اسلام آباد : عوامی مسلم لیگ کے سربراہ شیخ رشید نے کہا ہے کہ مجھے پرویز مشرف کی حمایت کا طعنہ دینے والے مجھے ایک آدمی کا نام بتائیں جو مارشل لاء کی پیداوار نہیں۔

وہ قومی اسمبلی میں خطاب کر رہے تھے انہوں نے کہا کہ بتائیں کہ ملک میں سپریم کورٹ اور ہائی کورٹ تک محفوظ نہیں اور مجھ پر بھی حملے ہوئے اور آئی جی اسلام آباد سے سیکیورٹی کے حوالے سے بات بھی کی لیکن سنجیدگی کا مظاہر نہیں کیا گیا۔

انہوں نے کہا کہ میں بڑا آدمی نہیں ہوں لیکن ایک سیاسی ورکر ضرور ہوں اور میری حفاظت کی ذمہ داری بھی حکومتِ وقت پر عائد ہوتی ہے جس سے حکومت غافل ہے ۔

انہوں نے کہا کہ مختلف عدالتوں میں 17لاکھ مقدمات زیر التوا ہیں اور بھی کئی مسائل ہیں اس لیے عدلیہ کےمعاملات کوٹھیک کرنےکی اشد ضرورت ہے۔

شیخ رشید نے کہا کہ ملک میں سیلاب آئے کوئی ناگہانی آفت آئے یا مردم شماری کرانی ہو تو فوج کو بلایا جاتا ہے اگر ہر مسئلے کا حل فوج ہی ہے تو حکمران اور سیاست دان کس مرض کی دوا ہیں؟

انہوں نے کہا کہ ملک میں سب سے زیادہ لوگ جعلی پولیس مقابلوں میں مارے جاتے ہیں جن کی سب سے زیادہ تعداد پنجاب میں ہے لیکن کوئی آواز نہیں اٹھاتا۔

لاہور : عوامی مسلم لیگ کے سربراہ شیخ رشید نے کہا ہے کہ پنجاب میں آپریشن کیے بغیر دہشت گردی جڑ سے ختم نہیں ہوسکتی۔

وہ لاہور دھماکے میں قیمتی جانوں کے نقصان پر افسوس کا اظہار کر رہے تھے، انہوں نے کہا کہ پنجاب میں دہشت گردی کا معاملہ سندھ یا بلوچستان کے مقابلے میں زیادہ حساس ہے کیوں کہ دہشت گرد بنانے کی فیکٹریاں پنجاب میں ہی قائم ہیں۔

انہوں نے کہا کہ جب تک رینجرز کے زریعے پنجاب میں سخت آپریشن نہیں کیا جاتا اُس وقت تک کوئی بھی آپریشن کامیاب نہیں ہوسکتا کیوں کہ پنجاب دہشت گردوں کی محفوظ آماج گاہ بن چکا ہے۔

شیخ رشید نے کہا کہ شریف خاندان نے پنجاب پولیس کو سیاست سے پراگندہ کردیا ہے جہاں پولیس افسران کو کسی سے وفاداری پر عہدے دیے جاتے ہیں اس طرح پولیس کیسے دہشت گردوں کے خلاف مضبوط اور موثر ثابت ہو سکتی ہے؟

انہوں نے کہا کہ جتنے سخت آپریشن کی ضرورت پنجاب میں ہے اتنی ملک کے کسی دوسرے حصے میں نہیں اگر پنجاب میں آپریشن ہوتا ہے تو دہشت گرد بنانے کی جامعات بند ہو جائیں گی اور پورے ملک میں پائیدار امن قائم ہو جائے گا۔

شیخ رشید نے کہا کہ پنجاب حکومت کی ہٹ دھرمی کے باعث یہاں آپریشن نہیں ہو پارہا ہے جس کا خمیازہ پوری قوم کو بھگتنا پڑ رہا ہے اس لیے اب ہر قسم کو مصلحت کو پس پشت ڈال کر پنجاب میں سخت آپریشن کیا جانا چاہیے۔

راولپنڈی : عوامی مسلم لیگ کے سربراہ شیخ رشید احمد کا کہنا ہے کہ مسلم لیگ (ن) کے وزراء پر پاناما کا خوف طاری ہے اسی لیے وزراء کی ذہنی کیفیت خراب ہو رہی ہے۔

وہ وفاقی وزیر خواجہ سعد رفیق کی جانب سے میڈیا چینل کو ہدفِ تنقید بنانے پر ردعمل دے رہے تھے انہوں نے کہا کہ وفاقی وزراء درباری بن چکے ہیں اور صبح شام عدالتوں میں بھاگتے پھرتے رہنے کے باوجود خفگی کے سوا کچھ ہاتھ نہیں آرہا ہے ۔

*عمران خان کی پالیسی نہیں چلے گی، ملک ترقی کرے گا، سعد رفیق

یہی وجہ ہے کہ وفاقی وزراء اس بگڑتی ذہنی حالت کی وجہ سے اپنا غصہ میڈیا چینلز بالخصوص اے آر وائی پر نکال رہے ہیں، وہ سمجھ رہے ہیں کہ دھونس دھمکی سے لوگ مرعوب ہوجائیں گے لیکن انہیں پتہ کہ پوری قوم اے آر وائی کے ساتھ ہے ۔

*خواجہ آصف اورسعد رفیق کی تقاریرسے مایوسی جھلک رہی ہے، نعیم الحق

انہوں نے کہا کہ یہ لوگ جتنا شور شرابہ کر لیں جتنا مرضی جان لڑا لیں لیکن فتح حق کی ہو گی اور اس سپریم کورٹ سے کرپشن کا جنازہ نکلے گا تب انہیں منہ چھپانے کو جگہ بھی نہیں ملے گی۔

شیخ رشید کا کہنا تھا کہ وفاقی وزراء حکم امتناع پر چل رہے ہیں ان کا مستقبل زیرو ہے اور وظیفے پر پلنے والوں کو اپنے گریبان میں جھانکنا چاہیے کہ وہ قوم کے ساتھ کیسا گھناؤنا مذاق کر رہے ہیں۔

لاہور: عوامی مسلم لیگ کے سربراہ شیخ رشید نے کہا کہ نواز شریف کے استعفی نہ دینے سے ملک سول وار کی طرف بڑھ رہا ہے، اب بھی وقت ہے اس مسئلے کو حل کرلیا جائے ورنہ صورتحال مزید بگڑ جائے گی۔

اسلام آباد میں دو نومبر کو ہونے والے دھرنے کی وجہ پیدا ہونے والی کشیدگی کی براہ راست کوریج کے لیے اے آر وائی نیوز کی خصوصی نشریات میں شیخ رشید کا کہنا تھاکہ پاناما لیکس کا مسئلہ حل کیا جائے چاہے استعفی سے ہو یا عدلیہ سے تاکہ ملک خراب صورتحال اور حادثے سے بچ جائے۔

اسی سے متعلق : شیخ رشید کا نواز شریف کے خلاف سپریم کورٹ جانے کا اعلان

انہوں نے کہا کہ نواز شریف چاہتے ہیں کہ پاک فوج پنجاب پولیس بن جائے اور نواز شریف اردگان بننے کا خواب دیکھ رہے ہیں،یہ فوج این آر او والی فوج نہیں ہے، یہ شہیدوں کی فوج ہے، فوج سے متعلق خبر جاری کرنے والے نیشنل سیکیورٹی لیکس کے ذمہ داروں کو سزا ضرور ملے گی۔

 یہ بھی پڑھیں : حکومت کا شیخ رشید کو گرفتار کرنے کا فیصلہ

واضح رہے کہ سربراہ تحریک انصاف کے سربراہ کی جانب سے کارکنان کو بنی گالہ پہنچنے کی ہدایت کے بعد بنی گالہ جانے والے تمام راستوں کو کنٹینر لگا کر بند کردیا گیا ہے، کئی مقامات پر پنجاب پولیس اور تحریک انصاف کے درمیان آنکھ مچولی کا کھیل جاری ہے۔