کراچی : پٹرول کی قیمت میں اضافے پر ملک بھر کے عوام پھٹ پڑے اور شکوہ کیا کہ تنخواہ کم ہے اور پیٹرول کی قیمت زیادہ، حکومت مہنگائی کم کرے۔
تفصیلات کے مطابق نگراں حکومت کی جانب سے پٹرول کی قیمت میں اضافے پر شہری پھٹ پڑے، عوام کا کہنا ہے کہ رات کوپٹرول کی قیمت میں اضافے کی افواہیں چل رہی تھیں لیکن ہم نے سوچا نہیں بڑھے گی، موجودہ حکمران تو نگرانی کیلئےآئے ہیں، لیکن نگرانوں نے بھی بیل بجادی۔
پیٹرولیم مصنوعات کی قیمتوں میں اضافہ کوعوام نے ظلم قرار دے دیا اور کہا کہ غریب عوام کو کب تک ظلم کی چکی میں پیسا جائے گا، پٹرول مہنگاہونے سے غریب ہی مرے گا۔
ایک شہری نے ردعمل دیتے ہوئے کہا کہ غریبوں کو چاہیے سائیکل خرید کر پرانے دورمیں چلے جائیں۔
عوام نے پٹرولیم قیمتوں میں اضافہ مسترد کرتے ہوئے کہا کہ حکومت بم پر بم گرا رہی ہے، تنخواہ کم ہے اور پیٹرول کی قیمت زیادہ، حکومت مہنگائی کم کرے۔
خیال رہے نگراں حکومت نے ۔ آتے ہی عوام پر پٹرول بم گرا دیا اور قیمت میں سترہ روپے پچاس پیسے کا بڑا اضافہ کر دیا، جس کے بعد پٹرول دوسو نوے روپے پینتالیس پیسے فی لٹرہوگیا۔
