اسلام آباد: وفاقی حکومت نے عید الاضحی کے لیے تین چھٹیوں کی منظوری دے دی.
اطلاعات کے مطابق وفاقی حکومت نے عیدالاضحی کے موقع پر12 ستمبر سے 14 ستمبر تک کی چھٹیوں کا اعلان کردیا ہے۔
واضح رہے کہ رویت ہلال کمیٹی جانب سے جاری کردہ اعلامیے کے مطابق عید الاضحیٰ 13 ستمبر کو ہوگی۔
حکومت نے خوشی کے اس موقع پر تین دن کی چھٹیوں کا اعلان کیا ہے جو کہ بارہ سے چودہ دسمبر تک جاری رہیں گی تاہم عوام کو 11 ستمبر کو اتوار ہونے کے سبب ایک چھٹی اضافی ملے گی، تاہم ہفتے کو چھٹی کے باعث سندھ حکومت کے ملازمین 5 چھٹی کے مزے لیں گے۔
دوسری جانب محکمہ ریلوے نے عید الاضحی پر کراچی سے دو عید اسپیشل ٹرینیں چلانے کا اعلان کردیا، پہلی عید اسپیشل ٹرین کراچی سے پشاور دس ستمبر کو روانہ ہوگی۔
دوسری عید اسپیشل ٹرین کراچی سے براستہ ملتان ، فیصل آباد اور لاہور کیلئے گیارہ ستمبر کو صبح گیارہ بجے روانہ ہوگی، محکمہ ریلوے عید کے موقع پر مختلف شہروں سے آٹھ عید اسپیشل ٹرینیں چلائے گا۔
