وزیراعظم شہباز شریف، صدر مملکت ، چیئرمین سینیٹ سمیت مختلف سیاسی و مذہبی رہنماؤں نے قوم کو عید الفطر کی مبارک دی ہے۔
تفصیلات کے مطابق صدر مملکت عارف علوی نے عیدالفطر کےپرمسرت موقع پرپاکستانی قوم،عالم اسلام کومبارکباد پیش کی ہے۔
اپنے پیغام میں صدرعارف علوی نے کہا کہ پاکستان کو مشکل سیاسی،اقتصادی حالات کاسامنا ہے،ہم سب اپنےملک کیلئےدرد محسوس کررہے ہیں۔
صدرمملکت نے کہا کہ اللہ تعالیٰ ہمیں معاف،درگزرکرنےاوربخش دینےکاحکم دیتاہے اور اللہ تعالیٰ نیکی اوراحسان کرنےوالوں سےمحبت فرماتاہ مگر آج ہم لوگوں کومعاف کرنےکو تیارنہیں۔
انہوں نے کہا کہ قیامت کے دن ہم اللہ کےسامنےکھڑےمعافی مانگ رہےہوں گے، اللہ تعالیٰ ہمیں معافی اوردرگزرسےکام لینےکی تلقین کرتاہے، ہمارے حضورﷺنےہمیں دوسروں پررحم اورمعاف کرنےکی تلقین کی۔
اپنے بیان میں صدر مملکت نے قوم سےاپیل ہے کہ گروہی،مذہبی،سیاسی اختلافات کونفرت کاذریعہ نہ بننےدیں،ملک کو سیاسی ومعاشی استحکام کی جانب لےجانےکیلئےاپناکرداراداکریں۔
وزیراعظم شہباز شریف
وزیراعظم شہباز شریف نے بھی قوم کو عید الفطر کی مبارک باد دیتے ہوئے دعا کی کہ یہ مبارک گھڑی ہم سب کی زندگی میں ڈھیروں خوشیاں لےکر آئے، ضرورت مندوں،محتاجوں،یتیموں کےساتھ صلہ رحمی کامظاہرہ کریں۔
انہوں نے کہا کہ صاحب ثروت کےایثارو محبت کی عام حالات سےزیادہ ضرورت ہے، ان کوعید کی خوشیوں میں شریک کریں جو مشکلات کےجبرکاشکارہیں۔
وزیراعظم نے کہا کہ حکومت کی کوشش رہی ہے کہ معاشی مشکلات کا کم سےکم بوجھ عوام تک پہنچے،ہم ہرممکن حد تک ریلیف عوام تک پہنچانےکی جدوجہدکررہےہیں،میرا ایمان ہےکہ اللہ تعالیٰ ہمیں ان آزمائشوں سےنجات عطافرمائےگا،ان شااللہ ہماری محنت ملک وقوم کی زندگی میں معاشی بہتری کی عیدلائےگی۔
اپنے بیان میں وزیراعظم نے قوم کو پیغام دیا کہ سیلاب متاثرین کو نہ بھولیں،انہیں اپنی خوشیوں میں شریک کریں،آج کے روز شہدائے وطن کوسلام اوران کےاہل خانہ سےدلی تعزیت کرتےہیں ساتھ ہی انہوں نے دعا کی کہ اللہ تعالیٰ فلسطینی ،کشمیریوں کوآزادی کی نعمت سےسرفرازفرمائے۔
چیئرمین سینیٹ محمد صادق سنجرانی
عید کے پرمسرت موقع پر چیئرمین سینیٹ محمد صادق سنجرانی نے مسلمانانِ عالم اسلام اور خاص طور پر پاکستانیوں کو عید الفطر کے بابرکت اور پر مسرت موقع پر دلی مبارکباد دیتے ہوئے کہا ہے کہ ماہ رمضان کی عبادات قوم میں تقویٰ، نظم وضبط اور صبرو تحمل کی خوبیوں کو فروغ دیتی ہیں۔
انہوں نے کہا کہ تمام اہل اسلام اسی جوش وجذبے کا عملی مظاہرہ کرتے ہوئے اپنی دنیاوی اور آخرت کی زندگی کو کامیاب بنائیں، ماہ رمضان مسلمانوں کیلئے اللہ تعالیٰ کی طرف سے ایک عظیم تحفہ ہے جس کے فیوض و برکات سے مستفید ہو کر آخرت کی کامیابی حاصل کی جا سکتی ہے۔
سابق وزیرداخلہ شیخ رشید
عوامی مسلم لیگ کے سربراہ شیخ رشید نے قوم کو عید الفطر کی مبارک باد دی ہے، نماز عید کی ادائیگی کے بعد میڈیا سے گفتگو میں انہوں نے کہا کہ اللہ تعالٰی پاکستان کو مسائل اور عدم استحکام سے نکالے اور اللہ تعالٰی اس نکمی حکومت سےعوام کو نجات دلائے۔
