Tag: غزہ

غزہ: حماس کو اپنے مؤقف کو منوانے میں کامیابی ملتی دکھائی دے رہی ہے، غزہ میں جنگ بندی معاہدہ آگے بڑھانے کی امید پیدا ہو گئی۔

الجزیرہ کے مطابق غزہ میں جنگ بندی معاہدے کے سلسلے میں نئی پیش رفت سامنے آئی ہے، اسرائیل کا کہنا ہے کہ وہ غزہ میں جنگ بندی اور قیدیوں کے تبادلے کے مذاکرات کو آگے بڑھانے کے لیے پیر کو ایک وفد قطر کے دارالحکومت دوحہ بھیجے گا۔

حماس کا کہنا ہے کہ جنگ بندی کے دوسرے مرحلے پر مذاکرات کے آغاز کے لیے ’’مثبت اشارے‘‘ ملے ہیں۔ حماس نے غزہ کے لیے اسرائیل کی ناکہ بندی ختم کرنے کے ساتھ ساتھ جنگ ​​بندی معاہدے کے دوسرے مرحلے پر فوری مذاکرات کا مطالبہ بھی کیا۔

امریکی میڈیا کے مطابق ڈونلڈ ٹرمپ کے ایلچی اسٹیو وٹکوف منگل کی شام دوحہ جائیں گے اور اسرائیل اور حماس کے درمیان یرغمالیوں کی رہائی اور جنگ بندی کے معاہدے کی ثالثی کرنے کی کوشش کریں گے۔

حماس کا کہنا ہے کہ اس کے عہدیداروں نے قاہرہ میں مصر کی جنرل انٹیلی جنس ایجنسی کے سربراہ حسن محمود رشاد سے ملاقات کی ہے جس میں غزہ سیز فائر پر عمل درآمد پر تبادلہ خیال کیا گیا ہے۔

لندن : فلسطینی پرچم تھامے نوجوان بگ بین ٹاور پر چڑھ گیا ویڈیو وائرل

حماس کے وفد نے معاہدے کی تمام شرائط پر عمل کرنے، دوسرے مرحلے کے لیے مذاکرات شروع کرنے کے لیے فوری طور پر آگے بڑھنے، سرحدی گزرگاہوں کو کھولنے، اور بغیر کسی پابندی یا شرائط کے غزہ میں امدادی سامان کے داخلے کی اجازت دینے کی ضرورت پر زور دیا۔

حماس نے غزہ کی تعمیر نو کے لیے مصر کی زیرقیادت تجویز کی بھی حمایت کی، جس میں انتخابات کے انعقاد تک علاقے کا انتظام سنبھالنے کے لیے عبوری حکومت کا مطالبہ بھی شامل ہے۔

تل ابیب: اسرائیلی وزارت خارجہ نے غزہ کی پٹی سے متعلق عرب ممالک کا منصوبہ مسترد کر دیا ہے۔

اسرائیل کی وزارت خارجہ نے منگل کو ایک بیان میں کہا کہ عرب سربراہ اجلاس کے اختتام پر جاری بیان غزہ کی حقیقی صورت حال کی عکاسی نہیں کرتا، حماس غزہ میں باقی نہیں رہ سکتی۔

اسرائیل کو اس بات کی تکلیف ہے کہ عرب سربراہ اجلاس کے بیان میں 7 اکتوبر 2023 کو اسرائیل پر حماس کے حملے کا کوئی ذکر نہیں کیا گیا، وزارت خارجہ نے کہا کہ عرب منصوبہ فلسطینی اتھارٹی اور انروا پر انحصار کر رہا ہے، یہ دونوں ادارے ’’بد عنوان‘‘ ہیں۔

دوسری جانب حماس نے قاہرہ میں ہونے والے عرب سربراہان کے ہنگامی اجلاس کے انعقاد کا خیر مقدم کیا، اور اجلاس کو فلسطین کے سلسلے میں عرب صف بندی قرار دیا، حماس نے کہا جبری ہجرت کا اسرائیلی منصوبہ مسترد کرنا عرب قیادت کا اہم قدم ہے۔

غزہ کے حوالے سے مصر کا 53 ارب ڈالر کا منصوبہ کیا ہے؟

تنظیم نے عرب سربراہ اجلاس میں منظور کیے گئے غزہ کی تعمیر نو کے منصوبے کا بھی خیر مقدم کیا، اور غزہ کے انتظامی امور چلانے کے لیے معاون کمیٹی کی تشکیل کے فیصلے کی حمایت کی، اور فلسطینی صدر کی جانب سے قانون ساز اور صدارتی انتخابات کے انعقاد کی دعوت کو خوش آئند قرار دیا۔

یاد رہے کہ مصر نے کئی ہفتے قبل اعلان کیا تھا کہ اس نے غزہ کی تعمیر نو کا منصوبہ تیار کر لیا ہے، جسے اب عرب سربراہ اجلاس میں منظور کر لیا گیا ہے، مصر نے غزہ کی تعمیر نو کے لیے 5 سالہ منصوبہ پیش کیا ہے، جس پر 53 ارب ڈالر کی لاگت آئے گی۔ منصوبے میں تعمیر نو کے 2 مرحلے مذکور ہیں، ساتھ ہی بین الاقوامی نگرانی میں ایک فنڈ کے قیام کی تجویز بھی دی گئی ہے جس کے معاملات کو شفاف بنایا جائے گا۔

یاد رہے کہ امریکی صدر ڈونلڈ ٹرمپ نے غزہ پر امریکی کنٹرول کا منصوبہ پیش کیا تھا جس نے عالمی سطح پر غصے کی لہر دوڑا دی تھی، اس منصوبے میں فلسطینیوں کی مصر اور اردن جبری ہجرت کے بعد غزہ کو ’’مشرق وسطیٰ کے ریویرا‘‘ میں بدل دینے کی بات کی گئی تھی۔

غزہ میں مظلوم فلسطینیوں پر اسرائیلی جارحیت رکنے والی نہیں ہے، حماس کا کہنا ہے کہ جنگ بندی کے پہلے مرحلے میں 116 فلسطینی شہید کیے گئے۔

غزہ میں جنگ بندی معاہدے کا پہلا مرحلہ ختم ہونے کے بعد اسرائیل کی جارحیت بڑھ گئی۔ الجزیرہ کے مطابق اسرائیلی فورسز نے غزہ کی پٹی کی امداد منقطع کرنے اور جنگ بندی کے معاہدے سے انکار کے بعد جنوبی غزہ میں 2 فلسطینیوں کو شہید کر دیا ہے۔

حماس کا کہنا ہے کہ جنگ بندی کے پہلے مرحلے کے دوران اسرائیل نے 116 فلسطینی شہید کیے، حماس کی جانب سے جنگ بندی کو دوسرے مرحلے میں آگے بڑھانے پر بھی اصرار کیا جا رہا ہے، جب کہ اسرائیلی وزیر اعظم نے دھمکی دیتے ہوئے کہا کہ اگر غزہ میں موجود یرغمالیوں کو رہا نہ کیا گیا تو حماس کو ناقابل تصور نتائج بھگتنا ہوں گے۔

امریکی محکمہ خارجہ کے ترجمان نے روئٹرز کو بتایا کہ امریکا کے خصوصی ایلچی سٹیو وٹکوف آنے والے دنوں میں خطے میں واپس آنے کا ارادہ رکھتے ہیں، تاکہ یا تو پہلے مرحلے کو بڑھایا جائے یا دوسرے مرحلے تک آگے بڑھا جائے۔

اسرائیلی خلاف ورزیوں کے باوجود جنگ بندی معاہدے کیلیے پرُعزم ہیں، حماس

اسرائیل نے رفح میں واٹر پلانٹس کی بجلی بھی بند کر دی، ان دو پلانٹس سے رفح کو 70 فی صد پانی فراہم کیا جا رہا تھا، اسرائیل کی جانب سے غزہ میں امداد روکنے سے فلسطینیوں کی مشکلات میں اضافہ ہو گیا ہے۔

کینیڈا، جرمنی، اسپین اور ترکیہ نے غزہ میں امداد روکنے کے اسرائیلی اقدام کی مذمت کی ہے، انقرہ نے اس اقدام کو ’’اجتماعی سزا‘‘ اور بین الاقوامی قانون کی صریح خلاف ورزی قرار دیا۔