ڈی آئی خان : زیادتی کا شکار غازی یونیورسٹی کی طالبہ کا کہنا ہے کہ شکایت پرکچھ نہیں کیا گیا توخودکوآگ لگا لوں گی۔
تفصیلات کے مطابق اسلامیہ یونیورسٹی بہاول پور کے بعد زیادتی کا ایک اوراسکینڈل سامنے آگیا، غازی یونیورسٹی ڈی جی خان میں طالبہ کے ساتھ مبینہ زیادتی کے الزام میں یونیورسٹی کے دو پروفیسروں کے خلاف ایف آئی آردرج کرلی گئی۔
طالبہ نے و یڈیوبیان میں بتایا کہ یونیورسٹی پروفیسرز نے اپنے ہاسٹل بلایا اور بعد میں بلیک میل کرتے رہے کہ کسی کو کچھ نہیں بتانا۔
طالبہ نے الزام عائد کیا کہ اب میری چھوٹی بہن کوبلیک میل کررہے ہیں، شکایت پر کچھ نہیں کیا گیا توخودکوآگ لگا لوں گی، جس کے ذمے دار وائس چانسلر ہوں گے۔
آئی جی پنجاب نے ڈی پی او کو اپنی نگرانی میں تفتیش کی ہدایت کی ہے۔
گذشتہ روز غازی یونیورسٹی کی طالبہ نے دو اساتذہ پر جنسی ہراسگی کا الزام لگاتے ہوئے کہا تھا ڈاکٹر ظفر وزیر نے نشہ آور چیز پلا کر طلبہ سے زیادتی کی۔
زیادتی کا شکار طالبہ کا ایک ویڈیو بیان سوشل میڈیا پلیٹ فارمز پر وائرل ہوا تھا ، ویڈیو بیان سوشل میڈیا پر وائرل ہونے کے بعد مقدمہ درج کیا گیا، پولیس نے مقدمہ میں 955/23 میں 2 پروفیسرز اور ایک طلبہ کو نامزد کیا تھا۔
مقدمہ کے متن میں کہا گیا تھا کہ ڈاکٹر ظفر وزیر نے نشہ آور چیز پلا کر طلبہ سے زیادتی کی اور پروفیسر خالد خٹک بھی مراسم قائم کرنے کیلئے دھمکاتا رہا۔
