ARYNews.tv | Urdu – Har Lamha Bakhabar

Tag: غزہ

  • متاثرہ علاقوں میں نقصانات کا جائزہ لینے کے لیے یو این ٹیم غزہ پہنچ گئی

    متاثرہ علاقوں میں نقصانات کا جائزہ لینے کے لیے یو این ٹیم غزہ پہنچ گئی

    غزہ: اسرائیلی بم باری سے تباہ حال علاقوں میں نقصانات کا جائزہ لینے کے لیے اقوام متحدہ کی ٹیم غزہ پہنچ گئی۔

    تفصیلات کے مطابق اقوام متحدہ نے اسرائیلی بم باری سے کھنڈر بننے والے غزہ کے علاقوں کی بحالی کے لیے عالمی برادری سے مدد کی اپیل کر دی ہے، جنگ بندی کے بعد متاثرہ علاقوں میں نقصانات کا جائزہ لینے کے لیے یو این ٹیم بھی غزہ پہنچ گئی۔

    اقوام متحدہ کی عہدے دار لین ہیسٹنگز نے غزہ میں وحدہ اسٹریٹ اور دیگر علاقوں کادورہ کیا، انھوں نے بے گھر ہونے والوں سے بات کی، اور شہدا کے لواحقین سے اظہار ہم دردی کیا۔

    یو این کی خاتون عہدے دار نے متاثرین کی ہر ممکن مدد اور ان کی جلد بحالی کے لیے ٹھوس اقدامات کی یقین دہانی بھی کرائی، لین ہیسٹنگز کا کہنا تھا کہ پائیدار امن ہی سے علاقے میں بحالی کے کاموں کو مکمل کیا جا سکے گا۔

    یاد رہے کہ اس سے قبل اقوام متحدہ غزہ میں خوراک اور دواؤں کی فراہمی کے لیے عالمی برادری سے مدد کی اپیل کر چکا ہے۔

    آج بھی یروشلم میں جھڑپیں ہوئی ہیں، تاہم اس کے باوجود اسرائیل اور حماس کے درمیان سیز فائر برقرار ہے، مسجد اقصیٰ میں گزشتہ روز اسرائیلی فورسز کی جارحیت سے زخمیوں کی تعداد 50 سے تجاوز کرگئی ہے، نیز کل سے اب تک پچاس فلسطینی گرفتار کیے جا چکے ہیں۔

    غزہ میں ہر طرف تباہی کے مناظر ہیں، اسرائیلی بم باری نے 11 روز میں غزہ کا نقشہ بدل دیا ہے، 15 فیکٹریاں، 180 عمارتیں، 16 ہزار سے زیادہ گھر ملبے کا ڈھیربن چکے ہیں، 75 ہزار افراد بے گھر ہوئے، جن کی بحالی کے لیے اب اقوام متحدہ نے عالمی برادری سے مدد کی اپیل کر دی ہے۔

    اقوام متحدہ کی ریلیف اینڈ ورکس ایجنسی کا کہنا ہے غزہ میں ہنگامی بنیادوں پر خوراک، ادویات کی ضرورت ہے اور بچوں کو ذہنی دباؤ سے نکالنے کے لیے جلد از جلد اقدام کرنے ہوں گے، امریکی وزیر خارجہ اینتھنی بلنکن نے فلسطینی صدر محمود عباس کو غزہ میں بحالی کے کام میں مدد کرنے کی یقین دہانی کرائی ہے، چین نے بھی بے گھر فلسطینیوں کے لیے دوبارہ تعمیرات کی پیش کش کی ہے۔

  • غزہ پر اسرائیل کی وحشیانہ بمباری جاری، شہید ہونے والے فلسطینیوں کی تعداد 251 ہوگئی

    غزہ پر اسرائیل کی وحشیانہ بمباری جاری، شہید ہونے والے فلسطینیوں کی تعداد 251 ہوگئی

    غزہ : غزہ پر اسرائیلی بمباری کا سلسلہ نہ تھم سکا، بمباری میں شہید ہونے والے افراد کی تعداد251 ہوگئی، جن میں 66 بچےاور 38 خواتین بھی شامل ہیں۔

    تفصیلات کے مطابق فلسطین میں اسرائیلی جارحیت11ویں روزبھی جاری ہے ، صبح سویرے اسرائیلی فورسز نے رہائشی علاقوں میں بمباری کی ، جس کے نتیجے میں 9فلسطینی زخمی ہوگئے ،

    غیرملکی میڈیا کا کہنا ہے کہ فلسطین میں شہیدہونےوالےافرادکی تعداد251 ہوگئی، شہید ہونے والوں میں66 بچےاور 38 خواتین بھی شامل ہیں۔

    غزہ میں اسرائیلی جارحیت سے227 اور مغربی کنارے پرجھڑپوں میں24 فلسطینی شہید ہوئے جبکہ اسرائیلی بمباری سے500 سے زائد مکانات تباہ اور72ہزار فلسطینی بے گھر ہوگئے ہیں۔

    گذشتہ روز اسرائیلی جیٹ طیاروں نے شیخ ردوان کے علاقے میں رہائشی عمارتوں پر بمباری کی تھی ، ‏جس کے نتیجے میں چار افراد شہید ہوگئے جن میں ایک صحافی بھی شامل تھا۔

    یوسف ابو حسین مقامی براڈ کاسٹ الاقصیٰ ریڈیو اسٹیشن سے وابستہ تھے اور عرصہ دراز سے ‏پیشہ وارانہ فرائض انجام دے رہے تھے۔

    خیال رہے غزہ میں اسرائیل کی جانب سے حالیہ بمباری 2014 کے بعد سے سب سے شدید حملہ ہے، حماس اور اسرائیل کے درمیان شروع ہوئے تازہ لڑائی کے 9 دن مکمل ہو چکے ہیں۔

    دریں اثنا غزہ میں سرکاری پریس دفتر نے بتایا کہ اسرائیلی جنگی طیاروں نے غزہ پٹی پر کم از کم 1،615 فضائی حملے کیے ہیں جن میں گھروں، عمارتوں، سرکاری اداروں اور بنیادی ڈھانچے کو نشانہ بنایا گیا۔

  • فلسطین میں اسرائیل کی وحشیانہ بمباری، 3 مساجد شہید ، 40مکانات تباہ

    فلسطین میں اسرائیل کی وحشیانہ بمباری، 3 مساجد شہید ، 40مکانات تباہ

    غزہ : فلسطین میں اسرائیل کی وحشیانہ بمباری سے مزید 3فلسطینی شہید ہوگئے جبکہ 3مساجد بھی شہید ہوئیں اور 40مکانات تباہ ہوئے۔

    تفصیلات کے مطابق فلسطین میں اسرائیل کی وحشیانہ بمباری 10 روز سے جاری ہے ،غیرملکی میڈیا کا کہنا ہے کہ غزہ میں آج صبح اسرائیلی فورسز کی رہائشی عمارت پر بمباری کی گئی ، جس کے نتیجے میں 3فلسطینی شہید ہوگئے۔

    غزہ میں بمباری سے 3مساجد بھی شہید ہوگئیں اور 40مکانات تباہ ہوئے ، وزارت صحت کا کہنا ہے کہ فلسطین میں اسرائیلی جارحیت سے شہید افراد کی تعداد 219 ہوگئی ہے، جن میں 63 بچے اور 35 خواتین بھی شامل ہیں۔

    یاد رہے اقوام متحدہ کے ادارے ’کوارڈینیشن آف ہیومینیٹیرین افیئرز‘ کی ترجمان جینز لائرکے کہا تھا کہ مقبوضہ غزہ پر اسرائیلی بمباری کے نتیجے میں 52 ہزار سے زائد فلسطینی بے گھر ہوچکے ہیں جن میں سے 47 ہزار افراد نے 58 یو این اسکولوں میں پناہ لے رکھی ہے۔

    انہوں نے بتایا کہ صیہونی فورسز کی بمباری کے نتیجے میں 132 عمارتیں مکمل طور پر تباہ ہوگئیں جب کہ 316 بری طرح متاثر ہوئیں ہیں، جن میں چھ اسپتال، 9 پرائمری ہیلتھ کیئر سینٹرز اور واٹر پلانٹس بھی شامل ہیں۔

    دوسری جانب ایمنسٹی انٹرنیشنل نے غزہ میں رہائشی عمارتوں کو اسرائیلی بمباری کا نشانہ بنائے جانے پر تحقیقات کا مطالبہ کرتے ہوئے کہا تھا کہ صیہونی افواج نے رہائشی عمارتوں کو نشانہ بناکر بچوں سمیت پورے پورے خاندان قتل کردئیے۔

  • مزید 35 شہید، اسرائیلی جارحیت سے شہید فلسطینیوں کی تعداد 181 ہو گئی

    مزید 35 شہید، اسرائیلی جارحیت سے شہید فلسطینیوں کی تعداد 181 ہو گئی

    غزہ: قابض اسرائیلی فورسز نے آج مزید 35 فلسطینی شہید کر دیے، جس سے اسرائیلی جارحیت سے شہید فلسطینیوں کی تعداد 181 ہو گئی۔

    تفصیلات کے مطابق ایک ہفتے سے اسرائیلی فورسز کا فلسطین میں وحشیانہ تشدد جاری ہے، فورسز آبادیوں پر بم باری کر رہی ہیں، اسرائیلی حملوں میں 725 گھر، 76 رہائشی، ار 63 سرکاری عمارتیں تباہ ہو چکی ہیں۔

    فلسطین پر یہ اسرائیل کی 7 سال کی بد ترین بم باری ہے، یہودی فورسز نے ایک ہفتے کے دوران فضائی اور زمینی حملوں میں غزہ کو کھنڈر بنا دیا ہے، عمارتیں ملبے کا ڈھیر بنی ہوئی ہیں، مکانات اور گاڑیاں تباہ ہیں.

    اسرائیلی حملے میں 6 ماہ کے بچے کے علاوہ خاندان کے سبھی افراد شہید

    وحشیانہ بمباری اور شیلنگ میں اب تک 47 بچے اور 22 خواتین سمیت ایک سو اکیاسی فلسطینی شہید ہو چکے ہیں، صیہونی فورسز نے آج صبح تازہ حملوں میں حماس کے چیف کے گھر کو نشانہ بنایا۔

    آج اسرائیل کے برسائے بموں کے نتیجے میں پینتیس فلسطینی شہید ہو گئے، ملبے تلے دبے 5 بچوں کو زندہ نکالا گیا، اقوام متحدہ کے آفس کے قریب بھی بم باری ہوئی۔

    فلسطین میں اب تشدد ختم ہو جانا چاہیے، یورپی یونین نے واضح پیغام جاری کر دیا

    گزشتہ روز غزہ کے الشاطی کیمپ پر اسرائیلی حملے میں ایک ہی خاندان کے 10 افراد شہید ہوئے تھے، دوسری طرف بربریت کے حالیہ مظاہرے پر اسرائیلی وزیر اعظم کی ڈھٹائی برقرار ہے۔

    اسرائیلی وزیر اعظم کا کہنا ہے بمباری اس وقت تک جاری رہے گی جب تک ضرورت ہوگی، ادھر عالمی برادری نے خطے میں اسرائیل اور فلسطین کے درمیان بڑھتی ہوئی کشیدگی کے خاتمے کا مطالبہ کیا ہے۔

  • اسرائیلی بربریت جاری ، غزہ میں فضائی حملوں کے بعد زمینی آپریشن شروع

    اسرائیلی بربریت جاری ، غزہ میں فضائی حملوں کے بعد زمینی آپریشن شروع

    غزہ : اسرائیل نے فلسطینی علاقے غزہ میں فضائی حملوں کے بعد زمینی آپریشن شروع کر دیا ہے، مختلف علاقوں پر گولہ باری کے باعث فلسطینی نقل مکانی کرنے پر مجبور ہو گئے۔

    عرب میڈیا کے مطابق مطابق اسرائیل نے غزہ کی سرحد پر اپنی فوجیں اکٹھا کرنے کے بعد زمینی آپریشن کا آغاز کردیا ، آپریشن میں اسرائیل نے غزہ کے مختلف علاقوں پر ٹینکوں اور بھاری اسلحے سے گولہ باری کی، جس کی باعث سینکڑوں فلسطینی نقل مکانی کرنے پر مجبور ہو گئے ہیں۔

    دوسری جانب اسرائیل کے وحشیانہ فضائی حملہ جاری ہیں جن میں ابھی تک 113 فلسطینی شہید ہو گئے ہیں، شہید ہونے والوں میں 27 معصوم بچے بھی شامل ہیں ۔

    غزہ میں حماس کے تحت وزارت صحت کے ترجمان کی جانب سے بیان میں کہا گیا کہ اسرائیلی فورسز کے حملوں میں 600 فلسطینی زخمی بھی ہوئے جن میں سے درجنوں کی حالت تشویشناک ہے۔

    رپورٹ کے مطابق اسرائیلی طیاروں نے غزہ کی پٹی میں واقع القدس اور شیخ جراح میں فلسطینی شہری آبادی پر حملے کئے۔

    خیال رہے سعودی عرب کی درخواست پراو آئی سی نے اتوار کے روز ہنگامی اجلاس طلب کرلیا ہے، جس میں تمام ممالک کے اراکین کو شرکت کی دعوت دی گئی ، او آئی سی کی جانب سے طلب کیے جانے والے ہنگامی اجلاس میں اسرائیلی بربریت اور فلسطین کی صورت حال پر غور کیا جائے گا۔

  • غزہ پر اسرائیلی حملوں میں شہید ہونے والے فلسطینیوں کی تعداد 113 جاپہنچی، 31 بچے شامل

    غزہ پر اسرائیلی حملوں میں شہید ہونے والے فلسطینیوں کی تعداد 113 جاپہنچی، 31 بچے شامل

    غزہ : اسرائیل کے جاری فضائی حملوں میں شہید ہونے والے فلسطینیوں کی تعداد 113 ہوگئی ، جن میں 31 بچے بھی شامل ہیں جبکہ 600 افراد زخمی بھی ہوئے ۔

    تفصیلات کے مطابق اسرائیلی فوج کی جانب سے بربریت کا سلسلہ جاری ہے ، غزہ کی پٹی پر جاری فضائی حملوں میں گذشتہ چار روز میں شہید ہونے والے فلسطینیوں کی تعداد 113 ہوگئی ہے ، جن میں 31 بچے شامل ہیں۔

    غیر ملکی خبر رساں ادارے کے مطابق غزہ میں حماس کے تحت وزارت صحت کے ترجمان کی جانب سے بیان میں کہا گیا کہ اسرائیلی فورسز کے حملوں میں 600 فلسطینی زخمی بھی ہوئے جن میں سے درجنوں کی حالت تشویشناک ہے۔

    رپورٹ کے مطابق اسرائیلی طیاروں نے غزہ کی پٹی میں واقع القدس اور شیخ جراح میں فلسطینی شہری آبادی پر حملے کئے۔

    خیال رہے سعودی عرب کی درخواست پراو آئی سی نے اتوار کے روز ہنگامی اجلاس طلب کرلیا ہے، جس میں تمام ممالک کے اراکین کو شرکت کی دعوت دی گئی ، او آئی سی کی جانب سے طلب کیے جانے والے ہنگامی اجلاس میں اسرائیلی بربریت اور فلسطین کی صورت حال پر غور کیا جائے گا۔

    واضح رہے کہ جمعۃ الوداع کے روز سے اسرائیلی فوج فلسطینیوں میں ظلم کے پہاڑ ڈھا رہی ہے، اسرائیلی فورسز نے مسجد اقصیٰ میں نماز ادائیگی کے لیے جمع ہونے والے نمازیوں کو منتشر کرنے کے لیے بھرپور طاقت کا مظاہرہ کیا، جس میں بچوں اور خواتین سمیت درجنوں زخمی اور گرفتار بھی ہوئے۔

  • ہالیڈے کے بعد امریکیوں کی گھروں کو واپسی پر کرونا کیسز میں اضافے کا خدشہ

    ہالیڈے کے بعد امریکیوں کی گھروں کو واپسی پر کرونا کیسز میں اضافے کا خدشہ

    واشنگٹن: کو وِڈ 19 کی دوسری لہر میں امریکا میں خطرے کی گھنٹی بج گئی ہے، تھینکس گیونگ ہالیڈے کے بعد لاکھوں امریکیوں کی گھروں کو واپسی کے بعد کو وِڈ کیسز میں اضافے کا خدشہ ظاہر کیا گیا ہے۔

    تفصیلات کے مطابق امریکی میڈیا کا کہنا ہے کہ کرونا وبا کی دوسری لہر نے بھی امریکا کو لپیٹ میں لے لیا ہے، تھینکس گیونگ ہالی ڈے کے موقع پر ایک بار پھر کرونا کیسز میں بڑا اضافہ ہو سکتا ہے۔

    نیویارک کے میئر نے 7 دسمبر سے سرکاری اسکول کھولنے کا اعلان کر دیا ہے، حالاں کہ نیویارک میں کیسز 3 فی صد سے زیادہ ہونے پر اسکول 2 ہفتے قبل بند کیےگئے تھے۔

    دوسری طرف برطانیہ میں ایس او پیز پر عمل نہ کرنے والے طلبہ پر اب تک ایک لاکھ 70 ہزار پاؤنڈ جرمانہ کیا جا چکا ہے، برطانوی وزیر خارجہ کا کہنا تھا کہ پابندیوں پر مؤثر عمل نہ ہوا تو سالِ نو میں تیسری لہر کا سامنا ہو سکتا ہے، برطانیہ نے وبا سے اپنے شہریوں کو محفوظ رکھنے کے لیے کو وِڈ 19 موڈرنا ویکسین کی مزید 20 لاکھ خوراکیں حاصل کر لی ہیں۔

    ادھر فرانس میں عدالت نے گرجا گھروں میں 30 سے زیادہ افراد کے اجتما ع پر پابندی میں نرمی کا حکم جاری کر دیا ہے۔ آسٹریلین ریاست وکٹوریہ میں ایک ماہ میں نیا کیس نہ آنے پر پابندیوں میں نرمی کا فیصلہ کر لیا گیا۔ جمہوریہ چیک میں وبا میں کمی پر جمعرات سے ریسٹورنٹس اور دیگر کاروبار کھولنے کا فیصلہ کیا گیا ہے۔

    ہانگ کانگ میں 4 ماہ بعد نئے کیسز کی بلند ترین سطح کے ساتھ 115 نئے کیسز سامنے آ گئے۔ ترکی میں کو وِڈ 19 سے اموات میں مسلسل چوتھے روز بھی اضافہ جاری ہے، 24 گھنٹوں کے دوران مزید 185 افراد لقمہ اجل بن گئے۔

    لبنان نے کرسمس سے قبل کو وِڈ 19 سے متعلقہ پابندیوں میں نرمی کا اعلان کر دیا ہے، لبنان میں 2 ہفتے قبل سخت قواعد و ضوابط لاگو کیے گئے تھے، ریسٹورنٹس کو نصف گنجائش کے ساتھ کام کرنے کی اجازت دی گئی ہے، تاہم نائٹ کلبز اور بار بند رہیں گے۔

    کو وِڈ کیسز میں اضافے کے باعث عالمی ادارہ صحت نے غزہ کے لیے 15 وینٹی لیٹرز کا عطیہ بھیج دیا ہے۔

  • پاکستان نے فلسطین میں اسرائیلی فوج کی بمباری کی مذمت کر دی

    پاکستان نے فلسطین میں اسرائیلی فوج کی بمباری کی مذمت کر دی

    اسلام آباد: پاکستان نے مقبوضہ فلسطین میں نہتے شہریوں پر اسرائیلی افواج کی جانب سے بم باری کی مذمت کر دی ہے۔

    ترجمان دفتر خارجہ نے کہا ہے کہ پاکستان نے فلسطین میں اسرائیلی فوج کی بم باری کی مذمت کی ہے، عالمی برادری فلسطین میں عالمی قوانین کی خلاف ورزی کا بھی نوٹس لے۔

    دفتر خارجہ کے ترجمان نے کہا کہ پاکستان مسئلہ فلسطین کا مستقل بنیادوں پر حل چاہتا ہے، اسرائیلی افواج معصوم فلسطینیوں پر بم باری کر رہی ہیں، جس سے کئی معصوم فلسطینی شہید ہوئے۔

    واضح رہے کہ فلسطینی علاقے غزہ کی پٹی پر اسرائیلی افواج کے حملوں میں شدت آ گئی ہے، رہایشی علاقوں پر بم باری میں 32 سے زیادہ فلسطینی شہید ہو چکے ہیں، غزہ میں بے رحم صہیونی فورسز آبادیوں کو نشانہ بنا رہے ہیں، فورسز کی جانب سے فضائی حملے بھی جاری ہیں۔

    یہ بھی پڑھیں:  اسرائیلی فورسز کے حملوں میں تیزی، فلسطینی شہدا کی تعداد 32 ہو گئی

    غیر ملکی خبر ایجنسی کے مطابق اسرائیلی فورسز کے حملوں میں زخمی فلسطینیوں کی تعداد بھی بہت زیادہ ہے۔

    یاد رہے کہ تین روز قبل اسرائیلی فوجیوں نے فلسطین کی حریت پسند اسلامی جہاد کے اہم کمانڈر بہا ابوالعطا کے گھر کو اس وقت فضائی حملے کا نشانہ بنایا تھا جب وہ اپنی اہلیہ اور بچوں کے ہم راہ گھر میں موجود تھے۔ اس حملے میں سپریم رہنما بہا ابوالعطا اور ان کی اہلیہ موقع ہی پر شہید ہو گئے تھے جب کہ 4 بچے اور ایک ہمسایہ زخمی ہوئے تھے۔

  • اسرائیلی فورسز کے حملوں میں تیزی، فلسطینی شہدا کی تعداد 32 ہو گئی

    اسرائیلی فورسز کے حملوں میں تیزی، فلسطینی شہدا کی تعداد 32 ہو گئی

    غزہ: فلسطینی علاقے غزہ کی پٹی پر اسرائیلی افواج کے حملوں میں شدت آ گئی ہے، گزشتہ دو روز میں شہید ہونے والے فلسطینیوں کی تعداد 32 ہو گئی ہے۔

    تفصیلات کے مطابق غزہ میں بے رحم صہیونی فورسز آبادیوں کو نشانہ بنانے لگے ہیں، فورسز کی جانب سے فضائی حملے بھی جاری ہیں، اب تک بتیس فلسطینی شہید ہو چکے ہیں۔

    خبر ایجنسی کے مطابق اسرائیلی فورسز کے حملوں میں زخمی فلسطینیوں کی تعداد بھی بہت زیادہ ہے۔

    یاد رہے کہ دو روز قبل اسرائیلی فوجیوں نے فلسطین کی حریت پسند اسلامی جہاد کے اہم کمانڈر بہا ابوالعطا کے گھر کو اس وقت فضائی حملے کا نشانہ بنایا تھا جب وہ اپنی اہلیہ اور بچوں کے ہم راہ گھر میں موجود تھے۔ اس حملے میں سپریم رہنما بہا ابوالعطا اور ان کی اہلیہ موقع ہی پر شہید ہو گئے تھے جب کہ 4 بچے اور ایک ہمسایہ زخمی ہوئے تھے۔

    یہ بھی پڑھیں:  اسرائیل کا فضائی حملہ، اسلامی جہاد کے کمانڈر شہید

    اسرائیلی شدت پسند وزیر اعظم بنجمن نیتن یاہو نے ایک بیان میں دعویٰ کیا کہ بہا ابوالعطا اسرائیل پر نئے حملوں کی منصوبہ بندی کر رہا تھا۔ انھوں نے اپنے بیان میں غزہ کی پٹی پر بم باری سلسلہ جاری رکھنے کا بھی عندیہ دیا۔

    فلسطینی خبر رساں ادارے کے مطابق گزشتہ دو روز میں اسرائیلی طیاروں کی بم باری میں اسلامی جہاد کے ملٹری ونگ القدس بریگیڈ کے 38 سالہ کمانڈر خالد فرج بھی شہید ہوئے ہیں۔

    رہنما کی شہادت کے بعد اسلامی جہاد نے اعلان کیا تھا کہ وہ اسرائیل سے اپنے رہنما کی شہادت کا بدلہ لیں گے، تنظیم کا کہنا تھا کہ ہم صہیونی وجود کو چکنا چور کر دیں گے، مجاہدین نے رہنما کی شہادت کے بعد اسرائیل پر راکٹوں کی بارش کر دی ہے، ادھر حماس نے بھی کہا ہے کہ ابو العطا کا خون رائیگاں نہیں جائے گا، اسرائیل کو اس کے نتایج بھگتنا پڑیں گے۔

  • اسرائیلی جارحیت، فضائی بمباری سے فلسطینی شہید

    اسرائیلی جارحیت، فضائی بمباری سے فلسطینی شہید

    غزہ: صیہونی فوج کا نہتے فلسطینیوں پر ظلم وستم کا سلسلہ جاری ہے، فضائی بمباری میں معصوم فلسطینی شہید ہوگیا۔

    تفصیلات کے مطابق اسرائیلی فوج کی فضائی بمباری میں 27 سالہ فلسطینی شہید ہوگیا، جابر فوج کے ہاتھوں نہتے فلسطینیوں کی شہادتوں کا سلسلہ جاری ہے۔

    غیر ملکی خبررساں ادارے کے مطابق اسرائیلی فوج کی بمباری سے گاڑیاں اور مکانات کو نقصان پہنچا، صیہونی فوج نہتے فلسطینیوں کو تشدد کا بھی نشانہ بنا رہی ہے۔

    اسرائیلی فوج کی جانب سے فلسطینیوں کے خلاف زمینی اور فضائی کارروائیاں کی جاتی ہیں، مختلف مظاہروں کے دوران اب تک سینکڑوں شہری فوج کے ہاتھوں شہید ہوچکے ہیں۔

    رواں سال اگست میں غزہ پٹی میں اسرائیلی فوج نے شدید بمباری کی جس کے نتیجے میں دو فلسطینی شہید جبکہ متعدد زخمی ہوئے تھے۔

    خیال رہے کہ اسرائیل میں 17 ستمبر کو ہونے والے پارلیمانی انتخابات سے قبل انتہا پسند وزیراعظم بنیامین نیتن یاہو کے حکم پر صہیونی فوج نے غزہ ، شام اور لبنان پر بیک وقت فضائی حملے شروع کررکھے ہیں۔

    قلندیا چیک پوسٹ پر شہید کی گئی فلسطینی خاتون کی شناخت کرلی گئی

    نیتن یاہو ان انتخابات میں کامیابی کے لیے انتہا پسند یہود کی حمایت کے خواہاں ہے اور یہ حمایت انھیں حماس ایسے مزاحمت کار گروپوں کے خلاف سخت فوجی کارروائی کی صورت ہی میں مل سکتی ہے۔