راولپنڈی : جرگہ کے سربراہ نے غیرت کے نام پر لڑکی کے قتل کا اعتراف کرلیا اور انکشاف کیا کہ وہ سدرہ عرب کو مظفرآباد سے راولپنڈی واپس لایا تھا۔

تفصیلات کے مطابق راولپنڈی میں تھانہ پیر ودھائی پولیس نے شادی شدہ خاتون سدرہ عرب کے قتل کے مقدمے میں اہم پیش رفت کرتے ہوئے جرگے کے سربراہ عصمت اللہ خان کے خلاف ایک اور مقدمہ درج کر لیا ہے۔

نیا مقدمہ پولیس کی مدعیت میں پنجاب آرمز آرڈیننس 2015 کے تحت درج کیا گیا ہے۔

پولیس ذرائع کے مطابق دورانِ تفتیش مرکزی ملزم عصمت اللہ نے خاتون کے قتل میں ملوث ہونے کا اعتراف کر لیا ہے۔ ملزم نے انکشاف کیا کہ وہ سدرہ عرب کو مظفرآباد سے راولپنڈی واپس لایا تھا اور 16 جولائی کو کلاشنکوف لیکر مظفرآباد گیا تھا۔

مقدمے میں کہنا تھا کہ ملزم نے دوران تفتیش تسلیم کیا کہ وہ مقتولہ کے دوسرے شوہر عثمان کے گھر اسلحہ لے کر داخل ہوا تھا اور برادری کے فیصلے یعنی جرگے کے حکم پر مقتولہ کو راولپنڈی لایا گیا، جہاں اسے قتل کر دیا گیا۔

مزید پڑھیں : راولپنڈی : جرگے کے حکم پر لڑکی کے قتل کے دل دہلا دینے والے واقعے میں اہم پیشرفت

پولیس کا کہنا ہے کہ ملزم نے مزید انکشاف کیا کہ اس واردات میں صالح محمد، امانی گل اور دیگر افراد بھی اس کے ہمراہ تھے۔ ملزم نے سدرہ کے شوہر کو دھمکایا اور خاتون کو زبردستی واپس لے آیا۔

تفتیش کے دوران ملزم عصمت اللہ کی نشاندہی پر پولیس نے واردات میں استعمال ہونے والی کلاشنکوف برآمد کر کے قبضے میں لے لی ہے۔ تاہم ملزم کلاشنکوف کا کوئی قانونی لائسنس پیش نہ کر سکا۔

پولیس حکام کا کہنا ہے کہ واقعے کی ہر زاویے سے تحقیقات جاری ہیں اور ملوث تمام افراد کو قانون کے کٹہرے میں لایا جائے گا۔

مردان: غیرت کے نام پر بھائی نے بہن کو قتل کرڈالا ، مقتولہ چار بچوں کی ماں تھی اور حال ہی میں اسے طلاق ہوئی تھی۔

تفصیلات کے مطابق خیبرپختونخوا کے علاقے بالا گڑھی میں غیرت کے نام پر اندوہناک واقعہ پیش آیا، جہاں ایک خاتون کو اُس کے بھائی نے فائرنگ کر کے قتل کر دیا۔

پولیس نے ابتدائی بیان میں مقتولہ چار بچوں کی ماں تھی اور حال ہی میں اسے طلاق ہوئی تھی۔ سابق شوہر، جو بیرونِ ملک مقیم تھا، حال ہی میں واپس آ کر خاتون کو طلاق دے چکا تھا۔

پولیس حکام کا کہنا ہے کہ خاتون کے بھائی نے مبینہ طور پر غیرت کے نام پر اس پر گولیاں چلائیں، جس سے وہ موقع پر ہی جاں بحق ہو گئی۔ لاش کو ضابطے کی کارروائی کے بعد اسپتال منتقل کر دیا گیا۔

مزید پڑھیں : پسند کی شادی کرنے پر بھائی نے بہن کو قتل کردیا

پولیس کے مطابق ملزم کو گرفتار کر لیا گیا ہے اور مقدمہ درج کرکے مزید تفتیش شروع کر دی ہے۔

خیال رہے پاکستان کے مختلف علاقوں میں غیرت کے نام پرعورتوں کے قتل کے واقعات تواترسے رپورٹ ہو رہے ہیں اور جولائی 2025 کےآخری پندرہ دنوں میں کئی خواتین غیرت کے نام پرقتل کردی گئیں۔

راولپنڈی: غیرت کے نام پر قتل کی گئی نوبیاہتا دلہن کی قبر کشائی کے انتظامات مکمل کرلئے گیے، مقتولہ سدرہ بی بی کو جرگے کے فیصلے کے بعد شوہر نے قتل کیا تھا۔

تفصیلات کے مطابق راولپنڈی کے علاقے پیر ودھائی میں غیرت کے نام پر انیس سالہ نوبیاہتا دلہن کی قبر کشائی کے انتظامات مکمل کرلئے گئے۔

ڈی ایچ کیواسپتال کی ڈاکٹرز کی ٹیم قبرکشائی کیلئے تیار ہے، سول جج جوڈیشل مجسٹریٹ نے گزشتہ روز احکامات جاری کیے تھے ، پولیس نے قبر کشائی کیلئے علاقہ مجسٹریٹ کو درخواست دی تھی۔

علاقہ مجسٹریٹ کی ثوابدید ہے علاقہ کے مجسٹریٹ کی موجودگی میں قبر کشائی کی جائے گی، علاقہ مجسٹریٹ کی صوابدید ہے کہ وہ آج پہنچیں یا پیرکو۔

پولیس ذرائع نے بتایا کہ مقتولہ سدررہ بی بی کو جرگے کے فیصلے کے بعد گلا دبا کر شوہر نے قتل کیا تھا۔ واقع کو چھپانے کیلئے خفیہ تدفین کی گئی، نوبیاہتا دلہن کے قتل کاواقعہ فوجی کالونی میں پیش آیاتھا۔

مزید پڑھیں : بلوچستان واقعے کے بعد راولپنڈی میں جرگے کے فیصلے پر نئی نویلی دلہن قتل

مقتولہ سدرہ شوہر سے ناراض ہو کے گھر سے چلی گئی تھی، جرگے کے ذریعے لڑکی کو واپس لایا گیا تھا۔

مقتولہ کاشوہر، سسر، گورکن، سیکرٹری قبرستان زیرحراست ہیں جبکہ جرگے کے 6 اراکین کو بھی حراست میں لیاگیاہے،پولیس

ملزم نے بیوی کے اغوا اور دوسرانکاح کرنے کا مقدمہ درج کرایا تھا ، جس میں ملزم نےاہلیہ پر گھر سے بھاگنے اورزیورات لے جانے کاالزام عائد کیا تھا۔

گذشتہ روز راولپنڈی کے علاقے پیر ودھائی میں غیرت کے نام پر انیس سال کی شادی شدہ لڑکی کو قتل کردیاگیا تھا، خاوند نے رشتے داروں کے ساتھ مل کر اہلیہ کو قتل کیا اور لاش خاموشی سے دفنادی تھی۔

اسلام آباد : بھائی نے غیرت کے نام پر چھریوں کے وار سے بہن کا گلا کاٹ دیا، مقتول لڑکی گزشتہ ایک سال سے گھر سے غائب تھی۔

تفصیلات کے مطابق اسلام آباد میں تھانہ گولڑہ کے علاقے میں غیرت کے نام پر لڑکی کو قتل کردیا گیا۔

پولیس نے بتایا کہ بھائی نے چھریوں کے وار سے لڑکی کا گلا کاٹ دیا، ملزم کو اپنی بہن کے چال چلن پر شک تھا۔

مقتول لڑکی گزشتہ ایک سال سے گھر سے غائب تھی اور لڑکی کے گھر آنے پر بھائی نے جان سے مار دیا۔

مزید پڑھیں : کراچی: لی مارکیٹ میں 4 خواتین کا قتل، ملزم نے جرم کا اعتراف کرلیا

مقتول لڑکی کے چچا کی مدعیت میں مقدمہ درج کرلیا جبکہ گھر والوں اور اہل محلہ نے ملزم کو پولیس کے حوالے کردیا ہے.

یاد رہے 3 روز قبل کراچی کے علاقے لی مارکیٹ میں 4 خواتین کے لرزہ خیز قتل کی واردات ہوئی تھی۔

ایس ایس پی سٹی عارف عزیز کے مطابق 19 اکتوبر کی رات لیاری کے ایک گھر میں خواتین کی لاشیں ملیں تھیں جب ہم جائےوقوعہ پر پہنچے تو پورا گھرخونم خون تھا، جائے وقوعہ سے شواہد جمع کر کے تکنیکی پہلوؤں سے تفتیش کی اور مختلف زاویوں سے تفتیش کے دوران ملزم بلال نےاعتراف جرم کر لیا۔