ARYNews.tv | Urdu – Har Lamha Bakhabar

Tag: عوام

  • زوزانہ کیپوٹوا سلوواکیا کی پہلی خاتون صدر منتخب

    زوزانہ کیپوٹوا سلوواکیا کی پہلی خاتون صدر منتخب

    براٹیسلاوا : سلوواکیا کی عوام نے صدارتی انتخابات کے دوران پہلی مرتبہ بدعنوانی کے خلاف آواز اٹھانے والی زوزانہ کیپوٹوا نامی خاتون کو ملک کی سربراہی کے لیے منتخب کرلیا۔

    تفصیلات کے مطابق یورپی یونین کی رکن ریاست سلوواکیا میں گزشتہ دنوں صدارتی انتخابات منعقد ہوئے جس میں بڑی تعداد میں عوام اپنے سربراہ مملکت کا انتخاب کرنے اپنے گھروں سے ووٹ ڈالنے نکلے۔

    غیر ملکی خبر رساں ادارے کا کہنا ہے کہ الیکشن کمیشن آف سلوواکیا نے ہفتے کے روز انتخابات کے نتائج کا اعلان کیا جس میں سلوواکیا کی پہلی خاتون صدر 45 سالہ زوزانہ کیپوٹوا کو سربراہ مملکت منتخب کیا گیا۔

    برطانوی خبر رساں ادارے کا کہنا تھا کہ زوزانہ کیپوٹوا کا تعلق سلوواکیا کی لبرل پروگریسو جماعت ہے، جس نے انہیں صدارتی انتخابات کے لیے نامزد کیا تھا۔

    برطانوی میڈیا کا کہنا ہے کہ زوزانہ کیپوٹوا کے حق میں 58 اعشاریہ 3 فیصد ووٹ ڈالے گئے جبکہ ان کے مخالف امیدوار کو تقریباً 41 اعشاریہ 7 فیصد ووٹ ملے جس کے باعث زوزانہ کیپوٹوا صدارتی الیکشن کے میدان میں کامیاب رہیں۔

    غیر ملکی خبر رساں ادارے کا کہنا ہے کہ سلوواکیا کی نو منتخب صدر بطور قانون دان (وکیل) بھی خدمات انجام دے رہی ہیں جس کی خدمات اور ذہانت کا اعتراف کرتے ہوئے ان کی جماعت نے انہیں صدارتی امیدوار نامزد کیا۔

    مزید پڑھیں : سہالے زیوڈے ایتھوپیا کی پہلی خاتون صدر منتخب

    مزید پڑھیں : جارجیا میں پہلی خاتون صدر منتخب

    خبر رساں ادارے کا کہنا ہے کہ کیپوٹوا گزشتہ 14 برسوںں سے غیر قانونی زمینوں سے متعلق کیس لڑرہی تھی، نو منتخب صدر نے الیکشن میں صدارتی امید وار سیفکویک کو شکست دی ہے جو یورپین کمیشن کے نائب صدر ہیں۔

    مقامی خبر رساں ادارے کا کہنا ہے کہ سلوواکیا کی پہلی خاتون صدر طلاق یافتہ اور دو بچوں ماں ہیں جوں ہم جنس پرستی اور بچوں کے گود لینے کی حامی ہیں۔

  • پانی کے معیار پر سمجھوتہ نہیں ہوسکتا، سندھ ہائی کورٹ

    پانی کے معیار پر سمجھوتہ نہیں ہوسکتا، سندھ ہائی کورٹ

    کراچی: پانی کی فروخت سے متعلق کمپنیوں کی رجسٹریشن کے کیس کی سماعت کے دوران جسٹس محمد علی مظہرنے ریمارکس دیے کہ معاملہ امیروغریب کا نہیں پانی کے معیار کا ہے۔

    تفصیلات کے مطابق سندھ ہائی کورٹ پانی کی فروخت سے متعلق کمپنیوں کی رجسٹریشن کے کیس کی سماعت ہوئی۔

    عدالت نے سماعت کے دوران ریمارکس دیے کہ شہریوں کوجو پانی فروخت کیا جا رہا ہے اس کا معیاری ہونا ضروری ہے، بڑی کمپنیاں پلانٹس کی تنصیب کے بعد سے جانچ کا عمل پورا کرتی ہیں۔

    درخواست گزار نے کہا کہ ہم توغریب بستیوں میں صاف پانی مہیا کررہے ہیں جس پر جسٹس محمد علی مظہر نے ریمارکس دیے کہ معاملہ امیر و غریب کا نہیں پانی کے معیار کا ہے۔

    وکیل درخواست گزار نے کہا کہ دیگر کمپنیاں سیلڈ بوتلوں میں پانی فروخت کرتی ہیں، رجسٹریشن کی شرط 400 گز کی فیکٹری یا دکان پر لاگو ہوتی ہے، ہم چھوٹی چھوٹی دکانوں کو آر او پلانٹس فراہم کرتے ہیں۔

    سندھ ہائی کورٹ نے ریمارکس دیے کہ پانی کے معیار پر سمجھوتہ نہیں ہوسکتا، رجسٹریشن ضروری ہے۔

    عدالت نے درخواست گزار کو متعلقہ فورم سے رجوع کرنے کی ہدایت کرتے ہوئے 9 اپریل کو پیش رفت رپورٹ طلب کرلی۔

    کراچی اورحیدرآباد میں ٹائی فائڈ پھیلنے کا سبب آلودہ پانی ہے: ڈاکٹرعذرا پیچوہو

    یاد رہے کہ رواں سال 30 جنوری کو سندھ اسمبلی کے ہنگامہ خیز اجلاس میں صوبائی وزیرِ صحت ڈاکٹر عذرا پیچوہو نے اعتراف کیا تھا کہ صاف پانی کی عدم فراہمی کراچی اور حیدر آباد میں ٹائی فائیڈ کا مرض پھیلنے کا سبب ہے۔

  • یورپی یونین سے انخلاء نامنظور، برطانوی عوام بریگزٹ کی مخالفت کردی

    یورپی یونین سے انخلاء نامنظور، برطانوی عوام بریگزٹ کی مخالفت کردی

    لندن : برطانوی شہریوں نے یورپی یونین سے برطانوی انخلاء کے خلاف لندن میں مظاہرے شروع کردئیے، مظاہرین نے وزیر اعظم نے بریگزٹ پر نئے ریفرنڈم کا مطالبہ کردیا۔

    تفصیلات کے مطابق برطانیہ کے یورپی یونین سے انخلاء کا معاملہ مزید پیچیدہ ہوتا جارہا ہے گزشتہ روز برطانوی دارالحکومت لندن میں لاکھوں شہریوں نے بریگزٹ کے خلاف احتجاجی مظاہرہ کیا۔

    غیر ملکی خبر رساں ادارے کا کہنا تھا کہ بریگزٹ کے خلاف مارچ میں شریک مظاہرین نے ہاتھوں نے پلے کارڈ اور یورپی یونین کے جھنڈے اٹھائے ہوئے تھے۔

    خبر رساں ادارے کا کہنا ہے کہ برطنایہ کے لبرل ڈیموکریٹ لیڈر وینس کیبل کو بریگزٹ مخالف مارچ کی قیادت کی دعوت دی گئی تھی، جس پر انہوں نے کہا کہ ’اس مارچ میں تمام شعبہ ہائے زندگی سے تعلق رکھنے والے افراد موجود ہیں‘۔

    وینس کیبل کا کہنا تھا کہ مذکورہ احتجاجی مارچ میں تقریباً ساٹھ فیصد برطانوی عوام یورپی یونین سے برطانوی انخلاء کے خلاف ہے۔

    مزید پڑھیں : لندن : 7 لاکھ سے زائد افراد نے بریگزٹ کے خلاف پٹیشن پر دستخط کردئیے

    یاد رہے کہ دو روز قبل یورپی یونین سے برطانوی انخلاء کے خلاف چالیس لاکھ افراد نے ایک برقی پٹیشن پر دستخط کیے تھے، درخواست میں مطالبہ کیا گیا تھا کہ آرٹیکل 50 پر عمل درآمد کرتے ہوئے بریگزٹ منسوخ کیا جائے۔

    مزید پڑھیں : برطانوی وزیراعظم کا خط، یورپی یونین بریگزٹ میں تاخیر کے لیے راضی

    یاد رہے کہ گزشتہ روز برطانوی وزیراعظم تھریسامے کے بریگزٹ ڈیل میں تاخیر سے متعلق خط پر یورپی یونین نے رضامندی ظاہر کردی۔

    غیر ملکی خبر رساں ادارے کا کہنا ہے کہ یورپی یونین 22 مئی تک بریگزٹ میں تاخیر پر رضامند ہوگیا ہے، یو ای کے مطابق برطانوی پارلیمنٹ سے ڈیل کی منظوری پر بریگزٹ 22 مئی تک ملتوی کریں گے۔

    یورپی یونین کی جانب سے جاری کردہ بیان میں کہنا تھا کہ ڈیل کی عدم منظوری پر 12 اپریل کو بریگزٹ پر عمل درآمد ہوگا۔

    برطانوی وزیراعظم نے یورپی یونین کے آرٹیکل پچاس کے تحت اس بلاک سے اپنے اخراج کی طے شدہ مدت میں تیس جون تک کی توسیع کی درخواست کی تھی۔

  • وزیراعظم نے مسائل کے حل کے لئے خصوصی ہدایات جاری کر دیں

    وزیراعظم نے مسائل کے حل کے لئے خصوصی ہدایات جاری کر دیں

    اسلام آباد: وزیر اعظم عمران خان نے عوامی مسائل کے حل کے لیے خصوصی ہدایات جاری کر دیں.

    ترجمان وزیراعظم ندیم افضل چن نے اس ضمن میں تفصیلات فراہم کرتے ہوئے کہا کہ وزیراعظم عوامی مسائل سے مکمل طور پر آگاہ ہیں.

    انھوں نے کہا کہ حکومت کی پہلی ترجیح عوامی فلاح وبہبود ہے، وزیراعظم نے اس ضمن میں‌ خصوصی ہدایات جاری کی ہیں.

    ندیم افضل چن نے کہا کہ عوام سے کیے وعدوں کو نبھانے کی بھرپور کوشش کر رہے ہیں، ماضی کی حکومتوں کے باعث شدید انتظامی مسائل کا سامنا ہے، مہنگائی میں اضافےکوروکنے کی کوششیں کررہے ہیں.

    مزید پڑھیں: پاکستانی قوم کو مسلح افواج کی صلاحیتوں پر پورا بھروسہ ہے، وزیر اعظم عمران خان

    ترجمان وزیر اعظم نے کہا کہ بیوروکریسی بھی مسائل کے حل کی راہ میں بڑی رکاوٹ ہے، بیوروکریسی میں اکثریت سابقہ حکمران جماعتوں کے حامیوں کی ہے، ٹیکس نیٹ میں اضافہ ضروری ہے، ٹیکس نیٹ میں اضافے کے بغیر حکومت کے پاس محدود ذرائع آمدن ہیں.

    ندیم افضل چن نے مزید کہا کہ صحت کارڑ پرحقیقی معنوں میں عمل ہواتویہ عوام کے لئے بہترین اسکیم ہوگی، وعدے کے مطابق عوام کے لئے سستے گھروں کی تعمیر شروع کر رہے ہیں.

    یاد رہے کہ آج وزیر اعظم سے تینوں افواج کے سربراہان نے ملاقات کی، جس میں‌ ملکی سلامتی سمیت اہم امور زیر بحث آئے.

  • پاک فوج اورعوام نے بہادری کے ساتھ دہشت گردی کا مقابلہ کیا‘ ملیحہ لودھی

    پاک فوج اورعوام نے بہادری کے ساتھ دہشت گردی کا مقابلہ کیا‘ ملیحہ لودھی

    نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ خواتین کو خود مختار کرکے معاشی مواقع پیدا کیے جاسکتے ہیں۔

    تفصیلات کے مطابق اقوام متحدہ میں پاکستانی سفیر ڈاکٹر ملیحہ لودھی نے خطاب کرتے ہوئے کہا کہ گزشتہ دہائیوں میں پاکستان نے دہشت گردی میں اضافہ دیکھا۔

    پاکستانی سفیر نے کہا کہ پاکستانی فوج اور عوام نے دہشت گردی کو چیلنج کے طور پر قبول کیا، فوج اورعوام نے بہادری کے ساتھ دہشت گردی کا مقابلہ کیا۔

    ملیحہ لودھی نے کہا کہ پاکستان میں بحالی کا محورخواتین کے لیے تربیتی پروگرامز ہیں، خواتین کو خودمختارکر کے معاشی مواقع پیدا کیے جاسکتے ہیں۔

    انہوں نے کہا کہ ہم سمجھتے ہیں میڈیا اورمذہبی رہنما اہم کردارادا کرسکتے ہیں، تشدد کی حوصلہ شکنی کے لیے تکنیکی اورتربیتی نشستیں جاری ہیں۔

    پاکستانی سفیر نے کہا کہ بے نظیرانکم سپورٹ پروگرام خواتین کومعاشی آزادی مہیا کررہا ہے جبکہ یوتھ پروگرام کے ذریعے پیشہ ورانہ تربیت فراہم کی جا رہی ہے۔

    نوجوان پاکستان کا سب سے بڑا اثاثہ ہیں‘ ملیحہ لودھی

    یاد رہے کہ گزشتہ ماہ اقوام متحدہ میں پاکستانی مندوب ملیحہ لودھی کا کہنا تھا کہ پاکستان میں عمران خان حکومت کا مقصد سماجی ترقی سےعوام کا معیارزندگی بہتربنانا ہے۔

  • سندھ حکومت عوام کوبہترین سہولیات مہیا کرنے پرکام کررہی ہے‘ مراد علی شاہ

    سندھ حکومت عوام کوبہترین سہولیات مہیا کرنے پرکام کررہی ہے‘ مراد علی شاہ

    کراچی: وزیراعلیٰ سندھ مراد علی شاہ کا کہنا ہے کہ خواتین کے معاشی استحقام کے لیے انٹرن شپ منصوبہ شروع کیا۔

    تفصیلات کے مطابق وزیراعلیٰ سندھ نے زرعی پائیدارترقی کانفرنس سے خطاب کرتے ہوئے کہا کہ دنیا کوغربت، سماجی ترقی، موسمی تبدیلی، ماحولیاتی مسائل کا سامنا ہے۔

    مراد علی شاہ نے کہا کہ پائیدارترقی کے مقاصد پر193ممالک کے سربراہوں نے دستخط کیے تھے۔

    انہوں نے کہا کہ غربت کے خاتمے کے لیے 2008 میں بےنظیرانکم سپورٹ پروگرام شروع کیا، آج تک لاکھوں لوگ اس پروگرام سے مستفید ہوچکے ہیں۔

    وزیراعلیٰ سندھ نے کہا کہ سندھ حکومت عوام کوبہترین سہولیات مہیا کرنے پرکام کررہی ہے، سندھ حکومت نے پائیدارترقی کے مقاصد سپورٹ یونٹ قائم کیا، زرعی شعبے کی ترقی کے لیے انٹر پرائز ڈیولپمنٹ فنڈ قائم کیا۔

    مراد علی شاہ نے کہا کہ خواتین کے معاشی استحقام کے لیے انٹرن شپ منصوبہ شروع کیا، صحت، تعلیم و روڈ سیکٹرکی تعمیرپرسندھ حکومت نے کافی کام کیا۔

    انہوں نے کہا کہ یقین ہے پاکستان میں عوام کی بہبود کے لیے بڑے ذرائع موجود ہیں، ملک کی ترقی آپ نوجوانوں کے ہاتھوں میں ہے۔

    وزیراعلیٰ سندھ نے کہا کہ ہم زبردست قوم ہیں، ہمیں مل کرجدوجہد کرنا ہوگی، اگرمل کرجدوجہد کریں توہمیں کوئی نہیں روک سکتا۔

    مراد علی شاہ نے کہا کہ ہمارا سب سے بڑا مسئلہ امن وامان کا تھا، دوسرا سب سے بڑا مسئلہ توانائی کا بحران تھا، یہی ہائبرڈ اکنامک وارفیئرہے جس میں ہم پھنسے ہوئے ہیں۔

    انہوں نے کہا کہ ہمارا ایک مسئلہ فیصلے لینے میں تاخیربھی ہے، حکومت وقت پرفیصلہ نہیں کرے گی تومسائل بڑھیں گے۔

    وزیراعلیٰ سندھ نے کہا کہ ملکی مالی مسائل کا بڑھنا بھی فیصلوں میں تاخیرکی وجہ سے ہے، امن و امان کی صورت حال اب پورے ملک میں بہترین ہے۔

  • سندھ کےعوام تبدیلی کی راہ دیکھ رہے ہیں‘ حلیم عادل شیخ

    سندھ کےعوام تبدیلی کی راہ دیکھ رہے ہیں‘ حلیم عادل شیخ

    اسلام آباد: پاکستان تحریک انصاف کے رہنما حلیم عادل شیخ نے کہا کہ وزیراعظم عمران خان سندھ کےعوام کی آخری امید ہیں۔

    تفصیلات کے مطابق وزیراعظم عمران خان سے تحریک انصاف کے رہنما حلیم عادل شیخ نے ملاقات کی اور سندھ کی سیاسی صورت حال پرتبادلہ خیال کیا۔

    پی ٹی آئی رہنما نے وزیراعظم عمران خان سے ملاقات میں سندھ میں پارٹی کے تنظیمی معاملات پربھی بات چیت کی۔

    حلیم عادل شیخ نے کہا کہ سندھ کےعوام تبدیلی کی راہ دیکھ رہے ہیں، وزیراعظم عمران خان سندھ کےعوام کی آخری امید ہیں۔

    انہوں نے کہا کہ سندھ کے وسائل کو بے رحمی سے لوٹا گیا، سندھ کے باسیوں کوبھوک، بیماری اورافلاس کے حوالے کیا گیا۔

    حلیم عادل شیخ نے مزید کہا کہ احتساب سے بھاگنے کے لیے سیاست کا سہارا لیا جا رہا ہے، قوم کی لوٹی گئی دولت ہضم نہیں ہونے دیں گے۔

    واضح رہے کہ وزیراعظم عمران خان کا کہنا ہے کہ بیورو کریسی کو غیر سیاسی اور پبلک سروس ڈیلیوری یقینی بنانا ہمارا منشور ہے، سرکاری اہلکاروں کی جانب سے عوام کی مشکلات میں اضافے کی روش قبول نہیں ہے۔

    وزیراعظم نے کہا کہ بدعنوانی اور رشوت خوری میں ملوث عناصر کی نشاندہی کی جائے، منتخب نمائندے مسائل کی نشاندہی اور ان کا حل یقینی بنائیں۔

  • دبئی : دنیا کا بلند ترین ہوٹل عوام کیلئے کےلیے کھول دیا گیا

    دبئی : دنیا کا بلند ترین ہوٹل عوام کیلئے کےلیے کھول دیا گیا

    دبئی: دنیا کی بلند ترین عمارت ’برج الخلیفہ‘ میں دنیا کے بلند ترین ہوٹل کا افتتاح کردیا گیا ہے، یہ ہوٹل دلکش ڈیزائن اور بلندی پر ہونے کے باعث لوگوں کی توجہ کا مرکز بن گیا ہے۔

    تفصیلات کے مطابق متحدہ عرب امارات کی ریاست دبئی میں دنیا کی بلند ترین اور دلکش عمارتیں پہلے ہی موجود ہیں لیکن اب دبئی کی شان میں دنیا کے بلند ترین ہوٹل کا اضافہ بھی ہوگیا ہے جسے برج الخلیفہ میں بنایا گیا ہے۔

    اماراتی میڈیا کا کہنا ہے کہ 160 منزلوں پر محیط برج الخلیفہ کی 152، 153، 154 ویں منزل پر ہوٹل بنایا گیا ہے جسے 14 فروری کو عوام کےلیے کھول دیا گیا تھا۔

    مقامی خبر رساں ادارے کا کہنا ہے کہ تین منزلہ ہوٹل میں سیاح اور مقامی افراد ہائی ٹی، لذیذ کھانے اور موسیقی سے لطف اٹھا سکیں گے، ہائی ٹی کےلیے سیاحوں و مقامی شہریوں کو ساڑھے 12 بجے سے 4 بجے تک ہوٹل کا دورہ کرنا ہوگا اور ہائی ٹی کی قیمت 550 درہم یعنی ہاکستانی کم از کم 20 ہزار روہے فی بندہ ہے۔

    اماراتی خبر رساں ادارے کا کہنا تھا کہ 575 میٹر کی بلندی پر موجود ہوٹل میں مشروب، پکوان اور مٹھائیوں کے مختلف دام ہیں اور کسی بھی کھانے یا مشروب کی ابتدائی قیمت کم از کم 550 درہم فی کس ہے۔

    مقامی میڈیا کا کہنا ہے کہ مذکورہ ہوٹل میں دنیا کی بلند ترین بالکونی بھی موجود ہے اور کسی سیاح یا مقامی فرد نے سن سیٹ کا مظاہرہ بلند ترین لاؤنج سے کرنا ہو تو اس کےلیے اسے 600 درہم ادا کرنے ہوں۔

  • آسٹریا میں برفانی طوفان، عوام کو بلاضرورت باہر نہ نکلنے کی ہدایت

    آسٹریا میں برفانی طوفان، عوام کو بلاضرورت باہر نہ نکلنے کی ہدایت

    ویانا : یورپ ان دنوں شدید برفباری کی لپیٹ میں ہے لیکن آسٹریا میں برفباری طوفان کے باعث نظام زندگی مفلوج ہوکر رہ گیا ہے۔

    تفصیلات کے مطابق یورپ بھر میں برف کی تباہ کاریوں سے نظام زندگی متاثر ہورہا ہے، آسٹرین حکام کی جانب سے مختلف علاقوں میں برفباری کے بعد برفانی تودے گردنے کا الرٹ جاری کردیا ہے۔

    غیر ملکی خبر رساں ادارے کا کہنا تھا کہ آسٹریا میں گھروں اور سڑکوں پر برف کی تہہ جم گئی ہے جسے ہٹانے کا کام جاری ہے۔

    غیر ملکی میڈیا کے مطابق برفباری سے متاثرہ علاقوں میں بجلی اور مواصلاتی نظام بھی درہم برہم ہوگیا ہے، حکام کی جان سے عوام کو گھروں سے غیر ضرورت باہر نہ نکلنے اور احتیاط برتنے کی ہدایات جاری کر دی ہیں۔

    آسٹریان حکومت کی جانب سے شہریوں کو ہدایت دی گئی ہے کہ اپنے گھروں کی چھت سے برف صاف کرتے رہیں، کیوں برف جمنے کے باعث ایک گھر کی چھت گر چکی ہے جس کے نتیجے میں 78 سالہ زخص زخمی ہوگیا تھا.

    مزید پڑھیں : یورپ میں شدید برف باری، سات ہلاک

    یاد رہے کہ ایک روز قبل آسٹریا میں دو جرمن اسکیئرز کوہ ِ وورارل برگ پر مارے ہلاک ہوگئے تھے جبکہ تیسرا اسکیئر پونگو نامی قصبے میں ہلاک ہوا تھا۔

    غیر ملکی خبر رساں ادارے کا کہنا ہے کہ اسکیئرز کو وارننگ جاری کردی گئی ہے کہ وہ اس موسم میں اسکینگ کرنے سے گریز کریں، متعلقہ حکام نے پہاڑوں کو جانے والی متعدد سڑکیں بھی بند کردی ہیں۔

    یورپ بھر میں سب سے زیادہ آسٹریا اس برفباری سے متاثر ہے جہاں برف باری کے سبب متعدد درس گاہیں بھی بند کردی گئیں ہیں جبکہ ٹرین سروس بھی متاثر ہوئی ہے۔

    آسٹریا کے محکمہ موسمیات کی جانب سے پیش گوئی کی گئی تھی کہ جمعرات تک مزید ۴ فیٹ برف باری ہوگی۔

  • عوام کو ریلیف فراہم کرنے کے لیے اشیائے خورونوش کی قیمتوں کی موثر نگرانی کا فیصلہ

    عوام کو ریلیف فراہم کرنے کے لیے اشیائے خورونوش کی قیمتوں کی موثر نگرانی کا فیصلہ

    اسلام آباد: حکومت نے عوام کو ریلیف فراہم کرنے کے لیے اشیائے خورونوش کی قیمتوں کی موثر نگرانی کا اعلان کر دیا.

    تفصیلات کے مطابق وفاقی وزیر برائے منصوبہ بندی خسرو بختیار نے حکام کو قیمتوں کے اشاریے، مہنگائی رجحان سے متعلق آگاہی کے لئے میکنزم تشکیل دینے کی ہدایت کر دی۔

    یہ ہدایت خسروبختیار کی زیرصدارت شماریات ڈویژن کے اجلاس میں جاری کی گئی، ساتھ ہی شماریات ڈویژن کو اشیا کی قیمتوں کا ڈیٹا جمعرات کی بجائے پیر کو جمع کرنے کی ہدایت کی گئی ہے.

    وفاقی وزیر خسرو بختیار نے کہا کہ حکومت ذخیرہ اندوزی، منافع خوری کی روک تھام کے لئے پرعزم ہے.

    ان کا کہنا تھا کہ اشیائے خورونوش کی قیمتوں کی مؤثرنگرانی کر کے عوام کو ریلیف فراہم کریں گے، کم مارکیٹ انفارمیشن کےباعث ذخیرہ اندوزی،منافع خوری بڑھتی ہے.

    مزید پڑھیں: جنوری کے آغاز میں مہنگا ئی کی شرح میں معمولی کمی ریکارڈ، ادارہ شماریات

    وفاقی وزیر برائے منصوبہ بندی و ترقی نے کہا کہ ملک بھرمیں اسٹیک ہولڈز، ضلعی انتظامیہ میں تعاون ضروری ہے.

    یاد رہے کہ نئے مالی سال 2018-19کے ساتویں ماہ ( جنوری 2019 ) کے چوتھے ہفتے میں مہنگائی کی شرح میں 0.31 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اشاریئے میں 0.07 فیصد کمی ریکارڈ کی گئی۔