Tag: غیر قانونی تعمیرات

کراچی: سندھ ہائیکورٹ نے غیر قانونی تعمیرات کے خلاف ڈائریکٹر جنرل سندھ بلڈنگ کنٹرول اتھارٹی (ایس بی سی اے) کو متعلقہ افسران، بلڈر اور تعمیراتی کمپنی کے خلاف کارروائی کا حکم دے دیا۔

نارتھ ناظم آباد میں غیر قانونی تعمیرات کے خلاف درخواست پر سماعت ہوئی جس پر عدالت نے ڈی جی ایس بی سی اے کو متعلقہ افسران، بلڈر اور تعمیراتی کمپنی کے خلاف کارروائی کا حکم دیتے ہوئے کہا کہ بلڈر مذکورہ تعمیرات کو ریگولرائز کرنے کی تمام فیس اور جرمانہ ادا کرے۔

عدالت نے ٹاؤن پلاننگ سے متعلق ایس بی سی اے میں ترمیم پر عملدرآمد کی رپورٹ طلب کرتے ہوئے کہا کہ رپورٹ میں تمام اضلاع کے ماسٹر پلان بھی شامل ہونے چاہیے، ایس بی سی اے کے افسران بھی غیر قانونی تعمیرات کیلیے ذمہ دار ہیں۔

سندھ ہائیکورٹ نے ریماکس دیے کہ کراچی کنکریٹ کا جنگل بن گیا ہے، ایس بی سی اے کی منظوری کے بغیر بڑے پیمانے پر غیر قانونی تعمیرات کی جا رہی ہیں، افسران غیر قانونی تعمیرات کے خلاف اختیارات استعمال کرنے کے بجائے گہری نیند میں ہیں۔

عدالت کا کہنا تھا کہ اتھارٹیز کو تعمیرات مکمل ہونے اور فروخت کے بعد غیر قانونی تعمیرات کا خیال آتا ہے، کسی بھی سنگین کارروائی سے قبل مکینوں کو متبادل یا معاوضہ ادا کیا جائے، ایس بی سی اے آرڈیننس کے تحت صوبے میں تعلقہ سطح پر اسپیشل کورٹس بنائی جائیں، سیکریٹری قانون 3 ماہ کے دوران تمام اضلاع میں اسپیشل کورٹس کے قیام کو یقینی بنائیں۔

سندھ ہائیکورٹ نے مزید کہا کہ بدقسمتی سے وقت گزرنے کے ساتھ کراچی کی حالت مزید خراب ہوتی گئی، شہر کی بیشتر مرکزی سڑکیں خستہ حال ہو چکی ہیں، شہر میں عوامی سہولیات پارکس اور کھیل کے میدانوں کی بھی کمی ہے۔

لاہور: محکمہ لوکل گورنمنٹ نے نقشےکی منظوری کے بغیر بننے والی عمارتوں کو گرائے جانے کا فیصلہ کیا ہے۔

تفصیلات کے مطابق محکمہ لوکل گورنمنٹ نے لاہور میں غیر قانونی تعمیرات اور تجاوزات کے خلاف کارروائی کرتے ہوئے منظور شدہ نقشوں کے برعکس زیر تعمیر 51 سے زائد عمارتیں سیل کردی۔

محکمہ لوکل گورنمنٹ نے غیر قانونی تعمیرات میں ملوث محکمہ بلدیات کے بلڈنگ انسپکٹرز کیخلاف کارروائی کا فیصلہ کیا ہے جس میں نقشے کی منظوری کے بغیر بننے والی عمارتوں کو گرائے جانے کا امکان ہے۔

محکمہ لوکل گورنمنٹ کی جانب سے دکان مالکان کے خلاف ایف آئی آر درج کرلی گئی ہے، نقشے سے ہٹ کر تعمیرات کرنے والوں کے خلاف بھی سخت ترین کارروائی کا حکم بھی دیدیا ہے۔

رپورٹ کے مطابق داتاگنج بخش زون میں میکلوڈ روڈ پر دکانوں کے نیچے تہہ خانوں کی کھدائی روک دی گئی، انار کلی میں نقشہ منظور کروائے بغیر شروع کیے گئے کمرشل منصوبے پر تعمیر روک دی گئی اس کے علاوہ زیر تعمیر ایریا کو سیل کرنے کے بعد مالکان کے خلاف ایف آئی آر بھی درج کرا دی گئی۔

پنجاب کے نگران وزیر اطلاعات عامر میر نے کہا کہ غیر قانونی تعمیرات میں صرف مالکان نہیں انکے سہولتکار بھی برابر کے شریک ہیں، محکمے میں رشوت لینے اور دینے والوں کے خلاف سخت ترین کارروائی کی جائے گی۔

نگران وزیر اطلاعات  نے کہا کہ غیرقانونی تعمیرات کے خلاف کارروائیاں خالصتاً عوامی شکایات پر کی جا رہی ہیں، کرپشن مافیا میں ملوث اہلکاروں کو بلیک لسٹ کیا جا رہا ہے۔

لاہور : وزیر اطلاعات وبلدیات عامر میر نے غیر قانونی تعمیرات میں ملوث افسران کیخلاف کارروائی کا حکم دے دیا۔

تفصیلات کے مطابق پنجاب میں غیر قانونی تعمیرات کے کاروبار میں ملوث سرکاری افسران کے گرد گھیرا تنگ کردیا گیا۔

وزیر اطلاعات وبلدیات عامر میر نے غیر قانونی تعمیرات میں ملوث افسران کیخلاف کارروائی کا حکم دیتے ہوئے کہا کہ رشوت لے کر غیرقانونی تعمیرات کرانے والے افسران کی فوری نشاندہی کی جائے۔

عامر میر کا کہنا تھا کہ غیر قانونی تعمیرات پر متعلقہ بلڈنگ ،زونل آفیسرز پلاننگ کو بلیک لسٹ کیا جائے اور غیر قانونی تعمیرات میں ملوث مافیا کے کارندوں کو فوری معطل کیا جائے۔

نگراں وزیر نے مزید کہا کہ غیر قانونی تعمیرات کرانے والا مافیا محکمہ بلدیات کی ساکھ پر سوالیہ نشان بن چکا ، عوام کا اعتماد بحال ہونے سے محکمہ بلدیات کی وصولیوں میں اضافہ ہو گا۔

کراچی : سندھ ہائی کورٹ نے غیر قانونی تعمیرات پر ایس بی سی اے حکام پر برہمی کا اظہار کرتے ہوئے کہا کہ نقشے منظور کرتے ہیں، تعمیرات ہوجاتی ہیں اور پھر گرا دیتے ہیں۔

تفصیلات کے مطابق سندھ ہائیکورٹ میں لیاقت آباد، فیڈرل بی ایریا میں غیر قانونی تعمیرات کے خلاف5درخواستوں کی سماعت ہوئی ، ڈی جی ایس بی سی اے محمد یاسین اورڈائریکٹر سینٹرل ایس بی سی اے عدالت میں پیش ہوئے۔

عدالت نے ایس بی سی اے کے وکیل پر برہمی کا اظہار کرتے ہوئے آپ کے ادارے کے بارے میں کافی شکایات آرہی ہیں، نقشے منظور کرتے ہیں، تعمیرات ہوجاتی ہیں پھر گرا دیتے ہیں، ایک بار منظوری کے بعد پھر دوبارہ تعمیرات کیوں گرا دیتے ہیں؟

جسٹس ذوالفقار علی سانگی نے ایس بی سی اے وکیل سے مکالمے میں کہا کہ شکایتیں آرہی ہیں، لوگ اربوں روپے لگاتے ہیں، ایک بار این او سی جاری ہونے کے بعد کیسے کینسل ہوجاتا ہے، جب تعمیرات ہو رہی ہوتی ہیں تب خیال کیوں نہیں آتا؟جب کروڑوں، اربوں کا خرچہ ہوجاتا ہے تب کیوں گراتے ہیں؟

جسٹس عدنان اقبال چوہدری کا کہنا تھا کہ 10سال کے بعد ایس بی سی اے کو پتہ چلتا ہے کہ غیر قانونی تعمیرات ہوئیں، آپ نے کتنے افسران کے خلاف کارروائی کی؟ جس پر وکیل ایس بی سی اے نے بتایا کہ 2افسران کو معطل کر چکے۔

جسٹس عدنان اقبال چوہدری نے کہا کہ وہ بات کریں جس پر ہم یقین کرسکییں، جب افسران کے خلاف کارروائی کی بات آتی ہے تو آپ کہتے ہیں وہ ریٹائرڈ ہوگئے، تو وکیل ایس بی سی اے کا کہنا تھا کہان کیسز میں تعمیرات غیر قانونی تھیں اور گرانے کا حکم دے دیا گیا،ڈی جی ایس بی سی اے نے خود تعمیرات گرانے کا حکم دیا۔

کراچی : سندھ ہائی کورٹ نے غیر قانونی تعمیرات کے خلاف بڑے آپریشن کا حکم دیتے ہوئے آئندہ سماعت سے قبل غیر قانونی تعمیرات کے خلاف کارروائی مکمل کرنے کی ہدایت کردی۔

تفصیلات کے مطابق سندھ ہائی کورٹ میں ناظم آباد 2 نمبرمیں غیرقانونی تعمیرات کیخلاف درخواست کی سماعت ہوئی، عدالت نے ایس بی سی اے کی کارکردگی پر اظہار برہمی کیا۔

عدالت کا کہنا تھا کہ غیرقانونی تعمیرات سےمتعلق مسلسل کیسزعدالت لائےجارہےہیں ، ایس بی سی اےخودغیرقانونی تعمیرات کی روک تھام میں کیوں ناکام ہے؟

عدالت نے ڈائریکٹرجنرل ایس بی سی اے کو ذاتی حیثیت میں آئندہ سماعت پر طلب کرتے ہوئے 26 جون کو پیش ہونے کا حکم دیا۔

ایس بی سی اے کی رپورٹ میں بتایا گیا کہناظم آباد 2 نمبر میں پلاٹ 2 سی پر غیر قانونی تعمیرات ہو رہی ہیں ، پلاٹ پر تعمیرات سے قبل اجازات نہیں لی گئی ہے، غیر قانونی تعمیرات کے خلاف کاروائی کی جائے گی۔

عدالت نے غیر قانونی تعمیرات کے خلاف بڑے آپریشن کی ہدایت کرتے ہوئے کہا کہ آئندہ سماعت سے قبل غیر قانونی تعمیرات کے خلاف کارروائی مکمل کی جائے۔

خیال رہے غیر قانونی تعمیرات کے خلاف شہری نے عدالت میں درخواست دائر کررکھی ہے۔