Tag: عیادت

اسلام آباد: پاکستان پیپلز پارٹی کے سیکریٹری جنرل نیئر بخاری کا کہنا ہے کہ بلاول بھٹو نے سنت کے مطابق نواز شریف کی عیادت کی، ان کے اس عمل نے عوام کے دل جیت لیے۔

تفصیلات کے مطابق میڈیا سے گفتگو کرتے ہوئے نیئر بخاری نے کہا کہ چیئرمین پی پی بلاول بھٹو نے مثبت سوچ کو پروان چڑھانے کی بہترین کاوش کی، انھوں نے سنت کے مطابق نواز شریف کی عیادت کی۔

سابق چیئرمین سینیٹ اور پی پی کے سینئر رہنما نیئر بکاری کا کہنا تھا کہ بلاول بھٹو نے مخالفت برائے مخالفت والی سوچ کے خاتمے کی طرف تاریخی قدم اٹھایا۔

سینئر سینیٹر نے کہا کہ چیئرمین پی پی نے نواز شریف کی عیادت کر کے اپنے عمل کے ذریعے حقیقی سیاسی و قومی رہنما ہونے کا ثبوت دیا۔

ان کا کہنا تھا کہ بلاول نے سیاسی رنجشیں بھلا کر انسانیت و اخلاقیات کو سر بلند کیا، پیپلز پارٹی نواز شریف کی صحت یابی کے لیے دعا گو ہے۔

یہ بھی پڑھیں:  بلاول بھٹو زرداری آپ کا بہت شکریہ ، مریم نواز

خیال رہے کہ آج پاکستان پیپلز پارٹی کے چیئرمین بلاول بھٹو زرداری نے کوٹ لکھپت جیل جا کر سابق وزیر اعظم نواز شریف کے ساتھ ملاقات کی، اس دوران بلاول بھٹو نے نواز شریف کو این آئی سی وی ڈی میں علاج کی پیش کش بھی کی۔

نواز شریف کی صاحب زادی مریم نواز نے بلاول بھٹو کا اپنے ٹویٹر اکاؤنٹ کے ذریعے شکریہ ادا کیا، اور لکھا کہ بلاول بھٹو کی فکر مندانہ اور مدبرانہ سوچ قابل قدر ہے۔

لاہور: وزیراعلیٰ میاں محمد شہبازشریف لاہور سے لندن کے لیے روانہ ہوگئے جہاں وہ نا اہل وزیراعظم نوازشریف سے ملاقات کریں گے۔

تفصیلات کے مطابق وزیراعلیٰ پنجاب شہبازشریف علامہ اقبال انٹرنیشنل ایئرپورٹ سے لندن کے لیے روانہ ہوگئے۔ شہبازشریف لندن میں نوازشریف سے ملاقات اور بیگم کلثوم نواز کی عیادت کریں گے۔

خیال رہے کہ نوازشریف نے 23 اکتوبرکو لندن سے پاکستان آنا تھا تاہم ان کی واپسی کا شیڈول تین بار تبدیل ہوا اور وہ سعودی عرب چلے گئے جہاں انہوں نے عمرہ کرنے کے ساتھ ساتھ والدہ سے بھی ملاقات کی۔

والدہ کودوبارہ اسپتال منتقل کردیا گیا ہے‘ مریم نواز

یاد رہے کہ چار روزسابق وزیراعظم میاں محمد نوازشریف کی بیٹی مریم نوازکا کہنا تھا کہ والدہ کو دوبارہ اسپتال منتقل کردیا گیا۔ انہوں نے عوام سے دعاؤں کی اپیل کی تھی۔

نوازشریف کے قابل ضمانت وارنٹ گرفتاری جاری

واضح رہے کہ 3 روز قبل احتساب عدالت نے نا اہل وزیراعظم نوازشریف کی حاضری سے استثنیٰ کی درخواست کو مسترد کرتے ہوئے2 ریفرنسز میں قابل ضمانت وارنٹ جاری کرتے ہوئے 3 نومبر کو نوازشریف طلب کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: آصفہ بھٹوزرداری عبدالستارایدھی کی عیادت کیلئے ان کی رہائش گاہ پہنچ گئیں،عبدالستارایدھی نے ایدھی فاؤنڈیشن کے قبرستان کیلئے زمین فراہم کرنے کی درخواست کردی۔

شہید بے نظیر بھٹو کی صاحبزادی آصفہ بھٹو زرداری نے ایدھی سینٹر میں سماجی رہنماعبدالستار ایدھی کی ان کے گھر جا کر عیادت کی اور پھولوں کا گلدستہ پیش کیا اور عبدالستار ایدھی سے ان کے علاج معالجے اور صحت کے بارے میں دریافت کیا۔

عبدالستار ایدھی نے بتایا کہ ان کا علاج ایس آئی یو ٹی میں ہورہا ہے، آصفہ بھٹو زرداری نے کہا کہ ایک بیٹی کی حیثیت سے ان سے ملنے آئی ہیں، پاکستان میں یا کہیں اوریا کسی ادارے میں اگرعبدالستار ایدھی اپنا علاج کروانا چاہتے ہیں تو وہاں سہولیات فراہم کرنے کیلئے تیار ہیں۔

عبدالستار ایدھی نے شکریہ اداکرتے ہوئے کہا کہ علاج و معالجے کیلئے مدد درکار ہوگی وہ ضرور بتائیں گے، عبدالستار ایدھی کاکہنا تھا کہ اگر وہ ایدھی فاؤنڈیشن کے قبرستان کیلئے سندھ حکومت سے زمین دلوادیں تو یہ ایک نعمت ہوگی ۔

Just visited Abdul Sattar Edhi Sahab passed on well wishes and prayers from @BBhuttoZardari & @BakhtawarBZ . A pillar of our community

— Aseefa B Zardari (@AseefaBZ) June 11, 2016

آصفہ بھٹو نے کہا کہ وہ اس معاملے میں ذاتی دلچسپی لیں گی اور وزیراعلیٰ سندھ سے بات کریں گی، آصفہ بھٹو زرداری کلفٹن میں واقع بلقیس ایدھی وومن فاؤنڈیشن کے بے سہارا اور لاوارث خواتین کے سینٹر بھی گئیں،جہاں انہوں نے خواتین اور بچوں کے مسائل سے آگاہی حاصل کی۔

انہوں نے خواتین اور بچوں کیلئے افطاری کا انتظام بھی کیا اور خواتین و بچوں کے ساتھ روزہ افطار کیا،خواتین اور بچوں نے آصفہ بھٹو زرداری کے ساتھ تصویریں بھی بنوائیں۔