لاہور : پنجاب میں غیرت کے نام پر خواتین کاقتل روکا نہ جاسکا، رواں سال اب تک81 خواتین کو موت کے گھاٹ اتاراگیا۔
تفصیلات کے مطابق غیرت کے نام پر رواں سال81 خواتین کو قتل کرنے پر تحریک التواجمع کرادی گئی ، پنجاب اسمبلی میں تحریک التوازہرہ نقوی نےجمع کرائی۔
قرارداد میں کہا گیا ہے کہ پنجاب میں خواتین کوغیرت کے نام پر قتل کرنے کے واقعات روکے نہ جا سکے ، رواں سال اب تک 81 خواتین کو موت کی نیند سلا دیا گیا ، وارداتوں میں 178 ملزمان ملوث تھے ،جن میں سے 62 مفرور ہیں۔
قرارداد کے متن میں کہا ہے کہ گوجرانوالہ ریجن میں سب سے زیادہ 17 خواتین کو غیرت کی بھینٹ چڑھایا گیا ، فیصل آباد میں 12 ،ملتان میں 11 ،بہاولپور ریجن میں 10 خواتین کو قتل کیا گیا۔
متن کے مطابق لاہورمیں 5 ،سرگودھا ریجن میں 8، ڈی جی خان میں6 ، روالپنڈی میں 4 اور ساہیوال ریجن میں 2 خواتین کوغیرت کےنام پرقتل کیاگیا۔
