Tag: عون چوہدری

اسلام آباد : جہانگیر ترین گروپ کے اہم رکن عون چوہدری کو وزیراعظم کے مشیر سیاحت و کھیل مقرر کردیا گیا۔

تفصیلات کے مطابق جہانگیر ترین خان گروپ کے اہم رکن عون چوہدری کا قلمدان تبدیل کرتے ہوئے انھیں وزیراعظم کا مشیر سیاحت و کھیل مقرر کردیا۔

صدر عارف علوی نے عون چوہدری کی تقرری کی منظوری وزیر اعظم شہباز کی ایڈوائس پر دی اور اس حوالے سے نوٹیفکیشن بھی جاری کر دیا گیا۔

نوٹیفکیشن میں کہا گیا ہے کہ عون چوہدری کا عہدہ وفاقی وزیر کے برابر ہو گا۔

دوسری جانب نومنتخب وزیراعلیٰ پنجاب حمزہ شہباز نے بھی اتحادی پارٹنر پاکستان پیپلز پارٹی (پی پی پی) اور جہانگیر ترین گروپ کو صوبائی کابینہ میں شامل کرنے کا فیصلہ کرلیا ہے۔

واضح رہے کہ پاکستان تحریک انصاف (پی ٹی آئی) کے منحرف رہنما جہانگیر ترین گزشتہ ماہ لندن سے لاہور واپس آئے تھے۔

بعد ازاں وزیراعلیٰ پنجاب حمزہ شہباز نے جہانگیر ترین سے ملاقات کی تھی اور پنجاب اسمبلی میں پاکستان مسلم لیگ (ن) کی حمایت پر شکریہ ادا کیا۔

لاہور : جہانگیر ترین گروپ کے رہنما عون چوہدری نے نئی حکومت میں اہم ذمہ داری ملنے پر وزیر اعظم شہباز شریف کا شکریہ ادا کیا۔

تفصیلات کے مطابق ترین گروپ کے رہنما عون چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ میں اپنے وزیر اعظم شہباز شریف صاحب کاتہہ دل سےشکرگزار ہوں انہوں نے مجھے اس پیارےوطن کی خدمت کی اہم ذمہ داری سونپی، ملکی ترقی کیلئے خدمت اور تعاون کی پوری کوشش کروں گا۔

I am highly obliged to My Prime Minister Shehbaz sharif sb for entrusting me with a key responsibility to serve this beloved homeland. Being a patriot I assure that I will exercise utmost efforts to serve and contribute for uplifting the image and development of my country.

— Awn Chaudry (@AwnChaudry) April 20, 2022

یاد رہے حکومت نے ترین گروپ کے رہنما عون چوہدری کو وزیراعظم کا مشیر مقرر کرنے کا فیصلہ کیا تھا۔

عون چوہدری کے علاوہ امیر مقام ، قمر زمان کائرہ اور مفتاح اسماعیل بھی وزیراعظم کے مشیر ہوں گے۔

خیال رہے گذشتہ روز وزیراعظم شہباز شریف کی وفاقی کابینہ نےحلف اٹھایا تھا ، کابینہ میں اکتیس وزراء اور تین وزرائے مملکت شامل ہیں۔

جن میں سے چودہ کا تعلق ن لیگ، گیارہ کا پیپلز پارٹی، چار کا جے یو آئی اور دو کا ایم کیوایم سے ہے

لاہور : عون چوہدری نے جہانگیر ترین حکومتی شخصیات سے رابطوں اور ملاقاتوں سے آگاہ کردیا ، جس پر جہانگیر ترین نے ہدایت کی کہ گروپ متحد رہے اور مشاورت سے فیصلے کرے۔

تفصیلات کے مطابق پی ٹی آئی کے ناراض رہنما جہانگیر ترین سے عون چوہدری کا ٹیلیفونک رابطہ ہوا ، جس میں عون چوہدری نے جہانگیرخان ترین سے ان کی خیریت دریافت کی۔

رابطے میں عون چوہدری نے جہانگیر ترین کو حکومتی شخصیات سے رابطوں اور ملاقاتوں پربریف کیا اور پرویز خٹک کے رابطے سمیت ملاقات کے حوالے سے بھی آگاہ کیا۔

عون چوہدری نے بتایا کہ پرویزخٹک نے کہا ہے ابھی ترین گروپ اپنے فیصلے روک لے جبکہ ان سے ملاقات میں پنجاب میں تبدیلی کےاشارے ملے۔

ترین گروپ کے رہنما نے کہا اہم شخصیات نے ترین گروپ رہنماؤں سے ملاقات کی، جس پر جہانگیر ترین نے ہدایت کی کہ گروپ متحد رہے اور مشاورت سے فیصلے کرے۔

عون چوہدری کا کہنا تھا کہ جہانگیر ترین ڈاکٹرز کے مشورے پر ایک ہفتے میں واپس آسکتے ہیں۔

یاد رہے وفاقی وزیر دفاع پرویز خٹک نے جہانگیر ترین گروپ کے اہم رہنما عون چوہدری سے رابطہ کیا تھا ، ٹیلی فونک رابطے میں پرویز خٹک نے ارکان کی ناراضی کے معاملات پر بات چیت کی۔

جہانگیر ترین گروپ کے رہنما عون چوہدری نے حکومت سے رابطے کی تصدیق کرتے ہوئے بتایا کہ رات گئے پرویز خٹک سے رابطہ ہوا، جس میں پرویز خٹک نے ترین گروپ سےفوری طور پر انتہائی قدم نہ اٹھانے کی درخواست کی۔

ذرائع کا کہنا تھا کہ پرویز خٹک نے عون چوہدری سے کہا کہ اہم فیصلے روک لیں،جلد اہم ہیش رفت سے آگاہ کریں گے۔

اسلام آباد: پی ٹی آئی کے بانی رکن حامد خان کو شو کاز نوٹس بھیجے جانے کے معاملے پر پارٹی رکن عون چوہدری نے ٹویٹ کرتے ہوئے کہا ہے کہ جب پارٹی پر مشکل وقت آیا تو حامد خان کو لیڈر کے ساتھ کھڑا نہیں پایا۔

تفصیلات کے مطابق پی ٹی آئی رکن عون چوہدری نے حامد خان سے متعلق ایک ٹویٹ میں کہا کہ حامد خان پی ٹی آئی کا نہیں بلکہ وکلا رہنما کہلوانا پسند کرتے ہیں، حامد خان صاحب اس وقت کہاں تھے جب دھرنا، لاک ڈاؤن جاری تھا، مشکل وقت آیا تو وہ لیڈر کے ساتھ کھڑے نہیں ہوئے۔

عون چوہدری نے ٹویٹ میں لکھا کہ کوئی بھی رکن پارٹی ڈسپلن توڑنے کا مجاز نہیں ہو سکتا، پارٹی ڈسپلن کی خلاف ورزی پر شو کاز نوٹس کا جواب دینا پڑے گا، پاکستان تحریک انصاف چیئرمین عمران خان کا نظریہ ہے، جو بھی چیئرمین کے نظریے کے خلاف ہے، وہ پارٹی کا وفادار نہیں۔

یہ بھی پڑھیں:  تحریک انصاف کا اپنے اہم رہنما کیخلاف بڑا ایکشن

یاد رہے کہ یکم دسمبر کو تحریک انصاف نے معروف قانون دان ایڈوکیٹ حامد خان کی بنیادی رکنیت معطل کر دی تھی۔ حامد خان پر جھوٹے بیانات کے ذریعے پارٹی کو بد نام کرنے کا الزام عائد کیا گیا تھا، انھیں پارٹی مخالف بیانات پر شوکاز نوٹس بھی جاری کیا گیا ہے، جس میں کہا گیا ہے کہ حامد خان نے الیکٹرانک اور پرنٹ میڈیا میں من گھڑت بیانات دیے، جواب نہ دینے کی صورت میں انھیں پارٹی سے بے دخل کیا جائے گا۔

اسلام آباد: وزیر اعظم عمران خان نے عون چوہدری کو پنجاب میں اہم ذمہ داریاں دینے کا فیصلہ کرلیا ہے، ذرائع کا کہنا ہے کہ شمالی اور وسطی پنجاب کے پی ٹی آئی ارکان کو کابینہ میں زیادہ نمائندگی ملے گی۔

تفصیلات کے مطابق پنجاب کی کابینہ میں کون شامل ہوگا، مشاورت اور رابطے جاری ہیں، ذرائع کے مطابق شمالی اور وسطی پنجاب کے پی ٹی آئی ارکان کو کابینہ میں زیادہ نمائندگی ملے گی۔

وزراء میں علیم خان، محمود الرشید، یاسمین راشد، راجہ یاسر ہمایوں، میاں اسلم، سردار عارف نکئی، سبطین خان، محسن لغاری، حامد یار ہراج شامل ہوسکتے ہیں جبکہ عون چوہدری کو پنجاب میں اہم ذمہ داریاں دینے کا فیصلہ کیا گیا ہے۔

پنجاب کے وزرا کے ناموں کی بھی حتمی منظوری وزیراعٓظم عمران خان دیں گے، عمران خان سے پی ٹی آئی رہنما عون چوہدری کی ملاقات بھی ہوئی ہے جس میں سیاسی صورتحال اور حکومت سازی پر تبادلہ خیال کیا گیا ہے۔

دوسری جانب وزیراعظم عمران خان پرائم منسٹر سیکریٹریٹ سے بنی گالا پہنچ گئے ہیں، عمران خان کی زیر صدارت پی ٹی آئی خیبرپختونخوا پارلیمانی پارٹی کا اجلاس شروع ہوگیا ہے، وزیراعظم صوبائی کابینہ سے متعلق اراکین کو اعتماد میں لیں گے۔

یاد رہے کہ گذشتہ روز وزیراعظم نے یہ اجلاس طلب کیا تھا، اس ضمن میں و زیراعلیٰ محمود خان اور نامزد گورنر شاہ فرمان کو اسلام آباد طلب کیا گیا۔

ذرائع کا کہنا تھا کہ کابینہ کے لئے تئیس ممبران کا انٹرویو ہوگا،ابتدائی کابینہ دس وزرا اور پانچ مشیروں پر مشتمل ہوگی، تیمور جھگڑا، عاطف خان، شہرام ترکئی کو اہم ذمے داری ملنے کا امکان ہے۔