ARYNews.tv | Urdu – Har Lamha Bakhabar

Tag: غیر قانونی

  • ایران کے راستے بیرون ممالک جانے والے مزید 31 پاکستانی گرفتار

    ایران کے راستے بیرون ممالک جانے والے مزید 31 پاکستانی گرفتار

    چاغی: غیر قانونی طریقے سے ایران کے راستے بیرون ممالک جانے والے 31 پاکستانی کو گرفتار کرلیا گیا۔

    تفصیلات کے مطابق ایران کی حدود میں غیر قانونی طور پر داخل ہونے والے 31 پاکستانی گرفتار ہوگئے، ایرانی حکام نے تمام پاکستانیوں کو پاکستانی سرحدی حکام کے حوالے کردیا۔

    سرحدی حکام کا کہنا ہے کہ ڈی پورٹ پاکستانی غیر قانونی طور پر ایران سے یونان اور یورپی ممالک جانا چاہتے تھے، ایران سے ڈی پورٹ کیے گئے افراد تفتیش کے لیے ایف آئی اے کے حوالے کر دیے گئے۔

    واضح رہے کہ گزشتہ روز بھی ایران میں 45 پاکستانی یونان جانے کی ایک اور کوشش کے دوران گرفتار کر لیے گئے تھے۔

  • چاند کے دیوانے 1600 چکور پنجرے سے آزادی کے منتظر

    چاند کے دیوانے 1600 چکور پنجرے سے آزادی کے منتظر

    کہتے ہیں چکور چاند کی محبت میں گرفتار ہے اور اس تک پہنچنے کی آرزو میں اکثر وہ اڑان بھرتا ہے جس کا انجام اس کی موت پر ہوتا ہے۔

    چکور کا چاند سے یہ عشق افسانوی اور من گھڑت بات ہے یا یہ سچ ہے، اسے شاید ہی کسی لیبارٹری ٹیسٹ اور آلات کی مدد سے کبھی ثابت بھی کیا جاسکے، مگر یہ ضرور ہے کہ ہم انسان نہ صرف اس پرندے کو پالنے کا شوق رکھتے ہیں. بلکہ اس کا شکار بھی کرتے ہیں۔ چکور کی خریدوفروخت بھی ایک منافع بخش کاروبار ہے جس کے لیے اکثر غیر قانونی طریقہ اختیار کیا جاتا ہے۔ چند روز پہلے صوبۂ بلوچستان میں 1600 چکوروں کو حکام نے تحویل میں لیا ہے جو ایران سے لائے جارہے تھے۔

    چکور پاکستان کا قومی پرندہ بھی ہے جس کا یہ نام سنسکرت زبان سے لیا گیا ہے۔ یہ زیادہ تر پہاڑی اور ریگستانی علاقوں میں پایا جاتا ہے۔ ماہرینِ حیوانات کے مطابق عموماً چکور کا مسکن اونچی پہاڑیاں ہوتی ہیں جہاں موجود جھاڑیاں اور گھاس وغیرہ میں یہ اپنا وقت گزارتا ہے-

    چکور ہلکے بھورے اور سرمئی رنگ کا ہوتا ہے- دُم اور گردن پر کالے اور سفید رنگ کی دھاریاں جب کہ چونچ اور پیروں کی رنگت سرخ ہوتی ہے۔ چکور گھونسلہ بنا کر رہتے ہیں اور اس کی مادہ انڈے دیتی ہے۔ یہ تعداد کے لحاظ سے 7 سے 14 تک ہو سکتے ہیں جن سے بچے نکلنے کا عمل تقریباً 25 دن میں مکمل ہو جاتا ہے- اس کی خوراک میں مختلف بیج اور چھوٹے حشرات شامل ہیں۔

    اس خوب صورت پرندے کی قیمت اس کی نسل، خوب صورتی اور عمر جان کر طے کی جاتی ہے۔ مادہ چکور کی قیمت کا انحصار اس کے انڈے دینے کی صلاحیت پر ہوتا ہے۔

    حال ہی میں تحویل میں لیے گئے ان چکوروں کو حکام سرحدی علاقے میں چھوڑیں گے جہاں یہ ایک بار پھر چاند سے عشق لڑانے میں آزاد ہوں گے۔

  • صدر ٹرمپ نے عالمی عدالت انصاف کو غیر قانونی قرار دے دیا

    صدر ٹرمپ نے عالمی عدالت انصاف کو غیر قانونی قرار دے دیا

    واشنگٹن : ڈونلڈ ٹرمپ نے عالمی عدالت انصاف کو غیر قانونی قرار دیتے ہوئے کہا ہے کہ آئی سی سی میں کسی امریکی، اسرائیلی یا دوسرے اتحادی کے ٹرائل کی کوشش کا فوری اور سخت ردعمل سامنے آئے گا۔

    تفصیلات کے مطابق ایک طرف امریکی صدر ڈونلڈ ٹرمپ نے عالمی فوج داری عدالت کو غیر آئینی قرار دیا ہے اور دوسری طرف افغانستان میں جنگی جرائم کی تحقیقات کی درخواست مسترد کرنے پر عالمی عدالت کے فیصلے کا خیر مقدم کیا ہے۔

    صدر ٹرمپ نے افغانستان میں جنگی جرائم سے متعلق درخواست مسترد ہونے کو امریکا کی فتح قرار دیا ہے۔

    غیر ملکی میڈیا کے مطابق امریکی صدر کا کہنا تھا کہ عالمی فوج داری عدالت نے افغانستان میں جنگی جرائم میں امریکی فوجیوں سے پوچھ گچھ کی درخواست مسترد کر کے افغانستان میں امریکی فتح ونصرت کا ثبوت پیش کیا ہے۔

    امریکی صدر نے خبردار کیا کہ فلسطینیوں کی طرف سے کسی اسرائیلی یا امریکی کے خلاف عالمی عدالت انصاف میں درخواستوں پر کارروائی کے خطرناک نتائج سامنے آئیں گے۔

    ڈونلڈ ٹرمپ کا کہنا تھا کہ عالمی عدالت انصاف کا افغانستان میں جنگی جرائم کی تحقیقات سے انکار نہ صرف عالمی فتح ہے بلکہ یہ قانون کی بالادستی ہے۔

    امریکی صدر ڈونلڈ ٹرمپ کا کہنا تھا کہ امریکی فوج اور شہری اعلیٰ قانونی اور اخلاقی قدروں کی پابندی کرتے ہیں۔

    مزید پڑھیں : امریکا نے انٹرنیشنل کرمنل کورٹ کی چیف پراسیکیوٹر کا ویزہ منسوخ کردیا

    یاد رہے کہ 5 اپریل کو امریکا نے بین الاقوامی فوجداری عدالت کی چیف پراسیکیوٹر فاتو بن سودہ کا ویزا منسوخ کر دیا تھا، جس کی تصدیق بن سودہ کے دفتر نے بھی کر دی تھی۔

    عالمی فوجداری عدالت کے چیف پراسیکیوٹر کے ویزے کی منسوخی کو افغانستان میں امریکی فوج کے مبینہ جنگی جرائم کی ممکنہ انکوائری کا ردعمل خیال کیا گیا۔

    امریکی وزیر خارجہ مائیک پومپیو نے گزشتہ ماہ کہا تھا کہ اگر عالمی عدالت فوجداری عدالت نے امریکی فوج یا اس کے اتحادیوں کے خلاف تفتیشی عمل شروع کیا تو اس میں شریک عدالتی اہلکاروں کا امریکا میں داخلہ ممنوع قرار دے دیا جائے گا۔

    مائیک پومپیو کا کہنا تھا کہ اگر انٹرنیشنل کرمنل کورٹ نے اپنا رویہ درست نہیں کیا تو اقتصادی پابندیوں سمیت مزید اقدامات اٹھانے کو تیار ہیں۔

  • دبئی جانے والی خواتین کے پاس سے غیر ملکی کرنسی برآمد

    دبئی جانے والی خواتین کے پاس سے غیر ملکی کرنسی برآمد

    کراچی: کراچی سے دبئی جانے والی دو خواتین کے پاس سے غیر قانونی غیر ملکی کرنسی برآمد کرلی گئی۔ دونوں خواتین کا عدالت سے 3 روزہ ریمانڈ حاصل کر کے تفتیش شروع کردی گئی ہے۔

    تفصیلات کے مطابق کراچی کے جناح انٹرنیشنل ایئرپورٹ پر دبئی جانے والی 2 خواتین کو گرفتار کرلیا گیا۔

    دونوں خواتین کے قبضے سے 12 ہزار ریال، 50 ہزار درہم اور 50 ہزار جاپانی ین برآمد کیے گئے۔

    ایئرپورٹ عملے کا کہنا ہے کہ خواتین نے برآمد شدہ کرنسی اپنے لباس میں چھپائی ہوئی تھی۔ ملزمان امارات ایئر لائن کی پرواز ای کے 601 کے ذریعے کراچی سے دبئی جا رہی تھیں۔

    مزید پڑھیں: ہیروئن اسمگلنگ کے الزام میں پی آئی اے کے 12 ملازمین گرفتار

    دونوں خواتین کی گرفتاری کے بعد عدالت سے ان کا 3 روزہ ریمانڈ حاصل کر کے تفتیش شروع کردی گئی ہے۔

  • کم سن بچیوں کو ونی کرنے والے مزید 2 ملزمان گرفتار

    کم سن بچیوں کو ونی کرنے والے مزید 2 ملزمان گرفتار

    جیکب آباد: سپریم کورٹ کے نوٹس کے بعد جیکب آباد جرگہ کیس میں نامزد مزید 2 ملزمان کو گرفتار کرلیا گیا۔ گرفتار ملزمان کی تعداد 5 ہوگئی۔ سیشن عدالت نے ملزمان کو ریمانڈ پر پولیس کے حوالے کر دیا۔

    جیکب آباد میں غیر قانونی جرگے نے 2 کم سن بچیوں کو ونی کرنے کا فیصلہ دیا تھا جس کا چیف جسٹس آف پاکستان ثاقب نثار نے نوٹس لے لیا۔ عدالت کے حکم پر پولیس حرکت میں آئی اور کیس میں نامزد مزید 2 ملزمان شکیل اور سکندر کو گرفتار کر لیا گیا۔

    مذکورہ کیس میں گزشتہ روز بھی وڈیرے سمیت 3 ملزمان کو گرفتار کیا گیا تھا۔

    پولیس کے مطابق جرگے میں شامل علاقے کے وڈیرے سمیت 8 افراد کے خلاف مقدمہ درج کیا گیا ہے۔ مقدمہ کمسن بچیوں کی ماں کی مدعیت میں تھانہ کریم بخش میں درج کیا گیا۔ کیس میں اب تک 5 ملزمان کو گرفتار کیا جا چکا ہے۔

    یاد رہے کہ جیکب آباد میں ناجائز تعلقات کے معاملے پر جرگہ منعقد ہوا تھا جس میں جرگے نے جرمانہ نہ دینے پر 2 کمسن بچیوں کا رشتہ مخالف پارٹی کو دینے کا فیصلہ سنایا تھا۔

    جرگے نے ناجائز تعلقات کے ملزم پر 13 لاکھ روپے جرمانہ عائد کیا تھا جس کی عدم ادائیگی پر ملزم کے بھائی ہاشم کی کم سن بیٹیوں کے رشتے مدعی خاندان کو دینے کا فیصلہ دیا گیا۔

  • بھارتی چینلز غیر قانونی طور پر دکھائے جانے پر پابندی عائد

    بھارتی چینلز غیر قانونی طور پر دکھائے جانے پر پابندی عائد

    اسلام آباد: پیمرا نے بھارتی چینلز غیر قانونی طور پر کیبل پر دکھائے جانے پر پابندی عائد کر دی ہے جبکہ غیر قانونی بھارتی ڈی ٹی ایچ پر بھی پاکستان میں پابندی عائد کر دی ہے۔

    چییئرمین پیمرا ابصار عالم نے اسلام آباد میں نیوز کانفرنس سے خطاب میں بتایا کہ پیمرا نے پاکستانی ٹی وی چینلز پر دس فیصد سے زائد غیر ملکی مواد دکھائے جانے پر بھی پابندی عائد کی ۔

    کیپل آپریٹر سیٹلائیٹ ٹی وی چینلز چھ فیصد بھارتی اور چار فیصد دیگر غیر ملکی مواد قانون کے تحت دکھا سکتے ہیں مگر اس کی مسلسل خلاف ورزی ہو رہی ہے، چیئرمین پیمرا نے بتایا کہ کیبل آپریٹرز دو سے پانچ کے درمیان سی ڈی چینل دکھا سکتے ہیں خلاف ورزی کرنے والے کیبل آپریٹرز کے خلاف بھی کارروائی ہو گی۔

    ابصار عالم کا کہنا تھا کہ غیر ملکی مواد چلانے کے حوالے سے خلاف ورزی کرنے والے ،غیر قانونی ڈی ٹی ایچ کے کاروبار سے وابستہ افراد کو پیمرا کی جانب سے پینتالیس دن کا وقت دیا گیا ہے جس کے بعد پندرہ اکتوبر سے ان تمام خلاف ورزیوں کے مرتکب چینلز اور افراد کے خلاف کاراروئی عمل میں لائی جائے گی۔

    انھوں نے بتایا کہ ایف آئی اے اور پی ٹی اے کے ساتھ ملکر پیمرا نے غیر قانونی ڈی ایچ کا پیسہ بیرون ملک منتقل کر نے والوں کے خلاف بھی کارروائی کا آغاز کر دیا ہے کیونکہ یہ ملکی معیشت کیلئے نقصان دہ ہے ۔

    پاکستانی معاشرے سے مطابقت نہ رکھنے واے اشتہارات کے حوالے سے سوال کے جواب میں ابصار عالم کا کہنا تھا کہ اس پر قانون سازی کی ضرورت ہے پارلیمنٹ قانون سازی کرے تو پیمرا اس پر عمل درآمد کروائے گا۔

  • غیر قانونی بولنگ ایکشن ہے کیا؟

    غیر قانونی بولنگ ایکشن ہے کیا؟

    غیر قانونی بولنگ ایکشن کیا ہے اورآئی سی سی کن چیزوں کو مدِنظررکھتے ہوئے باؤلر پر پابندی اور کلئیر کرنے کا فیصلہ کرتا ہے ۔

    آئی سی سی کے قانون کے تحت جائزباؤلنگ ایکشن وہ ہوتا ہے، جس میں باؤلر ڈیلوری کے دوران بازو کے کاندھے کے برابر پہنچنے تک کہنی کو پوری طرح سے سیدھا نہیں رکھتا۔

    اس سے باؤلر کو ڈیلیوری سِونگ میں اپنی کلائی موڑنے یا استعمال کرنے پر کوئی پابندی نہیں ہے۔ کہنی کے زیادہ موڑنے سے باؤلر کوناجائز فائدہ حاصل ہوتا ہے اس سے ڈیلیوری میں مزید رفتار آتی ہے۔

    اس کوکنٹرول کرنے کے لیے آئی سی سی نے بازو کے جھکاؤ کا حد پندرہ ڈگری تک مقرر کیا ہے، اگر باؤلر کا ایکشن مشکوک قراردیا جائے تو اسے بایو مکینکس کے مراحل سے گزرنا پڑتا ہے۔

    بائیو میکنکس کے مطابق پندرہ ڈگری پر ہی بازو کے سیدھے ہونے کو دیکھا جا سکتا ہے، اس ٹیسٹ میں بولر پر ’ریفلیکٹر‘ لگائے جاتے ہیں اور پھر ان ریفلیکٹر کے ذریعے باوٗلر کے بولنگ ایکشن کو ناپا جا سکتا ہے۔

    اگر دو سال کے اندر کسی باؤلر کی دوسری مرتبہ شکایت ہو تو اس کو کم سے کم ایک سال کی پابندی کا سامنا کرنا پڑتا ہے۔