Tag: غزہ شہداء

غزہ میں اسرائیلی فوج کی جانب سے جارحیت کا سلسلہ جاری ہے، گزشتہ 24 گھنٹوں میں اسرائیلی فوج نے 2 صحافیوں سمیت مزید 200 سے زائد فلسطینیوں کو موت کی نیند سلادیا۔

بین الاقوامی خبر رساں ادارے کی رپورٹ کے مطابق اسرائیلی فوج کی درندگی کے باعث شہید ہونے والے فلسطینیوں کی تعداد 18 ہزار 682 سے بڑھ چکی ہے، جبکہ زخمیوں کی تعداد 50 ہزار سے تجاوز کرچکی ہے۔

فلسطینی وزارت صحت کا کہنا ہے کہ اسرائیلی بمباری کے نتیجے میں 7 ہزار 729 سے زائد بچے اور 5 ہزار 153 زائد خواتین شہید ہوچکی ہیں، جبکہ زخمیوں میں 8 ہزار 663 سے زائد بچے اور 6 ہزار 327 سے زائد خواتین شامل ہیں اور 7 ہزار 780 سے زائد افراد کا کچھ پتہ نہیں۔

خان یونس میں اسرائیلی فوج کو حماس کی جانب سے شدید مزاحمت کا سامنا کرنا پڑ رہا ہے، فلسطینی مزاحمت کاروں اور اسرائیلی فوج کی سڑکوں پر دوبدو لڑائی کے دوران متعدد اسرائیلی ٹینکوں کو تباہ کردیا گیا ہے۔

گزشتہ رات سے اب تک حماس کے جنگجوؤں سے جھڑپوں کے دوران 10 سے زیادہ اسرائیلی فوجی واصل جہنم ہوچکے ہیں۔

حماس کی جانب سے اسرائیلی شہر اشدود میں غزہ سے میزائل حملہ کیا گیا جس میں ایک اسرائیلی شاپنگ سینٹر کو نقصان پہنچنے کی اطلاعات سامنے آرہی ہیں۔ غزہ میں زمینی آپریشن میں ہلاک ہونے والے اسرائیلی فوجیوں کی تعداد 115 تک پہنچ چکی ہے۔

دوسری جانب یورپی یونین کی سربراہ نے ’انتہا پسند‘ اسرائیلی آباد کاروں پر پابندیوں کی حمایت کر دی۔

یورپی یونین کی چیف ارسلا وان ڈر نے مقبوضہ مغربی کنارے میں فلسطینیوں پر حملوں کے ذمہ دار ”انتہا پسند”اسرائیلی آباد کاروں کے خلاف اقدامات کی حمایت کی ہے۔

یورپی کمیشن کی صدر نے یورپی یونین کے قانون سازوں کو بتایا کہ میں مغربی کنارے میں حملوں میں ملوث افراد کو سزا دینے کے حق میں ہوں ان کا احتساب ہونا چاہیے اس تشدد کا حماس کے خلاف لڑائی سے کوئی تعلق نہیں ہے اور اسے روکنا چاہیے۔

امریکی ایوان نمائندگان نے بائیڈن کے مواخذے کیلئے تحقیقات کی اجازت دیدی

یورپی یونین کی خارجہ پالیسی کے سربراہ جوزپ بوریل نے پیر کے روز کہا تھا کہ بلاک ”مغربی کنارے میں انتہا پسند آباد کاروں کے تشدد سے گھبرا گیا ہے اور اسرائیلی حکومت کے یروشلم میں مزید 1,700 ہاؤسنگ یونٹس کی منظوری کے فیصلے کی مذمت کرتا ہے جو بین الاقوامی قانون کی خلاف ورزی ہے۔

غزہ میں اسرائیلی جارحیت کا سلسلہ تاحال جاری ہے، جنگی جرائم جاری رکھتے ہوئے اسرائیلی فوج نے سویلین رہائشی علاقوں، پناہ گزین کیمپوں، اسکولوں، اسپتالوں اور عبادت گاہوں کو نشانہ بنایا، جبکہ مزید 4 مساجد کو بھی شہید کردیا گیا ہے۔ شہداء کی تعداد 13 ہزار سے زائد ہوگئی۔

بین الاقوامی خبر رساں ادارے کی رپورٹ کے مطابق اسرائیلی افواج نے شمالی غزہ کی مسجد القسام، مسجد الخلیفہ، مسجد حیفہ اور مسجد الامین محمد کو شہید کر دیا جبکہ جبالیہ کیمپ کے اقامتی بلاکوں پر شدید بمباری کی گئی۔

اسرائیلی افواج پر اقوام متحدہ کے انسانی حقوق کے سربراہ وولکر ترک نے غزہ میں جنگ بندی کا مطالبہ کرتے ہوئے کہا ہے کہ ”بچوں، عورتوں اور مردوں کے چہروں پر چھپا ہوا درد اور خوف بہت زیادہ ہے“۔

اقوام متحدہ کے ہائی کمشنر برائے انسانی حقوق نے کہا کہ اسرائیلی فوج ایسے کتابچے گرا رہی ہے جس میں رہائشیوں کو ”پناہ گاہوں“میں جانے کا مطالبہ کیا گیا ہے لیکن، انہوں نے زور دیا کہ غزہ میں کہیں بھی محفوظ نہیں ہے۔

انہوں نے کہا کہ انتباہات سے قطع نظر، اسرائیل شہریوں کی حفاظت کرنے کا پابند ہے وہ جہاں کہیں بھی ہوں۔ان کا کہنا تھا کہ لوگوں کے ہوش میں آنے سے پہلے اور کتنا تشدد، خونریزی اور بدامنی ہو گی؟ اور کتنے عام شہری مارے جائیں گے؟

دوسری جانب حماس ترجمان اسامہ حمدان نے اسرائیل کو نازیوں کی نئی شکل قرار دیا جو غزہ میں نسل کشی جاری رکھے ہوئے ہے۔ غزہ میں اسرائیلی فوج کو حماس کے جاں بازوں کی جانب سے سخت مزاحمت کا بھی سامنا ہے، حماس کے حملوں میں ہلاک فوجیوں کی تعداد 58 ہو چکی ہے۔

صہیونی فوج کے حملوں سے اسرائیلی یرغمالیوں کی جان کو بھی خطرہ لاحق ہے۔ القسام بریگیڈ کا کہنا ہے غزہ میں قیدیوں کے ذمہ دار گروہوں سے رابطہ منقطع ہو گیا ہے، اسرائیلی قیدیوں اور ان کو رکھنے والوں کے ساتھ کیا ہوا معلوم نہیں۔