ARYNews.tv | Urdu – Har Lamha Bakhabar

Tag: غیر ملکی کھلاڑی

  • پی ایس ایل 10: بقیہ میچز کھیلنے کیلیے غیر ملکی کھلاڑی پاکستان آنے کو تیار

    پی ایس ایل 10: بقیہ میچز کھیلنے کیلیے غیر ملکی کھلاڑی پاکستان آنے کو تیار

    بھارت کی جنگی جارحیت کے باعث ملتوی کی گئی پی ایس ایل 10 کا باقی ٹورنامنٹ 17 مئی سے شروع ہوگا غیر ملکی کھلاڑیوں پاکستان آنے کو تیار ہیں۔

    پہلگام فالس فلیگ آپریشن کی آڑ میں بھارت کے جنگی جنون اور پاکستان پر حملوں کے بعد پاکستان سپر لیگ کو ملتوی کر دیا گیا تھا۔

    تاہم پاک فوج کے آپریشن بنیان مرصوص کی کامیابی اور دونوں ممالک میں جنگ بندی کے بعد اب پی ایس ایل 17 مئی سے دوبارہ ری شیڈول کر دی گئی ہے۔

    پی ایس ایل 10 جہاں رکی تھی۔ 17 مئی کو اس کا آغاز وہیں سے ہوگا لیگ کا فائنل لاہور میں کھیلا جائے گا۔

    رپورٹ کے مطابق پاکستان سپر لیگ کے بقیہ میچز کے لیے فرنچائز کے غیر ملکی کھلاڑی پاکستان واپس آنے کے لیے تیار ہیں اور انگلینڈ کے ایلکس ہیلز نے پی ایس ایل کے بقیہ میچز کھیلنے کی حامی بھر لی ہے۔

    ایلکس ہیلز کا کہنا ہے کہ پاکستان میں کھیلنا ہمیشہ فخر کا باعث ہوتا ہے۔

    ایلکس ہیلز پی ایس ایل 10 میں دفاعی چیمپئن اسلام آباد یونائیٹڈ کی نمائندگی کر رہے ہیں اور اس کو اگلے مرحلے میں پہنچنے کے لیے صرف ایک فتح کی ضرورت ہے۔

    https://urdu.arynews.tv/psl-10-schedule-of-the-remaining-matches-annouced/

  • کراچی کنگز کے تمام غیر ملکی کھلاڑی پاکستان میں کھیلنے کے لئے پرجوش

    کراچی کنگز کے تمام غیر ملکی کھلاڑی پاکستان میں کھیلنے کے لئے پرجوش

    کراچی: کراچی کنگز کے مالک سلمان اقبال نے کہا ہے کہ پاکستان سپرلیگ کے آٹھ میچز کراچی میں ہونا خوش آئند ہے، ہوم کراوڈ کے سامنے ٹیم کھیلے گی تو جوش عروج پرہوگا۔

    تفصیلات کے مطابق کراچی کنگز سمیت دیگر پی ایس ایل فرنچائزز سے کھیلنے والے کے تمام غیر ملکی کھلاڑی پاکستان میں کھیلنے کے لیے بے تاب ہیں اور انہوں نے کہا ہے کہ ہم اپنی ٹیم کے ساتھ پاکستان آرہے ہیں۔

    کراچی روانگی سے قبل اے آر وائی کے نمائندے سے گفتگو کرتے ہوئے  کہا کہ سوشل میڈیا پر ہم نے شائقین کا جوش دیکھا اس لیے اب ہم بھی پرجوش ہیں۔

    لیونگ اسٹون اور ایرن سمرز کہتے ہیں پاکستانی شائقین کرکٹ کے دیوانے ہیں انکے سامنے کھیلنا اچھا تجربہ ہوگا۔

    مزید پڑھیں: پی ایس ایل 4 میچز، کراچی کا متبادل ٹریفک پلان جاری

    کراچی کنگز کے اسکواڈ میں شامل غیرملکی کھلاڑیوں میں روی بوپارہ، بین ڈنک، کولن انگرام، لیام لیونگ اسٹون، کولن منرو، سکندر رضا اور ایرون سمرز شامل ہیں جو نیشنل اسٹیڈیم میں ہونے والے میچز میں اپنا کھیل پیش کریں گے۔

    سماجی رابطے کی ویب سائٹ پر غیر ملکی کھلاڑیوں نے شائقین کرکٹ کے لیے خصوصی پیغامات بھی ارسال کیے۔

    روی بوپارا نے بتایا کہ میں چار سال پاکستان آرہا ہوں اور کراچی کنگز کے ہوم گراؤنڈ پر شائقین کے سامنے ہوں گا۔

    کولن انگرام نے سماجی رابطے کی ویب سائٹ پر ابوظہبی سے کراچی روانگی کی تصویر شیئر کی۔

    یہ بھی پڑھیں: پی ایس ایل فائنل راؤنڈ کے لیے ٹیموں کی کراچی آمد کا سلسلہ شروع

    یاد رہے کہ کراچی کنگز پلے آف مرحلے کا پہلا میچ 10 مارچ کو کوئٹہ گلیڈی ایٹرز کے خلاف نیشنل اسٹیڈیم میں کھیلے گی، شائقین کرکٹ اپنی ٹیم کو ہوم گراؤنڈ پر دیکھنے کے لیے بے تاب ہیں۔

  • کراچی کنگز کے غیر ملکی کھلاڑی پاکستان آنے کے لیے پرجوش

    کراچی کنگز کے غیر ملکی کھلاڑی پاکستان آنے کے لیے پرجوش

    دبئی: پاکستان سپر لیگ کے پاکستان میں ہونے والے میچز کے لیے کراچی کنگز کے 7 میں سے 6 کھلاڑی پاکستان آنے کے لیے تیار ہیں۔ انگلینڈ کے کپتان آئن مورگن دیگر مصروفیات کی وجہ سے واپس لوٹ جائیں گے۔

    تفصیلات کے مطابق کراچی کنگز کی ٹیم میں شامل غیر ملکی کھلاڑی جو ڈینلی، ٹائمل ملز، کولن انگرام، روی بوپارہ، لینڈے سمنز اور ڈیوڈ ویسی پاکستان آنے کے لیے مکمل طور پر تیار اور بے حد پرجوش ہیں۔

    ٹیم کو چند روز قبل جوائن کرنے والے انگلش ٹیم کے کپتان آئن مورگن دیگر مصروفیات کی وجہ سے پی ایس ایل کے بقیہ میچز نہیں کھیلیں گے اور دبئی سے ہی واپس لوٹ جائیں گے۔

    مورگن کا کہنا ہے کہ گزشتہ سال دسمبر سے ان کی مصروفیات جاری ہیں اور اب وہ گھر جانا چاہتے ہیں۔

    کراچی کنگز کے علاوہ دیگر ٹیموں کے غیر ملکی کھلاڑی بھی پاکستان آرہے ہیں جو پی ایس ایل کے بقیہ میچز میں شرکت کریں گے۔

    یاد رہے کہ پاکستان سپر لیگ اپنے اختتامی مراحل میں پہنچ چکا ہے۔ پلے آف مرحلے کے 2 میچز 20 اور 21 مارچ کو لاہور میں جبکہ فائنل میچ کراچی میں 25 مارچ کو کھیلا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بہترین مہمان نوازی پرشکر گزار، غیر ملکی کھلاڑی وطن واپس روانہ

    بہترین مہمان نوازی پرشکر گزار، غیر ملکی کھلاڑی وطن واپس روانہ

    لاہور: پاکستان سپر لیگ سیزن 2 کے فائنل کے لاہور میں کامیاب انعقاد کے بعد غیر ملکی کھلاڑیوں نے وطن واپس لوٹنا شروع کردیا۔ جانے سے قبل کھلاڑیوں نے پاکستانیوں کی مہمان نوازی اور ان کی جانب سے پذیرائی کا بے حد شکریہ ادا کیا۔

    گزشتہ روز صوبہ پنجاب کے دارالحکومت لاہور میں پی ایس ایل کی رنگا رنگ اختتامی تقریب اور شاندار فائنل میچ کے بعد غیر ملکی کرکٹرز نے وطن واپسی کا سلسلہ شروع کردیا۔

    پاکستان سپر لیگ سیزن 2 کی فاتح ٹیم پشاور زلمی کے کپتان ڈیرن سیمی، ڈیوڈ ملن، ایلٹن چگمبرا، اور اسلام آباد یونائیٹڈ کے کوچ ڈین جونز گشتہ رات ہی 3 بجے کی پرواز سے واپس لوٹ گئے۔

    ان کھلاڑیوں کے جہاز میں بیٹھنے تک انہیں سخت سیکیورٹی فراہم کی گئی اور علامہ اقبال انٹرنیشل ایئرپورٹ درجنوں سیکیورٹی اہلکاروں کے نرغے میں رہا۔

    جانے سے قبل ڈیرن سیمی نے اپنے سماجی رابطوں کی ویب سائٹ ٹوئٹر پر ٹوئٹ کیا، ’اس قدر پرجوش عوام کے سامنے کھیلنا بہت خاص تھا۔ گو کہ پشاور زلمی چیمپئن بن گئی مگر فتح کرکٹ کی ہوئی‘۔

    پشاور زلمی میں شامل کھلاڑی ڈیوڈ ملن کا کہنا تھا، ’پشاور زلمی کا حصہ بننا میرے لیے بہت خوشی کی بات تھی۔ دبئی سے لے کر لاہور تک یہ تجربہ نہایت شاندار تھا‘۔

    انہوں نے بہترین سیکیورٹی انتظامات پر پاکستان سپر لیگ کی انتظامیہ کا شکریہ بھی ادا کیا۔

    اسلام آباد یونائیٹڈ کے کوچ ڈین جونز نے بہترین مہمان نوازی پر پاکستانیوں کا شکریہ ادا کیا۔

    انگلینڈ کے آل راؤنڈر کرس جورڈن نے اسٹیڈیم کے ماحول کو ناقابل یقین قرار دیا۔

    پاکستان سپر لیگ کا شاندار فائنل اور پاکستان میں غیر ملکی کھلاڑیوں کی بہترین مہمان نوازی اور خیر مقدم نے یقیناً ان کھلاڑیوں کو کف افسوس ملنے پر مجبور کردیا ہوگا جنہوں نے فائنل کے لیے لاہور آنے سے انکار کردیا تھا۔