Tag: عوام

اسلام آباد : پیٹرولیم مصنوعات کی قیمتوں میں تاریخی کمی پر عوام نے کہا کہ آرمی چیف صاحب ہماری گزارش ہے کہ کرپٹ لوگوں کو کھینچ کر رکھیں۔

تفصیلات کے مطابق حال ہی میں حکومت کی جانب سے پیٹرولیم مصنوعات کی قیمتوں میں 40 روپے فی لیٹر کمی ہوئی، اس حوالے سے عوام نے ردعمل دیتے ہوئے کہا کہ اللہ ان کو خوش رکھے عوام پر سے بوجھ کافی کم ہوا ہے، یقین نہیں ہو رہا پیڑول 40 روپے سستا ہوا ہے۔

عوام کا کہنا تھا کہ آرمی چیف صاحب ہماری گزارش ہے کہ کرپٹ لوگوں کو کھینچ کر رکھیں، پیٹرولیم مصنوعات کی قیمتوں میں کمی سے مثبت اثرات مرتب ہونگے، یہ حکومت اور عسکری قیادت کا اچھا اقدام ہے ۔

عوام نے رائے میں کہا کہ معیشت کی بحالی کی مد میں آرمی چیف کے اس اقدام کو سراہتے ہیں، آرمی چیف نمبر ون کام کر رہے ہیں، آرمی چیف نے ڈالر کی بڑھتی قیمت کو قابو کیا جس سے پیٹرولیم مصنوعات کی قیمتوں میں کمی میں آسانی ہوئی۔

یاد رہے حکومت نے پیٹرول کی قیمت میں 40 روپے فی لیٹر کمی کا اعلان کیا تھا ، کمی کے بعد پیٹرول کی نئی قیمت 283 روپے 38 پیسے فی لیٹر ہوگئی تھی۔

اسلام آباد : آفیشل سیکرٹ ایکٹ اورآرمی ترمیمی بل کے معاملے پر عوام نےصدرِ پاکستان عارف علوی سے استعفٰی کا مطالبہ کردیا۔

تفصیلات کے مطابق آفیشل سیکرٹ ایکٹ اورآرمی ترمیمی بل کے معاملے پر عوام کی رائے سامنے آگئی، عوام نے اظہار خیال کرتے ہوئے کہا کہ ہم مطالبہ کرتے ہیں کہ صدراستعفیٰ دیں، جس صدرکو پتا ہی نہیں میرا عملہ کیا کر رہا ہے تو ملک کے بارے میں کیا پتا ہوگا۔

عوام کا کہنا تھا کہ صدر اپنی ذاتی سیاسی پارٹی کو فائدہ پہنچانےکےلیےغلط بیانی کررہے ہیں، انھوں نے دستخط نہ کرنے کے بارے میں اپنے ذاتی اکاؤنٹ سے ٹوئٹ کرکے بہت غیر ذمہ داری کاثبوت دیا ہے۔

عوام نے رائے دی کہ تین دن بعدیادآرہاہےکہ دستخط نہیں کیے،ان کوچاہیےتھاکہ اسی وقت ردعمل دیں، خاموشی کا مطلب نیم رضا مندی سمجھا جاتا ہے۔

عوام نے مزید کہا کہ صدرخودکوبچانے کےلیےعوام کو آرمی کے خلاف بھڑکا رہےہیں، صدرجھوٹ بول رہے ہیں، وہ سب جانتے تھے، یوٹرن لیناکوئی اچھی بات نہیں، یہ توعوام کودھوکے میں رکھنےوالی بات ہے، یہ انتہائی افسوسناک اورلمحہ فکریہ ہے۔

کراچی : پاکستانی عوام نے حکومت کی جانب سے بجلی کی قیمتوں میں اضافے پر ردعمل دیتے ہوئے کہا کہ ہے کہ یہ حکومت بائیس کروڑ عوام کو ختم کرکے ہی چھوڑے گی۔

تفصیلات کے مطابق بجلی کی قیمتوں میں اضافے نے عوام کو مشتعل کردیا، شہریوں کا کہنا ہے کہ حکومت کے بائیس دن رہ گئے، بائیس کروڑ عوام کو ختم کرکے ہی چھوڑے گی۔

شہریوں نے کہا امیر اور غریب کے یونٹ کی قیمت میں کوئی فرق نہیں، مشکل فیصلے کس کیلئے کرنے تھے، حکومت عوام کو پل صراط سے گزارنے کی کوشش کررہی ہے، حکومت سےگزارش ہے ہمیں موت کے کنویں سےبچالے۔

یاد رہے وفاقی حکومت نے بجلی 7 روپے 50 پیسے فی یونٹ تک مہنگی کر دی ہے، بجلی کے بنیادی ٹیرف میں 3 روپے سے ساڑھے 7 روپے فی یونٹ تک اضافہ کیا گیا ہے۔

100 یونٹ والے گھریلو صارفین کے لیے بجلی 3 روپے فی یونٹ مہنگی کرنے کی، 101 سے 200 یونٹ والے صارفین کے لیے 4 روپے فی یونٹ اضافے، 201 سے 300 یونٹ تک والے صارفین کے لئے 5 روپے فی یونٹ، 301 یونٹ سے 400 یونٹ تک 6 روپے 50 پیسے فی یونٹ، جب کہ 400 سے 700 یونٹ والے صارفین کے لیے 7 روپے 50 پیسے فی یونٹ اضافے کی تجویز دی گئی ہے۔

اضافے سے اوسط فی یونٹ ٹیرف 35 روپے 42 پیسے سے بڑھ کر 42 روپے 72 پیسے فی یونٹ ہو جائے گا جبکہ سیلز ٹیکس کے نفاذ کے بعد فی یونٹ قیمت 50 روپے تک پہنچ جائے گی۔