راولپنڈی : ایئرپورٹ سیکیورٹی فورس نے پندرہ کلو سونا اور غیر ملکی کرنسی اسمگلنگ کی کوشش ناکام بناتے ہوئے دوملزمان کو گرفتار کرلیا ہے۔
بیرون ملک سونااورکرنسی اسمگلنگ کی کوششیں ناکام بنادی گئی، لاہور اور اسلام آباد ایئر پورٹ سے پندرہ کلو سونا اور تین کروڑ پچاس لاکھ سے زائد رقم پکڑی گئی۔
کسٹمز اہلکاروں نےعلامہ اقبال انٹرنیشنل ایئر پورٹ لاہور سے مسافر عبدالباسط کے بیگ کے خفیہ خانوں میں چھپایا گیا پندرہ کلو سونا اور تین کروڑ روپے برآمد کئے، ملزم کو اینٹی منی لانڈرنگ یونٹ کےحوالے کردیاگیا۔
اے ایس ایف اسلام آباد نے دوحہ جانیوالے مسافر سے پچاس ہزار ڈالر اور برطانوی پاؤنڈز برآمد کرلئے، قانون نافذ کرنے والے ادارے کے اہلکاروں نے مسافر کو حراست میں لے کر پوچھ گچھ شروع کردی ہے۔
