ARYNews.tv | Urdu – Har Lamha Bakhabar

Tag: عید الفطر

  • صوابی: کنڈل ڈیم میں کشتی ڈوبنے سے 3 بچیاں جاں بحق، 35 کو بحفاظت نکال لیا گیا

    صوابی: کنڈل ڈیم میں کشتی ڈوبنے سے 3 بچیاں جاں بحق، 35 کو بحفاظت نکال لیا گیا

    صوابی: خیبر پختون خوا میں کنڈل ڈیم صوابی میں کشتی ڈوب گئی جس کے باعث تین بچیاں جاں بحق ہو گئیں جب کہ 35 افراد کو بہ حفاظت نکال لیا گیا۔

    تفصیلات کے مطابق صوابی کے کنڈل ڈیم میں گزشتہ رات کشتی ڈوبنے کا واقعہ پیش آیا تھا، جس میں 3 بہنیں ڈوب کر جاں بحق ہو گئیں، ریسکیو ٹیم نے 35 افراد کو بچا لیا۔

    ریسکیو ذرایع کا کہنا ہے کہ بچیوں کی لاشیں بھی ڈیم سے نکال لی گئی ہیں، جب کہ باقی افراد کو پہلے ہی بچا لیا گیا تھا۔

    کشتی میں 38 افراد سوار تھے، جاں بحق بچیوں کا تعلق صوابی سے تھا، ریسکیو ذرایع نے بتایا کہ جاں بحق بچیوں کی لاشیں ورثا کے حوالے کر دی گئیں۔

    یہ بھی پڑھیں:  اسپیکر اسد قیصر نے صوابی، بام خیل اور ٹوپی میں گیس منصوبوں کا افتتاح کردیا

    پولیس کا کہنا ہے کہ مذکورہ افراد کنڈل ڈیم میں عید کے موقع پر سیر و تفریح کے لیے پہنچے تھے تاہم بد قسمتی سے کشتی چلنے کے بعد کچھ فاصلے پر ڈوب گئی۔

    پولیس کا کہنا ہے کہ 35 افراد کو گزشتہ روز ہی باحفاظت نکال لیا گیا تھا تاہم آج 3 لاپتہ بچیوں کی لاشیں نکال لی گئی ہیں۔

  • کراچی میں عید کے تیسرے روز بھی موسم انتہائی گرم

    کراچی میں عید کے تیسرے روز بھی موسم انتہائی گرم

    کراچی: شہر قائد میں عید الفطر کے تیسرے روز بھی موسم انتہائی گرم ہے، ہوا میں نمی کا تناسب بڑھنے سے گرمی میں اضافہ ہو گیا ہے۔

    تفصیلات کے مطابق آج کراچی میں صبح ہی سے درجہ حرارت شہریوں کو پریشان کر رہا ہے، ہوا میں نمی کا تناسب بڑھ گیا ہے جس کے باعث گرمی میں اضافہ ہو گیا۔

    محکمہ موسمیات کا کہنا ہے کہ شہر کا موجودہ درجہ حرارت 35 ڈگری سینٹی گریڈ ہے۔

    موسمیات کے مطابق ہوا میں نمی کا تناسب 73 فی صد ریکارڈ کیا گیا، آج بھی درجہ حرارت 40 ڈگری تک جانے کا امکان ہے جب کہ گرمی کی شدت 44 ڈگری جیسی محسوس ہوگی۔

    یہ بھی پڑھیں:  کراچی میں 15 جون تک موسم گرم اورمرطوب رہے گا

    واضح رہے کہ محکمہ موسمیات نے کہا ہے کہ کراچی میں 15 جون کے بعد سے موسم میں بہتری آئے گی، جب کہ کراچی میں عید کے بعد تک موسم گرم اور مرطوب رہے گا۔

    محکمہ موسمیات کے مطابق جولائی سے مون سون کی بارشوں کا سلسلہ شروع ہوگا۔

    طبی ماہرین نے شہریوں کو دھوپ میں باہر نکلنے سے گریز کرنے کا مشورہ دیتے ہوئے کہا کہ اگر باہر جانا بھی پڑے تو چھتری استعمال کریں اور سر پر گیلا کپڑا رکھیں۔

  • صدراوروزیراعظم کی قوم کوعید الفطرکی مبارک باد

    صدراوروزیراعظم کی قوم کوعید الفطرکی مبارک باد

    اسلام آباد: صدر مملکت ڈاکٹر عارف علوی اور وزیراعظم عمران خان نے عید الفطر کے پرمسرت موقع پر قوم اور دنیا بھر کے مسلمانوں کو مبارک باد دی۔

    صدر پاکستان ڈاکٹرعارف علوی نے عیدالفطر کے موقع پراپنے پیغام میں کہا کہ قوم اپنے اندر اخوت، بھائی چارے کوصلہ رحمی کو فروغ دے اور ذاتی، علاقائی اور فرقہ وارانہ تعصب سے بالاتر ہو کر ملک کی خوشحالی کے لیے کام کرے۔

    صدر مملکت نے کہا کہ عید الفطر کا تہوار اسلامی اقدار اور روایات کا مجموعہ اور مذہبی تعلیمات کا آئینہ دار ہے۔

    دوسری جانب وزیراعظم عمران خان نے عیدالفطر کے موقع پر اپنے پیغام میں کہا کہ کوئی بھی مستحق افراد کے ساتھ جوش وجذبے سے ان کی خوشیوں میں شریک ہو کر عید کا تہوار حقیقی معنوں میں منا سکتا ہے۔

    انہوں نے کہا کہ حکومت نے ملک کو ترقی وخوشحالی کے راستے پرگامزن کرنے کے سفر کا آغاز کردیا ہے۔

    وزیراعظم پاکستان نے کہا کہ ریاست مدینہ انسانی تاریخ میں ایک عظیم مثال ہے جو پورے بنی نوع انسان کے لیے رحمت اور فلاح کا باعث بنی۔

    عمران خان نے اللہ تعالیٰ سے دعا کی کہ پاکستان کو امن وخوشحالی کا گہوارہ بنا دے جو ہر پاکستانی کی دلی تمنا ہے۔

    ملک بھرمیں عید الفطرمذہبی جوش وجذبے سے منائی جا رہی ہے

    واضح رہے کہ ملک بھر میں عیدالفطرآج مذہبی جوش وجذبے کے ساتھ منائی جا رہی ہےاس موقع پر ملکی سلامتی اور استحکام کےلیے خصوصی دعائیں مانگی گئیں۔

  • ملک بھرمیں عید الفطرمذہبی جوش وجذبے سے منائی جا رہی ہے

    ملک بھرمیں عید الفطرمذہبی جوش وجذبے سے منائی جا رہی ہے

    ملک بھر میں عیدالفطرآج مذہبی جوش وجذبے کے ساتھ منائی جا رہی ہےاس موقع پر ملکی سلامتی اور استحکام کےلیے خصوصی دعائیں مانگی گئیں۔

    تفصیلات کےمطابق ملک کے تمام چھوٹے بڑے شہروں، قصبوں اور دیہات میں عید الفطر کی نماز کے اجتماعات منعقد کیے گئے جس میں ملک کی سلامتی، ترقی، خوشحالی اوردہشت گردی کے خاتمے کے لئے خصوصی دعائیں مانگی گئیں۔

    وزیراعظم عمران خان نے عیدالفطر کی نماز اسلام آباد میں بنی گالہ میں قائم مسجد میں ادا کی۔ سیکیورٹی اسٹاف اور دیگر ملازمین نے بھی وزیراعظم کے ساتھ نماز ادا کی۔

    وزیراعظم پاکستان نے عید الفطر کی نماز کے بعد لوگوں سے عید ملی اور مبارک باد دی۔

    صدر مملکت ڈاکٹر عارف علوی نے وفاقی دارالحکومت اسلام آباد میں فیصل مسجد میں عید الفطر کی نماز ادا کی۔

    سابق صدر آصف علی زرداری نے نواب شاہ زرداری ہاؤس میں نماز عید الفطر ادا کی اور ملک کی خوشحالی، سلامتی اوراستحکام کے لیے خصوصی دعا کی۔

    چیئرمین پیپلزپارٹی بلاول بھٹو زرداری نے گڑھی خدا بخش میں نماز عید ادا کی۔ سندھ کے سابق و موجودہ وزرائے اعلیٰ نے بھی ساتھ ہی نماز عید ادا کی۔

    اسلام آباد میں عید کا سب سے بڑا اجتماع فیصل مسجد میں ہوا جہاں سیاسی وسماجی شخصیات، اسلامی ممالک کے سفرا سمیت شہریوں کی بڑی تعداد نے بھی شرکت کی، اس موقع پرسیکورٹی کے سخت انتظامات کیے گئے تھے۔

    کراچی میں نماز عید کا سب سے بڑا اجتماع پولو گراؤنڈ میں ہوا جہاں گورنرسندھ عمران اسماعیل سمیت دیگر سیاسی وسماجی شخصیات نے شرکت کی۔

    عیدالفطر کے موقع پرشہرقائد کی بڑی مساجد، عید گاہوں اور امام بارگاہوں کے باہر پولیس کے علاوہ رینجرز اہلکاروں نے بھی سیکورٹی کے فرائض انجام دیے، اہم عیدگاہوں پر نمازیوں کے لیے واک تھروگیٹ لگائے گئے تھے۔

    عیدالفطر کے موقع پر شہر کے اہم عوامی مقامات، تفریحی گاہوں اور پارکوں کے باہر بھی پولیس کی اضافی نفری بھی تعینات کی گئی ہے۔

    مختلف زبانوں میں عید الفطر کا کیا نام ہے؟

    کراچی کے علاوہ حیدرآباد، سکھر اور سندھ کے دیگرشہروں میں بھی عید کے موقع پرسیکورٹی کے سخت انتظامات کیے گئے۔

    پنجاب کے دارالحکومت لاہور میں نماز عید الفطر کا سب سے بڑا اجتماع بادشاہی مسجد میں ہوا جبکہ شہر کے دیگر مقامات پر بھی مختلف چھوٹے بڑے اجتماعات کا سلسلہ جاری رہا۔

    عید الفطر کی سنتیں جانیں اوراس عید کو یادگاربنائیں

    آزاد کشمیر کے دارالحکومت مظفرآباد میں مرکزی سیرت کمیٹی کے زیراہتمام مرکزی عیدگاہ میں عید الفطر کا سب سے بڑا اجتماع منعقد کیا گیا۔

    عیدالفطر کے موقع پر کوئٹہ اور پشاور میں بھی سکیورٹی کے سخت انتظامات کیے گئے، دونوں صوبائی دارالحکومتوں میں پولیس، رینجرز اور ایف سی کے اہلکاروں نے سیکیورٹی کے فرائض انجام دیے۔

  • آصف زرداری اور بلاول بھٹو کی عید الفطر پر قوم کو مبارکباد

    آصف زرداری اور بلاول بھٹو کی عید الفطر پر قوم کو مبارکباد

    کراچی : پیپلزپارٹی کے چیئرمین بلاول بھٹو اور سابق صدر آصف علی زرداری نے مسلمانوں کو عیدالفطر کی مبارکباد پیش کی ہے، اپنے پیغام میں ان کا کہنا ہے کہ عید پر نادار و محتاج افراد کو بھی اپنی خوشیوں میں شامل کریں۔

    سابق صدر آصف علی زرداری نے کہا کہ آج کا دن ضرورت مند بھائیوں اور بہنوں کی مدد کا تقاضا کرتا ہے، اللہ کے حضور سجدہ کرتے وقت ملکی سلامتی اور یکجہتی کی دعا کی جائے، آج ملک کو قومی یکجہتی اور اتحاد کی شدید ضرورت ہے۔

    آصف زرداری کا اپنے پیغام میں مزید کہنا تھا کہ ہم سب کو آئین جو اسلامی اورجمہوری ہے کا تقدس بحال رکھنا ہے، مذہب کی آڑ میں فتنہ فساد پھیلانے والے عناصر کو شکست دینا ہوگی، اس موقع پر شہیدوں کو یاد رکھا جائے جنہوں نے دھرتی ماں کیلئے اپنی جانیں قربان کیں۔

    بلاول بھٹو زرداری نے اپنے پیغام میں کہا کہ پاکستان سمیت پوری دنیا میں امن کے لئے دعاگو ہوں، رمضان المبارک کی اصل روح صبروعاجزی ہے، اس جذبے کی رمضان کے بعد بھی پیروی کی جاتی رہنی چاہئے۔

    عید کے موقع پر ملک کے غریب عوام کے لئےفکرمند ہوں، عوام مہنگائی میں گزر بسرنہ ہونے سے آہیں بھرنے پرمجبور ہیں، عید پر نادار و محتاج افراد کو بھولنا نہیں چاہئے، ملک کیلئے جانیں قربان کرنے والوں اور ظلم کا شکار لوگوں کو یاد رکھنا چاہئے۔

  • دبئی، شیخ محمد راشد المکتوم نے عید کے پرمسرت لمحات اہل خانہ کے ساتھ گزارے، تصاویر وائرل

    دبئی، شیخ محمد راشد المکتوم نے عید کے پرمسرت لمحات اہل خانہ کے ساتھ گزارے، تصاویر وائرل

    دبئی: متحدہ عرب امارات کے نائب صدر شیخ محمد بن راشد المکتوم نے عید الفطر کے پرمسرت لمحات اہل خانہ کے ساتھ گزارے، اُن کی تصاویراور ویڈیو سوشل میڈیا پر وائرل ہوگئیں۔

    تفصیلات کے مطابق شیخ محمد راشد المکتوم کے بیٹے اور دبئی کے ولی عہد شیخ حمدان بن محمد نے سماجی رابطے کی ویب سائٹ انسٹاگرام پر تصویر شیئر کی جس میں دیکھا جاسکتا ہے کہ شیخ محمد بن راشد المکتوم اہل خانہ کے ہمراہ عید الفطر منارہے ہیں۔

     

    View this post on Instagram

     

    #family ❤️

    A post shared by Fazza (@faz3) on

    دوسری تصویر میں دیکھا جاسکتا ہے کہ شیخ محمد بن راشد المکتوم بچے کو پشت پر اٹھا کر خوشی کا اظہار کررہے ہیں۔

    شیخ محمد راشد المکتوم کی صاحب زادی شیخ لطیفہ نے ویڈیو شیئر کی ہے جس میں متحدہ عرب امارات کے وزیراعظم ننھے بچے کے ساتھ موجود ہیں۔

     

    View this post on Instagram

     

    تباركت خطوات محمد يوم أنها على إيدك ❤️❤️❤️ @hhshkmohd

    A post shared by Latifa M R Al Maktoum (@latifamrm1) on

    قبل ازیں شیخ محمد بن راشد المکتوم نے عید الفطر کی نماز زبیل مسجد میں ادا کی۔

    شیخ محمد کے بیٹے شیخ حمدان، شیخ مکتوم بن محمد بن راشد، شیخ احمد بن محمد نے دبئی میں عید الفطر کی نماز ادا کی۔

  • پاکستانی کرکٹرز نے انگلینڈ میں عید منائی، قوم کو عید کی مبارک باد

    پاکستانی کرکٹرز نے انگلینڈ میں عید منائی، قوم کو عید کی مبارک باد

    ناٹنگھم: ورلڈ کپ 2019 کے لیے انگلینڈ میں موجود قومی کرکٹرز نے ناٹنگھم میں عید منائی اور قوم کو عید کی مبارک باد پیش کی۔

    پاکستان کرکٹ بورڈ (پی سی بی) کی جانب سے ویڈیو جاری کی گئی ہے جس میں دیکھا جاسکتا ہے کہ کھلاڑی ہوٹل سے گاڑی میں سوار ہوکر عید الفطر کی نماز ادا کرنے کے لیے جارہے ہیں۔

    قومی کرکٹرز انتہائی خوش دکھائی دے رہے ہیں اور قوم کو عید کی مبارک باد پیش کررہے ہیں، نماز عید کی ادائیگی کے بعد کھلاڑی اور آفیشلز ایک دوسرے کے گلے مل کر خوشی کا اظہار بھی کررہے ہیں۔

    انگلینڈ کے خلاف میچ میں مین آف دی میچ قرار پانے والے محمد حفیظ نے بھی سماجی رابطے کی ویب سائٹ ٹویٹر پر گروپ فوٹو شیئر کیا اور لکھا کہ عید مبارک، ماشاء اللہ۔

    پی سی بی کی جانب سے جاری کی جانے والی ویڈیو میں بابر اعظم، محمد حفیظ، حارث سہیل، آصف علی اور دیگر کھلاڑیوں کے پیغامات بھی شامل ہیں۔

    عید کے موقع پر قومی ٹیم نے ناٹنگھم میں ایک گروپ فوٹو بھی بنوایا جس میں تمام کھلاڑی پرمسرت دکھائی دے رہے ہیں۔

    واضح رہے کہ گزشتہ روز قومی کرکٹ ٹیم نے ورلڈ کپ میں شاندار کم بیک کرتے ہوئے میزبان انگلینڈ کو 14 رنز سے شکست دی تھی، قومی ٹیم اپنا اگلا میچ 7 جون کو سری لنکا کے خلاف کھیلے گی۔

  • کوئٹہ، عید کے دن موٹر سائیکل کی ڈبل سواری پر 6 گھنٹے کی پابندی عائد

    کوئٹہ، عید کے دن موٹر سائیکل کی ڈبل سواری پر 6 گھنٹے کی پابندی عائد

    کوئٹہ: محکمہ داخلہ بلوچستان نے کوئٹہ میں عید کے دن موٹر سائیکل کی ڈبل سواری پر 6 گھنٹے کی پابندی عائد کردی۔

    تفصیلات کے مطابق محکمہ داخلہ بلوچستان نے کوئٹہ میں عید الفطر کے موقع پر موٹر سائیکل کی ڈبل سواری پر پابندی عائد کردی جس کا نوٹیفکیشن جاری کردیا گیا ہے۔

    نوٹیفکیشن کے مطابق ڈبل سواری پر پابندی کے اطلاق صبح 6 بجے سے دوپہر 12 تک ہوگا۔

    محکمہ داخلہ کی جانب سے جاری ہونے اعلامیے کے مطابق دفعہ 144 کے تحت کوئٹہ میں چاند رات پر ہوائی فائرنگ پر بھی پابندی ہوگی۔

    دوسری جانب ضلع بولان اور پیرغائب کے مقام پر دریا اور نہر میں نہانے پر بھی پابندی عائد کی گئی ہے۔

  • عید کی مصروفیات میں خواتین خود کو نہ بھولیں

    عید کی مصروفیات میں خواتین خود کو نہ بھولیں

    عید کی آمد آمد ہے اور اس موقع پر خاتونِ خانہ کی مصروفیت کئی گنا بڑھ جاتی ہیں، اس اہم دن پر یقیناً آپ مہمانوں کی تواضع کرنے میں مصروف ہوں گی ۔ آپ کی کوشش ہوگی کہ اپنے گھر والوں اور مہمانوں کو مزیدار پکوان بنا کر کھلائیں۔

    لیکن اس موقع پر اپنے آپ کو بالکل مت بھولیں۔ عید کے دن اپنے لیے بھی وقت نکالیں۔ سارا دن چولہے کے سامنے گزارنے کے بعد بھی آپ تازہ دم لگ سکتی ہیں اور اس کے لیے آپ کو مندرجہ ذیل طریقوں سے اپنا خیال رکھنا ہوگا۔

    قدرتی اشیا کا استعمال

    اپنی جلد پر کیمیکلز لگانے کے بجائے زیادہ سے زیادہ قدرتی چیزوں کا استعمال کریں۔ آپ کے کچن میں موجود چیزیں آپ کی جلد کے لیے بہترین ہیں،جیسے بیسن اور ہلدی کا ماسک ، آنکھوں کی تازگی کے لیے کھیرا ، وغیرہ وغیرہ۔

    عید کی تیاری کرنے کے ساتھ کچھ وقت اپنے لیے بھی نکالیں اور قدرتی اشیا سے اپنی جلد کی حفاظت کریں۔

    سبزیوں اور پھلوں کا استعمال

    عید پر دعوتوں میں مرغن غذائیں کھانے میں آتی ہیں۔ ایسے موقع پر آپ اپنی بھوک سے کم کھائیں اور پھلوں کا استعمال بڑھا دیں۔

    زیادہ پانی اور رات کو سونے سے قبل دودھ پینا بھی مرغن غذاؤں کی تیزابیت کو کم کرنے میں معاون ثابت ہوگا۔ عید کے چوتھے دن مزیدار سبزی یا دال کی ڈش بنائیں۔

    میک اپ ضرور اتاریں

    دعوتوں میں جانے یا مہمانوں کی دعوت کرتے ہوئے آپ میک اپ ضرور استعمال کرتی ہوں گی لیکن رات سونے سے پہلے اسے ضرور صاف کریں۔رات کو میک اپ صاف کیے بغیر سونا جلد کو ناقابل تلافی نقصانات پہنچاتا ہے۔

    ورزش کریں

    ورزش کو اپنی زندگی کا معمول بنالیں۔ عید کی مصروفیات میں تمام کام نمٹانے کے بعد رات کو 15 منٹ کھلی ہوا میں چہل قدمی ضرور کریں، اس سے نہ صرف آپ کی دن بھر کی تکان دور ہوجائے گی ، بلکہ آپ اگلے دن کے لیے ذہنی طور پر تروتازہ ہوں گی۔

  • عید پرسیکیورٹی انتظامات مکمل، زبردستی فطرہ جمع کرنے کی اجازت نہیں ہے، رینجرز

    عید پرسیکیورٹی انتظامات مکمل، زبردستی فطرہ جمع کرنے کی اجازت نہیں ہے، رینجرز

    کراچی: شہرقائد میں عید الفطر کے موقع پر امن و امن کو یقینی بنانے کے لیے سندھ رینجرز نے سیکیورٹی سے متعلق اقدامات مکمل کرلیے، کسی کو بھی زبردستی فطرہ جمع کرنے کی اجازت نہیں ہوگی۔

    تفصیلات کے مطابق سندھ رینجرز کے ترجمان کی جانب سے کہا گیا ہے کہ عید الفطر کی نماز کے اجتماعات، مساجد ، امام بارگاہوں اور جماعت خانوں کی سخت نگرانی کی جائے گی۔

    ترجمان رینجرز کا کہنا ہے کہ شہر کی شاہ راہوں پر رینجرز کے جوان تعینات رہیں گے، اسنیپ چیکنگ،موبائل پٹرولنگ اورموٹرسائیکل سوار دستوں کا گشت مزیدبڑھادیاگیاہے۔

    یہ بھی کہا گیا ہے کہ شہر میں عید الفطر کے موقع پر اسلحہ لےکر چلنے اورہوائی فائرنگ کی اجازت کسی صورت نہیں ہو گی اورقانون کی خلاف ورزی کرنے والوں کے خلاف کارروائی کی جائے گی۔

    رینجرز کے ترجمان کا کہنا تھا کہ گزشتہ سال کی طرح اس سال بھی کسی بھی فردیاادارےکوزبردستی فطرہ اکٹھاکرنےکی اجازت نہیں ہے ۔عوام دہشت گردی کی روک تھا م کے لیے سیکیورٹی اداروں کا ساتھ دیں اور مشکوک فردیاسرگرمی کی اطلاع فور ی طورپررینجرز ہیلپ لائن پردیں۔