ARYNews.tv | Urdu – Har Lamha Bakhabar

Tag: غیر ملکی سرمایہ کاری

  • حکومتی بانڈز میں غیر ملکی سرمایہ کاری 2 ارب 25کروڑ ڈالر تک جا پہنچی

    حکومتی بانڈز میں غیر ملکی سرمایہ کاری 2 ارب 25کروڑ ڈالر تک جا پہنچی

    کراچی : ملکی تاریخ میں پہلی بارحکومتی بانڈزمیں ایک ہی روز میں ریکارڈ سرمایہ کاری ہوئی ہے اور پہلےسات ماہ میں حکومتی بانڈز میں سرمایہ کاری کا حجم2 ارب 25 کروڑ 80 لاکھ ڈالر تک پہنچ گیا۔

    تفصیلات کے مطابق پاکستانی کپیٹل مارکیٹس میں غیرملکی سرمایہ کاری میں نمایاں اضافے کا رجحان ہے، رواں مالی سال کے پہلے سات ماہ میں حکومتی بانڈز میں سرمایہ کاری کاحجم دو ارب پچیس کروڑ اسی لاکھ ڈالررہا۔

    اسٹیٹ بینک کا کہنا ہے کہ ٹی بلز میں رواں مالی سال 16 جنوری تک 2 ارب 23 کروڑ 40 لاکھ ڈالرکی سرمایہ کاری ہوئی جبکہ پاکستان انوسٹمنٹ بانڈز میں سرمایہ کاری کا حجم 2 کروڑ 40 لاکھ ڈالررہا۔

    مرکزی بینک کے مطابق زیر غور عرصے میں ایکیوٹی سے پانچ کروڑ ڈالرکا انخلاء بھی دیکھا گیا، غیرملکی سرمایہ کاروں میں بڑی تعداد امریکی اور برطانوی مالیاتی اداروں کی ہے، برطانیہ سےایک روزمیں 45کروڑ 65لاکھ ڈالر اور امریکا سے ایک روز میں7کروڑ97 لاکھ ڈالرکی سرمایہ کاری آئی۔

    مزید پڑھیں : ملکی زرمبادلہ ذخائر 18ارب 12 کروڑ ڈالر تک جا پہنچے

    انڈسٹری تجزیہ کاروں کےمطابق شرح سودمیں اضافےاورروپے کی قدرمیں کمی کے باعث ٹی بلز غیر ملکی سرمایہ کاروں کیلئے انتہائی پرکشش ہوگئے ہیں، ماہرین کوامید ہےحکومتی بانڈزمیں مزیدسرمایہ کاری متوقع ہے۔

    یاد رہے اسٹیٹ بینک کا کہنا تھا کہ نومبر2019میں بیرونی سرمایہ کاری کا حجم90 کروڑ41لاکھ ڈالراور براہ راست سرمایہ کاری کا حجم20کروڑ ڈالر رہا۔

    نومبر میں حکومتی ٹی بلز، انویسمنٹ بانڈز میں70کروڑ ڈالرکی سرمایہ کاری ہوئی، رواں مالی جولائی سے نومبر کے دوران 2 ارب ڈالر کی بیرونی سرمایہ کاری ہوئی جبکہ 5 ماہ میں 85کروڑ ڈالر کی براہ راست سرمایہ کاری ہوئی۔

  • مصر کے امیر ترین شخص پاکستان پہنچ گئے، بڑی سرمایہ کاری متوقع

    مصر کے امیر ترین شخص پاکستان پہنچ گئے، بڑی سرمایہ کاری متوقع

    اسلام آباد: غیر ملکی سرمایہ کاری حاصل کرنے کے سلسلے میں اب تک کی بڑی پیش رفت سامنے آئی ہے، وزیر اعظم کے معاون خصوصی زلفی بخاری کے اہم رابطے کام کر گئے۔

    تفصیلات کے مطابق معاون خصوصی زلفی بخاری کے رابطوں کی بدولت مصر کے امیر ترین شخص نجيب ساويرس پاکستان پہنچ گئے، جن کے اثاثوں کی کل مالیت 2.8 ارب ڈالر ہے، نجیب ساويرس وزیر اعظم عمران خان سے آج اہم ملاقات کریں گے، جس کے نتیجے میں پاکستان میں بڑی سرمایہ کاری کا اعلان متوقع ہے۔

    اے آر وائی نیوز کے مطابق سرمایہ کاری ہاؤسنگ منصوبے اور سیاحت کے شعبے میں کیے جانے کا امکان ہے، وزیر اعظم سے قبل نجیب ساویرس نے زلفی بخاری سے اہم ملاقات کی، زلفی بخاری نے کہا کہ نجیب ساویرس کو پاکستان آمد پر خوش آمدید کہتے ہیں۔

    معاون خصوصی نے ٹویٹ کے ذریعے کہا کہ پاکستان آپ کا دوسرا گھر ہے، ہم آپ کو خوش آمدید کہتے ہیں، نیا پاکستان بنانے میں آپ کا کردار بھی اہم ہوگا۔ نجیب ساویرس نے جوابی ٹویٹ کرتے ہوئے کہا کہ پاکستان میرا دوسرا گھر ہے، پاکستان کے لوگ محنتی، ثقافت پسند اور روایات کے امین ہیں۔

    یہ بھی پڑھیں:  منی گرام کا 2020 تک پاکستان میں سرمایہ کاری 1ارب ڈالر تک لے جانے کا اعلان

    واضح رہے کہ رواں مالی سال جولائی تا اکتوبر میں غیر ملکی سرمایہ کاری میں 239 فی صد اضافہ ہوا ہے، اس مدت کے دوران غیر ملکی سرمایہ کاری 650 ملین ڈالر رہی، ناروے سے 264 ملین اور چین سے 122 ملین ڈالر کی سرمایہ کاری پاکستان میں آئی۔

    منی گرام کے چیف ایگزیکٹو آفیسر ولیم الیگزینڈر نے 2020 تک پاکستان میں سرمایہ کاری 1 ارب ڈالر تک لے جانے کا اعلان کیا جب کہ چین کے ساتھ مشترکہ ٹریڈنگ کے معاہدے کے بعد پاکستان اسٹاک ایکسچینج میں 2 ارب ڈالر چینی سرمایہ کاری متوقع ہے۔

  • 12 روز میں ملک میں ریکارڈ غیر ملکی سرمایہ کاری

    12 روز میں ملک میں ریکارڈ غیر ملکی سرمایہ کاری

    کراچی: پاکستان میں ماہ نومبر کے ابتدائی 12 روز میں برطانیہ سے 16 کروڑ 95 لاکھ ڈالر جبکہ امریکا سے 9 کروڑ 26 لاکھ ڈالر ٹریژری بلز سرمایہ کاری ہوئی۔

    تفصیلات کے مطابق پاکستان میں ٹریژری بلز (غیر ملکی سرمایہ کاری) نئی بلند ترین سطح پر پہنچ گئی۔ صرف یکم سے 12 نومبر تک ٹریژری بلز میں سرمایہ کاری 26 کروڑ 70 لاکھ ڈالر سے تجاوز کر گئی۔

    رپورٹ کے مطابق ٹریژری بلز میں برطانیہ سے 16 کروڑ 95 لاکھ ڈالر کی سرمایہ کاری ہوئی، نومبر کے 12 روز میں ٹریژری بلز میں امریکا سے 9 کروڑ 26 لاکھ ڈالر سرمایہ کاری ہوئی۔

    متحدہ عرب امارات سے ٹریژری بلز میں 50 لاکھ ڈالر کی سرمایہ کاری ہوئی۔ یکم جولائی سے اب تک غیر ملکی سرمایہ کاری 71 کروڑ 10 لاکھ ڈالر سے تجاوز کر چکی ہے۔

    اس عرصے کے دوران ٹریژری بلز اور پاکستان انوسیمنٹ بانڈز کی مد میں امریکا سے 42 کروڑ 70 لاکھ ڈالر جبکہ برطانیہ سے ٹریژری بلز میں 27 کروڑ 90 لاکھ ڈالر سرمایہ کاری ہوئی۔

    خیال رہے کہ ایشیائی ترقیاتی بینک اپنی ایک رپورٹ میں کہہ چکا ہے کہ پاکستان کے آئی ایم ایف پروگرام میں جانے کے باعث غیر ملکی سرمایہ کاروں کا اعتماد کافی حد تک بحال ہوا ہے، آئندہ مالی سال پاکستان میں غیر ملکی سرمایہ کاری میں اضافے کا امکان ہے۔

    رپورٹ میں کہا گیا تھا کہ پروگرام سے ملٹی، بائی لیٹرل ذرائع سے فنانسنگ کا حصول بہتر ہوگا۔ یہ اقدام پاکستان کے زرمبادلہ ذخائر میں بھی اضافے کا باعث بنے گا۔

  • غیر ملکی سرمایہ کاری میں 59 فی صد کمی ہوئی: اسٹیٹ بینک

    غیر ملکی سرمایہ کاری میں 59 فی صد کمی ہوئی: اسٹیٹ بینک

    کراچی: اسٹیٹ بینک آف پاکستان نے کہا ہے کہ ملک میں غیر ملکی سرمایہ کاری میں 59 فی صد کی کمی ہوئی ہے۔

    تفصیلات کے مطابق اسٹیٹ بینک نے اپنی تازہ رپورٹ میں کہا ہے کہ ملک میں غیر ملکی سرمایہ کاری کم ہونے لگی ہے، مالی سال کے دوران 59 فی صد کی کمی نوٹ کی گئی۔

    اسٹیٹ بینک نے کہا کہ براہ راست غیر ملکی سرمایہ کاری میں بھی 50 فی صد کمی ہوئی ہے جب کہ مالی سال کے دوران 1 ارب 73 کروڑ ڈالر کی سرمایہ کاری ہوئی۔

    رپورٹ میں کہا گیا ہے کہ مالی سال 19-2018 میں 3 ارب 47 کروڑ ڈالر کی سرمایہ کاری ہوئی تھی۔

    اسٹیٹ بینک کا یہ بھی کہنا ہے کہ اسٹاک مارکیٹ سے بھی غیر ملکی سرمائے کے انخلا کا سلسلہ جاری رہا، اسٹاک مارکیٹ میں 17 کروڑ 45 لاکھ ڈالر کی کمی ہوئی۔

    خیال رہے کہ کل اسٹیٹ بینک رواں مالی سال کی پہلی مانیٹری پالیسی کا اعلان کرنے جا رہا ہے، شرح سود میں ایک بار پھر اضافے کا امکان ہے، اس وقت شرح سود 12.25 فی صد ہے۔

    شرح سود میں اضافے کی وجہ افراطِ زر کی شرح میں اضافہ، روپے کی قدر میں کمی اور دیگر مالیاتی مسائل بتائے جا رہے ہیں، اسٹیٹ بینک کا کہنا ہے کہ شرح سود میں اضافہ مہنگائی میں کمی کا باعث بنے گا۔

    یاد رہے مئی میں اسٹیٹ بینک نے مانیٹری پالیسی کا اعلان کرتے ہوئے اگلے 2 ماہ کے لیے شرح سود میں 150 بیسس پوائنٹس کا اضافہ کیا تھا، جس کے بعد بنیادی شرح سود 12.25 فی صد ہو گئی تھی۔

    چند دن قبل گورنر اسٹیٹ بینک رضا باقر نے کہا تھا کہ حکومت کی معاشی سرگرمیوں کے نتایج ایک سال بعد دیکھنے کو ملیں گے۔

  • حکومت کو غیر ملکی سرمایہ کاری پالیسی پر نظر ثانی کرنی ہوگی: عشرت حسین

    حکومت کو غیر ملکی سرمایہ کاری پالیسی پر نظر ثانی کرنی ہوگی: عشرت حسین

    کراچی: وزیر اعظم عمران خان کے مشیر اصلاحات عشرت حسین نے کہا ہے کہ حکومت کو غیر ملکی سرمایہ کاری پالیسی پر نظر ثانی کرنی ہوگی۔

    تفصیلات کے مطابق کراچی میں ایک تقریب سے خطاب کرتے ہوئے ڈاکٹر عشرت حسین نے کہا کہ سی پیک میں زیادہ تر سرمایہ کاری توانائی کے شعبے میں ہوئی، حکومت کو غیر ملکی سرمایہ کاری پر نظرِ ثانی کرنی ہوگی۔

    مشیر اصلاحات کا کہنا تھا کہ پاکستان کی غیر ملکی سرمایہ کاری کے لیے بنائی گئی پالیسی بہت آزاد ہے، پاکستان میں جو بھی سرمایہ کاری آئی وہ مقامی کھپت کے لیے تھی۔ ڈاکٹر عشرت نے اس ضمن میں سی پیک کی مثال دی اور کہا کہ سی پیک میں بھی زیادہ تر توانائی کے شعبے میں سرمایہ کاری ہوئی۔

    یہ بھی پڑھیں:  ٹیکنالوجی میں بڑی سرمایہ کاری، مائیکرو سافٹ سے بات چیت چل رہی ہے: زلفی بخاری

    انھوں نے کہا ’غیر ملکی سرمایہ کاری کو ایکسپورٹ سیکٹر کی جانب منتقل کرنا ہوگا، موجودہ حکومت نے اصلاحات شروع کی ہیں، ایس ای سی پی کے پالیسی بورڈ میں نجی شعبے کا فرد بھی لگایا گیا ہے، ملک میں صنعت کاری کے لیے کاوشیں کی جا رہی ہیں، کاروباری آسانی کے لیے بھی کام ہو رہا ہے۔‘

    وزیر اعظم کے مشیر اصلاحات نے ٹیکس سسٹم پر تنقید کرتے ہوئے کہا کہ پاکستان کا ٹیکس نظام سرمایہ کاری کی حوصلہ شکنی کرتا ہے، ہم ٹیکس جمع کرنے کے نظام میں اصلاحات کر رہے ہیں، ٹیکس عملے کے اختیارات کو بھی کم کرنا ہوگا۔

    انھوں نے بتایا کہ وزیر اعظم عمران خان خود ایف بی آر کی اصلاحات کی نگرانی کر رہے ہیں، ڈیٹا بیس اور ٹیکنالوجی کی مدد سے ٹیکسوں کو بڑھائیں گے۔

  • وزیر اعظم سے اٹلی آئل اینڈ گیس ملٹی نیشنل کمپنی کے حکام کی ملاقات

    وزیر اعظم سے اٹلی آئل اینڈ گیس ملٹی نیشنل کمپنی کے حکام کی ملاقات

    اسلام آباد: وزیر اعظم عمران خان سے اٹلی آئل اینڈ گیس ملٹی نیشنل کمپنی کے حکام کی ملاقات ہوئی جس میں وزیر اعظم کو پاکستان میں تیل اور گیس کی دریافت میں کامیابیوں پر بریفنگ دی گئی۔

    تفصیلات کے مطابق وزیر اعظم عمران خان سے اٹلی آئل اینڈ گیس ملٹی نیشنل کمپنی کے حکام کی ملاقات ہوئی۔ ملاقات کرنے والے حکام میں کمپنی کے وسط ایشیا کے صدر لوکا وگناتی اور پاکستان میں تعینات مینیجنگ ڈائریکٹر شامل ہیں۔

    کمپنی کے حکام نے وزیر اعظم عمران خان کو پاکستان میں تیل اور گیس کی دریافت میں کامیابیوں پر بریفنگ دی۔ وزیر اعظم نے غیر ملکی کمپنی کی سرمایہ کاری پیشکش کا خیر مقدم بھی کیا۔

    وزیر اعظم کا کہنا تھا کہ تیل اور گیس کی دریافت پر سرمایہ کاری کے بے شمار مواقع ہیں، غیر ملکی کمپنیاں ہائیڈرو کاربن انرجی کی دریافت کے لیے آگے بڑھیں۔

    انہوں نے کہا کہ حکومت آسان سرمایہ کاری کے لیے مطلوبہ سہولتیں فراہم کرے گی، سرمایہ کاروں کو حکومتی سطح پر ہر قسم کی معاونت فراہم کرنے کو تیار ہیں۔

    کمپنی کے وسط ایشیا کے صدر لوکا وگناتی نے کہا کہ کمپنی پاکستان میں سنہ 2000 سے تیل اور گیس کی تلاش کا کام کر رہی ہے، کمپنی مقامی کمیونٹی کی ترقی کے لیے مختلف پراجیکٹس پر کام کر رہی ہے۔

    خیال رہے کہ پاکستان تحریک انصاف کے برسر اقتدار آنے کے بعد بے شمار غیر ملکی کمپنیوں نے پاکستان مین سرمایہ کاری کا ارادہ ظاہر کیا ہے۔

    چند روز قبل وزیر اعظم عمران خان سے غیر ملکی مشروب کمپنی کے وفد کی بھی ملاقات ہوئی تھی۔ ملاقات میں غیر ملکی کمپنی نے پاکستان میں اربوں ڈالر سرمایہ کاری کی خواہش ظاہر کی تھی۔

    اس سے قبل امریکی آئل کمپنی کی چیئرمین ایماکو کرین وفد کے ہمراہ پاکستان پہنچی تھیں۔ امریکی آئل کمپنی بھی پاکستان میں بھاری سرمایہ کاری کا ارادہ رکھتی ہے۔

  • اکتوبر میں غیر ملکی سرمایہ کاری میں نمایاں کمی

    اکتوبر میں غیر ملکی سرمایہ کاری میں نمایاں کمی

    کراچی: ملک میں آنے والی غیر ملکی سرمایہ کاری میں گرواٹ کا سلسلہ جاری ہے، اکتوبر میں بھی غیر ملکی سرمایہ کاری میں نمایاں کمی ریکارڈ کی گئی۔ 4 ماہ میں غیر ملکی سرمایہ کاری میں 46 فیصد کی کمی ہوئی ہے۔

    تفصیلات کے مطابق اسٹیٹ بینک کی جانب سے جاری اعداد و شمار کے مطابق اکتوبر میں غیر ملکی سرمایہ کاری میں 55 فیصد کی کمی ریکارڈ کی گئی۔ اکتوبر میں غیر ملکی سرمایہ کاری کا حجم 16 کروڑ 12 لاکھ ڈالر رہا۔

    اعداد و شمار کے مطابق جولائی تا اکتوبر غیر ملکی سرمایہ کاری میں 46 فیصد کی کمی ہوئی۔ رواں مالی سال کے پہلے چار ماہ میں غیر ملکی سرمایہ کاری کا حجم 60 کروڑ 7 لاکھ ڈالر رہا۔

    اسی عرصے میں اسٹاک مارکیٹ سے 26 کروڑ 90 لاکھ ڈالر کے سرمائے کا انخلا ریکارڈ کیا گیا جن میں سے لکسمبرگ اور امریکا کے سرمایہ کاروں نے اپنا سرمایہ نکالا۔

    سب سے زیادہ غیر ملکی سرمایہ کاری چین سے آئی تاہم اس کا حجم بھی گزشتہ سال سے کم تھا۔ متحدہ عرب امارات، برطانیہ اور جنوبی کوریا سے بھی نمایاں سرمایہ کاری آئی۔

  • چینی سرمایہ کاری، 4 ماہ میں غیر ملکی سرمایہ کاری میں 74 فیصد اضافہ

    چینی سرمایہ کاری، 4 ماہ میں غیر ملکی سرمایہ کاری میں 74 فیصد اضافہ

    اسلام آباد : چین کی جانب سے سرمایہ کاری کے باعث رواں مالی سال کے پہلے چار ماہ میں غیر ملکی سرمایہ کاری میں چوہتر فیصد کا اضافہ ریکارڈ کیا گیا۔

    تفصیلات کے مطابق اسٹیٹ بینک کی جانب سے جاری اعداد وشمار کے مطابق جولائی تا اکتوبر کے دوران چورانوے کروڑ ڈالر کی سرمایہ کاری کی گئی۔

    صرف اکتوبر میں غیرملکی سرمایہ کاری کا حجم اٹھائیس کروڑ اسی لاکھ ڈالر رہے جو کہ گزشتہ مالی سال کے مقابلے میں ڈیڑھ سو فیصد زائد ہے۔

    اعداد و شمار کے مطابق سب سے زیادہ سرمایہ کاری چین کی جا نب سے کی گئی، رواں مالی سال میں چینی سر مایہ کاری کا حجم تریسٹھ کروڑ بیس لاکھ ڈالر رہا۔

    مزید پڑھیں : چینی کمپنی کا پاکستان میں چار ارب روپے کی سرمایہ کاری کا فیصلہ

    ملائیشیا، نیدرلینڈ، فرانس اور سنگاپور کی جانب سے بھی قابل ذکر سرمایہ کاری کی گئی۔

    اسٹیٹ بینک کے مطابق توانائی سیکٹر میں پندرہ کروڑ چالیس لاکھ ڈالر کی سرمایہ کاری ہوئی، تعمیرات میں پانچ کروڑ تیس لاکھ جبکہ ٹریڈ سیکٹرمیں چارکروڑ تیس لاکھ ڈالر کی غیر ملکی سرمایہ کاری ہوئی۔

    مزید پڑھیں : سی پیک کے تحت سرمایہ کاری کے حجم میں مزید 7ارب ڈالر کا اضافہ

    ہر ین کے مطابق سی پیک کی تکمیل سے پاک چین اقتصادی رابطوں اور باہمی تجارت میں مزید استحکام آئے گا، جس سے قومی برآمدات کے فروغ میں مدد ملے گی اور اقتصادی راہداری منصوبے سے چین کے علاوہ خطے کے دیگر ممالک کے ساتھ بھی اقتصادی رابطوں میں اضافہ سے قومی معیشت کی ترقی میں مدد ملے گی۔

     اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی عرب: تعلیم اور صحت میں‌ سرمایہ کاری، غیر ملکیوں کو بڑی سہولت

    سعودی عرب: تعلیم اور صحت میں‌ سرمایہ کاری، غیر ملکیوں کو بڑی سہولت

    ریاض: سعودی عرب نے غیر ملکی سرمایہ کاروں کو تعلیم اور صحت کے شعبہ جات میں سو فیصد مالکانہ حقوق کے ساتھ کمپنیاں کھولنے کی اجازت دیتے ہوئے سعودی کمپنی کو شراکت دار بنانے کی شرط ختم کردی۔

    گلف نیوز کے مطابق یہ اعلان سعودی عربین جنرل انویسٹمنٹ اتھارٹی کی جانب سے کیا گیا ہے۔

    سعودی عرب میں نافذ قانون کے تحت کسی بھی شعبے میں رقم لگاتے وقت یا کاروبار کرتے وقت غیر ملکی سرمایہ کار اس بات کے پابند ہیں کہ وہ جوائنٹ وینچر کے ذریعے سرمایہ کاری کریں گے اور اس میں ایک سرمایہ کار مقامی یعنی سعودی ہوگا۔

    حالیہ اعلان کے مطابق یہ شرط صرف تعلیم اور صحت کے دو شعبہ جات سے ختم کردی گئی ہے تاہم بقیہ شعبہ جات میں عائد رہے گی۔

    سعودی عربین جنرل انویسٹمنٹ اتھارٹی کے گورنر ابراہیم العمر نے عالمی خبر رساں ادارے رائٹر کو بتایا کہ ہم سو فیصد مالکانہ حقوق پر تعلیمی ادارے کھولیں گے جس میں ہر قسم کی تعلیم شامل ہے بشمول پرائمری اسکول، یہ سعودیہ عرب میں ایک نیا قدم ہے۔

    انہوں نے بتایا کہ اسی طرح شعبہ صحت میں وزارت صحت مزید خدمات فراہم کرنے کے بجائے صرف ریگولیٹری اتھارٹی بن کر صحت کے مراکز کی نگرانی کرے گی، ہمارے اس اقدام سے اگلے پانچ برس میں 180 ارب ڈالر (660.6 ارب ریال) کے سرمایہ کاری کے مواقع پیدا ہوں گے۔

    انہوں نے یہ واضح نہیں کیا تعلیم و صحت کے شعبہ جات میں یہ چھوٹ کس تاریخ سے ملے گی تاہم امکان ہے کہ چند دنوں بعد اس ضمن میں نوٹی فکیشن جاری کردیا جائے گا۔

  • ملک میں چینی سرمایہ کاری میں دوگنا اضافہ

    ملک میں چینی سرمایہ کاری میں دوگنا اضافہ

    اسلام آباد: ایک سال کے دوران پاکستان میں چینی سرمایہ کاری کا حجم دوگنا ہوگیا۔ زیادہ تر سرمایہ کاری توانائی کے شعبے میں ہورہی ہے۔

    اسٹیٹ بینک آف پاکستان کے اعداد و شمار کے مطابق ملک میں چینی سرمایہ کاری کا حجم 131 فیصد بڑھ گیا۔ سال 2015 کے دوران چین نے پاکستان میں 25 کروڑ 70 لاکھ ڈالر کی سرمایہ کاری کی۔

    سال 2016 کے دوران یہ حجم 59 کروڑ 40 لاکھ ڈالر ہوگیا۔ توانائی کے شعبہ میں بیرونی سرمایہ کاری بھی 150 فیصد بڑھ چکی ہے۔

    اس سے قبل جاری کیے جانے والے اعداد و شمار کے مطابق رواں مالی سال کے پہلے 10 ماہ میں غیر ملکی سرمایہ کاری میں 5 فیصد اضافہ ہوا۔

    غیر ملکی سرمایہ کاری کا حجم ایک ارب ڈالر سے زائد رہا۔ جولائی تا اپریل غیر ملکی سرمایہ کاری کا حجم ایک ارب ایک کروڑ 63 لاکھ ڈالر رہا۔

    ان 10 ماہ کے دوران آنے والی غیر ملکی سرمایہ کاری میں سے نصف چین کی جانب سے ہوئی جبکہ دیگر ممالک سے آنے والی سرمایہ کاری میں نمایاں کمی ریکارڈ کی گئی ہے۔ سعودی عرب، جرمنی اور مصر نے پاکستان سے اپنا سرمایہ نکال لیا۔