سعودی عرب میں پیٹرول اسٹیشنز کی نگران کمیٹی ’وقود‘ کا اہم بیان سامنے آیا، جس میں کہا گیا ہے کہ پیٹرول کے رنگ میں معمولی فرق اس کے غیرمعیاری ہونے کی علامت نہیں ہے۔
سعودی خبر رساں ادارے کی رپورٹ کے مطابق سوشل میڈیا پر ایک ویڈیو وائرل ہورہی تھی جس میں دعویٰ کیا جارہا تھا کہ بعض پیٹرول اسٹیشنز پرفروخت کیا جانے والا 91 پٹرول کا رنگ گہرا نہیں جو غیرمعیاری ہے۔
رپورٹس کے مطابق پٹرول کی نگران کمیٹی کی جانب سے اس پر وضاحتی بیان جاری کیا گیا جس میں کہا گیا کہ پٹرول 91 اور 95 کو سبز اور سرخ رنگ دیا گیا ہے جو ان کو جدا کرنے کی علامت ہے۔ رنگ سے یہ ظاہر نہیں ہوتا کہ پٹرول غیرمعیاری ہے۔
پٹرول کی نگران کمیٹی کے مطابق پٹرول کے معیار کو جانچنے کے لیے متعلقہ کمیٹی مستقل بنیادوں پر پٹرول پمپس سے نمونے حاصل کرکے ان کا لیبارٹری تجزیہ کرتی رہتی ہے تاکہ غیرمعیاری یا ملاوٹ شدہ پٹرول کی نشاندہی ممکن ہوسکے، رنگ کے گہرا اور ہلکے ہونے سے اس کے معیار پر فرق نہیں پڑتا۔
یواےای میں پیٹرولیم مصنوعات کی قیمتوں کا اعلان
نگران کمیٹی کے مطابق پٹرول کے بارے میں شکایات کے لیے ٹول فری نمبر دستیاب ہیں، جن پر رابطہ کیا جاسکتا ہے علاوہ ازیں ’خدمہ الشرکا‘ ایپ کے ذریعے بھی شکایات درج کرائی جاسکتی ہیں۔
