Tag: غیر ملکیوں پر خودکش حملے

کراچی : غیر ملکیوں پر خودکش حملے کے بعد کراچی میں سیکیورٹی ہائی الرٹ جاری کردیا گیا، جس میں کہا مساجد،امام بارگاہوں ودیگرمقامات پر سیکیورٹی اقدامات فول پروف بنائےجائیں۔

تفصیلات کے مطابق وزیرداخلہ سندھ ضیا الحسن لنجار نے صوبے بھر میں سیکیورٹی ہائی الرٹ کے احکامات جاری کردیے۔

ضیا الحسن لنجار نے ہدایت کی مساجد،امام بارگاہوں ودیگرمقامات پر سیکیورٹی اقدامات فول پروف بنائےجائیں، ضلعی ایس ایس پیز،ایس ڈی پی اوز فیلڈ میں آئیں۔

وزیر داخلہ سندھ کا کہنا تھا کہ ایس ایچ اوز سیکیورٹی اقدامات میں انتہائی مستعد اور الرٹ رہیں، رینڈم اسنیپ چیکنگ اور پیٹرولنگ پر خصوصی فوکس رکھا جائے۔

انھوں نے مزید کہا کہ سیکیورٹی ڈپلائمنٹ کو نمایاں رکھتے ہوئے باہم روابط کو یقینی بنایا جائے ساتھ ہی کمیونیکشن حکمت عملی کو مربوط اور مؤثر بنایا جائے۔

یاد رہے کراچی میں غیرملکیوں کو لےجانےوالی گاڑی پر حملہ ناکام بنا دیا گیا تھا ، جس مین دو دہشت گرد ہلاک ہوئے تھے۔

ایک حملہ آور نے خود کو گاڑی کے قریب دھماکے سے اڑالیا جبکہ دوسرے نے فائرنگ کی اور جوابی کارروائی میں دوسرا حملہ آور بھی مارا گیا۔

اسکواڈ میں شامل سیکیورٹی اہلکار کا کہنا ہے کہ گاڑی میں سوار گارڈ نے حملہ آور سے مقابلہ کیا۔

ڈی آئی جی ایسٹ نے بتایا کہ دھماکے کی آواز سن کر شرافی گوٹھ پولیس موقع پر پہنچی اور دوسرے حملہ آورکو ہلاک کرکے چاروں غیرملکیوں کو باحفاظت منتقل کردیا ہے۔

پولیس حکام کےمطابق مقابلے میں ہلاک ہونے والا دہشت گرد بلوچستان کے شہر پنجگورکارہائشی تھا اور شناخت سہیل احمد ولدعبدالحمید کے نام سےہوئی ہے۔

کراچی : لانڈھی میں غیر ملکیوں پر خودکش حملے میں دہشت گرد کو مارنے والے پولیس اہلکار کا بیان سامنے آگیا۔

تفصیلات کے مطابق کراچی کے علاقے لانڈھی مانسہرہ کالونی میں دہشت گردوں نےغیر ملکی شہریوں کو لے جانے والی گاڑی پر حملہ کیا، پولیس حملہ ناکام بناتے ہوئے دو دہشت گردوں کوہلاک کردیا۔

حملے کے دوران دہشت گرد کو مارنے والے پولیس اہلکار نے اےآروائی نیوز سے گفتگو کرتے ہوئے بتایا کہ اٹک پمپ پرہماری پوزیشن تھی، دھماکے کی آواز آئی ، دھماکے کے کچھ سیکنڈ کے بعد فائرنگ کی بھی آوازیں آئیں۔

پولیس اہلکار کا کہنا تھا کہ موقع پرپہنچے تو دہشت گرد نے ہم پرفائرنگ شروع کردی، جوابی فائرنگ میں دہشت گردکوگولی مارکر ہلاک کیا گیا۔

دوسری جانب غیر ملکیوں کی سکیورٹی پر مامور سیکیورٹی گارڈ نے بتایا کہ گاڑی آہستہ ہوتے ہی حملہ آورنےخود کو دھماکے سے اڑیا جبکہ دوسرے دہشت گرد نے گاڑی کوٹارگٹ کیاجس کوناکام بنادیا، فائرنگ کی وجہ سے گارڈ زخمی ہوگیا، سیکیورٹی گارڈ

یاد رہے آج صبح کراچی میں لانڈھی مانسہرہ کالونی میں غیر ملکیوں کی گاڑی پر خودکش حملہ ہوا، پولیس نے حملہ ناکام بناتے ہوئے 2 دہشت گردوں کو ہلاک کردیا تھا۔

گاڑی میں غیرملکی شہری موجود تھے، جو محفوظ رہے، پولیس ذرائع کا کہنا تھا کہ ایک دہشت گرد نے خود کو دھماکے سے اڑا لیا، دوسرا دہشت گرد پولیس سے مقابلے میں مارا گیا، ہلاک ہونے والے دہشت گردوں کے پاس سے بیگ بھی ملا ہے۔

خودکش حملہ کی تفصیلات بتاتے ہوئے ڈی آئی جی ایسٹ غلام اظفر مہیسر کہا کہ کہ ابتدائی طور پر لگتا ہے دہشت گردوں کی تعداد 2 تھی اور دونوں پیدل تھے، ایک دہشت گرد نے گاڑی کےقریب آکر خود کو دھماکے سے اڑایا جبکہ دوسرے دہشت گرد نے گاڑی پر فائرنگ کی.

ڈی آئی جی ایسٹ کا کہنا تھا کہ غیرملکیوں کےہمراہ موجود سیکیورٹی گارڈ نے دہشت گرد سے مقابلہ کیا،پیٹرول پمپ کےقریب پولیس موبائل کھڑی تھی جودھماکےکی آوازسن کرپہنچی، شرافی گوٹھ تھانےکےاہلکاروں نےبھی دہشت گردسےمقابلہ کیا، پولیس سے مقابلے میں ایک دہشت گرد ہلاک ہوا۔

غلام اظفر مہیسر نے بتایا کہ حملہ صبح 6 بجکر 50 منٹ کیاگیا، خودکش حملہ آوورکاسراورکچھ اعضاملےہیں، فائرنگ سےہلاک دہشت گرد کی فنگرپرنٹس سےشناخت کی جائے گی۔