کوئٹہ : نگران وزیراطلاعات بلوچستان جان اچکزئی کا کہنا ہے کہ 40لاکھ افغان مہاجرین کی میزبانی کررہے ہیں لیکن غیرقانونی مقیم غیرملکی کو ہر صورت ان کے ملک بھجوایا جائے گا۔
تفصیلات کے مطابق نگران وزیراطلاعات بلوچستان جان اچکزئی نے تقریب سے خطاب کرتے ہوئے کہا کہ 40لاکھ افغان مہاجرین کی میزبانی کررہے ہیں تاہم غیررجسٹرڈ افغان مہاجرین کو انخلا کی مہلت دی ہے، غیرقانونی مقیم غیرملکی کو ہر صورت ان کے ملک بھجوایا جائے گا۔
جان اچکزئی نے بتایا کہ غیرقانونی مقیم غیرملکیوں کو واپس بھجوانے کیلئے صوبائی انتظامیہ کی تیاری مکمل ہے ، تمام غیرقانونی،غیرملکیوں کاڈیٹامکمل کرلیاگیا، خواتین،بچوں کیلئےسہولت سینٹرزبھی بنائےگئےہیں، ایک کنٹرول روم بھی قائم کیاگیا جو تمام صورتحال کی نگرانی کر رہا ہے۔
نگران وزیراطلاعات بلوچستان کا کہنا تھا کہ کل ڈیڈلائن ختم ہورہی ہے اسکےبعدیہ عمل تیزہوگا، پاکستان میں جو بھی آئے گا اس کے پاس پاسپورٹ اور ویزا ہونا چاہئے، ہمیں پتا ہونا چاہئے کہ کون اس ملک میں آرہا ہے۔
انھوں نے مزید کہا کہ غیرقانونی مقیم غیرملکیوں کے معاملے پر ملوث لوگوں کیخلاف کارروائی ہوگی۔
