لندن : برطانیہ کی سرزمین پر پہنچنے کی کوشش کرنے والے چالیس مہاجرین کو سمندری گزرگاہ انگلش چینل میں ڈوبنے سے بچا لیا گیا، بحریہ کے عملے نے غیرملکی تارکین وطن کو اپنی تحویل میں لے لیا۔
تفصیلات کے مطابقبرطانوی اور فرانسیسی سمندری نگرانی کے محکموں کے اہلکاروں نے بروقت کارروائی کرتے ہوئے سمندری گزرگاہ انگلش چینل میں چند کشتیوں میں غیر قانونی سفر کرنے والےچالیس غیرملکی تارکین وطن کو اپنی حراست میں لے لیا۔
ان میں کچھ بچے بھی شامل ہیں، مذکورہ تارکین وطن کا تعلق عراق، ایران اور افغانستان سے ہے جو انگلش چینل عبور کر کے عبور کر کے برطانوی سرزمین پر پہنچنا چاہتے تھے۔
دونوں ممالک کے کوسٹ گارڈز عملے نے یہ کارروائی منگل کو کی اور چند کشتیوں کو اپنی تحویل میں بھی لے لیا۔ واضح رہے کہ گزشتہ کئی برسوں میں ہزاروں تارکین وطن مختلف خطرناک سمندری راستوں سے گزرتے ہوئے فرانس اور برطانیہ پہنچ چکے ہیں۔
اس کے علاوہ کچھ تارکین وطن سمندری موجوں کی تاب نہ لاتے ہوئے ڈوب کر مر بھی جاتے ہیں۔
