہیں.

    واقعے کا نوٹس لیتے ہوئے آئی جی سندھ اے ڈی خواجہ نے ایس ایس پی عمر کوٹ کو کارروائی کی ہدایت کردی۔ پولیس نے ڈاکٹر جام کو گرفتار کرکے مقدمہ درج کر لیا ہے۔

  • سیہون دھماکا، کوئی ایک حکومت ذمہ دار نہیں قرار نہیں، شاہ محمود قریشی

    سیہون دھماکا، کوئی ایک حکومت ذمہ دار نہیں قرار نہیں، شاہ محمود قریشی

    عمرکوٹ : تحریک انصاف کے وائس چیئرمین شاہ محمود قریشی نے کہا ہے حکومت ایکشن پلان پر عمل کرتی تو ملک کو دہشت گردی کے واقعات سے نہیں گذرنا پڑتا اور نہ اتنی قیمتی جانوں کا نقصان ہوتا۔

    وہ عمر کوٹ میں ایک اجتماع سے خطاب کر رہے تھے انہوں نے کہا کہ دہشت گردی کی پہ در پہ واقعات نے فوجی عدالتوں کے قیام کو وقت کی ضرورت بنا دیا ہے۔

    شاہ محمود قریشی نے کہا کہ سیہون واقعہ پر کسی ایک حکومت کوذمےدار نہیں ٹھہرا سکتے بلکہ دہشت گری پوری قوم کامسئلہ ہے جس کا مقابلہ پوری قوم نے مل کر کرنا ہے۔

    انہوں نے کہا کہ حکومت نیشنل ایکشن پلان پر عمل کیا جاتا تو یہ نوبت نہیں آتی حکومت سیکیورٹی بڑھانے کے بجائے درگاہیں سِل کر رہی ہے اس طرح کرنے سے دہشت گردوں کے حوصلے بڑھیں گے۔

    وائس چیئرمین تحریک انصاف نے کہا کہ مردم شماری ملک کے لیے بےحد ضروری ہے جس کے لیے عمرکوٹ میں مردم شماری شفاف طریقے سے ہونی چاہیے اور مردم شماری پر صوبوں کے تحفظات دور کرنے چاہیے۔

    انہوں نے کہا کہ ہیں اپنی فوج پر پورا بھروسہ اور اعتماد ہے جو کسی قسم کے بیرونی اور اندرونی خطرات سے نمٹنے کی مکمل صلاحیت رکھتی ہے۔