Tag: عیدالفطر

اسلام آباد: صدر ممکت ڈاکٹر عارف علوی اور وزیراعظم عمران خان سمیت سیاسی رہنماؤں نے ملک بھر میں عیدالفطر سادگی سے منانے کی اپیل کی ہے۔

تفصیلات کے مطابق صدرِ پاکستان ڈاکٹر عارف علوی نے عیدالفطر کے موقع پر اپنے پیغام میں کہا کہ عید کے موقع پر شہدا کو کبھی نہیں بھول سکتا،شہدا اور ان کے خاندانوں کا قوم پر بہت بڑا احسان ہے، ہمیں ان پر فخر ہے۔

عید کے موقع پر ان شہداء کو ہم کبھی بھی بھول نہیں سکتا۔ یہ جان دیتے ہیں تو ہم زندہ رہتے ہیں۔ انکا اور انکے خاندانوں کا قوم پر بہت بڑا احسان ہے۔ ہمیں ان پر فخر ہے۔ https://t.co/9loM10KrwZ

— Dr. Arif Alvi (@ArifAlvi) May 23, 2020

ڈاکٹر عارف علوی نے کہا کہ اپنی عید شہدا پی آئی اے،کرونا سے لڑنے والے ڈاکٹر، نرسز،بھارتی مظالم برداشت کرنے والےکشمیریوں، بھارت میں اسلاموفوبیا سے متاثرہ مسلمانوں، فلسطینیوں اور مسلمان مہاجرین کے نام وقف کرتا ہوں۔

انہوں نے کہا کہ میں عیدالفطر کی نمازگھر پر ادا کروں گا،تمام لوگوں سے درخواست ہے معاشرتی فاصلوں پر عمل کریں،ماسک پہنیں، ہاتھ دھوئیں،خود اور اپنے عزیزوں کو کرونا سے محفوظ رکھیں،انشااللہ پاکستان اس مشکل سے کامیاب ہوجائےگا۔

صدر مملکت کا کہنا تھا کہ یہ منفرد موقع ہے ملک میں ایک ہی دن عید منائی جا رہی ہے،وزیراعظم عمران خان کی قیادت میں ملک اتحاد،خوشحالی کی جانب گامزن ہے۔

وزیراعظم عمران خان نے سماجی رابطے کی ویب سائٹ ٹویٹر پر اپنے عید کے پیغام میں نیک خواہشات کے ساتھ مقبوضہ کشمیر میں قابض بھارتی افواج کی جاری بربریت کا نہایت ہمت وجوان مردی سے سامنا کرنے پر اہل کشمیر کو سلام پیش کیا۔

عیدِ سعید کے موقع پر خصوصی تہنیتی پیغام اور نیک خواہشات کیساتھ مقبوضہ جموں و کشمیر میں قابض بھارتی افواج کی جاری بربریت کا نہایت ہمت و جوانمردی سے سامنا کرنے اور غیرانسانی محاصرے کے دوران صبر و استقامت کا پہاڑ بن کر ڈٹے رہنے پر اہلِ کشمیر کو ہمارا سلام۔

— Imran Khan (@ImranKhanPTI) May 24, 2020

گورنر پنجاب چوہدری محمد سرور نے عیدالفطر کے موقع پر اپنے ویڈیو پیغام میں کہا کہ ہمیں دہشت گردی کے خلاف جنگ میں شہید ہونے والوں، فوجی جوانوں اور کشمیری بہن بھائیوں کو بھی دعاؤں میں یاد رکھنا ہے۔

مسلم لیگ ق کے سربراہ چوہدری شجاعت حسین اور چوہدری پرویز الہیٰ نے کہا کہ عید کے موقع پر ہمیں باہمی اختلافات ختم کر کے متحد قوم بن کر ابھرنا ہوگا اور کرونا وائرس سے مقابلہ کرنے والوں کو بھی یاد رکھنا ہوں گا، سب مل کر گناہوں کی معافی مانگیں اور مریضوں کے لیے خصوصی دعا کریں۔

وفاقی وزیر برائے سائنس اینڈ ٹیکنالوجی فواد چوہدری نے ٹویٹر پر اپنے پیغام میں مسلم امہ اور اہل وطن کو عیدکی مبارکباد دیتے ہوئے کہا کہ طویل عرصے بعد پسنی سے لاہوراور کراچی سے خیبر ایک لڑی میں پروئےگئے،یہ ہی ہماری خواہش ہے کہ وطن سلامت، لوگ سلامت رہیں۔

مسلم امہ کو عید مبارک ابل وطن کو عید مبارک، طیارے حادثے اور کرونا وباء کے دکھوں کے درمیان عیدیہ خوشی تو لائ کہ پورا پاکستان آج ایک عید منا رہا ہے، طویل عرصے بعد پسنی سے لاہور اور کراچی سے خیبر ایک لڑی میں پروئے گئے ہیں یہ ہی ہماری خواہش ہے کہ وطن سلامت ، لوگ سلامت #HappyEid

— Ch Fawad Hussain (@fawadchaudhry) May 24, 2020

ملتان: وزیر خارجہ شاہ محمود قریشی نے عید الفطر کے موقع پر کہا کہ بھارت کو پیغام ہے کہ ہم امن چاہتے ہیں۔

تفصیلات کے مطابق وزیر خارجہ شاہ محمود قریشی نے قوم کو عید الفطر کی مبارکباد دیتے ہوئے کہا کہ کرونا سے مرنے والوں اور بالخصوص کشمیریوں کے لیے دعاگو ہوں۔

شاہ محمود قریشی کا کہنا تھا کہ بھارتی دہشت گرد کلبھوشن یادیو بلوچستان سے گرفتار ہوا،بھارت بلوچستان میں مختلف قوتوں کو تخریب کاری کے لیے استعمال کر رہا ہے۔

وزیر خارجہ نے کہا کہ بھارت نے کوئی جارحیت کی تومنہ توڑ جواب دیا جائےگا،پاکستان کے عوام،افواج،کشمیریوں میں بھارت کا مقابلہ کرنے کی صلاحیت ہے۔انہوں نے عید الفطر کے موقع پر کہا کہ بھارت کو پیغام ہے کہ ہم امن چاہتے ہیں۔

شاہ محمود قریشی کا کہنا تھا کہ کل اقوام متحدہ کے سیکریٹری جنرل سے فون پر تفصیلی گفتگو کے دوران بھارت کےتمام عزائم سیکریٹری جنرل یو این کے سامنے رکھے۔انہوں نے کہا کہ بھارت اپنے اندرونی حالات سےتوجہ ہٹانے کے لیے کوئی حرکت کرسکتا ہے،سلامتی کونسل کے صدر کو خط کے ذریعے پاکستان کے خدشات سے آگاہ کیا۔

وزیر خارجہ شاہ محمود قریشی کا مزید کہنا تھا کہ بھارت نے کرونا وائرس کی آڑ میں مقبوضہ کشمیر میں ظلم بڑھا دیا ہے۔

لاہور: گورنر پنجاب اور وزیر اعلیٰ پنجاب سمیت صوبے کی دیگر نامور شخصیات نے عید کے پرمسرت موقع پر قوم کو مبارک باد دی ہے۔

تفصیلات کے مطابق ملک بھر میں آج عید الفطر مذہبی جوش و جذبے کے ساتھ منائی جارہی ہے، نماز عید کی ادائیگی کے بعد حکومتی اور سیاسی شخصیات نے قوم کو پرمسرت موقع کی مبارک باد دی۔

گورنر پنجاب چوہدری سرور کا کہنا تھا کہ اہل اسلام کو عید کی خوشیاں مبارک ہو، اس موقع پر ہم افواج پاکستان اورشہدا کی قربانیوں کی کسی صورت فراموش نہیں کرسکتے، شہداء نےجانوں کے نذرانے پیش کر کے ہماری حفاظت یقینی بنایا۔

مزید پڑھیں: صدراوروزیراعظم کی قوم کوعید الفطرکی مبارک باد

اُن کا کہنا تھا کہ عید پر مظلوم کشمیریوں اور فلسطینیوں سےاظہاریکجہتی کرتے ہیں، پاکستان کے عوام افواج پاکستان کے ساتھ ہیں۔

وزیر اعلیٰ پنجاب سردار عثمان بزدار نے قوم کو عیدالفطر کی مبارک باد دیتے ہوئے کہا کہ عام آدمی کااحساس کرنےسےہی عیدکالطف دوبالاہوگا، میراایمان ہےپسےہوئےطبقےکو ساتھ لےکرچلنےمیں ہی ہماری نجات ہے، نئےپاکستان میں عام آدمی ہی ہماری پالیسیوں کامحورہے۔

علاوہ ازیں پنجاب اسمبلی کے اسپیکر چوہدری پرویز الٰہی نے قوم کو مبارک باد دیتے اس کے علاوہ مسلم لیگ ق کے سربراہ چوہدری شجاعت نے بھی تہنیتی پیغام جاری کیا۔

چوہدری شجاعت کا کہنا تھا کہ ہم مل کر عمران خان کو مل کر کامیاب کریں گے، عوام کے مسائل کو مسلم لیگ ن لیگ کیش کرانے کی کوشش کرےگی۔ اس موقع پر میڈیا سے گفتگو کرتے ہوئے اسپیکر پنجاب اسمبلی چوہدری پرویز الٰہی کا کہنا تھا کہ عوامی مسائل پر احتجاج کرنا اپوزیشن کا حق ہے ، حکومت کو چاہیےاحتجاج کاصبراور حوصلے کے ساتھ سامنا کرے، اصل امتحان حکومت کی دانش مندی اور تحمل کا ہے۔

یہ بھی پڑھیں: ملک بھرمیں عید الفطرمذہبی جوش وجذبے سے منائی جا رہی ہے

اُن کا کہنا تھاکہ قومی اسمبلی کے اپوزیشن لیڈر شہباز شریف بھگوڑےہیں اُن کا اشتہار دیا جانا چاہیے، بجٹ میں حکومت کوتکلیف کی بجائے ریلیف دینا چاہیے۔