گلگت : ضلع ہنزہ شمشال میں غیرملکی کوہ پیما برفانی تودے کی زد میں آ کر ہلاک ہوگیا جبکہ غیرملکی خاتون اور گائیڈ زخمی ہوئے۔
تفصیلات کے مطابق گلگت کے ضلع ہنزہ شمشال میں غیرملکی کوہ پیما ہلاک ہوگئے۔
پولیس نے بتایا کہ 2 غیر ملکی کوہ پیما اور گائیڈ ٹریکنگ کیلئے گوجرف گئے اور ان کو 4 اکتوبرکوواپس آنا تھا تاہم موسم خرابی کی وجہ سے واپسی کا شیڈول تبدیل ہوا۔
غیر ملکی اور مقامی گائیڈ برفانی تودے کی زد میں آگئے ، جس کے باعث آسٹرین مرد کوہ پیما ہلاک اور غیرملکی خاتون اور گائیڈ زخمی ہوئے۔
واقعے میں زخمی ہونے والوں کو بیس کیمپ گوجراف پہنچا دیا گیا ہے اور شمشال سے 24 رکنی ریسکیو ٹیم جائے وقوع روانہ ہوگئی۔
خیال رہے گلگت بلتستان میں 8,000 میٹر (26,247 فٹ) سے زیادہ بلند پانچ چوٹیوں کا گھر ہے، جس میں دنیا کی دوسری بلند ترین چوٹی K-2 بھی شامل ہے۔
پاکستان کے نامور کوہ پیما محمد علی سدپارہ، آئس لینڈ کے جان سنوری اور چلی کے جوان پابلو موہر جولائی 2021 میں K2 کی پیمائش کرنے کی کوشش کرتے ہوئے ہلاک ہو گئے تھے۔
