Tag: غیرت کے نام

راولپنڈی : ٹیکسلا میں غیرت کے نام پر خاتون کو بے دردی سے قتل کردیا گیا ، سفاک ملزمان مقتولہ کا شوہر بھی شامل ہیں۔

تفصیلات کے مطابق ٹیکسلا میں غیرت کے نام پر خاتون کو بے دردی سے قتل کردیا گیا ، پولیس نے واقعے کا مقدمہ درج کرکے ملزمان کو گرفتار کرلیا ہے۔

پولیس نے بتایا کہ مقتولہ کے والد کی درخواست پر مقدمہ درج کیا گیا تاہم ملزمان نے اعتراف جرم کر لیا ہے۔

مرکزی ملزم مقتولہ کے شوہر ندیم کو آج عدالت میں پیش کیا جائے گا ، سفاک ملزمان مقتولہ کے شوہر ملزم ندیم نے بھائی مرسلین اور بھابھی لبنیٰ کی مدد سے خاتون کو بیلچے اور چھری سے قتل کیا، مقتولہ انعم ملزمہ لبنیٰ کی حقیقی بہن بھی تھی۔

قتل کے بعد ملزمان نے واقعہ کو روڈ ایکسیڈنٹ ظاہر کرنے کی کوشش کی تھی تاہم پولیس نے مقتولہ انعم بی بی کے دیور اور جٹھانی کا تین روزہ جسمانی ریمانڈ حاصل کرلیا ہے۔

وہاڑی: گھر سے بھاگ کر پسند کی شادی کرنے والی 2 بہنوں کو قتل کردیا گیا، بھائی نے باپ اور چاچا کے ساتھ مل دونوں کو قتل کیا۔

تفصیلات کے مطابق صوبہ پنجاب کے ضلع وہاڑی میں غیرت کے نام پر دہرے قتل کی واردات ہوئی، جہاں بھائی نے باپ اور چاچا کے ساتھ مل کر شادی شدہ بہنوں کو قتل کردیا۔

فائرنگ کاواقعہ تھانہ ماچھیوال کی حدود19ڈبلیوبی میں پیش آیا، پولیس کے مطابق دو لڑکیوں نے پسند کی شادی کی تھی، جس پر ملزمان کو شدید غصہ تھا۔

پولیس کا کہنا تھا کہ مقتولہ افشاں بی بی اور مقتولہ نشاط بی بی کو بذریعہ پنچائت واپس لایا گیا تھا اور گھر پہنچتے ہی ملزم نے باپ اور چچا کے ساتھ مل کر دونوں بہنوں کو قتل کردیا اور موقع سے فرار ہو گئے۔

ڈی پی او نے کہا ہے کہ واقعے میں ملوث ملزمان کی گرفتاری کے لئے ٹیمیں تشکیل دے دی ہیں ، ملزمان جلد گرفتار ہوں گے۔

یاد رہے گذشتہ ماہ پنجاب کے دارلحکومت لاہور میں والدین نے غیرت کےنام پر بیٹی کو قتل کیا تھا اور دوران تفتیش والدین نے قتل کا اعتراف بھی کرلیا تھا۔

اس سے قبل کراچی کے علاقے اورنگی ٹاؤن ایم پی آر کالونی میں ایک دل دہلا دینے والا واقعہ پیش آیا تھا، جہاں دیور نے اپنی بھابھی کو قتل کردیا تھا۔

کوہستان: غیرت کے نام پر لڑکے اور لڑکی قتل کرنے کا واقعہ سامنے آیا، لڑکی کے والد نے دو بیٹوں کے ہمراہ بیٹی اور لڑکے کو گھرمیں قتل کیا۔

تفصیلات کے مطابق کوہستان کے علاقے برپارومیں غیرت کے نام پر لڑکے اور لڑکی کو قتل کردیا گیا۔

لڑکی کے والد نے دو بیٹوں کے ہمراہ بیٹی اور لڑکے کو گھرمیں قتل کیا، پولیس کا کہنا ہے لڑکی کے والد کو حراست میں لےلیا گیا ہے جبکہ دونوں بیٹے فرار ہوگئے۔

حکام نے بتایا کہ قتل کا مقدمہ درج کرلیا گیا ہے، ملزمان کی گرفتاری کیلئے چھاپے مار رہے ہیں۔

یاد رہے گذشتہ سال نومبر میں کوہستان میں سوشل میڈیا پر لڑکے کے ساتھ تصاویر وائرل ہونے پر لڑکی کو قتل کردیا گیا تھا،

لڑکی کو مقامی سطح پر ہونے والے جرگے کے ایما پر قتل کیا گیا، چند دنوں قبل دو لڑکیوں کی تصاویر وائرل ہوئی تھیں، جس پر ڈی پی او مختار تنولی کا کہناتھا کہ لڑکے کے قتل کی ایف آئی آر درج کرلی گئی ہے۔

اس سے قبل سال 2013 میں بھی وائرل ویڈیو پر جرگے کے حکم پر پانچ خواتین اور چار لڑکوں کو قتل کردیا گیا تھا۔

پاکپتن :کمرہ عدالت میں ماموں نے پیشی پر آئی بھانجی کو غیرت کے نام پر قتل کردیا، مقتولہ پسند کی شادی پرعدالت میں بیان دینے آئی تھی۔

تفصیلات کے مطابق پنجاب کے شہر پاکپتن میں کمرہ عدالت میں غیرت کے نام پر لڑکی کو قتل کردیا گیا، پولیس نے بتایا کہ ماموں نے پیشی پر آئی بھانجی کو فائرنگ کرکے قتل کردیا۔

مقتولہ نے زاہد نواز سے ڈیڑھ ماہ قبل پسند کی شادی کی تھی، ذرائع نے بتایا کہ مقتولہ پسند کی شادی پرعدالت میں بیان دینےآئی تھی۔

پولیس کا کہنا تھا کہ قتل کرنےکے بعد ملزم کمرہ عدالت سے فرار ہوگیا۔