اسلام آباد: وزیراعظم عمران خان نے عوامی مفاد کی قانون سازی کا عمل تیز کرنے کی ہدایت کر دی۔
تفصیلات کے مطابق وفاقی دارالحکومت اسلام آباد میں وزیراعظم عمران خان سے مشیر پارلیمانی امور بابر اعوان نے ملاقات کی جس میں پارلیمانی،آئینی اور قانونی معاملات پر تفصیلی تبادلہ خیال کیا گیا۔
ملاقات میں ارکان اسمبلی کے پارلیمانی مسائل فوری حل کرنے پر اور پارلیمانی معاملات شفاف اور درست انداز میں آگے بڑھانے کے اقدامات پر بھی اتفاق کیا گیا۔ بابر اعوان نے وزیراعظم کو دونوں ایوانوں میں زیر التوا بلوں کی رپورٹ پیش کی۔
اس موقع پر وزیراعظم عمران خان نے عوامی مفاد کی قانون سازی کا عمل تیز کرنےکی ہدایت کرتے ہوئے کہا کہ عوامی مفاد کے زیر التوا قانون ساز بلوں کو حتمی مراحل تک پہنچایا جائے۔
لاک ڈاؤن جاری رکھیں یا نہیں،14 اپریل کو فیصلہ ہوگا،وزیراعظم
یاد رہے کہ دو روز قبل کوئٹہ میں میڈیا سے گفتگو کرتے ہوئے وزیراعظم عمران خان کا کہنا تھا کہ لاک ڈاؤن میں غریب آدمی کی مشکلات کا احساس ہے، لاک ڈاؤن جاری رکھیں یا نہیں،14 اپریل کو فیصلہ ہوگا۔
