Tag: غزہ پولیو

  • غزہ میں پولیو مہم کا دوسرا مرحلہ، اسرائیلی بمباری کے دوران سال بھر میں 44 ہزار بچوں کی پیدائش

    غزہ میں پولیو مہم کا دوسرا مرحلہ، اسرائیلی بمباری کے دوران سال بھر میں 44 ہزار بچوں کی پیدائش

    غزہ: فلسطین کے محصور علاقے غزہ میں پولیو مہم کا دوسرا مرحلہ رواں ماہ کے آخر میں شروع ہوگا، ایک رپورٹ میں کہا گیا ہے کہ اسرائیلی بمباری کے دوران سال بھر میں غزہ میں 44 ہزار بچوں کی پیدائش ہوئی ہے۔

    اقوام متحدہ کے ذیلی ادارے کا کہنا ہے کہ غزہ میں انسدادِ پولیو مہم کا دوسرا مرحلہ رواں ماہ کے آخر میں شروع ہوگا، اس مہم کے دوران 6 لاکھ 40 ہزار بچوں کو پولیو سے بچاؤ کے قطرے پلائے جائیں گے۔

    وحشیانہ اسرائیلی بمباریوں کے دوران گزشتہ برس غزہ میں تقریباً 44 ہزار بچے پیدا ہوئے، جو تاحال بنیادی ویکسین سے بھی محروم ہیں، واضح رہے کہ یکم ستمبر کو ہونے والی پہلی پولیو مہم کے دوران 10 سال سے کم عمر بچوں کو قطرے پلائے گئے تھے۔

    ترجمان انروا کے مطابق دوسرے مرحلے میں غزہ کے بچوں کو وٹامن کے سپلیمنٹس بھی دیے جائیں گے۔

    فلسطینی صحافی اسماء حریش کو اسرائیل نے رہا کردیا

    دوسری طرف اسرائیلی فوج نے غزہ کی پٹی پر حملوں کا سلسلہ جاری رکھا ہوا ہے، جس میں گزشتہ چوبیس گھنٹوں کے دوران کم از کم 51 فلسطینی شہید ہو گئے ہیں۔ غزہ میں اکتوبر سے اب تک اسرائیلی حملوں میں کم از کم 41,638 افراد شہید اور 96,460 زخمی ہو چکے ہیں۔

  • غزہ میں فلسطینیوں کے قتل عام کے درمیان انسداد پولیو مہم شروع ہو گیا

    غزہ میں فلسطینیوں کے قتل عام کے درمیان انسداد پولیو مہم شروع ہو گیا

    غزہ: فلسطین کے محصور علاقے غزہ میں ہفتے کے روز سے انسداد پولیو مہم کا آغاز ہو گیا۔

    تفصیلات کے مطابق غزہ میں فلسطینیوں کے قتل عام کے درمیان انسداد پولیو مہم شروع ہو گیا ہے، النصیر اسپتال میں بچوں کو قطرے پلائے جا رہے ہیں۔

    انسداد پولیو مہم کے لیے اسرائیلی فورسز نے راہداری فراہم کرتے ہوئے جنگ بندی کی خبروں کی تردید کی ہے، اسرائیلی وزیر اعظم ہاؤس کی جانب سے ایک بیان میں کہا گیا ہے کہ پولیو مہم کے لیے جنگ بندی نہیں کی گئی ہے، صرف انسانی بنیادوں پر پولیو ورکرز کو راہداری فراہم کی جاری ہے تاکہ وہ قطرے پلا سکیں۔

    دوسری طرف عالمی ادارہ صحت (ڈبلیو ایچ او) نے مہم کے دوران عملے کی حفاظت کو یقینی بنانے کا مطالبہ کر دیا ہے۔ ڈبلیو ایچ او نے تصدیق کی ہے کہ ویکسین کا سرکاری طور پر بڑی مہم آج اتوار سے شروع ہوگی۔

    تین روزہ ویکسینیشن مہم کا مقصد تقریباً 6 لاکھ 40,000 فلسطینی بچوں تک پہنچنا ہے، یاد رہے کہ غزہ میں گزشتہ ماہ پہلا پولیو کا کیس سامنے آیا تھا۔ پہلے دن وسطی غزہ، دوسرے دن خان یونس اور تیسرے دن پٹی کے شمالی حصے میں ویکسینیشن ہوگی۔