Tag: غلام سرور خان

اسلام آباد : وفاقی وزیر برائے ہوا بازی غلام سرور خان کا کہنا ہے کہ مودی کا ہندوتواایجنڈا خطے کے لیے خطرناک ہے، پوری دنیا میں بھارت کا نام نہاد سیکولر چہرہ بے نقاب ہوا ہے۔

تفصیلات کے مطابق وفاقی وزیر برائے ہوا بازی غلام سرور خان نے کہا کہ کشمیر میں لگائی گئی آگ سے بھارت خود بھسم ہو جائے گا، ہندواتا ایجنڈے نے خطے کو خطرے سے دوچار کر دیا ہے۔

انہوں نے کہا کہ گجرات کے قصائی کے کھیل نے پورے بھارت میں آگ لگا دی، مودی اور آر ایس ایس کے نظریے سے دنیا بھی واقف ہو چکی، پوری دنیا میں بھارت کا نام نہاد سیکولر چہرہ بے نقاب ہوا ہے۔

غلام سرور خان نے کہا کہ ہندواتا ایجنڈے نے خطے کو خطرے سے دوچار کر دیا ہے، جو کچھ کشمیریوں کے ساتھ ہو رہا ہےعالمی ضمیرکو انگڑائی لینی چاہیے۔

وفاقی وزیر نے کہا کہ خدشہ ہے تاریخ کے طویل ترین کرفیو سے نیا انسانی المیہ جنم لے سکتا ہے، کشمیری استقامت کے ساتھ مودی ہتھکنڈوں کے سامنے ڈٹے کھڑے ہیں۔

انہوں نے کہا کہ کشمیر سے آسام تک اب بھارتی مظالم کا پردہ چاک ہو رہا ہے، مودی ایجنڈے سے حالیہ قانون سازی سےعالمی برادری متحرک ہوئی ہے۔

اسلام آباد: وفاقی وزیر برائے ہوا بازی غلام سرورخان نے کہا کہ مڈل مین کا کردار کم کرنے کے لیے عملی اقدامات کیے جا رہے ہیں، مڈل مین کو نکیل ڈالی جائے گی۔

تفصیلات کے مطابق وفاقی وزیر ہوا بازی غلام سرورخان کا کہنا ہے کہ حکومت نے مہنگائی کے خلاف کمرکس لی ہے، ملاوٹ، ذخیرہ اندوزی، مصنوعی مہنگائی پر بلا امتیاز کارروائی ہوگی۔

غلام سرور خان نے کہا کہ مڈل مین کا کردار کم کرنے کے لیے عملی اقدامات کیے جا رہے ہیں، مڈل مین کو نکیل ڈالی جائے گی۔ انہوں نے کہا کہ کاشت کاروں، صارفین کو فائدہ پہنچانے کی ضرورت ہے۔

وفاقی وزیر برائے ہوا بازی نے کہا کہ ناجائزمنافع خوری کی روک تھام کے لیے قانون کے دائرے میں لایا جائے، ان عناصر کو بے نقاب کرنا ہے جو گراں فروشی میں ملوث ہیں۔

مہنگائی کی وجہ سے شرح سود میں اضافہ کرنا پڑا، گورنراسٹیٹ بینک

یاد رہے کہ گزشتہ روز گورنر اسٹیٹ بینک رضا باقر نے کراچی میں میڈیا سے گفتگو کرتے ہوئے کہا تھا کہ آئی ایم ایف نے معاشی جائزہ لیا ہے، پاکستانی معیشت میں بہت بہتری آئی ہے، اسٹاک اور فاریکس مارکیٹ بہتر ہورہی ہے۔

رضا باقر کا کہنا تھا کہ ایکسپورٹرز کا معیشت میں اہم کردار ہے، ایکسپورٹ سے ہی غربت میں کمی، معیشت میں بہتری ہوتی ہے، سستے قرضوں کے ذریعے ایکسپورٹ کو سپورٹ کرتے ہیں، ایکسپورٹرز کے لیے قلیل مدتی اور طویل مدتی سستے قرضے دیتے ہیں۔