ARYNews.tv | Urdu – Har Lamha Bakhabar

Tag: غیرقانونی

  • پاکستان میں غیر قانونی داخل ہونے والے 10 افغان باشندے گرفتار

    پاکستان میں غیر قانونی داخل ہونے والے 10 افغان باشندے گرفتار

    کراچی: سہراب گوٹھ پولیس نے افغانستان سے غیر قانونی طور پر پاکستان میں داخل ہونے والے 10 افغان باشندوں کو گرفتار کرلیا۔

    تفصیلات کے مطابق کراچی کے علاقے سہراب گوٹھ پولیس کی انڈس پلازہ کے قریب کارروائی کرتے ہوئے غیر قانونی طور پر مقیم 10 افغان شہری کو گرفتار کرلیا۔

    ایس ایس پی سہراب گوٹھ چوہدری سہیل فیض نے کہا کہ گراونڈ میں بیٹھے افغان پولیس کو دیکھ کر فرار ہونے لگے، پولیس نے حکمت عملی سے تمام ملزمان کو گرفتار کیا۔

    چوہدری سہیل فیض کا کہنا تھا کہ ملزمان دوران تفتیش اپنی رہائش کے بارے میں جواب نہ دے سکے، گرفتار ملزمان نے بتایا وہ ابھی افغانستان سے آئے ہیں۔

    ایس ایس پی کا مزید بتانا تھا کہ ملزمان کا غیرقانونی طریقے سے پاکستان میں داخل ہونے کا انکشاف ہوا، ملزمان کو فارن ایکٹ کے تحت گرفتار کرکے مقدمہ درج کرلیا گیا۔

  • سندھ بھر میں غیر قانونی مقیم تارکین وطن کو واپس بھیجنے کا فیصلہ

    سندھ بھر میں غیر قانونی مقیم تارکین وطن کو واپس بھیجنے کا فیصلہ

    وزیراعلیٰ سندھ مرادعلی شاہ نے سندھ  بھر میں غیرقانونی طور آنے والے غیر ملکیوں کو واپس کرنےکا فیصلہ کیا ہے۔

    تفصیلات کے مطابق وزیراعلیٰ سندھ سید مرادعلی شاہ کی زیرصدارت  امن وامان سے متعلق اجلاس ہوا، اجلاس میں وزیراعلیٰ سندھ نے انٹیلی جنس بیسڈ آپریشن تیز کرنے کی ہدایت جاری کردی۔

    وزیراعلیٰ سندھ مرادعلی شاہ نے سندھ  بھر میں غیرقانونی طورآنے والے غیرملکیوں کو واپس کرنے کا فیصلہ کرتے ہوئے  سندھ کے شہر کے داخلی اور خارجی راستوں پر نگرانی بڑھانے کی ہدایت جاری کی ہے۔

    وزیراعلیٰ سندھ نے کہا کہ دہشت گرد تنظیمیں ملک میں دوبارہ امن امان خراب کرنا چاہتی ہیں، جہاں کرمنلز زیادہ متحرک ہیں وہاں پولیس اور رینجرز کی تعیناتی کی جائے، ہم اپنے ملک، صوبے اور شہروں میں دہشت گردوں کو دوبارہ اٹھنےنہیں دینگے۔

    وزیراعلیٰ سندھ نے اجلاس میں نے اسٹریٹ کرائم پر بھی پولیس کو اہم  ہدایات جاری کرتے ہوئے کہا کہ پولیس اور رینجرز اسٹریٹ کرائم کے خلاف سخت کارروائی کریں۔

    اجلاس میں وزیراعلیٰ سندھ نے ڈی جی رینجرز کو پیٹرولنگ بڑھانے کی ہدایت دی اور کہا کہ سندھ پولیس اور دیگر انٹیلی جنس اداروں میں کوآرڈینیشن بڑھانے کا مکینزم بنایا گیا، تمام انٹیلی جنس  ادارے روزانہ کی بنیاد پر ایک دوسرے رابطے میں رہیں۔

     وزیراعلیٰ سندھ نے اسٹریٹ کرائم میں پراسیکیوشن کو بھی مزید بہتر کرنے اور سندھ  بھر میں غیرقانونی طور آنے والے غیرملکیوں کو واپس کرنے کا فیصلہ کیا۔

    وزیراعلیٰ سندھ نے اجلاس میں شہر کے داخلی اور خارجی راستوں پر نگرانی بڑھانے کی ہدایت جاری کرتے ہوئے کہا کہ جہاں کرمنلز زیادہ متحرک ہیں وہاں پولیس اور رینجرز کی تعیناتی کی جائے۔

    وزیراعلیٰ سندھ نے اگلے 15 دن اسٹریٹ کرمنلز کے خلاف سخت آپریشن کرنے کا فیصلہ جاری کیا اور بتایا کہ دسمبر میں ڈکیتیوں کے دوران 7 افرادقتل ہوئے ہیں۔

  • پانی کی غیر قانونی فروخت کے خلاف کراچی واٹربورڈ کا آپریشن

    پانی کی غیر قانونی فروخت کے خلاف کراچی واٹربورڈ کا آپریشن

    کراچی: غیرقانونی طور پر پانی فروخت کرنے والوں کے گرد قانون کا گھیرا تنگ ہونے لگا، کراچی واٹربورڈ نے غیرقانونی طور پر پانی فروخت کرنے والوں کے خلاف آپریشن کا آغاز کردیا۔

    اے آر وائی نیوز کے مطابق شہرقائد کے مختلف علاقوں میں واٹر بورڈ کے آپریشن کے دوران سائٹ میں نورس چورنگی کے قریب ہائیڈرینٹ پکڑا گیا، ہائیڈرینٹ فیکٹری کے عقب میں بنایا گیا تھا۔

    ترجمان واٹربورڈ کا کہنا ہے کہ اس ہائیڈرینٹ میں واٹربورڈ کے میٹھے پانی کے لائن سے چوری کرکے فروخت کیا جاتا تھا، سب سوائل کے نام پر پانی فروخت کیا جارہا تھا، یومیہ 3لاکھ گیلن کے لگ بھگ پانی چوری کیا جاتا تھا۔

    واٹربورڈ نے ہائیڈرینٹ مالک کے خلاف قانونی کارروائی کا آغاز کردیا۔

    کراچی، واٹر بورڈ کی مین لائنوں پر دھات کی پلیٹیں لگا کر پانی چوری کا انکشاف

    خیال رہے کہ 2018 میں اینٹی کرپشن کے عملے نے غیر قانونی ہائیڈرنٹس کے خلاف بڑا آپریشن کرتے ہوئے ضلع غربی میں چلنے والے3 غیر قانونی ہائیڈرنٹس سیل کیے تھے۔

    واضح رہے کہ شہرقائد میں ٹینکر مافیا کا بھی راج ہے جو یومیہ لاکھوں روپے کماتے ہیں۔

  • کراچی میں تجاوزات کے خلاف رات گئے گرینڈ آپریشن

    کراچی میں تجاوزات کے خلاف رات گئے گرینڈ آپریشن

    کراچی: شہرقائد کے علاقے گلستان جوہر میں ہیوی مشینری کے ذریعے تجاوزات کے خلاف گرینڈ آپریشن جاری ہے۔

    تفصیلات کے مطابق گلستان جوہر میں تجاوزات کے خلاف رات گئے آپریشن جاری ہے، سماما سے کانٹی نینٹل چوک تک غیرقانونی قبضے کو مسمار کیا جائے گا۔

    آپریشن میں ہیوی مشینری کے ذریعے تجاوزات ہٹائی جارہی ہیں، گلستان جوہر بلاک 16 میں فرنیچر مارکیٹ سے تجاوزات ختم کردی گئیں۔

    آپریشن کے ڈی اے اسٹیٹ اینڈ انفورسمنٹ سیل کی جانب سے کیا جارہا ہے، بلاک ون میں فٹ پاتھ اور سڑک پر سے دکانوں اور پتھاروں کو ہٹا دیا گیا۔

    کراچی میں تجاوزات کے خلاف آپریشن بھرپوراندازسے جاری ہے‘ مرتضیٰ وہاب

    سینئر ڈائریکٹر کا کہنا ہے کہ بلاک 13 کی فرنیچر مارکیٹ میں بھی آپریشن کیا جائے گا، تجاوزات گرانے کا عمل رات بھر جاری رہے گا۔

    خیال رہے کہ گذشتہ دنون مشیرِ اطلاعات سندھ مرتضیٰ وہاب نے کہا تھا کہ سیاسی جماعتوں سے درخواست ہے تجاوزات معاملے پر سیاست نہ کریں۔

    انہوں نے یہ بھی کہا تھا کہ سپریم کورٹ نے تجاوزات کا نوٹس لیا اس پرشکریہ ادا کرتے ہیں، کراچی میں تجاوزات کے خلاف آپریشن بھرپور انداز سے جاری ہے۔

  • نجی اسکولوں کی فیسوں میں 5 فیصد سے زائد اضافہ غیرقانونی قرار‘ سندھ ہائی کورٹ

    نجی اسکولوں کی فیسوں میں 5 فیصد سے زائد اضافہ غیرقانونی قرار‘ سندھ ہائی کورٹ

    کراچی: سندھ ہائی کورٹ نے نجی اسکولوں کی جانب سے فیسوں میں پانچ فیصد سے زیادہ اضافے کو غیرقانونی قرار دے دیا۔

    تفصیلات کے مطابق جسٹس عقیل احمد عباسی، جسٹس محمد علی مظہر اور جسٹس اشرف جہاں پرمشتمل سندھ ہائی کورٹ کے 3 رکنی بینچ نے رواں سال 6 جون کو اسکولوں کی فیسوں میں اضافے سے متعلق فیصلہ محفوظ کیا تھا جو آج سنا دیا۔

    عدالت نے فیصلے میں نجی اسکولوں کی جانب سے فیسوں میں پانچ فیصد سے زیادہ اضافے کو غیرقانونی قرار دے دیا۔

    سندھ ہائی کورٹ کی جانب سے جاری فیصلے میں کہا گیا ہے کہ نجی اسکولوں کو 5 فیصد سے زیادہ فیس بڑھانے کا اختیارنہیں۔ عدالت نے نجی اسکولوں کو 5 فیصد سے زائد فیس وصولی سے روک دیا۔

    واضح رہے کہ والدین کے وکلاء کا موقف تھا کہ اسکول اساتذہ کی تنخواہیں مجموعی اخراجات کا 50 فیصد بھی نہیں، اخراجات کے ساتھ اسکول کی آمدنی بھی دیکھنی چاہیے۔

    والدین کے وکلاء کے مطابق آئین کا آرٹیکل 38 تمام فریقین پرلاگو ہوتا اور سپریم کورٹ بھی قرار دے چکی کہ نجی اسکول منافع بخش کاروبارمیں آتے ہیں۔

    ایڈیشنل ایڈووکیٹ جنرل کا کہنا تھا کہ متعلقہ قانون میں یہ نہیں لکھا کہ اسکولوں کو فیس میں سالانہ اضافے کا اختیار ہے۔