Tag: غزہ

  • پاکستان کا غزہ میں نسل کشی روکنے کیلئے سلامتی کونسل سے فوری اقدام کا مطالبہ

    پاکستان کا غزہ میں نسل کشی روکنے کیلئے سلامتی کونسل سے فوری اقدام کا مطالبہ

    (28 اگست 2025): پاکستان نے غزہ میں نسل کشی روکنے کیلئے سلامتی کونسل سے فوری اقدام کا مطالبہ کیا ہے۔

    اقوام متحدہ میں پاکستانی مستقل مندوب عاصم افتخار احمد نے خطاب میں کہا غزہ میں بڑے پیمانے پر قتل، بے دخلی، قحط اور تباہی جاری ہے، اسرائیل فلسطینیوں کی سرعام نسل کشی کررہا ہے۔

    عاصم افتخار نے کہا کہ اسرائیلی اقدامات بین الاقوامی قانون کی صریح خلاف ورزی ہیں، دنیا براہِ راست قتلِ عام دیکھ رہی ہے، سلامتی کونسل کو اپنے چارٹر کے مطابق اقدام کرنا ہوگا۔

    انہوں نے کہا کہ دنیا تاخیر کومعاف نہیں کریگی، تاریخ خاموشی کو یاد رکھے گی، دنیا بے عملی کو فراموش نہیں کرے گی، سلامتی کونسل کو اپنے چارٹر کے مطابق اقدام کرنا ہوگا۔

    پاکستان کے مستقل مندوب نے کہا کہ یہ کیسےکبھی جائز یا قابلِ دفاع ہو سکتا ہے؟، یہ محض ضمنی نقصان نہیں، یہ اجتماعی قتل و غارت ہے، غزہ میں یہ ناقابلِ برداشت المیہ 691 دن سے جاری ہے، اسرائیلی افواج نےجان بوجھ کر شہری زندگی کو تباہ کیا۔

  • قبضے کا منصوبہ، اسرائیل نے غزہ کی سرحدوں پر تازہ کمک پہنچا دی

    قبضے کا منصوبہ، اسرائیل نے غزہ کی سرحدوں پر تازہ کمک پہنچا دی

    غزہ پر قبضے کے منصوبے کے پیش نظر اسرائیل نے غزہ کی سرحدوں پر تازہ کمک پہنچا دی ہے، اسرائیلی ٹینک زمینی پیش قدمی کے لیے تیار ہیں، غزہ میں جاری اسرائیلی حملوں میں مزید 60 سے زائد فلسطینی جام شہادت نوش کرگئے۔

    بین الاقوامی خبر رساں ادارے کی رپورٹ کے مطابق غزائی قلت کے سبب مزید تین فلسطینی انتقال کرگئے جس کے بعد اسرائیل کے جبری قحط سے اموات 303 ہو گئیں۔

    اقوام متحدہ، کینیڈا، سعودی عرب اور ایران نے اسپتال پر اسرائیلی حملے کی غیرجانبدارانہ تحقیقات کا مطالبہ کیا ہے۔

    امریکی صدر ٹرمپ کا کہنا ہے اگلے دو سے تین ہفتے میں غزہ جنگ کا فیصلہ کُن نتیجہ سامنے آجائے گا۔

    اسرائیلی فوج کا اسپتال اور صحافیوں پر حملے کے بعد دعویٰ

    اسرائیلی فوج کا دعویٰ ہے کہ اس نے النصر اسپتال پر حملے میں حماس کے کیمرے کو نشانہ بنایا۔

    اسرائیلی فوج نے اس ہفتے جنوبی غزہ کے اسپتال پر اپنے حملے کا دعویٰ کیا ہے جس میں پانچ صحافیوں سمیت کم از کم 21 افراد شہید ہوئے تھے حماس کی جانب سے علاقے میں اسرائیلی فوجیوں کی نگرانی کے لیے لگائے گئے کیمرے کو نشانہ بنایا گیا۔

    فوج نے کہا کہ فورس نے کیمرے کو تباہ کرنے کا کام کیا۔

    اسرائیل معمول کے مطابق غزہ کی پٹی میں اپنے مہلک حملوں کو یہ کہہ کر جواز فراہم کرتا ہے کہ وہ حماس کو نشانہ بنا رہا ہے۔

    پیر کو النصر اسپتال پر حملہ ایک نام نہاد ”ڈبل ٹیپ”تھا جس میں اسرائیلی فورسز نے بمباری کی، پھر دوسری بار بمباری کرنے کے لیے وہاں ریسکیو ورکرز اور صحافیوں کے موقع پر پہنچنے کا انتظار کیا۔

    انسانی حقوق کے گروپوں نے اسرائیلی فوج پر غزہ پر اندھا دھند بمباری میں جنگی جرائم کا ارتکاب کرنے کا الزام عائد کیا ہے، ایک حالیہ رپورٹ میں بتایا گیا ہے کہ جب سے اسرائیل نے انکلیو پر اپنی جنگ شروع کی ہے، شہید ہونے والوں میں سے 83 فیصد عام شہری ہیں۔

    کسی صورت ہتھیار نہیں ڈالے جائیں گے، حزب اللّٰہ

    رپورٹس کے مطابق شہید ہونے والے 6 صحافیوں میں رائٹرز کا کیمرا مین حسام المصری، امریکی خبر ایجنسی اے پی اور برطانوی اخبار انڈیپینڈنٹ کی نامہ نگار مریم ابودقہ، امریکی ٹی وی این بی سی کا صحافی معاذ ابوطحٰہ، الجریزہ کا فوٹو جرنلسٹ محمد سلامہ اور قدس نیٹ ورک کا صحافی احمد ابو عزیز شہید ہونے والوں میں شامل ہیں۔

    صحافی اسپتال میں اسرائیل کے جبری قحط کا شکار فلسطینیوں کی رپورٹنگ کرنے میں مصروف تھے۔

  • غزہ: اسرائیلی فوج نے 6 صحافیوں کو شہید کردیا

    غزہ: اسرائیلی فوج نے 6 صحافیوں کو شہید کردیا

    غزہ: اسرائیلی فوج کی جانب سے غزہ میں خون کی ہولی کھیلنے کا سلسلہ جاری ہے، ایک ہی روز میں 6 صحافیوں کو شہید کردیا۔

    غیر ملکی ذرائع ابلاغ کے مطابق غزہ کے النصر اسپتال پر یکے بعد دیگرے دو فضائی حملے کیے گئے جس میں مریضوں، ڈاکٹروں، شہری دفاع رضاکاروں اور پانچ صحافیوں سمیت 20 افراد جام شہادت نوش کرگئے۔

    رپورٹس کے مطابق شہید ہونے والے 6 صحافیوں میں رائٹرز کا کیمرا مین حسام المصری، امریکی خبر ایجنسی اے پی اور برطانوی اخبار انڈیپینڈنٹ کی نامہ نگار مریم ابودقہ، امریکی ٹی وی این بی سی کا صحافی معاذ ابوطحٰہ، الجریزہ کا فوٹو جرنلسٹ محمد سلامہ اور قدس نیٹ ورک کا صحافی احمد ابو عزیز شہید ہونے والوں میں شامل ہیں۔

    صحافی اسپتال میں اسرائیل کے جبری قحط کا شکار فلسطینیوں کی رپورٹنگ کرنے میں مصروف تھے۔

    رپورٹس کے مطابق المواصی کیمپ میں بھی اسرائیلی فوج کی فائرنگ سے ایک صحافی شہید ہوا، شہید حسن زوہان فلسطینی اخبار کے لیے کام کرتا تھا۔

    واضح رہے کہ غزہ میں جاری اسرائیلی حملوں سے شہید صحافیوں کی تعداد 246 ہوگئی ہے۔

    ٹرمپ نے غزہ جنگ ختم ہونے کی پیشگوئی کر دی

    امریکی صدر ڈونلڈ ٹرمپ نے غزہ جنگ کے اگلے 3 ہفتوں میں فیصلہ کن اختتام کی پیشگوئی کر دی۔

    اوول آفس میں میڈیا سے گفتگو کرتے ہوئے امریکی صدر نے کہا کہ 2 سے 3 ہفتے میں غزہ جنگ کا واضح اور فیصلہ کن اختتام ہو گا۔

    ان کا کہنا تھا کہ غزہ کی جنگ ختم ہونی چاہیے بھوک سے بھی بدتر مسائل ہیں، موت ہے لوگ مارے جا رہے ہیں، غزہ جنگ ختم ہونا ضروری ہے لوگ زندہ جل رہے ہیں۔

    اسرائیلی محاصرہ، غزہ میں نایاب مرض ‘گیلین بیری سنڈروم’ کے کیسز میں اضافہ

    امریکی صدر نے آج غزہ کے نصر اسپتال پر اسرائیلی حملے میں شہید ہونے والے صحافیوں کے واقعے سے لاعلمی کا اظہار کرتے ہوئے کہا کہ اسپتال پر حملے سے متعلق نہیں جانتا لیکن اس پر خوش نہیں ہوں، میں یہ سب نہیں دیکھنا چاہتا اس بھیانک خواب کو ختم کرنا ہو گا، ہم نے7 جنگیں رکوائی ہیں۔

  • این ڈی ایم اے نے الخدمت کے ساتھ مل کر غزہ کے لیے امداد کی دوسری کھیپ بھیج دی

    این ڈی ایم اے نے الخدمت کے ساتھ مل کر غزہ کے لیے امداد کی دوسری کھیپ بھیج دی

    اسلام آباد (26 اگست 2025): غزہ کے لیے پاکستان کی امدادی سامان کی حالیہ اور فوری فراہمی کے تحت دوسری کھیپ العریش بین الاقوامی ہوائی اڈے پر پہنچ گئی۔

    وزیر اعظم محمد شہباز شریف کی خصوصی ہدایت پر پاکستان کی نیشنل ڈیزاسٹر مینجمنٹ اتھارٹی (این ڈی ایم اے) نے الخدمت فاؤنڈیشن کے ساتھ مل کر مصر کے راستے غزہ کی پٹی کے کے لیے امدادی سامان کی حالیہ اور فوری فراہمی کے تحت دوسری کھیپ روانہ کی۔

    پاکستان سے ایک خصوصی چارٹرڈ طیارہ 100 ٹن امدادی سامان لے کر آج مصر کے العریش بین الاقوامی ہوائی اڈے پر اترا۔ عرب جمہوریہ مصر میں پاکستان کے سفیر عامر شوکت نے امدادی سامان وصول کیا، اور غزہ کے اندر فلسطینی شہریوں کو آگے بھیجنے کے لیے مصری ریڈ کریسنٹ سوسائٹی کے حوالے کر دیا۔ اس موقع پر شمالی سینا گورنریٹ کے ڈپٹی گورنر جنرل عاصم بھی موجود تھے۔

    نصر اسپتال پر اسرائیلی حملے نے مجھے ہلا کر رکھ دیا، برطانوی وزیر خارجہ

    سفیر عامر شوکت نے مصر کے صدر عبدالفتاح السیسی کا فلسطینی بھائیوں کے لیے پاکستان کی حکومت اور عوام کی طرف سے امداد پہنچانے میں آسانی فراہم کرنے بھرپور شکریہ ادا کیا۔ شمالی سینا گورنریٹ کے ڈپٹی گورنر جنرل عاصم نے غزہ کے رہائشیوں کے لیے پاکستان کی حکومت اور عوام کی جانب سے کثیر امداد کی فراہمی کو بھرپور سراہا۔

    غزہ میں پاکستان کی جانب سے فلسطینی بھائیوں کے لیے مجموعی طور پر 21 امدادی کھیپ روانہ کی گئی ہیں۔ اب تک پہنچائی جانے والی کل مقدار 2027 ٹن تک پہنچ گئی ہے۔

    سفیر عامر شوکت نے اس عزم کا اعادہ کیا کہ پاکستان کی حکومت اور عوام اس نازک لمحے میں اپنے فلسطینی بھائیوں کے لیے انتہائی ناگزیر امدادی سامان فراہم کرتے رہیں گے۔ انھوں نے مزید کہا کہ انسانی ہمدردی کے تحت امداد کی اگلی کھیپ آنے والے دنوں میں عرب جمہوریہ مصر کی حکومت کے ساتھ مل کر غزہ کی پٹی کے اندر فلسطینیوں تک پہنچائی جائے گی۔

  • اسرائیلی محاصرہ، غزہ میں نایاب مرض ‘گیلین بیری سنڈروم’ کے کیسز میں اضافہ

    اسرائیلی محاصرہ، غزہ میں نایاب مرض ‘گیلین بیری سنڈروم’ کے کیسز میں اضافہ

    اسرائیلی محاصرہ کے دوران غزہ میں نایاب مرض ‘گیلین بیری سنڈروم’ کے کیسز میں اضافہ ہوگیا، جی بی ایس کے ابتک 85 کیسزرپورٹ ہوچکے۔

    ورلڈ ہیلتھ آرگنائزیشن نے بتایا کہ مرض جی بی ایس کے باعث جسم مکمل طور پر مفلوج ہوسکتا ہے، جون سے اب تک غزہ میں جی بی ایس کے 85 کیسز رپورٹ ہوئے، عالمی ادارہ صحت کے مطابق غزہ میں اس نایاب بیماری سے 8 افراد جاں بحق ہوئے ہیں،

    ڈبلیو ایچ او نے کہا کہ جی بی ایس میں جسم کا مدافعتی نظام اعصابی غلاف پر حملہ کرتا ہے، گیلین بیری سنڈروم نامی بیماری عام طور پر وائرل یا بیکٹیریل انفیکشن کے بعد لاحق ہوتا ہے۔

    کلیو لینڈ کلینک نے بتایا کہ یہ بیماری دنیا بھر میں سالانہ ایک لاکھ افراد کو لاحق ہوتی ہے، جی بی ایس کی علامات میں پاؤں سن ہونا، کمزوری اور درد شامل ہیں۔

    یوکرین کی طرح غزہ کے معصوم بچوں کےلیے بھی آوازاٹھائیں، ترک خاتون اول کا میلانیا ٹرمپ کو خط

    جی بی ایس کے باعث آنکھوں، زبان اور سانس لینے میں دشواری ہوسکتی ہے، شدید کیسز میں جسم مکمل طور پر مفلوج ہوسکتا ہے۔

    عالمی ادارہ صحت نے اس خطرناک بیماری کے علاج کے حوالے سے بتایا کہ اس بیماری کا کوئی علاج نہیں مگر علامات کو کم کرنے کےلیےعلاج کیا جاتا ہے۔

    ڈبلیو ایچ او نے مزید بتایا کہ غزہ میں ایک اور مرض ایکیوٹ فلاسڈ پیریلیسس کے کیسز بھی سامنے آرہے ہیں، اے ایف پی اور جی بی ایس کے کیسز بچوں میں تیزی سے بڑھ رہے ہیں۔

    https://urdu.arynews.tv/ehud-olmert-former-israeli-pm-on-gaza-war/

  • اسرائیل کو غزہ پر قبضہ نہیں کرنے دیں گے، او آئی سی

    اسرائیل کو غزہ پر قبضہ نہیں کرنے دیں گے، او آئی سی

    سعودی عرب (25 اگست 2025): چیئرمین او آئی سی نے حقان فیدان نے واضح طور پر کہا ہے کہ اسرائیل کو غزہ پر قبضہ کرنے نہیں دیں گے۔

    چیئرمین او آئی سی اور ترک وزیر خارجہ حقان فیدان نے دوٹوک موقف اختیار کرتے ہوئے کہا ہے کہ اسرائیل کو غزہ پر قبضہ نہیں کرنے دیں گے۔ مسئلہ فلسطین کے حل کے لیے اسرائیل پر مربوط دباؤ ڈالنا ہوگا۔

    سعودی عرب کے دارالحکومت ریاض میں مسئلہ فلسطین کے حل اور غزہ کی صورتحال کے حوالے سے آرگنائزیشن آف اسلامک کو آپریشن (او آئی سی) وزرائے خارجہ کونسل کا 21 واں خصوصی اجلاس چیئرمین حقان فیدان کی زیر صدارت ہو رہا ہے۔ اجلاس میں تمام رکن ممالک کے وزرائے خارجہ شریک ہیں۔ پاکستان کی نمائندگی وزیر خارجہ ونائب وزیراعظم اسحاق ڈار کر رہے ہیں۔

    چیئرمین او آئی سی نے مزید کہا کہ اسرائیلی حملوں نے غزہ کو تباہی اور قحط کے دہانے پر پہنچا دیا ہے۔ اس وقت فلسطینی عوام کو ہماری اجتماعی کارروائی کی ضرورت ہے۔ اسرائیل کو جارحانہ کارروائیوں سے روکنا ہوگا۔

    حقان فیدان نے مسئلہ فلسطین پر او آئی سی کے تمام رکن ممالک کے درمیان مشترکہ حکمت عملی اور یکساں موقف پر زور دیتے ہوئے کہا کہ فلسطین کے مسئلے کا دو ریاستی حل ضروری ہے۔ مستقل حل کیلیے اسرائیل پر مربوط دباؤ ڈالنا ہوگا۔

    اجلاس سے سعودی وزیر خارجہ شہزادہ فیصل بن فرحان نے خطاب کرتے ہوئے کہا کہ گریٹر اسرائیل کا خواب خطے کے استحکام کے لیے سنگین خطرہ ہے اور گریٹر اسرائیل وژن کسی صورت قبول نہیں۔ اب فلسطینی ریاست کا قیام ناگزیر ہو چکا ہے اور دو ریاستی حل ہی واحد اور منصفانہ راستہ ہے۔ عالمی برادری بھی اسرائیل کی غزہ پر حاکمیت کے کسی بھی دعوے کو رد کرے۔

    سعودی وزیر خارجہ نے کہا کہ اسرائیلی حملے بین الاقوامی قوانین کی سنگین خلاف ورزی ہے اور فلسطینی عوام بدترین جبر اور نسل کشی کا شکار ہیں۔ اسرائیلی پالیسیوں اور غزہ پر قبضےکی کوششوں کو روکناہوگا۔

    شہزادہ فیصل بن فرحان اسرائیلی جرائم خطے اور دنیا کے امن کے لیے خطرہ ہیں جب کہ عالمی برادری کی خاموشی سانحے کو بڑھا رہی ہے۔ عالمی برادری غزہ کا محاصرہ توڑنے کے لیے فوری اقدام کرے اور اسرائیلی جارحیت کی مذمت، جرائم روکنے کیلیے فیصلہ کن اقدام کیا جائے۔

    انہوں نے غزہ میں فوری انسانی امداد کی فراہمی یقینی بنائی بنانے کا مطالبہ کرتے ہوئے کہا کہ فلسطینی پناہ گزینوں کیلیے اونروا اور یو این اداروں کی حمایت ضروری ہے۔ انسانی امداد غزہ تک بلا رکاوٹ پہنچائی جائے۔

    اجلاس سے فلسطینی نمائندے نے خطاب کرتے ہوئے کہا کہ غزہ پر قحط مسلط کر دیا گیا ہے۔ فلسطین کی سر زمین مسلمانوں کو پکار رہی ہے اور فلسطینیوں کو یقین ہے کہ مسلم امہ ہمارے ساتھ کھڑی ہے۔

     

  • غزہ میں اسرائیلی فوج کی گولہ باری، مزید 50 سے زائد فلسطینی شہید

    غزہ میں اسرائیلی فوج کی گولہ باری، مزید 50 سے زائد فلسطینی شہید

    غزہ پر اسرائیلی فوج کے حملوں میں مزید شدت آگئی، تازہ بمباری کے نتیجے میں 50 سے زائد فلسطینی شہید ہوگئے۔

    بین الاقوامی خبر رساں ادارے کی رپورٹ کے مطابق شمالی غزہ میں اسرائیلی ٹینکوں نے گولہ باری اور جنوبی اور وسطی حصوں میں بھی بمباری کی۔

    رپورٹس کے مطابق اسرائیلی فوج کے حملوں کے باعث اتوار کی صبح سے اب تک مزید 50 سے زائد فلسطینی شہید ہوئے جن میں امداد کے متلاشی 24 افراد بھی شامل ہیں۔

    رپورٹس کے مطابق اس کے علاوہ بھوک کی شدت سے بھی مزید 8 فلسطینی جام شہادت نوش کرگئے، جس کے بعد غذائی قلت سے اموات 115 بچوں سمیت 289 ہوگئیں۔

    اسرائیلی حملوں کے باعث غزہ میں شہدا کی مجموعی تعداد 62 ہزار 600 سے زائد ہوگئی جبکہ ایک لاکھ57 ہزارسے زائدافراد زخمی ہوچکے ہیں۔

    دوسری جانب سابق اسرائیلی وزیرِاعظم ایہود اولمرٹ کا کہنا ہے کہ غزہ میں اس وقت جو کچھ ہو رہا رہے وہ جنگی جرم ہے۔

    ’ایران کسی صورت امریکا کے آگے نہیں جھکے گا‘

    سابق اسرائیلی وزیراعظم ایہود المرٹ نے عرب میڈیا کو انٹرویو دیتے ہوئے کہا کہ مارچ 2025ء کے جنگ بندی معاہدے کے بعد اب غزہ کی جنگ ایک غیر قانونی جنگ ہے۔

    اُن کا کہنا تھا کہ اس غیرقانونی جنگ کو 70 فیصد اسرائیلیوں کی حمایت حاصل نہیں ہے۔

  • غزہ میں جنگی جرائم ہو رہے ہیں، ایہود اولمرٹ

    غزہ میں جنگی جرائم ہو رہے ہیں، ایہود اولمرٹ

    سابق اسرائیلی وزیرِاعظم ایہود اولمرٹ کا کہنا ہے کہ غزہ میں اس وقت جو کچھ ہو رہا رہے وہ جنگی جرم ہے۔

    سابق اسرائیلی وزیراعظم ایہود المرٹ نے عرب میڈیا کو انٹرویو دیتے ہوئے کہا کہ مارچ 2025ء کے جنگ بندی معاہدے کے بعد اب غزہ کی جنگ ایک غیر قانونی جنگ ہے۔

    اُن کا کہنا تھا کہ اس غیرقانونی جنگ کو 70 فیصد اسرائیلیوں کی حمایت حاصل نہیں ہے۔

    واضح رہے کہ ایہود اولمرٹ 2006ء سے 2009ء تک اسرائیل کے وزیرِاعظم کے منصب پر فائز رہ چکے ہیں، اکتوبر 2023 میں شروع ہونے والی جنگ کا دفاع کرتے ہوئے اُن کا کہنا تھا کہ ’بیشک اس وقت جنگ جائز تھی کیونکہ وہ حماس کا اقدام تھا لیکن مارچ 2025ء میں سیزفائر معاہدہ ہوجانے کے بعد یہ جنگ غیر قانونی ہے اور اسرائیل کے لیے ایک پھندہ ہے، اس جنگ میں بہت سے اسرائیلی فوجی مارے جارہے ہیں۔‘

    رپورٹس کے مطابق انہوں نے مزید کہا، ’میں موجودہ اسرائیلی حکومت پر جنگی جرائم کا الزام لگاؤں گا۔‘

    اولرٹ نے کہا کہ بیشتر اسرائیلیوں کا خیال ہے کہ یہ اس وقت نیتن یاہو صرف اپنے فائدے کا سوچ رہے ہیں، انہوں یرغمالیوں کے خاندانوں، قومی سلامتی اور اسرائیلی معاشرے کی کوئی فکر نہیں ہے۔

    سابق اسرائیلی وزیر اعظم نے کہا کہ ’غزہ ایک بڑی آبادی ہے، جہاں 10 لاکھ سے زائد لوگ ہیں، جہاں حماس درمیان میں موجود ہے وہاں جنگ کرنا اسرائیلی کے لیے موت کا پھندہ ہے اور یہ جنگ ایسی ہے جس سے کوئی قومی خدمت نہیں ہوگی۔‘

    انہوں نے اسرائیلی قومی سلامتی کے وزیر اتمار بن گویر اور وزیرِخزانہ بذلیل اسموٹرچ کو دہشت گرد قرار دیتے ہوئے کہا کہ یہ انتہا پسند ہیں۔

    چند دنوں میں غزہ کی 1 ہزار عمارتیں تباہ، سیکڑوں لاشیں ملبے میں موجود

    شہری دفاع کا کہنا ہے کہ غزہ شہر کے دو بڑے علاقوں میں 1,000 سے زیادہ عمارتیں تباہ ہوئی ہیں۔

    غزہ کے سول ڈیفنس نے اطلاع دی ہے کہ غزہ شہر پر اسرائیلی فضائی حملوں میں شدت کے دوران 6 اگست سے زیتون اور صابرہ کے محلوں میں 1,000 سے زیادہ عمارتیں تباہ ہو چکی ہیں۔

    ایرانی سیکیورٹی فورسز کی کارروائی، اسرائیل سے منسلک 6 دہشت گرد ہلاک

    ریسکیو تنظیم نے ایک بیان میں کہا کہ شہید ہونے والے فلسطینیوں کی سیکڑوں لاشیں اب بھی ملبے کے نیچے پھنسی ہوئی ہیں جب کہ جاری گولہ باری اور رسائی کے راستوں اور وسائل کی کمی کی وجہ سے کئی امدادی کارروائیوں کو روکا جا رہا ہے۔

  • غزہ: اسرائیلی فوج کا ظلم جاری، 71 فلسطینی شہید

    غزہ: اسرائیلی فوج کا ظلم جاری، 71 فلسطینی شہید

    غزہ (23 اگست 2025): غزہ میں اسرائیلی فوج کی جانب سے خون کی ہولی کھیلنے کا سلسلہ جاری ہے، گزشتہ 24 گھنٹوں میں 71 فلسطینی شہید ہوگئے۔

    غیر ملکی ذرائع ابلاغ کے مطابق اسرائیلی فوج کے حملوں میں گزشتہ 24 گھنٹوں کے دوران 71 فلسطینی شہید ہوئے جن میں 4 معصوم بچے بھی شامل ہیں۔

    غزہ کی وزارت صحت کے مطابق غزہ میں شدید قحط سے اموات کا سلسلہ بھی جاری ہے، گزشتہ 24 گھنٹوں کے دوران 2 مزید افراد جان کی بازی ہار گئے۔

    وزارتِ صحت نے بتایا کہ غزہ میں 273 افراد غذائی کمی کی وجہ سے انتقال کر گئے، جن میں 112 بچے بھی شامل ہیں۔

    بچوں کے تحفظ کے لیے کام کرنے والے اقوام متحدہ کے ادارے یونیسیف نے کہا ہے کہ غزہ میں قحط کی وجہ سے بچے شدید مشکل حالات کا شکار ہیں۔

    نیتن یاہو نے غزہ میں قحط سے متعلق رپورٹ کو ’جھوٹا‘ قرار دے دیا

    اسرائیلی وزیرِاعظم بنیامین نیتن یاہو نے جاری ایک بیان میں کہا کہ ’اسرائیل کی پالیسی میں کسی کو خوراک سے محروم کرنا نہیں ہے بلکہ ہماری کوشش تو ایسی مُشکل سے لوگوں کو نکالنا ہے۔‘

    اسرائیلی وزیراعظم کا کہنا تھا کہ اکتوبر 2023 سے اب تک اسرائیل نے ’دو ملین ٹن امداد غزہ کی پٹی میں داخل ہونے دی ہے، یعنی فی کس ایک ٹن سے زائد امداد۔‘

    نیتن یاہو نے کہا کہ غزہ میں کھانے پینے کی اشیا کی قیمتیں اسرائیل کی جانب سے انسانی امداد میں اضافے کی وجہ سے گر گئی ہیں۔ انھوں نے آئی پی سی پر الزام لگایا کہ ’اس رپورٹ میں قیمتوں میں کمی کا کوئی ذکر نہیں ہے۔‘

    روسی صدر نے یوکرین جنگ کے خاتمے کیلئے شرائط رکھ دیں

    بیان میں اسرائیلی وزیرِ اعظم کا کہنا تھا کہ ’آئی پی سی کی گزشتہ تمام رپورٹس کی طرح اس رپورٹ میں بھی اسرائیل کی انسانی ہمدردی کی کوششوں اور حماس کی مذموم کارروائیوں کو نظر انداز کیا گیا ہے۔

  • نیتن یاہو نے غزہ میں قحط سے متعلق رپورٹ کو ’جھوٹا‘ قرار دے دیا

    نیتن یاہو نے غزہ میں قحط سے متعلق رپورٹ کو ’جھوٹا‘ قرار دے دیا

    تل ابیب(23 اگست 2025): اسرائیلی وزیرِاعظم بنیامین نیتن یاہو نے آئی پی سی رپورٹ کو ’سراسر جھوٹ‘ قرار دیا ہے۔

    اسرائیلی وزیرِاعظم بنیامین نیتن یاہو نے جاری ایک بیان میں نیتن یاہو نے کہا کہ ’اسرائیل کی پالیسی میں کسی کو خوراک سے محروم کرنا نہیں ہے بلکہ ہماری کوشش تو ایسی مُشکل سے لوگوں کو نکالنا ہے۔‘

    اسرائیلی وزیراعظم کا کہنا تھا کہ اکتوبر 2023 سے اب تک اسرائیل نے ’دو ملین ٹن امداد غزہ کی پٹی میں داخل ہونے دی ہے، یعنی فی کس ایک ٹن سے زائد امداد۔‘

    نیتن یاہو نے کہا کہ غزہ میں کھانے پینے کی اشیا کی قیمتیں اسرائیل کی جانب سے انسانی امداد میں اضافے کی وجہ سے گر گئی ہیں۔ انھوں نے آئی پی سی پر الزام لگایا کہ ’اس رپورٹ میں قیمتوں میں کمی کا کوئی ذکر نہیں ہے۔‘

    قحط نے غزہ شہر کو اپنی لپیٹ میں لے لیا، عالمی ادارے کی تصدیق

    بیان میں اسرائیلی وزیرِ اعظم کا کہنا تھا کہ ’آئی پی سی کی گزشتہ تمام رپورٹس کی طرح اس رپورٹ میں بھی اسرائیل کی انسانی ہمدردی کی کوششوں اور حماس کی مذموم کارروائیوں کو نظر انداز کیا گیا ہے۔

    واضح رہے کہ اقوام متحدہ کے حمایت یافتہ غذائی تحفظ کی نگرانی کرنے والے ادارے نے غزہ شہر میں جنگ کے بعد سے پہلی بار قحط کی تصدیق کی ہے۔

    عالمی قلت کی نگرانی کے ادارے انٹیگریٹڈ فوڈ سکیورٹی فیز کلاسیفکیشن (آئی پی سی) نے اس قحط کو پانچویں درجے کا قرار دیا ہے جس کا مطلب یہ ہے کہ غزہ میں حالات شدید غذائی عدم تحفظ کے پیمانے کی بلند ترین اور بدترین سطح پر پہنچ گئے ہیں۔