Tag: غیرملکی ملازمین

سعودی عرب میں کام کرنے والے غیرملکی ملازمین کے لیے مواقع کم ہوسکتے ہیں کیوں کہ صحت کے شعبے کے مزید پروفیشن کی سعودائزیشن کی جائیگی۔

مملکت میں صحت کے شعبے میں مزید چار پروفیشن کی سعودائزیشن ہوگی جبکہ سعودی شہریوں کو روزگار فراہم کرنے کا عمل مرحلہ وار طریقے سے شروع کیا جائے گا، ایکسرے ٹیکنیشن، لیبارٹری ٹیکنیشن، نیوٹریشنز اور فزیو تھراپی کے شعبوں کی سعودائزیشن کی جائے گی۔

ایس پی اے کے مطابق وزارت کی جانب سے جاری مشترکہ بیان میں بتایا گیا کہ پہلے مرحلے میں بڑے شہروں جیسے ریاض، جدہ، مکہ مکرمہ، مدینہ منورہ، دمام اور الخبر میں سعودائزیشن کا آغاز کیا جائے گا۔

وزارت افرادی قوت اور صحت کی جانب سے احکامات میں کہا گیا ہے کہ چاروں شعبوں میں مرحلہ وار سعودائزیشن کا آغاز 6 ماہ بعد یعنی 17 اپریل 2025 سے ہوگا۔

ایک برس بعد 17 اکتوبر 2025 سے دوسرے مرحلے کا آغاز کیا جائے گا جس کے تحت مملکت کے تمام علاقوں میں قائم نجی شعبے میں سعودائزیشن پر عمل درآمد ہوگا۔

وزارت کا کہنا ہے کہ ’چاروں شعبوں سے تعلق رکھنے والے سعودی شہری بڑی تعداد میں موجود ہیں جو تعلیمی اداروں سے فارغ التحصیل ہو چکے ہیں انھیں روزگار مہیا کرنا ضروری ہے‘۔

یہ بات قابل ذکر ہے کہ ایکسرے کے شعبے میں 65 فیصد سعودی کارکن کو تعینات کیا جائے گا جبکہ لیبارٹری سیکٹر میں 70 فیصد، نیوٹیشن میں 80 اور فزیو تھراپی کے شعبے میں سعودیوں کا تناسب 80 فیصد ہوگا۔

ریاض: سعودی محکمہ صحت کا کہنا ہے  کہ جدہ کے بڑے تجارتی مراکز کے غیرملکی ملازمین کے بارے میں یہ اطلاع کہ وہ کرونا کے مریض ہیں غلط ہے، افواہ کا حقیقت سے کوئی تعلق نہیں ہے۔

عرب میڈیا کے مطابق سعودی محکمہ صحت نے سوشل میڈیا پر چلنے والی افواہ کی تردید کردی جس میں کہا گیا تھا کہ جدہ کے تجارتی مراکز سے کرونا وائرس میں مبتلا غیرملکی ملازمین پکڑے گئے ہیں۔

سعودی محکمہ صحت کا کہنا ہے کہ اس افواہ سے مقامی شہریوں اور مقیم غیرملکیوں کے حلقوں میں تشویش تھی، اس قسم کی افواہ کا حقیقت سے کوئی تعلق نہیں ہے۔

محکمہ صحت جدہ نے بیان جاری کرتے ہوئے بتایا کہ غیرملکی ملازمین کے بارے میں یہ اطلاع کہ وہ کرونا کے مریض ہیں بالکل غلط ہے، سوشل میڈیا پر اس حوالے سے زیر گردش خبریں من گھڑت ہیں جن پر کان نہ دھرے جائیں۔

مزید پڑھیں: سعودی عرب: قوانین کی خلاف ورزی پر 1500 غیر ملکی گرفتار

سعودی محکمہ صحت نے سعودی شہریوں اور غیرملکیوں سے کہا ہے کہ وہ اس قسم کی افواہوں پر یقین نہ کریں اور صحت سے متعلق خبر محکمہ صحت کے ذرائع سے ہی حاصل کریں۔

واضح رہے کہ سعودی قانون کے تحت افوا پھیلانے پر 5 برس قید اور 30 لاکھ ریال جرمانے کی سزا بھی ہوسکتی ہے۔

پبلک پراسیکیوشن کے مطابق افواہ سازی اور من گھڑت خبریں دینے سے ملکی نظام کو نقصان پہنچتا ہے، افواہیں اور جھوٹی خبریں پھیلانا جرم ہے.