ARYNews.tv | Urdu – Har Lamha Bakhabar

Tag: عوامی مسلم لیگ

  • ووٹ ذلیل ہی نوازشریف کے ہاتھوں ہوا ہے‘ شیخ رشید

    ووٹ ذلیل ہی نوازشریف کے ہاتھوں ہوا ہے‘ شیخ رشید

    رحیم یارخان : عوامی مسلم لیگ کے سربراہ شیخ رشید کا کہنا ہے کہ نوازشریف ووٹ کوعزت دو کی بات کررہا ہے، ووٹ ذلیل ہی نوازشریف کے ہاتھوں ہوا ہے۔

    تفصیلات کے مطابق رحیم یار خان میں پریس کانفرنس کرتے ہوئے عوامی مسلم لیگ کے سربراہ شیخ رشید نے کہا کہ پہلی بار صبح کے اوقات میں پریس کانفرنس کررہا ہوں۔

    شیخ رشید کا کہنا تھا کہ ووٹ دیتے وقت ہم آنکھوں پر پٹی باندھ لیتے ہیں، عام آ دمی کے پاس آج گیس ہے نہ پانی اور نہ ہی بجلی ہے۔

    عوامی مسلم لیگ کے سربراہ شیخ رشید کا کہنا تھا کہ نوازشریف پہلا سیاست دان نہیں ہوگا جوجیل جائے گا۔ ان کا کہنا تھا کہ ہمیں نوازشریف نے لوٹ کھایا ہے، چھوٹی عمر میں ہی نوازشریف کے بچے ارب پتی بن گئے۔

    شیخ رشید کا کہنا تھا کہ پاکستان کے خلاف عالمی سازش ہے کہ عدلیہ، فوج کو بدنام کیا جائے۔ ان کا مزید کہنا تھا کہ جج کے گھرپرفائرنگ ہوسکتی ہے توغریب کی بیٹی کیسے محفوظ رہ سکتی ہے۔

    نواز شریف جیل جائے گا‘ شیخ رشید

    خیال رہے کہ رواں ہفتے عوامی مسلم لیگ کے سربراہ شیخ رشید کا کہنا تھا نواز شریف جیل جائے گا اور مسلم لیگ ن کا نام ونشان تک مٹ جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • یوم پاکستان کی پریڈ میں وفاقی وزرا نے شرکت نہ کر کے ایک پیغام دیا: شیخ رشید

    یوم پاکستان کی پریڈ میں وفاقی وزرا نے شرکت نہ کر کے ایک پیغام دیا: شیخ رشید

    کراچی: عوامی مسلم لیگ کے سربراہ شیخ رشید نے کہا ہے کہ آج کوئی وزیر اسلام آباد میں ہونے والی  پریڈ میں نہیں گیا، یوم پاکستان کی پریڈ میں وفاقی وزرا نے شرکت نہ کر کے ایک پیغام دیا ہے۔

    ان خیالات کا اظہار انہوں نے اے آر وائی نیوز کے پروگرام ’سوال یہ ہے‘ میں انٹرویو دیتے ہوئے کیا، شیخ رشید کا کہنا تھا کہ موجودہ حکومت مارشل لا کی پیدا وار ہے، یہ لوگ دنیا گھومتے رہتے ہیں اور یہاں لوگ بے روز گار پھر رہے ہیں لیکن  حکومت کو کوئی فکر نہیں۔

    انہوں نے کہا کہ نواز شریف معافی مانگ رہا ہے اس لیے کہ ا نہیں سزا نہ ہو، وہ اب کہہ رہا ہے کہ اداروں سے بات چیت کے لیے تیار ہوں، نواز شریف کی بھر پور کوشش ہے کہ درمیانی راستہ نکل آئے، جیسے جیسے سزا کے دن قریب ہوں گے ان کی اور مریم نواز کی سیاست بدلتی جائے گی۔

    شریف خاندان سے مناظرے کے لئے تیار ہوں، شیخ رشید

    شیخ رشید کا کہنا تھا کہ تحریک انصاف سے نگراں وزیر اعظم کے لیے نام پر مشاورت کی ہے، اس حوالے سے مزید مشاورت 26 مارچ کو ہوگی، جہاں تک میرا معاملہ ہے تو میں کوئی منی لانڈر نہیں، میں نے 20، 20 کمپنیاں نہیں بنائی، کبھی یہ نہیں کہوں گا کہ مجھے کیوں نکالا۔

    سربراہ عوامی مسلم لیگ نے کہا کہ الیکشن ٹریبونل سے اپنی پٹیشن پر کیس جیت چکا ہوں، سپریم کورٹ نے میری درخواست پر فیصلہ محفوظ کیا ہے اس پر بات نہیں کرسکتے، جو بھی فیصلہ ہوگا اسے قبول کروں گا لیکن یہ نہیں کہوں گا کہ مجھے کیوں نکالا۔

    بغاوت کالفظ کیپٹن(ر)صفدرنے21گاڑیوں کےپروٹوکول سےسیکھا،شیخ رشید

    ان کا مزید کہنا تھا کہ معاشی خسارہ دن بدن بڑھتا جارہا ہے، ڈالر کی قدر بڑھتی جا رہی ہے، اسحاق ڈار کے کرتوتوں کی سزا آج پوری قوم بھگت رہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بغاوت کالفظ کیپٹن(ر)صفدرنے21گاڑیوں کےپروٹوکول سےسیکھا،شیخ رشید

    بغاوت کالفظ کیپٹن(ر)صفدرنے21گاڑیوں کےپروٹوکول سےسیکھا،شیخ رشید

    راولپنڈی: عوامی مسلم لیگ کے سربراہ شیخ رشید کا کہنا ہے کہ میں کوئی شب خون مارنے والا آدمی نہیں ہوں،  بغاوت کا لفظ کیپٹن (ر) صفدر نے 21گاڑیوں کے پروٹوکول سے سیکھا، اللہ پر بھروسہ ہے، میرے ہاتھوں اسلام دشمنوں کو سیاسی شکست ہوگی۔

    تفصیلات کے مطابق راولپنڈی میں عوامی مسلم لیگ کے سربراہ شیخ رشید نے کیپٹن (ر) صفدر کے اعتراض کا جواب دیتے ہوئے ایک ویڈیو جاری کی، ویڈیوپیغام میں شیخ رشید نے کہا جوڈیشل مارشل لاکامطلب چیف جسٹس نوے یا ایک سو بیس دن کیلئے شفاف حکومت منتخب کریں اور فوج کو آرٹیکل 199 کے تحت شفاف الیکشن کیلئے ہدایت دیں۔

    شیخ رشید کا کہنا تھا کہ بغاوت کا لفظ کیپٹن صفدر نے پروٹوکول کی اکیس گاڑیوں میں سیکھا، میں کوئی شب خون مارنے والا آدمی نہیں ہوں، کیپٹن (ر)صفدرکے9ارب،ایل این جی پر کرپشن پردرخواست دی، چیف جسٹس کےحکم سےنیب کوکرپشن کیخلاف درخواست دی۔

    سربراہ عوامی مسلم لیگ نے کہا کہ نوازشریف صاحب میں منی لانڈررنہیں، میراکوئی بیرون ملک اثاثہ اورنہ ہی کوئی اولادہے، ایک کاہندسہ جمع نہیں کیاتواسکا یہ مطلب نہیں کہ دستاویزات غلط ہیں۔

    انکا مزید کہنا تھا کہ میں کوئی رونےوالانہیں جوروتاپھروں گا، اللہ پربھروسہ ہے،میرےہاتھوں اسلام دشمنوں کو سیاسی شکست ہوگی۔

    مزید پڑھیں :  شیخ رشید نے آئین توڑنے کاعندیہ دے دیا ہے‘ کیپٹن صفدر

    یاد ریے کہ اسلام آباد میں صحافیوں سے گفتگو کرتے ہوئے مسلم لیگ ن کے رکن قومی اسمبلی کیپٹن ریٹائرڈ صفدر نے کہا  تھا کہ شیخ رشید نےآئین توڑنے کاعندیہ دے دیا ہے، شیخ رشید کہتے ہیں ملکی آئین میں جوڈیشل مارشل لا لگ جائے۔

    مسلم لیگ ن کے رہنما نے مطالبہ کیا کہ  سپریم کورٹ آف پاکستان عوامی مسلم لیگ کے سربراہ شیخ رشید کے بیان پرازخود نوٹس لے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ہم سینیٹ الیکشن میں تعطل نہیں چاہتے‘ شیخ رشید

    ہم سینیٹ الیکشن میں تعطل نہیں چاہتے‘ شیخ رشید

    اسلام آباد : عوامی مسلم لیگ کے سربراہ شیخ رشید کا کہنا ہے کہ سینیٹ الیکشن کے نامزدگی فارم میں اپنے بندوں کو بچانے کے لیے19 تبدیلیاں کی گئیں۔

    تفصیلات کے مطابق اسلام آباد ہائی کورٹ کے باہرمیڈیا سے گفتگو کرتے ہوئے عوامی مسلم لیگ کے سربراہ شیخ رشید نے کہا کہ الیکشن ایکٹ کے ذریعے نامزدگی فارم میں قومیت، نادہندگی، اثاثوں کے خانے کوتبدیل کیا گیا۔

    شیخ رشید نے کہا کہ الیکشن ایکٹ میں کرمنل کا خانہ بھی ختم کردیا گیا۔

    عوامی مسلم لیگ کے سربراہ شیخ رشید نے کہا کہ حکومت چالاکی سے سارے کام کررہی ہے، مسلم لیگ ن کے امیدوار منی لانڈرنگ میں ملوث ہیں۔

    انہوں نے کہا ہم سینیٹ الیکشن میں تعطل نہیں چاہتے، ہم چاہتے ہیں کہ عوام کو امیدوار کے بارے میں حقائق معلوم ہوں۔

    شیخ رشید نے کہا کہ سینیٹ الیکشن کے نامزدگی فارم میں 19 تبدیلیاں کی گئیں جس کے خلاف اسلام آباد ہائی کورٹ میں درخواست دائر کی ہے۔

    عوامی مسلم لیگ کے سربراہ نے کہا کہ ختم نبوت کے معاملے پربھی سب اندر سے ملے ہوئے تھے، صرف عوامی مسلم لیگ اور شیخ رشید نے معاملہ اٹھایا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • شریف خاندان جیل نہ گیا تو میرا نام رانا ثنااللہ رکھ دینا، شیخ رشید

    شریف خاندان جیل نہ گیا تو میرا نام رانا ثنااللہ رکھ دینا، شیخ رشید

    لودھراں: عوامی مسلم لیگ کے سربراہ شیخ رشید نے کہا ہے کہ نواز شریف خود کو شیخ مجیب الرحمان کہتے ہیں، وہ اس ملک کے وزیر اعظم کیسے ہوسکتے ہیں، اگر شریف خاندان جیل نہ گیا تو میرا نام رانا ثنا اللہ رکھ دینا۔

    ان خیالات کا اظہار انہوں نے لودھراں میں پی ٹی آئی کے جلسے سے خطاب کرتے ہوئے کیا، شیخ رشید کا کہنا تھا کہ نواز شریف پاکستان کے اداروں کو تباہ کرنا چاہتے ہیں، اداروں کوتباہ کرنےوالوں کیخلاف آرٹیکل6کےتحت مقدمہ درج کیا جائے، نوازشریف نےآج تک کلبھوشن کانام تک نہیں لیا۔

    ایل این جی کیس کوسپریم کورٹ میں بےنقاب کرنےجارہےہیں‘ شیخ رشید

    انہوں نے کہا کہ کچھ لوگ آزاد کشمیر میں جلسہ کرتے ہیں اور مودی کا نام تک نہیں لیتے، شاہد خاقان عباسی کے خلاف ایل این جی کیس لگ گیا ہے، کیس میں جیت کی خوشی کی مٹھائی لودھراں لے کر آؤں گا۔

    شیخ رشید کا کہنا تھا کہ پہلے سمجھتا تھا پی ٹی آئی کے خلاف عالمی سازش ہو رہی ہے، جہانگیرترین نااہل ہوئے تو دکھ ہوا، لیکن اب ان کی جگہ علی ترین پاکستان کی سیاست میں اہم کردار ادا کریں گے۔

    ان کا مزید کہنا تھا کہ پاکستان کی عوام کے پاس عمران خان کے علاوہ کوئی دوسرا آپشن نہیں، صرف پاکستان تحریک انصاف ہی وہ واحد جماعت ہے جو ملک میں حقیقی تبدیلی لےکر آئے گی۔

    ناموس رسالت کے خلاف ووٹ دینے والی اسمبلی پرکروڑ بار لعنت بھیجتا ہوں، شیخ رشید

    یاد رہے گزشتہ دنوں اے آر وائے نیوز کے پروگرام ’’سوال یہ ہے‘‘ میں انٹرویو دیتے ہوئے سربراہ عوامی مسلم لیگ شیخ رشید کا کہنا تھا کہ ناموس رسالت کے خلاف ووٹ دینے والی اسمبلی پرایک کروڑ 101 مرتبہ لعنت بھیجتا ہوں، ایسی اسمبلی کا حصہ نہیں بن سکتا جہاں ناموس رسالت پر سمجھوتہ ہوتا ہو۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ایل این جی کیس کوسپریم کورٹ میں بےنقاب کرنےجارہےہیں‘ شیخ رشید

    ایل این جی کیس کوسپریم کورٹ میں بےنقاب کرنےجارہےہیں‘ شیخ رشید

    اسلام آباد: عوامی مسلم لیگ کے سربراہ شیخ رشید کا کہنا ہے کہ ایل این جی کے کمیشن میں کون ملوث ہیں سب بے نقاب ہوں گے۔

    تفصیلات کے اسلام آباد میں عوامی مسلم لیگ کے سربراہ شیخ رشید نے سپریم کورٹ کے باہر میڈیا سے گفتگو کرتے ہوئے کہا کہ قوم سے وعدہ کیا تھا مہنگی ایل این جی لانے والوں کو بے نقاب کریں گے۔

    شیخ رشید نے کہا کہ ایل این جی کیس کی دستاویزات نکالنا کوئی آسان کام نہیں تھا، ایل این جی کیس کوسپریم کورٹ میں بےنقاب کرنے جا رہے ہیں۔

    عوامی مسلم لیگ کے سربراہ نے کہا کہ دانیال عزیز، طلال چوہدری ، نہال ہاشمی اور نوازشریف سب جیل کا مال ہیں۔

    شیخ رشید نے کہا کہ ایل این جی کے کمیشن میں کون ملوث ہیں سب بے نقاب ہوں گے۔

    ایل این جی معاہدے میں شاہد خاقان کو اندر کراؤں گا، شیخ رشید

    یاد رہے کہ گزشتہ سال 19 ستمبرکوعوامی مسلم لیگ کے سربراہ شیخ رشید احمد کا کہنا تھا کہ ایل این جی معاہدے میں شاہد خاقان عباسی کو اندر کراؤں گا۔

    شیخ رشید کا کہنا تھا کہ ثابت کروں گا شاہد خاقان ایل این جی میں پارٹنر ہیں، ثابت نہ کرسکا تو سیاست سے دست بردار ہوجاؤں گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نواز شریف اور ڈونلڈ ٹرمپ میں کوئی فرق نہیں ہے، شیخ رشید

    نواز شریف اور ڈونلڈ ٹرمپ میں کوئی فرق نہیں ہے، شیخ رشید

    قصور : سربراہ عوامی مسلم لیگ شیخ رشید نے کہا ہے کہ معصوم بچیوں کی لاشیں گھر آرہی ہیں، حکمراں‌ رات کے اندھیرے میں آکر تعزیت کا احسان کرنے کے بجائے انصاف مہیا کریں.

    وہ زینب کے اہل خانہ سے ملاقات کے بعد میڈیا سے گفتگو کر رہے تھے، شیخ رشید نے کہا کہ دس سے زائد بچیوں سے زیادتی کے بعد قتل ہوا لیکن دس سال سے حکومت کرنے والوں کے کان پرجوں تک نہیں رینگی.

    انہوں نے کہا کہ مسلم لیگ (ن) نے اپنے دور حکمرانی میں لوٹ مار اور کرپشن کے سوا کچھ اور نہیں کیا ہے اور اس لوٹے ہوئے پیسے کو اپنی عیاشیوں میں خرچ کیا جس کی مثال محل نما جاتی امراء اور لندن فلیٹس ہیں.

    شیخ رشید کا کہنا تھا ایک طرف حکمرانوں کی عیش و عشرت اور طرز زندگی ہے تو دوسری طرف غریب کے بچے گردے بیچنے پر مجبور ہیں اور دو وقت روٹی کے لیے اپنی زندگیاں ختم کر رہے ہیں.

    سربراہ عوامی مسلم لیگ نے کہا کہ سانحہ قصور میں عوام کے ردعمل اور میڈیا نے حکمرانوں کو بتا دیا ہے کہ قوم کی نبض کیا ہے جس کی بنیاد پرحکمرانوں کو حق حکمرانی نہیں رہا ہے اس لیے فوری مستعفی ہوں.

    انہوں نے کہا کہ آج نواز شریف اور ٹرمپ میں کوئی فرق نہیں ہے دونوں ہی پاکستان دشمنی میں اخلاق کی ہر حد کو پار کیے ہوئے ہیں اور ستم یہ ہے کہ تین بار ملک کا وزیراعظم رہنے والے نواز شریف کا آئیڈیل شیخ مجیب الرحمان ہے.

    شیخ رشید کا کہنا تھا کہ ننھی پری سے درندگی کرنے والے سفاک ملزم کو گرفتار کرنے کے بجائے ظلم کے خلاف احتجاج کرنے والے مظاہرین پر براہ راست فائرنگ کروا کر صوبائی حکومت نے سفاکیت دکھائی.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

  • مسلم لیگ ن کا دھڑن تختہ ہوتا نظرآ رہا ہے‘ شیخ رشید

    مسلم لیگ ن کا دھڑن تختہ ہوتا نظرآ رہا ہے‘ شیخ رشید

    راولپنڈی : عوامی مسلم لیگ کے سربراہ شیخ رشید کا کہنا ہے کہ آصف زرداری کی شمولیت سے ملک گیراپوزیشن کا ماحول بنے گا۔

    تفصیلات کے مطابق عوامی مسلم لیگ کےسربراہ شیخ رشید نے میڈیا سے گفتگو کرتے ہوئے کہا کہ مسلم لیگ ن کا دھڑن تختہ ہوتا نظرآ رہا ہے۔

    شیخ رشید نے کہا کہ آصف زرداری کی شمولیت سے ملک گیر اپوزیشن کا ماحول بنے گا، فضل الرحمان بھی آصف زرداری کے تعویزمیں آجائیں گے۔

    عوامی مسلم لیگ کے سربراہ شیخ رشید نے کہا کہ سینیٹ الیکشن سے پہلے کک مارچ ہو جائے گا۔

    انہوں نے کہا کہ لندن، دبئی، سعودی عرب میں بے نامی دولت کی تحقیقات جاری ہیں، نواز شریف اور شہباز شریف جھوٹوں کے آئی جی ہیں۔

    عوامی مسلم لیگ کے سربراہ شیخ رشید نے کہا کہ 200 ارب کی چوری کا بل عام آدمی کی جیب میں ڈال دیا جاتا ہے، نواز شریف سے زیادہ دولت اسحاق ڈار نے لوٹی ہے۔

    پنجاب حکومت کو مارچ سے پہلے کِک مارچ ہوجائے گا، شیخ رشید

    یاد رہے کہ دو روز قبل عوامی مسلم لیگ کے سربراہ شیخ رشید کا کہنا تھا کہ پنجاب حکومت کو مارچ سے پہلے کِٰک مارچ ہوجائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • مارچ 2018 سےپہلےحکومت کا کوئیک مارچ ہوجائےگا‘ شیخ رشید

    مارچ 2018 سےپہلےحکومت کا کوئیک مارچ ہوجائےگا‘ شیخ رشید

    اوٹاوا : عوامی مسلم لیگ کے سربراہ شیخ رشید احمد کا کہنا ہے کہ شریف خاندان این آر او ڈھونڈ رہا ہے جو نہیں ملے گا۔

    تفصیلات کے مطابق عوامی مسلم لیگ کے سربراہ نے کینیڈا میں اے آروائی نیوز سے گفتگوکرتے ہوئے کہا کہ مارچ 2018 سے پہلے حکومت کا کوئیک مارچ ہوجائے گا۔

    عوامی مسلم لیگ کے سربراہ نے عمران خان کے ساتھ مل کرآئندہ عام انتخابات لڑنے کا اعلان بھی کیا۔

    شیخ رشید نے کہا کہ 60 ایم این اے مسلم لیگ ن چھوڑنے کے لیے تیار ہیں، ن لیگ میں لیڈر شپ کا فقدان ہے۔

    عوامی مسلم لیگ کے سربراہ شیخ رشید نے کہا کہ شریف خاندان کے پاس کوئی ثبوت نہیں ہے، یہ خاندان این آراو ڈھونڈ رہا ہے جو نہیں ملے گا۔

    نوازشریف کی تباہی کے بعد مریم الیکشن کی تیاری کررہی ہے، شیخ رشید

    خیال رہے کہ چار روز قبل ملتان میں پریس کانفرنس کرتے ہوئےشیخ رشید کا کہنا تھا کہ مریم نواز اپنی والدہ کلثوم نواز کی جگہ الیکشن لڑنےکی تیاری کررہی ہیں، مارچ سے پہلے چوروں کا کک مارچ ہوجائے گا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پر شیئر کریں ۔

  • ملک میں‌ کوئی حادثہ ہوا تو ذمہ دار نواز شریف ہوں گے، شیخ رشید

    ملک میں‌ کوئی حادثہ ہوا تو ذمہ دار نواز شریف ہوں گے، شیخ رشید

    لاہور : سربراہ عوامی مسلم لیگ شیخ رشید نے کہا ہے کہ ملک معاشی بدحالی کا شکار ہے اور مسلم لیگ (ن) جمہوریت کو ڈی ریل کرنے کی کوشش کررہی ہے اگر خدانخواستہ ملک میں کوئی حادثہ ہوا تو ذمہ دارنوازشریف ہوں گے.

    وہ میڈیا سے گفتگو کر رہے تھے شیخ رشید کا کہنا تھا کہ وزیراعظم شاہد خاقان عباسی ملک کو نہیں چلا رہے ہیں بلکہ اب بھی کارِ حکومت کسی اور کے ہاتھ میں ہے.

    سربراہ عوامی مسلم لیگ شیخ رشید نے کہا کہ لاقانونیت کی فضامیں ملک شدید بحران کا شکار ہے عدلیہ پرحملہ ہو رہے ہیں اور شکر ہے یہ نیب جج کو اٹھا کرنہیں لے گئے ان کا بس چلے تو یہ بھی کر گذریں.

    شیخ رشید نے کہا کہ نوازشریف کو فوج اورعدلیہ کی تضحیک کا ایجنڈا ملا ہے جس کے تحت اہم اداروں کی تضحیک کی جارہی ہے اور گینگ آف 5 اور ان کے قریبی عجیب فضا پیدا کر رہے ہیں اس طرح ملک نہیں چلتا.

     یہ پڑھیں : براہ راست سرمایہ کاری میں 150 فیصد اضافہ ہوا، اسحاق ڈار

    انہوں نے کہا کہ پوری قوم عدلیہ و فوج کے ساتھ ہے، اداروں کی تضحیک کرنے والوں کو شکست کا سامنا ہوگا، پاکستان سے کوئی بڑا نہیں آج جو ہو رہا ہے وہ ملک کے خلاف ہے.

    شیخ رشید نے کہا کہ جمہوریت کو اصل خطرہ جمہوریت سے ہے اور حکومت جمہوریت کوزندہ رکھنےکی شرط پوری نہیں کررہی اس لیے کرپٹ حکمرانوں کو ان کے منطقی انجام تک پہنچایا جائے کیوں جتنی دیر ہوگی اتنا ہی ملک کا زیادہ نقصان ہوگا.

     یہ بھی پڑھیں : پنڈی کا شیطان آصف غفور کا ترجمان بننے کی کوشش کرتا ہے، رانا ثناء

    انہوں نے کہا کہ جن پر فرد جرم عائد ہو وہ نیشنل سیکیورٹی اجلاس میں بیٹھے ہوتے ہیں اس سے بڑھ کر اس ملک کے ساتھ کیا المیہ ہوسکتا ہے ؟ یہ ایک سنگین مذاق ہے جو جمہوریت کے نام پر کیا جا رہا ہے.

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پر شیئر کریں ۔