ARYNews.tv | Urdu – Har Lamha Bakhabar

Tag: عوام

  • جدہ اور ریاض کے بعد دمام میں بھی عوام کیلئے سینما گھر کھل گئے

    جدہ اور ریاض کے بعد دمام میں بھی عوام کیلئے سینما گھر کھل گئے

    ریاض: سعودی عرب کی جنرل اتھارٹی برائے میڈیا نے مشرقی شہر دمام میں پہلے سینیما گھر کا افتتاح کردیا گیا۔

    تفصیلات کے مطابق سعودی عرب کے ولی عہد شہزادہ محمدبن سلمان بن عبدالعزیز کے ویژن 2030 کے تحت مشرقی گورنری کے شہر دمام میں بھی عوام کو معیاری تفریح فراہم کرنے کےلیے پہلے سینما گھر کا افتتاح کردیا گیا ہے۔

    عرب خبر رساں ادارے کا کہنا تھا کہ سعودی عرب کی آڈیو ویژول میڈیا جنرل اتھارٹی کے سربراہ نے دمام کے لولو مال پہلے سینما کاافتتاح کیا ، اس موقع پر شائقین کی بڑی تعداد موجود تھی۔

    رپورٹ کے مطابق سعودی عرب میں 2019 سے 2020 کے دوران پانچ سینیما گھر کھولے جائیں گے جبکہ چھٹا سینما 2021 میں کھولا جائے گا، جن میں سے پہلا ریڈ سی مال کمپلیکس میں کھولا گیا جبکہ الاندلس مالک، اسٹار ایونیو، ابحر مال اور المسرۃ مال میں چار سینیما گھر کھولے جائیں گے۔

    جدہ کے ریڈ سٹی مال میں بنائے جانے والے وی او ایکس سینیما میں 12 اسکرینیں نصب کی گئیں جبکہ الاندلس میں 27، اسٹار ایونیو میں 9 اسکرینیں لگائیں جائیں گی، رواں سال کے آخر تک تین سینیما گھروں کا افتتاح کیا جائے گا۔

    عرب میڈیا رپورٹ کے مطابق آئندہ برس ابحرل مال میں 11 اسکرینوں اور المسرۃ مال میں 6 اسرکین والے سینیما گھر قائم کیے جائیں گے۔

    العربیہ کی رپورٹ کے مطابق سینیما کا افتتاح مقامی وقت کے مطابق شام ساڑھے چھ بجے ہوا، وی او ایکس کے چیف ایگزیکٹو آفیسر نے اعلان کیا کہ اُن کا گروپ آئندہ پانچ برسوں میں 600 سینیما گھر قائم کرنے کا ارادہ رکھتا ہے جس کے لیے 5 ارب 33 کروڑ ڈالر کا بجٹ مختص کیا گیا ہے۔

    یاد رہے کہ سعودی حکومت وژن 2030 کے تحت مسلسل روشن خیالی کی طرف گامزن ہے، اس ضمن میں خواتین کو نہ صرف خود مختار بنایا جارہا ہے بلکہ انہیں ملازمتوں کے مواقع بھی فراہم کیے جارہے ہیں۔

  • اردوآن کی مداخلت کے باعث عدلیہ سے عوام کا اعتماد اٹھ چکا ہے، امریکی اخبار

    اردوآن کی مداخلت کے باعث عدلیہ سے عوام کا اعتماد اٹھ چکا ہے، امریکی اخبار

    انقرہ : امریکی اخبار نے انکشاف کیا ہے کہ ترکی میں جج خود حکومتی دباؤکے باعث خوف کا شکار رہتے ہیں جو آزادانہ فیصلے صادرکرنے میں ناکام ہیں۔

    تفصیلات کے مطابق امریکی اخبار نے لکھا ہے کہ جوانی کی عمر میں موجودہ ترک صدر رجب طیب ایردوآن کو ایک سیاسی مجمع میں متنازع نظم پڑھنے کی پاداش میں جیل کی ہوا کھانا پڑی تھی، وہ وقت اور آج کا وقت ایردوآن خود کو آزادی اور انصاف کا ہیرو بنانے کو بھرپور کوشش کر رہے ہیں۔

    غیر ملکی خبر رساں ادارے کا کہنا تھا کہ ملک میں اپنے ابتدائی دور حکومت میں انہوں نے قابل قدر عدالتی اصلاحات کیں جنہیں عوامی سطح پر سراہا گیا۔

    امریکی اخبارنے اپنی رپورٹ میں ترکی میں عدلیہ کی آزادی اور ترک صدرکی طرف سے عدلیہ کے معاملات میں مداخلت پر روشنی ڈالتے ہوئے لکھا کہ ترکی میں صدر ایردوآن کی مداخلت کے نتیجے میں عوام کا عدالتوں پراعتبار اٹھ چکا ہے۔

    غیر ملکی خبررساں ادارے کا کہنا تھا کہ ایردوآن کے پہلے برسوں کے دور اقتدار میں عوام کا عدلیہ پر اعتبار بڑھا مگروقت گذرنے کے ساتھ ساتھ ایردوآن نے اقتدار پراپنی گرفت مضبوط بنانے کے لیے عدلیہ کو ایک مہرے کے طورپر استعمال کرنا شروع کیا۔ اس کا عوام الناس پر منفی اثر پڑا اور لوگوں نے عدالتوںپر اعتماد کرنا چھوڑ دیا۔

    ایردوآن کے سیاسی مخالفین ان کے استبدادی اسلوب سیاست، حکمراں جماعت کے اندر من مانی اور ملک میں آمرانہ انداز حکمرانی کو ہدف تنقید بناتے ہیں۔

    صدر ایردوآن کی اپنی پارٹی میں من مانی اور آمرانہ طرز سیاست کے باعث ترکی کے تمام شعبہ ہائے زندگی بالخصوص معیشت، تعلیم اور روزگار پر گہرے منفی اثرات مرتب ہوئے۔

    غیر ملکی خبر رساں ادارے کا کہنا تھا کہ ترکی کی عدالتوں میں فیصلوں میں جلد بازی معمول بن چکی ہے۔

    قانونی ماہرین کا کہنا تھاکہ ملک میں تطہیر کا عمل جاری ہے اور عدالتوں کے جج خود حکومتی دباﺅکے باعث خوف کا شکار رہتے ہیں جو آزادانہ فیصلے صادرکرنے میں ناکام ہیں۔

  • بہار میں گرمی کے باعث 91 افراد ہلاک، عوام کا وزیر صحت کے خلاف احتجاج

    بہار میں گرمی کے باعث 91 افراد ہلاک، عوام کا وزیر صحت کے خلاف احتجاج

    نئی دہلی: بھارتی ریاست بہار میں شدید گرمی کے باعث گزشتہ 30 گھنٹوں کے دوران کم از کم 91 افراد ہلاک ہوگئے، وزیر صحت کومریضیوں کی عیادت کے دوران اسپتال میں ضروری اشیاء کی عدم فراہمی کے خلاف شدید احتجاج کا سامنا کرنا پڑا۔

    تفصیلات کے مطابق بھارتی محکمہ صحت کے اعلیٰ عہدیدار وجے کمار کا کہنا تھا کہ یہ ہلاکتیں تین اضلاع میں ہوئی ہیں جہاں درجہ حرارت 51 ڈگری سینٹی گریڈ سے زیادہ تھا۔

    وجے کمار کا کہنا تھا کہ مگادار ریجن کے تین اضلاع میں 91 افراد جاں بحق ہوئے اور یہ علاقے خشک سالی کا بھی شکار ہوئے تھے، گزشتہ روز دوپہر کو اچانک یہ افسوس ناک پیش آیا اور ہیٹ اسٹروک سے متاثرہ افراد اسپتال پہنچے تھے۔

    عہدیدار کے مطابق اکثر ہلاکتیں ہفتے اور اتوار کی رات کو ہوئی تھیں اور چند اموات اتوار کو صبح ہوئیں، صورت حال سے آگاہ کرتے ہوئے انہوں نے کہا کہ اورنگ آباد میں واقع سرکاری اسپتال میں مزید 40 سے زائد متاثرہ افراد طبی امداد دی جارہی ہے۔

    محکمہ صحت کے عہدیدار کا کہنا تھا کہ ہیٹ اسٹروک سے متاثرہ مزید مریض اسپتال لائے جارہے ہیں جنہیں طبی امداد فراہم کی جارہی ہے اور اگر گرمی کا یہ سلسلہ جاری رہا تو مزید اموات کا خدشہ ہے۔

    عہدیداروں کے مطابق اکثر متاثرہ افراد کی عمریں 50 برس سے زائد ہیں جبکہ کم عمر بچے بھی ہلاک شدگان میں شامل ہیں جو بے ہوشی کی حالت میں اسپتال پہنچ رہے ہیں اور انہیں بخار، ڈائیریا اور متلی کی شکایت ہے۔

    بھارتی میڈیا کے مطابق بہار حکومت نے لوگوں کو غیرضروری طور پر گھروں سے باہر نہ نکلنے کی ہدایت کی ہے، دریاوں اور جھیلوں میں پانی کی سطح کم ہو گئی، لوگوں کو پانی کی قلت کا سامنا ہے۔

    بھارتی خبر رساں ادارے کا کہنا تھا کہ وزیر صحت ہرش وردھن نے متاثرین کی عیادت کےلیے اسپتال کا دورہ کیا تو متاثرین کے اہل خانہ کی جانب سے شدید احتجاج کا سامنا کرنا پڑا ہے.

    بھارتی میڈیا کا کہنا ہے کہ متاثرین کی جانب سے اسپتال میں ضروری اشیا‌ء یسے بیڈ، ادویات ودیگر اشیاء کی عدم فراہمی خلاف احتجاج کررہے ہیں۔

    یاد رہے کہ 2015 میں بھی ہیٹ ویو کے نتیجے میں بھارت اور پاکستان میں 3 ہزار 500 سے زائد افراد جاں بحق ہوگئے تھے۔

  • عوام کے حالات بدلنے کے لئے دن رات محنت کررہے ہیں: عثمان بزدار

    عوام کے حالات بدلنے کے لئے دن رات محنت کررہے ہیں: عثمان بزدار

    لاہور:  وزیر اعلیٰ پنجاب سردار عثمان بزدار نے کہا ہے کہ عوام کے حالات بدلنے کے لئے دن رات محنت کررہے ہیں۔

    ان خیالات کا اظہار وزیراعلیٰ پنجاب نے پی ٹی آئی اور ق لیگ کی خواتین ارکان اسمبلی سے ملاقات کے موقع پر کیا.

    اس میٹنگ میں عوام کی فلاح وبہبود کے منصوبوں، خواتین اراکین کو مزید بااختیار بنانے پر گفتگو ہوئی. وزیر اعلیٰ عثمان بزدارکو متوازن بجٹ پیش کرنے پرخواتین ارکان اسمبلی نے مبارک باد دی.

    ارکان اسمبلی کا کہنا تھا کہ نامساعد اقتصادی حالات کے باوجود بہترین بجٹ پیش کیا گیا، معاشرے کے تمام طبقات کی ضروریات کو مد نظررکھا گیا، آپ بہترین وزیراعلیٰ ہیں، اراکین اسمبلی کوعزت دیتےہیں،مسائل حل کرتے ہیں.

    خواتین ارکان نے مزید کہا کہ ہمیں فخرہے کہ پنجاب میں آپ جیسا وزیراعلیٰ موجود ہے.

    مزید پڑھیں: جنوبی پنجاب صوبےکےحوالےسے پاکستان تحریک انصاف کا تاریخی فیصلہ

    اس موقع پر عثمان بزدار نے کہا کہ خواتین ارکان نے قانون سازی کے عمل میں بڑھ چڑھ کر حصہ لیا، خواتین ارکان اسمبلی کو ان کا جائز حق دیں گے، خواتین ارکان ا سمبلی کی رہائش کے مسئلے کو ترجیحی بنیادوں پرحل کریں گے.

    وزیر اعلیٰ پنجاب نے کہا کہ ضلعی سطح پربننے والی کمیٹیوں میں خواتین ارکان کو شامل کیا جائے گا، فیصلے سب کی مشاورت سے کئے جا رہے ہیں.

    وزیراعلیٰ پنجاب عثمان بزدار کا کہنا تھا کہ عوام کے حالات بدلنے کے لئے دن رات محنت کررہے ہیں، ارکان اسمبلی کی تضحیک سابقہ حکمرانوں کا وتیرہ تھا. ہم ایسا نہیں ہونے دیں گے.

  • سازشی ٹولہ عوام کو سڑکوں پر لانے کی ناکام کوشش کر رہا ہے: فردوس عاشق اعوان

    سازشی ٹولہ عوام کو سڑکوں پر لانے کی ناکام کوشش کر رہا ہے: فردوس عاشق اعوان

    سیالکوٹ: معاون خصوصی برائے اطلاعات فردوس عاشق اعوان نے کہا ہے کہ ملک کو قرضوں میں ڈبونے والا ٹولہ مگرمچھ کے آنسوں رو رہا ہے۔

    ان خیالات کا اظہار انھوں نے جلسہ عام سے خطاب کرتے ہوئے کیا۔ ان کا کہنا تھا کہ کفایت شعاری ملکی معاشی صورت حال کے پیش نظر ناگزیر ہے۔

    انھوں نے کہا کہ عمران خان پاکستان کے مفاد پر کبھی سمجھوتا نہیں کریں گے، عمران خان پاکستان کے حقوق کی جنگ لڑیں گے، پاکستان کےعوام ان کے شانہ بشانہ کھڑے ہیں۔

    [bs-quote quote=”افواج پاکستان نے اپنے بجٹ میں کٹوتی کرکے حکومت پراعتماد کا ثبوت دیا” style=”style-8″ align=”left” author_name=”فردوس عاشق اعوان”][/bs-quote]

    انھوں نے کہا کہ طاقت ور اور کمزور کے لئے الگ الگ قانون اب نہیں چلے گا، طاقت ور شخصیات نے 70 سال ملک کے قانون کو اپنے تابع کر کے رکھا، قوم کو وزیراعظم عمران خان پر مکمل اتحاد ہے۔

    انھوں نے کہا کہ مریم صفدر کے والد نے قانون کو اپنے شکنجے میں رکھا، طاقت ور ٹولہ ملک کے قانون کو مذاق بنا رہا ہے، عوام اب لوٹ مارکرپشن کرنے والوں کے نعروں میں نہیں آئے گی، سازشی ٹولہ مہنگائی کی آڑ میں عوام کو سڑکوں پر لانے کی سازش کررہا ہے۔

    فردوس عاشق اعوان نے کہا کہ افواج پاکستان، جنرل قمرجاوید کو خراج تحسین پیش کرتی ہوں، افواج پاکستان نے اپنے بجٹ میں کٹوتی کرکے حکومت پراعتماد کا ثبوت دیا، افواج پاکستان نے ہرمحاذ پرملک کے لئے قربانیاں دی ہیں، مسلح افواج معاشی دباؤ میں بھی عوام کےشانہ بشانہ کھڑی ہوئی۔

    [bs-quote quote=”حکومت اپنے غیرضروری اخراجات میں کٹوتی کرے گی” style=”style-8″ align=”left” author_name=”فردوس عاشق اعوان”][/bs-quote]

    ان کا کہنا تھا کہ سازشی ٹولہ عوام کو سڑکوں پر لانے کی ناکام کوشش کر رہا ہے، ن لیگ کے دور میں معیشت کو تباہ کیا گیا۔

    افواج پاکستان ہرمشکل میں عوام کے ساتھ کھڑے ہوتے ہیں، حکومت ملکی دفاع سے غافل نہیں ہوگی، پاکستان حکومت کو دشمن کو للکارنا اور اسے سبق سکھانا آتا ہے، ہم کہتے نہیں ہم کرکے دکھاتے ہیں۔

    ان کا کہنا تھا کہ عمران خان ہر جوان کی ضرورتیں پوری کریں گے، افواج پاکستان کے بجٹ میں کوئی کٹوتی نہیں ہوگی، حکومت اپنے غیرضروری اخراجات میں کٹوتی کرے گی، حکومت ملک کے دفاع کی ضرورت سے بالکل غافل نہیں۔

    انھوں نے اپوزیشن کو آڑے ہاتھ لیتے ہوئے کہا کہ مریم نواز بتائیں نوازشریف آپ کواورنواسی کو کیوں جنرل اسمبلی لے کر گئے۔

  • فنی خرابی کے باعث بجلی کی معطلی، سعودی وزیر کی عوام سے معذرت

    فنی خرابی کے باعث بجلی کی معطلی، سعودی وزیر کی عوام سے معذرت

    ریاض : انجینئر خالد الفالح کا کہنا ہے کہ متاثرہ علاقوں میں زیادہ تر کو بجلی کی سپلائی بحال کردی گئی ہے،بریک ڈاﺅن کی تحقیقات جاری ہیں۔

    تفصیلات کے مطابق سعودی عرب کے وزیر توانائی، صنعت و قدرتی وسائل انجینئر خالد الفالح نے ملک کے جنوبی علاقوں میں فنی خرابی کے باعث بجلی کے عارضی تعطل پر ذاتی طور پر عوام سے معذرت کرلی۔

    غیر ملکی خبر رساں ادارے کے مطابق مائیکرو بلاگنگ ویب سائیٹ ٹویٹر پر ایک ٹویٹ میں انجینئر الفالح نے کہا کہ فنی خرابی کے باعث ملک کے جنوبی علاقوں میں کچھ دیر بجلی کا بریک ڈاﺅن ہوا جس پر وہ متاثرہ علاقے کی عوام سے معذرت خواہ ہیں۔

    انہوں نے مزید لکھا کہ میں اور میری پوری ٹیم نے ہنگامی بنیادوں پرمتاثرہ علاقوں میںبجلی کی بحالی کے لیے کوششیں کیں، متاثرہ علاقوں میں زیادہ تر کو بجلی کی سپلائی بحال کردی گئی ہے جب باقی کچھ علاقوں کو بھی جلد ازجلد بجلی بحال کردی جائے گی۔

    سعودی وزیر نے کہا کہ بجلی بریک ڈاﺅن کے اور اس کی بحالی میں تاخیرکے اسباب کی تحقیقات شروع کردی گئی ہیں۔ غفلت برتنے والے حکام کے خلاف سخت کارروائی کی جائے گی۔

  • عوام ایگزٹ پول کے جھانسے میں نہ آئیں: کانگریس کا مطالبہ

    عوام ایگزٹ پول کے جھانسے میں نہ آئیں: کانگریس کا مطالبہ

    دہلی: بھارتی جماعت کانگریس نے عوام سے مطالبہ کیا ہے کہ ایگزٹ پولز کو یکسر نظر انداز کر دیں.

    تفصیلات کے مطابق بھارتی انتخابات کا 7 واں اور  آخری مرحلہ مکمل ہونے کے بعد ذرائع ابلاغ نے ایگزٹ پول جاری کر دیے.

    ان پولز میں حکمران جماعت بی جے پی کو فاتح قرار دیا جارہا ہے. البتہ کانگریس نے مطالبہ کیا ہے کہ ان پولز کو اہمیت نہیں دی جائے اور نتائج کے لیے 23 تاریخ‌ہی کا انتظار کیا جائے.

    اپوزیشن پارٹی کانگریس نے موقف اختیار کیا ہے کہ ووٹوں کی گنتی سے قبل ذرائع ابلاغ کے ایگزٹ پول فقط جھانسا ہیں. یہ ماضی میں‌ بھی غلط ثابت ہوچکے ہیں.

    ادھر بنگال کی وزیر اعلیٰ ممتا بنر جی نے بھی کہا ہے کہ ان پولز پر اعتبار نہ کریں، مضبوط رہیں، ہم آخری تک مقابلہ کریں گے.

    مزید پڑھیں: مودی کی پریس کانفرنس مذاق بن گئی، راہول گاندھی کی شدید تنقید

    خیال رہے کہ بھارت کے سات مراحل پر مشتمل پارلیمانی انتخابات کے دوران ڈالے گئے ووٹوں کی گنتی جمعرات 23 مئی کو ہو گی۔

    بیش تر ایگزٹ پول کے مطابق نریندر مودی کی سیاسی جماعت بھارتیہ جنتا پارٹی کے اتحاد کو 339 سے 365 کے درمیان نشستیں ملنے کا امکان ظاہر کیا گیا ہے.

    دوسرے جانب بی جے پی کی قیادت نےمنگل 21 مئی کو ایک خصوصی اجلاس میں نئی حکومت کی تشکیل پر غور کرے گا۔

  • عام انتخابات، مسلمانوں پر تنقید کرنے والے سیاستدان کو عوام نے مسترد کردیا

    عام انتخابات، مسلمانوں پر تنقید کرنے والے سیاستدان کو عوام نے مسترد کردیا

    سڈنی : سانحہ کرائسٹ چرچ کے بعد مسلمانوں کے خلاف ہرزہ سرائی کرنے والے سیاست دان و اس کی جماعت کو آسٹریلوی عوام نے مسترد کردیا، فریزر ایننگ کی جماعت کلین سویپ ہوگئی۔

    تفصیلات کے مطابق نیوزی لینڈ کے شہر کرائسٹ چرچ میں مساجد پر حملہ ہوا تو آسٹریلوی سیاست دان فریزر ایننگ نے مسلمانوں کو کڑی تنقیدکا نشانہ بنایا اور اس حملے کا ذمہ دار مسلمانوں ہی کو قرار دے دیا۔

    غیر ملکی خبر رساں ادارے کا کہنا تھا کہ اب اس نے اپنی دریدہ دہنی کی کڑی سزا پالی ہے کہ آسٹریلوی انتخابات میں وہ خود تو کیا، اس کی پارٹی ہی کلین سویپ ہو گئی ہے اور ایوان بالا یا ایوان زیریں میں ایک بھی نشست نہیں جیت پائی۔

    غیر ملکی خبر رساں ادارے کا کہنا تھا کہ فریزر ایننگ جہاں سے آیا تھا وہیں واپس چلا گیا، اب وہ پارلیمنٹ میں نہیں ہو گا۔

    لبرل پارٹی کے ایم پی ٹرینٹ زیمرمین کا کہنا تھا کہ فریزر اور اس کی پارٹی کا کلین سویپ ہو جانا اس انتخابات کا سب سے بڑا نتیجہ ہے۔

    واضح رہے کہ مسلمانوں کو تنقید کا نشانہ بنانے کے بعد ایک نوجوان نے بھی اس کے سر پر انڈا پھوڑ دیا تھا۔ اس 17سالہ نوجوان کا نام ’وِل کونیلی‘ تھا۔

  • امریکی خفیہ ایجنسی این ایس اے نے عوام کی نگرانی کا پروگرام بند کردیا

    امریکی خفیہ ایجنسی این ایس اے نے عوام کی نگرانی کا پروگرام بند کردیا

    واشنگٹن : امریکی خفیہ ایجنسی این ایس اے پر عوام کی نگرانی کا پروگرام بوجھ بن گیا، نیشنل سیکورٹی ایجنسی کا کہنا ہے کہ ان کا عوام کی نگرانی کا پروگرام اب کسی کام کا نہیں رہا۔

    تفصیلات کے مطابق امریکا کی نیشنل سیکیورٹی ایجنسی کی جانب سے عوام کی نگرانی کے لیے بنایا گیا پروگرام این ایس اے کےلیے چلانا مشکل ہوگیا، جس کے باعث خفیہ ایجنسی نے مذکورہ پروگرام کو بند کرنے کا فیصلہ کرلیا۔

    غیر ملکی خبر رساں ادارے کا کہنا تھا کہ این ایس اے نے 11 ستمبر 2001 کے حملوں کے بعد امریکی شہریوں کی نگرانی شروع کی تھی۔ جس کے لیے این ایس اے نے یومیہ اربوں فون کالز ریکارڈ کرنا شروع کیں۔

    غیر ملکی میڈیا کا کہنا تھا کہ مبینہ طور پر ان اقدامات کا مقصد دہشت گردوں کے رابطہ کاروں کا پتا چلانا تھا، تاہم 2013 میں سابق انٹیلی جنس کنٹریکٹر ایڈورڈ سنوڈن نے این ایس اے کے پروگرام کی تفصیلات لیک کر دیں۔

    امریکی خبر رساں ادارے کا کہنا تھا کہ ایڈورڈ سنوڈن کے پروگرام کی تفصیلات لیک کرنے کے بعد کانگرس نے 2015 میں یو ایس اے فریڈم ایکٹ پاس کیا۔ جس کے بعد اس پروگرام کا دائرہ کافی کم کر دیا گیا اور فون کا محدود ریکارڈ فون کمپنیوں کو رکھنے کا کہا گیا۔

    غیر ملکی خبر رساں ادارے کا کہنا تھا کہ اس سال کے شروع میں ریپبلیکن کانگرس کے نیشنل سیکورٹی ایڈوائزر لیوک مرے نے ایک سوال کے جواب میں بتایا کہ این ایس اے نے تیکنیکی اور دوسری وجوہات کی بنا پر پچھلے 6 ماہ سے اس نظام کو استعمال نہیں کیا۔

    مقامی میڈیا کے مطابق اس سے ظاہر ہوتا ہے کہ سینئر انٹیلی جنس حکام سمجھتے ہیں کہ این ایس اے کے نگرانی کے نظام کی اہمیت بہت محدود ہے۔ رپورٹ کے مطابق اب یہ ٹرمپ انتظامیہ پر ہے کہ وہ اس پروگرام کی تجدید کرتے ہیں یاختم کرتے ہیں۔

  • برلن : مکانات کی کمی اور کرایوں میں اضافے کے خلاف عوام سراپا احتجاج

    برلن : مکانات کی کمی اور کرایوں میں اضافے کے خلاف عوام سراپا احتجاج

    برلن : جرمنی کی عوام مکانات کی کمی اور مسلسل کرائے میں اضافے پر آپے سے باہر ہوگئی، شہریوں نے حکومت کے خلاف شدید احتجاج کیا۔

    تفصیلات کے مطابق جرمنی کے دارالحکومت برلن میں مکانات کی کمی اور کرائے میں مسلس اضافے کے خلاف ہزاروں افراد نے احتجاجی ریلی نکالی اور مظاہرین کی جانب سے مکانات تعمیر کرنے والی نجی کمپنیوں کے خلاف شدید غصے کا اظہار بھی کیا گیا۔

    اس موقع پر مظاہرین کا کہنا تھا کہ شہریوں کو کرائے میں اضافہ کی وجہ سے ان کے گھروں سے باہر نکالا جا رہا ہے جبکہ سر چھپانے کی جگہ شہریوں کا بنیادی حق ہے۔

    غیر ملکی خبر رساں ادارے کا کہنا ہے کہ جرمنی سمیت یورپ کے دیگر شہروں میں بھی ایسے احتجاجی مظاہروں کا انعقاد کیا گیا۔

    خیال رہے کہ گزشتہ برس فرانس کی یلو ویسٹ تحریک نے دیگر یورپی مماک کی طرح جرمنی کو بھی اپنی لپیٹ میں لے لیا تھا، جرمنی کے شہر میونخ میں بھی زرد جیکٹ پہنے سیکڑوں مظاہرین نے احتجاج کیا تھا

    فرانس کی ’یلو ویسٹ تحریک‘ جرمنی پہنچ گئی، احتجاجی مظاہرے شروع

    مقامی خبر رساں ادارے کا کہنا تھا کہ میونخ میں نکالی گئی ریلی کے شرکاء نے ہاتھوں میں جرمن اور فرانسیسی پرچم اٹھا رکھے تھے جببکہ اس ریلی کا مقصد جرمنی میں بڑھی ہوئی سماجی تفریق کے معاملے کو اجاگر کرنا تھا۔

    گزشتہ برس احتجاج کرنے والے مظاہرین کا کہنا تھا کہ جرمنی میں گھروں کے کرایوں میں بے انتہا اضافہ ہوچکا ہے جس کم آمدنی والے افراد کےلیے ادا ناگزیر ہوچکا ہے لہذا لوگوں کو اپنے حقوق کےلیے سڑکوں پر آنا چاہیے۔